المساعد الشخصي الرقمي

مشاهدة النسخة كاملة : إنقطاع التيار الكهربائي المستمر وكيفية تفاديه مع Cyberpower CP1500AVRLCD UPS



East25
13-12-2011, 09:15 PM
السلام عليكم ورحمة الله وبركاته
كثير من الناس وانا واحد منهم نعاني من انقطاع التيار الكهربائي وبشكل مستمر خلال فترة الصيف انا بالنسبه لي حصل هالموقف من خلال انقطاع التيار ورجوعه وانقطاعه ثانيه في اقل من دقيقه مما الحق بضرر على السيرفر ٨ تيرابايت وخسرت كل المعلومات الخاصه :( واللي الحمدلله كنت مسوي لهم باك اب للاشياء المهمه :17: والا الباقي من افلام وموسيقى ماتعتبر خساره
فقررت اني ابحث لي عن منتج يساعدني في حال انه فصل التيار بحماية اجهزتي الكهربائيه وكنت حاط في بالي اشوف لي منظم محترم يؤدي المهمة لين لفت انتباهي احد الزملاء اثناء اللدوام الى هالمنتج اللي راح اتكلم عنه

اسم المنتج:

Cyberpower UPSطبعا هالمنتج باختصار يعتبر مثل المنظم مع خاصيه انه يعطيك خيار التشغيل كمولد احتياطي في حال انقطاع التيار الكهربائي ويجي باكثر من حجم من ناحية القوه اللي تحتاجها بالاضافه الى ان هناك اكثر من شركة مصنعه وراح ابدأ بتجربتي مع احد هالشركات واللي الحمدلله كانت نتيجه مرضيه

Cyberpower CP1500AVRLCD UPS - LCD Display 1500VA/900W AVR 8-Outlet RJ11/RJ45/Coax Tower USB

http://i1107.photobucket.com/albums/h385/tal-asiry/417CDsnjWL.jpg


طبعا مثل منتم شايفين شكله انسيابي وحجمه اشوفه جدا ممتاز بالنسبه الى اداءه العملي
وهذي صوره من الخلف وفيها الاربع افياش على (http://Cyberpower%20CP1500AVRLCD%20UPS%20-%20LCD%20Display%201500VA/900W%20AVR%208-Outlet%20RJ11/RJ45/Coax%20Tower%20USB)اليسار (http://cyberpower%20cp1500avrlcd%20ups%20-%20lcd%20display%201500va/900W%20AVR%208-Outlet%20RJ11/RJ45/Coax%20Tower%20USB) تكون للاجهزه اللي حاب تكون محميه عن طريق المولد الاحتياطي وعندك الاربعه اللي على (http://Cyberpower%20CP1500AVRLCD%20UPS%20-%20LCD%20Display%201500VA/900W%20AVR%208-Outlet%20RJ11/RJ45/Coax%20Tower%20USB)اليمين (http://cyberpower%20cp1500avrlcd%20ups%20-%20lcd%20display%201500va/900W%20AVR%208-Outlet%20RJ11/RJ45/Coax%20Tower%20USB) لحفظ الاجهزه عند انقطاع او ارتفاع التيار الكهربائي

http://i1107.photobucket.com/albums/h385/tal-asiry/41CdCSGAs4L.jpg (http://Cyberpower%20CP1500AVRLCD%20UPS%20-%20LCD%20Display%201500VA/900W%20AVR%208-Outlet%20RJ11/RJ45/Coax%20Tower%20USB)

مميزات الجهاز:

المحافظه على استقرار التيار الكهربائي، ايضا كمولد كهربائي لمدة ٨ ساعات متواصله (كانت للاجهزه التاليه: كمبيوتر+ سيرفر+ شاشه)
ومن ميزته ايضا سرعة الشحن للبطاريه الاحتياطيه حيث تم شحنها بالكامل خلال ساعه واحده، ايضا لاانسى اذكر الشاشه وملمس الجهاز كما ايضا يعتبر صديق للبيئه

http://i1107.photobucket.com/albums/h385/tal-asiry/512QNUiqzRL.jpg
وايضا سهولة السفتوير اللي يجي مع الجهاز بحيث انك تستطيع من خلاله معرفة كامل المعلومات وحالة الجهاز

http://i1107.photobucket.com/albums/h385/tal-asiry/61zWPB2ZoL.jpg

عيوب الجهاز :

اهي بصراحة ماتعتبر عيوب قد ماهي نقاط راح بس اكتفي بذكرها للاستفاده
اولا عند فصل التيار عن الجهاز يبدا بالتحويل الى البطاريه الاحتياطيه ويبدا يعطيك نغمه تنبيه كل خمس ثواني اشوفها شوي مزعجه اضف الى ذلك ثقل المنتج اللي يصل الى ١٢ كيلو:bigeyes:
وقوه سطوع شاشة العرض.

كيفيه الشراء :

طبعا تم الشراء عن طريق موقع الامازون مــــن هـــنـــــــا (http://www.amazon.com/Cyberpower-CP1500AVRLCD-UPS-Display-8-Outlet/dp/tech-data/B000FBK3QK/ref=de_a_smtd) بقيمة ٥٦٠ ريال تقريبا
وتم شحنها عن طريق الارامكس.

كان خاطري اصور لكم من البيت بعد التركيب بس لضروف اني خارج البلد قلت اضيف بعض الصور للعامه وان شاءالله اضيف صوري تالي

http://i1107.photobucket.com/albums/h385/tal-asiry/61a3FwuKYGL.jpg

http://i1107.photobucket.com/albums/h385/tal-asiry/41b0gSgrVoL.jpg

دمتم بود وتقبلو تحياتي

F H D
13-12-2011, 09:41 PM
تجربة رائعة .. لمنتج روووعة .. و من شخص أكثر من رائع .. يعني موضوع روائع في روائع :)
يعطيك الف عافية يا ابو وليد على مشاركتنا تجربتك المفيدة :11:

نادر البلوي
13-12-2011, 09:53 PM
ماشاء الله
الله يعطيك العافية يابووليد .. سبحان الله عندنا شركة الكهرباء بتبوك عكس التيار والانقطاعات بدأت مع انطلاقة المربعانية:s11:
والله طفت الكهرباء تقريبا ثلاث مرات , ابتداءً من الظهر (ابو نص ساعة ) والعصر لاحظت لثلاثة ايام متفاوته انقطاع ثم تشغيل ثم انقطاع في جزء من الثانية والله يستر على اجهزتنا

الخوف اكثر شيء على المكيفات ,, اعتقد لها نصيب كبير من التلف في حال استمرار ممازحة شركات الكهرباء < هي شركة وحدة هههه

F H D
13-12-2011, 10:03 PM
^^^^
دمهم ثقيل هالشركة :d .. الله يعينكم
عندنا بالصيف مشكلة كثرة الإنقطاعات + الكهرباء شغاله ولا كأنها شغالة يعني لو يقطعونها أحسن :(
لكن فواتير الإستهلاك ما تنقطع أبداً و تجيك قوووية أيضاً .. حسبنا الله فيهم

mz_milan
13-12-2011, 10:15 PM
الله يعطيك العافيه يابو وليد على هالموضوع المميز والمهم للكل وانا اولهم :)

تخيل الى الان ماشريت منظم

مطنش ومو مهتم شكلي ابي الاجهزه يصير فيها شي لا سمح الله

بس مشكلتي مابي منظم كبير الحجم ابي شي صغيرون وممتاز ومو بشاشه مضيئه مزعجه ومايقعد كل شيو يصفرلي :)

راح ادور على منظم اصغر من ذا واذا مالقيت شي ممتاز شكلي راح اشتريه

الله يوفقنا واياك يارب

تحياتي

مزيد الدوسري
13-12-2011, 11:08 PM
ماشاء الله ، تجربة رائعة والجهاز الصرااحه منظم رائع للكهرباء

والله يعطيك العافيه على الموضوع الجميل

The Adviser
14-12-2011, 05:38 AM
ماشاء الله منظم جدا رائع ويعطيك العافية على التقرير

حقيقة حجمه ووزنه وكل الي قلته ماشوف انه عيب ابدا الوزن بكل صراحة انت بتحطه في مكان واحد وبتنساه مو كل يوم بتغير مكانه


Sent from my iPhone using Tapatalk

BAROOON
14-12-2011, 07:18 AM
اييست ضبط خووويك وكلم اوستن يجيبلي مثلة هدية ما اقول لا

Marauder28
14-12-2011, 08:42 AM
يعطيك العافيه على التقرير والتجربه اللي اكيد الجميع بيكتسب من خلالها المعرفه

حقيقه قبل سنه تقريباً ضفت لقائمة المشتريات في امزون هذا الجهاز (APC Smart-UPS SMT3000 2700W/3000VA 120V LCD UPS System (http://www.amazon.com/APC-Smart-UPS-SMT3000-3000VA-System/dp/B0036RFIA6/ref=sr_1_38?s=electronics&ie=UTF8&qid=1323844363&sr=1-38)).

طبعاً العيب الكبير فيه وزنه اللي بجد ما تقدر تستوعبه ، الجهاز شفته وانا ابحث عن نظام يحافظ على الاجهزة في حالة إنقطاع الكهرباء ويعطيني القدره على استخدام الاجهزة الموصوله فيه ، طبعاً بعد شوية تفكير شلته من بالي لعدة اسباب اولها الكهرباء عندنا ما اذكر متى اخر مره انقطعت ربما من 3 سنوات او اكثر ايضاً كان في بدائل اوفر مادياً إضافة الى ان الاجهزة اغلبها عندي 220 فولت


http://ecx.images-amazon.com/images/I/41C7eQTVtKL._SL500_AA300_.jpg



عموماً شكراً لك من جديد ومبروك عليك وبالتوفيق

Al-Janooobe
14-12-2011, 08:57 AM
مبروووك الجهاز وهل ممكن اني الاقي مثله هنا والا لازم عن طريق النت؟؟

gatsu
14-12-2011, 10:16 AM
الي يدور حماية للأجهزة ما شوف انه له داعي يكلف على نفسه ويشتري منظم مع بطارية الا في حالة انه عنده سيرفر او انه عنده شغل مهم وصعبة انه ينتظر الكهرباء ترجع.
الجهاز اذا كان عليه الحمل بالكامل يستمر يشتغل على البطارية لمدة 3 ساعات. ويستمر الى 11 ساعة اذا كان النصف.
ترى تقدر تطفئ الصوت عن طريق السوفتوير حقهم بس لمن تقرب تطفي البطارية على اخر نصف ربع ساعة راح يستمر الصوت.


^^^^
دمهم ثقيل هالشركة :d .. الله يعينكم
عندنا بالصيف مشكلة كثرة الإنقطاعات + الكهرباء شغاله ولا كأنها شغالة يعني لو يقطعونها أحسن :(
لكن فواتير الإستهلاك ما تنقطع أبداً و تجيك قوووية أيضاً .. حسبنا الله فيهم

متاكد فهد لو يقطعونها يكون احسن رقم حساب العداد وانا احقق لك الأمنية هذي :58: .
شوف اذا تحس ان الفواتير تجيك كبيرة حتى لو انت استهلاكك قليل تقدر تكلمهم يشيكون على العداد تحصل احيانا.
واحيانا يكون في تسريب في العداد خلني اقولك هذا الموقف علشان توضح اكثر:
كان في امراة عجوز جات تشتكي تقول انا مسافرة وغير متواجدة ومع ذلك تجيني فاتورة جاو وشيكوا على العداد مافي اي مشكلة ومع كثرة الألحاح جاوا معها طفوا عداد الشقة انطفت معاها الممرات في نفس
العمارة الي اتضح انه مسلكين الممرات على عدادها طبعا بذلك راح يستمر تجيها الفواتير هذا الخطا من تسليك العمارة وقيس على ذلك. الحادثة هذي في جدة.

خلني اقول هذي النقطة والله على ما اقول شهيد ولو اني طلعت برة الموضوع :
شركة الكهرباء تبيع التعرفة بالنسبة للأسكان نقول عليه عداد سكاني بخسارة الربح فعليا في ادخال التيار وكذلك في العداد التجاري وكذلك المصانع حيث ان السكاني لا يمثل الا ما يقارب 18% من استهلاك الكهرباء.

بس لمن تجي واحد عنده 7 اطفال وكل واحد تحت مكيف وتاركين الأجهزة شغالة ايش تتوقع الفاتورة .العيب ليس في الشركة العيب في الوعي عند الناس.
بالنسبة للأنقطاعات احيان تكون كوارث طبيعية اذكر احدث الحوادث ان شخص بالسيارة ارتطم في احد ابراج خط رئيسي للكهرباء على خط الرياض ايش بيصير طبعا انقطاع.
خذلك هذي الحادثة احد الشراكات التجارية معهم رافعة والسواق الحبيب في الصحراء وكان مار تحت برج رئيسي ونسى لا ينزل الرافعة وظرب في الخط ايش بيصير انقطاع وهو مابقى منه شي.
حادثة اخرى علشان ما اطول في ابها صار فيضان ويطيح لك ما يقارب 150 عمود طبعا راح تنقطع الكهرباء.

انا ما ادافع عن الشركة لكن استغرب ناس تدفع فواتير للهاتف على هذرة وكلام بينما تزعل لو تدفع على الكهرباء ولو سالت ايهم اهم لديك الهاتف ولا الكهرباء؟راح يقول الكهرباء ماعدا فهد يقول ماعنده مشكلة خلهم يقطعونها.
وللمصداقية هناك ضعف في التوليد خاصة في الشمال في مقابل الأستهلاك هذا تلام عليه الشركة ولو انه في مشاريع للتعزيز على حسب ما سمعت.
اكبر المشاكل ان الطلب للكهرباء صاير اكبر من التوليد وعلشان تزيد من التوليد لازم مشاريع بناء محطات وهذا ياخذ وقت.

الشاهد احينا في امورنا اليومية تصير اشياء الواحد يتضايق منها ولكن لا عرف المسبيبات الحقيقة فا يبدا باللوم .
ولا تقدر تلوم الناس لو زعلت الي عنده اطفال او مرضى ولا يكون يوم حار وتجي تنقطع الكهرباء انا راح اتنرفز لكن مالك الا تصبر او تروح مجمع لين ترجع ابرد.

تحياتي واسف على الأطالة......فهد ادري باند لي.

BAROOON
14-12-2011, 10:40 AM
الي يدور حماية للأجهزة ما شوف انه له داعي يكلف على نفسه ويشتري منظم مع بطارية الا في حالة انه عنده سيرفر او انه عنده شغل مهم وصعبة انه
تحياتي واسف على الأطالة......
طيب يا gatsu مثل ايش المنظم بدون بطارية الي تقصده ؟
طبعا انا ما افهم فيهم بس اهم شغلة ابيه يسويها ,
1- يثبت الكهرب بشكل معقول , 2- لو فصل الكهرب ابيه يفصل لغاية ما ارجع اشغله .
بعدين العالم كلهم تشتكي من كل شي وواخرتها مالهم بديل
شركة الكهرب بايخه = طيب اتركهم
الهاتف ضاحكين علينا = طيب لاتكلم ولا تنتنت وتشغلنا
الطيران خدمتهم سيئة = طيب عندك سيارة دق سلف ودز ولا ريح مخك واقعد في بيتكم .

زي ماقلت انت اغلب المشاكل تكون من المستخدم غالبا مثل :
واحد من الشباب يشتكي من النت كل ساعه يفصل عليه وويسب فيهم ويقول كل شي عندي تمام
المشكلة منهم , راح وركب سلك خارجي وضبط النت عنده , البنق نزل الى 30 والتشويش صار افضل
ولا قطع عليه اكثر من اسبوع وهو شغال تمام .

بالنسبة لي مستحيل اقعد بدون كهرب ولو يفصل ساعه معاناه فروق لا تفصله علي ههههههه
وترا الكلام الي قاله فهد أغلب الناس تقول زية فعادي ماقال شي جديد , يمقن باند يمقن لا

gatsu
14-12-2011, 11:13 AM
^^^^^^
هلا بوفيصل اذا تبي هذي نوعية ممتازة وسعره في المتناول.
http://www.amazon.com/APC-LE1200-Automatic-Voltage-Regulator/dp/B00009RA60/ref=sr_1_1?s=electronics&ie=UTF8&qid=1323852804&sr=1-1

طبعا هذا 110 وفي 220 هذا موديله APC LE1200I .

صحيح ما في بدائل بس الواحد لازم يكون اجابي ولا ما تقدر تتعايش في البلد.
بالعكس انا اتفهم الناس و الكهرباء موضوع حساس وانا حاقد على الشركة اصلا بس ماودي افتل كان ما اسكت. بس حبيت اسوتضح بعض الأمور وزي ما ذكرت احينا يكون الخطا منا.
لا تخاف مافي فصل بس ادفع الفواتير. ذكرتني بسالفة واحد من الشباب كل ما طفى الكهرب عنده قام دق رجع الكهرب وكاني مركب فيش بيتهم عندي اشغله واطفيه على كيفي.
زي ما قلت يمقن ويمقن تمشي.... صحيح ايش سالفت يمقن كله الناس طايحين فيها

TrUTh81
14-12-2011, 11:21 AM
الله يعطيك العافيه على الموضوع

جهاز ممتاز بصراحه

عجبني الحجم يعتبر صغير بالنسبة لقدرات الجهاز

بس اشوف الشاشة بالنسبة لي شي مزعج افضلها بدون

طبعاً هنا ماشفت عندنا غير شركة APC وماعتقد ان يشتغل 8 ساعات بدون كهربا

لكن اللي عندك ماشاء الله ممتازة مواصفاته...الله يبارك لك فيه

BAROOON
14-12-2011, 11:28 AM
^^^^^^
هلا بوفيصل اذا تبي هذي نوعية ممتازة وسعره في المتناول.
http://www.amazon.com/APC-LE1200-Automatic-Voltage-Regulator/dp/B00009RA60/ref=sr_1_1?s=electronics&ie=UTF8&qid=1323852804&sr=1-1
طبعا هذا 110 وفي 220 هذا موديله APC LE1200I .
صحيح ايش سالفت يمقن كله الناس طايحين فيها
هلابك اكثرر
اغلب الافياش الي عندي 220
شفت الي عطيتني سعره جيد في ال50 دولار بس مدري كم وزنة بشيك بعدين ,
لكن هذا يكفي حق كم جهاز بضبط ؟ يعني اقدر اشبك عليه الـavr والسوبوفر ولا كيف ؟
وكمان شفت هذا مع البحث على الاول
http://ecx.images-amazon.com/images/I/41D0k3IlFeL._SL500_SS100_.jpg (http://www.amazon.com/gp/product/B0019804U8/ref=ox_sc_act_image_2?ie=UTF8&m=ATVPDKIKX0DER) APC BE550G Back-UPS ES 8 Outlet 550VA 120V (http://www.amazon.com/gp/product/B0019804U8/ref=ox_sc_act_title_2?ie=UTF8&m=ATVPDKIKX0DER) -

فية 8 اوتليت مدري وشرايك ؟
------------
يمقن ايه ويمقن لا ,,, اكتبها في اليوتيوب وبتعرف

East25
14-12-2011, 11:37 AM
تجربة رائعة .. لمنتج روووعة .. و من شخص أكثر من رائع .. يعني موضوع روائع في روائع :)
يعطيك الف عافية يا ابو وليد على مشاركتنا تجربتك المفيدة :11:

حياك الله اخوي فهد وشاكر لك فزعتك ياللذيب

حافظ الود
14-12-2011, 11:37 AM
يعطيك العافية على الموضوع يا غالي

وهذا الجهاز اهميته تعتمد على ما يوجد لديك في البيت .... بالدرجة الأولى ....

وهو خيار مميز لمن اراد الحفاظ على اجهزته واطفاءها بطريقة سليمة

تقبل تحياتي ....

East25
14-12-2011, 11:41 AM
ماشاء الله
الله يعطيك العافية يابووليد .. سبحان الله عندنا شركة الكهرباء بتبوك عكس التيار والانقطاعات بدأت مع انطلاقة المربعانية:s11:
والله طفت الكهرباء تقريبا ثلاث مرات , ابتداءً من الظهر (ابو نص ساعة ) والعصر لاحظت لثلاثة ايام متفاوته انقطاع ثم تشغيل ثم انقطاع في جزء من الثانية والله يستر على اجهزتنا

الخوف اكثر شيء على المكيفات ,, اعتقد لها نصيب كبير من التلف في حال استمرار ممازحة شركات الكهرباء < هي شركة وحدة هههه

هلا بك اخوي نادر والله يعينك على هالمشكله مالك الا الصبر وانا اخوك
شرفني حضورك

gatsu
14-12-2011, 11:43 AM
هلابك اكثرر
اغلب الافياش الي عندي 220
شفت الي عطيتني سعره جيد في ال50 دولار بس مدري كم وزنة بشيك بعدين ,
لكن هذا يكفي حق كم جهاز بضبط ؟ يعني اقدر اشبك عليه الـavr والسوبوفر ولا كيف ؟
وكمان شفت هذا مع البحث على الاول
http://ecx.images-amazon.com/images/I/41D0k3IlFeL._SL500_SS100_.jpg (http://www.amazon.com/gp/product/B0019804U8/ref=ox_sc_act_image_2?ie=UTF8&m=ATVPDKIKX0DER) APC BE550G Back-UPS ES 8 Outlet 550VA 120V (http://www.amazon.com/gp/product/B0019804U8/ref=ox_sc_act_title_2?ie=UTF8&m=ATVPDKIKX0DER) -

فية 8 اوتليت مدري وشرايك ؟
------------
يمقن ايه ويمقن لا ,,, اكتبها في اليوتيوب وبتعرف
هذا ال 220 وما عليك من التقييم معضمهم ماخذين هذا الموديل ما يدرون انه 220 فا توهقوا.
http://www.amazon.com/APC-LE1200I-1200VA-Voltage-Regulator/dp/B0000C88CR/ref=sr_1_2?s=electronics&ie=UTF8&qid=1323855197&sr=1-2
يتحمل 1200 وات.
انا افضل تاخذ النوع الي ذكرت لك لأنه يقدم حماية ويثبت الكهرباء وفي وكيل في الخبر وسعره بي 250 ريال بس ياخذون 3 شهور على ما يجيبونه.
تقدر تشبك عليه تحويلة اذا تبي اكثر من فيش.
انا شريت مثله وعلى انه واحد من الشباب بيجيبه معاه من امريكا في الأخير نساه وما جابه .
اليوتيوب ما يشتغل في العمل بس ارجع باشيك سالفة يمقن.

East25
14-12-2011, 11:58 AM
الله يعطيك العافيه يابو وليد على هالموضوع المميز والمهم للكل وانا اولهم :)

تخيل الى الان ماشريت منظم

مطنش ومو مهتم شكلي ابي الاجهزه يصير فيها شي لا سمح الله

بس مشكلتي مابي منظم كبير الحجم ابي شي صغيرون وممتاز ومو بشاشه مضيئه مزعجه ومايقعد كل شيو يصفرلي :)

راح ادور على منظم اصغر من ذا واذا مالقيت شي ممتاز شكلي راح اشتريه

الله يوفقنا واياك يارب

تحياتي

حياك الله اخوي محمد وبعد البحث تأكدت مثل ماقال اخوي ابوعبدالعزيز الله يعطيه العافيه انك تقدر تتحكم بخاصيه الصوت وقوة سطوع الشاشه من خلال السفتوير حق الجهاز

East25
14-12-2011, 12:01 PM
ماشاء الله ، تجربة رائعة والجهاز الصرااحه منظم رائع للكهرباء

والله يعطيك العافيه على الموضوع الجميل

حياك الله اخوي مزيد وشاكر لك مرورك

aalrodan
14-12-2011, 12:04 PM
الله يبارك فيك ابو الوليد .. و الله يعين المناطق اللي يفصل عنها الكهرباء و خاصة بالصيف .. و اعذرنا لو اتجهنا بالموضوع لمنحى آخر
و لله الحمد في الجبيل الصناعية نادرا جدا ما يفصل الكهرباء .. دائما الأولوية للمنطقة السكنية على المنطقة الصناعية ..

ابو عبدالعزيز .. أتفق معاك في تكلفة الكهرابء .. فعندنا مشروع و لازم توسعة من شركة الكهرباء .. لكن شركة الكهرباء الزمونا بدفع قيمة الsub station اذا اردنا الكهرباء .. و التكلفة فوق ال 50 مليون ..
شيء آخر : جهودك واضحة في هالمجال ابو عبدالعزيز .. فلو تعمل موضوع اسئلة و أجوبة عن موضوع الكهرباء .. و نكون لك من الشاكرين .. لأن هالموضوع من أهم المواضيع و خاصة للي عنده مساؤح قيمهتا فوق ال 20 الف ..
ايضا .. عندي البيت 110 و كلمت فني من صيانة الشركة .. فبيحول لي المجلس الى 220 .. كيف اعرف ان شغله صحيح و اتأكد من سلامة الأسلاك و العملية بشكل عام

East25
14-12-2011, 12:07 PM
ماشاء الله منظم جدا رائع ويعطيك العافية على التقرير

حقيقة حجمه ووزنه وكل الي قلته ماشوف انه عيب ابدا الوزن بكل صراحة انت بتحطه في مكان واحد وبتنساه مو كل يوم بتغير مكانه


Sent from my iPhone using Tapatalk


وانت صادق يابوعبدالله بس انا كان قصدي قيمة الشحن بحكم وزنه والا مثل ماتفضلت بتركنه بمكان وبتنساه
شاكر لك مرورك يالغالي

East25
14-12-2011, 12:10 PM
الله يبارك فيك ابو الوليد .. و الله يعين المناطق اللي يفصل عنها الكهرباء و خاصة بالصيف .. و اعذرنا لو اتجهنا بالموضوع لمنحى آخر
و لله الحمد في الجبيل الصناعية نادرا جدا ما يفصل الكهرباء .. دائما الأولوية للمنطقة السكنية على المنطقة الصناعية ..

ابو عبدالعزيز .. أتفق معاك في تكلفة الكهرابء .. فعندنا مشروع و لازم توسعة من شركة الكهرباء .. لكن شركة الكهرباء الزمونا بدفع قيمة الsub station اذا اردنا الكهرباء .. و التكلفة فوق ال 50 مليون ..
شيء آخر : جهودك واضحة في هالمجال ابو عبدالعزيز .. فلو تعمل موضوع اسئلة و أجوبة عن موضوع الكهرباء .. و نكون لك من الشاكرين .. لأن هالموضوع من أهم المواضيع و خاصة للي عنده مساؤح قيمهتا فوق ال 20 الف ..
ايضا .. عندي البيت 110 و كلمت فني من صيانة الشركة .. فبيحول لي المجلس الى 220 .. كيف اعرف ان شغله صحيح و اتأكد من سلامة الأسلاك و العملية بشكل عام

+1
يبي لنا موضوع خاص بالكهرباء>>>>> راح فيها ابوعبدالعزيز:s11:

East25
14-12-2011, 12:14 PM
اييست ضبط خووويك وكلم اوستن يجيبلي مثلة هدية ما اقول لا

غالي والطلب رخيص يابو فيصل انت بس عطني 1400 ريال ومالك الا انا بنفسي اجيب لك الجهاز لين بيتكم وفوقها سيكل لفصول:lol:

East25
14-12-2011, 12:17 PM
يعطيك العافيه على التقرير والتجربه اللي اكيد الجميع بيكتسب من خلالها المعرفه

حقيقه قبل سنه تقريباً ضفت لقائمة المشتريات في امزون هذا الجهاز (APC Smart-UPS SMT3000 2700W/3000VA 120V LCD UPS System (http://www.amazon.com/APC-Smart-UPS-SMT3000-3000VA-System/dp/B0036RFIA6/ref=sr_1_38?s=electronics&ie=UTF8&qid=1323844363&sr=1-38)).

طبعاً العيب الكبير فيه وزنه اللي بجد ما تقدر تستوعبه ، الجهاز شفته وانا ابحث عن نظام يحافظ على الاجهزة في حالة إنقطاع الكهرباء ويعطيني القدره على استخدام الاجهزة الموصوله فيه ، طبعاً بعد شوية تفكير شلته من بالي لعدة اسباب اولها الكهرباء عندنا ما اذكر متى اخر مره انقطعت ربما من 3 سنوات او اكثر ايضاً كان في بدائل اوفر مادياً إضافة الى ان الاجهزة اغلبها عندي 220 فولت


http://ecx.images-amazon.com/images/I/41C7eQTVtKL._SL500_AA300_.jpg



عموماً شكراً لك من جديد ومبروك عليك وبالتوفيق

حياك الله احوي علي وبصراحه انا ماكنت معطي الموضوع ذيك الاهميه لين صار لي الموقف وانقهرت من جد على الداتا اللي راحت بس يقولك كل دقه بتعليمه
شرفني مرورك:17:

East25
14-12-2011, 12:20 PM
مبروووك الجهاز وهل ممكن اني الاقي مثله هنا والا لازم عن طريق النت؟؟

والله اخوي مدري بصراحه اذا كانت متواجده عندنا في الاسواق لاني مريت بس كذا محل من الكبار المتخصصين بالادوات الكهربائيه ومالقيت عندهم بس شيك مع اخونا ابوعبدالعزيز يمكن يقدر يفيدك اكثر على حسب احتياجاتك
تقبل تحياتي

East25
14-12-2011, 12:24 PM
الله يعطيك العافيه على الموضوع

جهاز ممتاز بصراحه

عجبني الحجم يعتبر صغير بالنسبة لقدرات الجهاز

بس اشوف الشاشة بالنسبة لي شي مزعج افضلها بدون

طبعاً هنا ماشفت عندنا غير شركة APC وماعتقد ان يشتغل 8 ساعات بدون كهربا

لكن اللي عندن ماشاء الله ممتازة مواصفاته...الله يبارك لك فيه

حياك الله اخوي تروث وبالفعل سويت لي كذا بحث ولقيت اني اقدر استغني عن الشاشه واخليها بلاك شوف الفيديو اللي رديت فيه على ميلان يمكن يوضح لك اكثر
بارك الله فيك

BAROOON
14-12-2011, 12:25 PM
غالي والطلب رخيص يابو فيصل انت بس عطني 1400 ريال ومالك الا انا بنفسي اجيب لك الجهاز لين بيتكم وفوقها سيكل لفصول:lol:
السيكل مايحتاج مابي اكلف عليك , ومابينا دراهم خلك مثل بنورة

East25
14-12-2011, 12:30 PM
يعطيك العافية على الموضوع يا غالي

وهذا الجهاز اهميته تعتمد على ما يوجد لديك في البيت .... بالدرجة الأولى ....

وهو خيار مميز لمن اراد الحفاظ على اجهزته واطفاءها بطريقة سليمة

تقبل تحياتي ....

حياك الله يابوحليمه والجهاز مثل ماذكرت يعتبر ثمين لاصحاب السيرفرات والاجهزه الحساسه
شاكر لك مرورك العطر

East25
14-12-2011, 12:34 PM
السيكل مايحتاج مابي اكلف عليك , ومابينا دراهم خلك مثل بنورة

خلاص انت روح لراعي المحطه وخذ الجهاز من عنده :s11:

gatsu
14-12-2011, 12:42 PM
شيء آخر : جهودك واضحة في هالمجال ابو عبدالعزيز .. فلو تعمل موضوع اسئلة و أجوبة عن موضوع الكهرباء .. و نكون لك من الشاكرين .. لأن هالموضوع من أهم المواضيع و خاصة للي عنده مساؤح قيمهتا فوق ال 20 الف ..
ايضا .. عندي البيت 110 و كلمت فني من صيانة الشركة .. فبيحول لي المجلس الى 220 .. كيف اعرف ان شغله صحيح و اتأكد من سلامة الأسلاك و العملية بشكل عام
الشكر لك عزيزي وانا بالعكس فاتح موضوع عن الكهرباء بما يفيدنا في المتقى بخصوص الأجهزة وحمايتها هذا الرابط:
http://www.avarab.com/vb/showthread.php?t=70

بالنسبة انك تبي تحول بسيطة يقدر يسويها لك الكهربائي من الطبلون وما في خوف بالنسبة للأسلاك اذا التسليك مضبوط اسلاك 110 تكون اكبر وتتحمل امبير اعلى .
انتبه من نقطة انه اذا في اكثر من فيش في المجلس والكهربائي غير من الطبلون كل المجلس راح يكون 220 وليس فيش معين والباقي راح يظلون 110.
وخليه يجيب مقياس للجهد ويوريك القراءة انها 220 فولت.


+1
يبي لنا موضوع خاص بالكهرباء>>>>> راح فيها ابوعبدالعزيز:s11:
بالعكس انا مستعد لأي استفسار
زي ما قلت لأخوي aalrodan انا فاتح موضوع للكهرباء . بس انا خايف تبون موضوع عن العدادات والفواتير ترى بيصير فيني كذا:7:.

TrUTh81
14-12-2011, 12:59 PM
طيب يا gatsu مثل ايش المنظم بدون بطارية الي تقصده ؟
طبعا انا ما افهم فيهم بس اهم شغلة ابيه يسويها ,
1- يثبت الكهرب بشكل معقول , 2- لو فصل الكهرب ابيه يفصل لغاية ما ارجع اشغله .


اذا انت ماعندك مشكلة انقطاع الكهرباء بشكل متتالي

لكن تبي شي يحافظ لك على AVR وباقي الاجهزة من الافضل لك

تاخذ لك surge protection

مثل هذا

http://eu.cyberpowersystems.com/products/surge/sb080prg.htm

يحميك من اي جهد زائد يوصل

BAROOON
14-12-2011, 01:21 PM
اذا انت ماعندك مشكلة انقطاع الكهرباء بشكل متتالي
لكن تبي شي يحافظ لك على AVR وباقي الاجهزة من الافضل لك
تاخذ لك surge protection مثل هذا
http://eu.cyberpowersystems.com/products/surge/sb080prg.htm
يحميك من اي جهد زائد يوصل

http://ecx.images-amazon.com/images/I/41-1yWuAARL._SL500_SS100_.jpg (http://www.amazon.com/gp/product/B000JE9LD4/ref=ox_sc_act_image_1?ie=UTF8&m=ATVPDKIKX0DER) Belkin Pivot-Plug Surge Protectors (http://www.amazon.com/gp/product/B000JE9LD4/ref=ox_sc_act_title_1?ie=UTF8&m=ATVPDKIKX0DER)

حصلت هذا في امازون البحث كان على surge protection
طيب انا عندي عدة افياش في الجدار ومركب عليهم توصيلات ومرتبة
يعني السوبووفر فيش لحاله مع كم جهاز خفيف
الavr لحاله ومع كم جهاز
الشاشة مع pc + htpcc + السيرفر
يعني تقريبا زي كذا , يعني التوصيلات عندي وشغاله تمام
بس ابي افياش تركب على الافياش الرئيسية واركب عليها التوصيلات الي عندي
هذا الsurge protection بيحميني من الكهرب الزايد طيب كيف راح يفصل الكهرب عن الاجهزة ؟ ولا راح يصررف الكهرب الزايد هههههه
واذا فصل علي الكهرب فصلة سريعه ابو ثانية هل راح يفصل مع الكهرب ويشتغل مع الكهرب ولا انا الي اشغله ؟

Marauder28
14-12-2011, 01:39 PM
http://ecx.images-amazon.com/images/I/41-1yWuAARL._SL500_SS100_.jpg (http://www.amazon.com/gp/product/B000JE9LD4/ref=ox_sc_act_image_1?ie=UTF8&m=ATVPDKIKX0DER) Belkin Pivot-Plug Surge Protectors (http://www.amazon.com/gp/product/B000JE9LD4/ref=ox_sc_act_title_1?ie=UTF8&m=ATVPDKIKX0DER)

حصلت هذا في امازون البحث كان على surge protection
طيب انا عندي عدة افياش في الجدار ومركب عليهم توصيلات ومرتبة
يعني السوبووفر فيش لحاله مع كم جهاز خفيف
الavr لحاله ومع كم جهاز
الشاشة مع pc + htpcc + السيرفر
يعني تقريبا زي كذا , يعني التوصيلات عندي وشغاله تمام
بس ابي افياش تركب على الافياش الرئيسية واركب عليها التوصيلات الي عندي
هذا الsurge protection بيحميني من الكهرب الزايد طيب كيف راح يفصل الكهرب عن الاجهزة ؟ ولا راح يصررف الكهرب الزايد هههههه
واذا فصل علي الكهرب فصلة سريعه ابو ثانية هل راح يفصل مع الكهرب ويشتغل مع الكهرب ولا انا الي اشغله ؟


عندي نفس هذا اللي انت تتكلم عنه تقريباً راح يكمل سنه عندي وشغال تمام استخدمه للاشياء الخفيفه شريته من نفس الرابط في امزون استخدمه لـ شاشة الـ PC هاردات خارجيه عددهم 2 مره بالاسبوع لو شغلتهم ، شاحن جوال ، واخيراً الـ PC


اما اجهزة المسرح هذي لها وضع خاص وسبق وتكلم عنها ابو عبدالعزيز في موضوع سابق وتجربه شخصيه له


نقطه مهمه بس حبيت اوضحها لك بعض الناس يفرحوا ان الساب ووفر على كهرباء بالجدار لحاله والـ HTPC واكسسواراته برضوا كهرباء لحالهم وبقية مكونات المسرح من شاشة الى رسيفر الى امبلفاير وغيره ،،،، كل هذا حلو بس المصيبه النهاية يكونوا كلهم على مفتاح واحد بالطبلون ويادوب يشغلهم 20 امبير او 15 امبير والمصيبه الاكبر ان الاسلاك ما تكون مناسبه

جرب تشتري مقياس كهرباء من اي محل كهرباء في انواع الرخيص والغالي والفرق بينهم الرئيسي في دقة القرأة لازم كل واحد يكون عنده هالجهاز بين كل فتره يشيك على الكهرباء في بيته ويشوف كم قراءة المقياس لها اللي ما عنده ارتفاع عالي بالكهرباء الله يهنيه ولا يغير عليه

TrUTh81
14-12-2011, 01:43 PM
هذا 110v وانت عندك اغلب الاجهزة 220 يعني ماينفعك

السبوفر ركب له زي اللي كان عندي ابو فيش واحد والــ AVR بعد

الشاشة اشوف ماتحتاج توصلها

باقي الجهازة pc + htpcc + السيرفر وباقي الاجهزة تركبهم على تحويله وحده

او مثل ماقلت انت تركب لك على كل تحويله surge protection ابو فيش واحد

بشرط ان يتحمل الاجهزة اللي عليه

BAROOON
14-12-2011, 05:56 PM
نقطه مهمه بس حبيت اوضحها لك بعض الناس يفرحوا ان الساب ووفر على كهرباء بالجدار لحاله والـ HTPC واكسسواراته برضوا كهرباء لحالهم وبقية مكونات المسرح من شاشة الى رسيفر الى امبلفاير وغيره ،،،، كل هذا حلو بس المصيبه النهاية يكونوا كلهم على مفتاح واحد بالطبلون ويادوب يشغلهم 20 امبير او 15 امبير والمصيبه الاكبر ان الاسلاك ما تكون مناسبه
جرب تشتري مقياس كهرباء من اي محل كهرباء في انواع الرخيص والغالي والفرق بينهم الرئيسي في دقة القرأة لازم كل واحد يكون عنده هالجهاز بين كل فتره يشيك على الكهرباء في بيته ويشوف كم قراءة المقياس لها اللي ما عنده ارتفاع عالي بالكهرباء الله يهنيه ولا يغير عليه
الافياش الي عندي كلها مركبها اضافية من طبلون الممر حق العمارة ومدري كم مفتاح اعتقد انهم اثنين
وبعد كذا مركب اربع افياش واحد للavr وواحد للسوبووفر والباقي توصيلات ومركب الشاشة والبت كيكر والخرابيط الباقية عليهم
والاسلاك الي جاية من الطبلون هي نفس اسلاك المكيف الداخلية يعني شي يتحمل براحة .
وتسليك هذا له سنتين الحين وكلش تمام ودايم اشغل العده واتفرج فلم وفلمين عادي بدون مشاكل
فلاتشيل هم من الناحية هذي :6: .


هذا 110v وانت عندك اغلب الاجهزة 220 يعني ماينفعك
بشرط ان يتحمل الاجهزة اللي عليه
طيب وين ابو فيش واحد اخبطني برابط امازوني :s8:

TrUTh81
14-12-2011, 06:20 PM
دورت لك في الامازون الامريكي ما لقيت لك 220 فولت

لقيته في الامازون البريطاني ((اضغط)) (http://www.amazon.co.uk/APC-P1-UK-P1Uk-Surge-Protector/dp/B000BRXTL4/ref=sr_1_9?ie=UTF8&qid=1323878472&sr=8-9)

وهذا رابط الشركة ((اضغط)) (http://www.apc.com/products/resource/include/techspec_index.cfm?base_sku=P1%2DUK&tab=models)

يتحمل 10 امبير

لكن قبل لاتاخذه خذ رايي اخونا East25

لان مو متاكد اذا يتحمل كل اللي عندك

AHMED
14-12-2011, 07:28 PM
يعطيك العافية على الموضوع

عندي مداخلة : بالنسبة للشحن فأنصح بالشحن المباشر من أمازون إلى السعودية عشان تقل التكلفة
سعر الشحن الاقتصادي من أمازون مباشرة = 97 دولار
سعر الشحن السريع من أمازون مباشرة = 174 دولار
بحسبة بسيطة سيكون الشحن أرخص من شركات إعادة التوجيه أمثال أراميكس أو MYUS علما إن جربت الشحن المباشر من أمازون في سلع كثيرة أهمها كيس كمبيوتر ووصلني سليم


---
إستفسار
عندي الباور حق جهازي الكمبيوتر 800 واط بس أصلا استهلاك القطع اللي عندي ما يجي 550 واط
وأبغي اشبك جهاز ريسيفير ياماها مع الكمبيوتر في الجهاز فهل يمكن ذلك !!!

--
الكهرب حاليا عندي 110 فولت ولكن ان تغير مكان سكني أو أحتجت الجهاز على 220 فهل سيعمل ؟؟!!!

أحتاج الرد على الاسئلة حتى تتم عملية الشراء ..


بالتوفيق للجميع

F H D
15-12-2011, 01:04 AM
متاكد فهد لو يقطعونها يكون احسن رقم حساب العداد وانا احقق لك الأمنية هذي :58: .



هههههه إعتبر كلامي مجاز لفظي و ليس حرفي




الشاهد احينا في امورنا اليومية تصير اشياء الواحد يتضايق منها ولكن لا عرف المسبيبات الحقيقة فا يبدا باللوم .
ولا تقدر تلوم الناس لو زعلت الي عنده اطفال او مرضى ولا يكون يوم حار وتجي تنقطع الكهرباء انا راح اتنرفز لكن مالك الا تصبر او تروح مجمع لين ترجع ابرد.

تحياتي واسف على الأطالة......فهد ادري باند لي.

باند 3 ثواني فقط :58:
يعطيك العافية يا ابو عبدالعزيز على التوضيح و أكيد كلامك و توضيحك ماعليه غبار
عندنا الوضع في المنطقة الجنوبية سيئ جداً .. ما أدري إذا فيه مناطق آخرى تعاني من الكهرباء مثل الشمال حسب كلامك
إذا أتذمر أو أشتكي من الشركة فمو بسبب الفواتير او إرتفاعها أو بسبب الإنقطاعات التي تحدث ..
أنا أشتكي لأني أجلس في بيتي متبهذل مع الحر 6 شهور و فوق هذا أدفع فواتير .. وهذا الوضع مستمر معاي من 12 سنة وراح يستمر كل عام وإلى آجل غير مسمى .. http://www.avarab.com/vb/images/smilies/biggrin.gif
بسبب إهمال الشركة و عدم تعزيز محطات التوليد وتقويتها ..
6 أشهر من السنة الجو بادر و معتدل و الكهرباء تمام لأن مافيه ضغط .. أما الـ 6 أشهر المتبقية الجو حار و الكهرباء عليها ضغط كبيييير فالمكيفات ماتستفيد منها شغالة لكن ما فيه تبريد بسبب ضعف الكهرباء فتعتبر شغاله بدون أي فائدة كأنها خربانه و هي جديدة مافيها أي مشاكل .... :(



بعدين العالم كلهم تشتكي من كل شي وواخرتها مالهم بديل
شركة الكهرب بايخه = طيب اتركهم
الهاتف ضاحكين علينا = طيب لاتكلم ولا تنتنت وتشغلنا
الطيران خدمتهم سيئة = طيب عندك سيارة دق سلف ودز ولا ريح مخك واقعد في بيتكم .


لحظة .. فيه شركات كهرباء منافسة ..؟ لو فيه فمعاك حق تقولي أتركهم :)

East25
15-12-2011, 08:34 AM
يعطيك العافية على الموضوع

عندي مداخلة : بالنسبة للشحن فأنصح بالشحن المباشر من أمازون إلى السعودية عشان تقل التكلفة
سعر الشحن الاقتصادي من أمازون مباشرة = 97 دولار
سعر الشحن السريع من أمازون مباشرة = 174 دولار
بحسبة بسيطة سيكون الشحن أرخص من شركات إعادة التوجيه أمثال أراميكس أو MYUS علما إن جربت الشحن المباشر من أمازون في سلع كثيرة أهمها كيس كمبيوتر ووصلني سليم


---
إستفسار
عندي الباور حق جهازي الكمبيوتر 800 واط بس أصلا استهلاك القطع اللي عندي ما يجي 550 واط
وأبغي اشبك جهاز ريسيفير ياماها مع الكمبيوتر في الجهاز فهل يمكن ذلك !!!

--
الكهرب حاليا عندي 110 فولت ولكن ان تغير مكان سكني أو أحتجت الجهاز على 220 فهل سيعمل ؟؟!!!

أحتاج الرد على الاسئلة حتى تتم عملية الشراء ..


بالتوفيق للجميع

هلا بك اخوي احمد ومن طول الغيبات جاب الغنايم ان شالله انك بصحه وعافيه
بالنسبه للشحن مباشره عن طريق الامازون انا ماجربت بس اشوفها حلوه هل ٩٧ دولار تغطي التاكس والوزن سواء ثقيل او خفيف؟ لاني بصراحه متعامل مع ارامكس البحرين اسرع وارخص وانا كذا كذا انزل لي مره كل اسبوع او اسبوعين فمرتاح معاهم للاخر

========
بالنسبه لسؤالك انا اشوف انك تاخذلك نفس هالجهاز لانه راح يكفيك تشبك فيه البي سي مع الAVR
الجهاز بجي بكهرب ١١٠ الا اذا طلبته ٢٢٠ فراح يغيرونه لك عموما انا اشوف انك تتخاطب مع الشركه نفسها وشوف معاهم هالمنتج
مووديله: PR1000ELCDRT2U
وهذا موقعهم: [/URL][URL]http://www.cyberpower.co.th/index.html (http://www.cyberpower.co.th/products/ups_systems/pr_lcd/pr1000elcdrt2u.htm)

http://i1107.photobucket.com/albums/h385/tal-asiry/pr1000-1500-2200elcdrt2u_01b.jpg
http://i1107.photobucket.com/albums/h385/tal-asiry/pr1000-1500-2200elcdrt2u_02b.jpg

http://i1107.photobucket.com/albums/h385/tal-asiry/pr1000-1500elcdrt2u_03b.jpg
http://i1107.photobucket.com/albums/h385/tal-asiry/pr1000-1500-2200elcdrt2u_04b.jpg

وهذي مواصفات الجهاز

http://i1107.photobucket.com/albums/h385/tal-asiry/Screenshot2011-12-15at92223AM.png

اتمنى اني اكون افدتك وتقبل تحياتي

AHMED
15-12-2011, 10:32 AM
هلا بك اخوي احمد ومن طول الغيبات جاب الغنايم ان شالله انك بصحه وعافيه
بالنسبه للشحن مباشره عن طريق الامازون انا ماجربت بس اشوفها حلوه هل ٩٧ دولار تغطي التاكس والوزن سواء ثقيل او خفيف؟ لاني بصراحه متعامل مع ارامكس البحرين اسرع وارخص وانا كذا كذا انزل لي مره كل اسبوع او اسبوعين فمرتاح معاهم للاخر

========
بالنسبه لسؤالك انا اشوف انك تاخذلك نفس هالجهاز لانه راح يكفيك تشبك فيه البي سي مع الAVR
الجهاز بجي بكهرب ١١٠ الا اذا طلبته ٢٢٠ فراح يغيرونه لك عموما انا اشوف انك تتخاطب مع الشركه نفسها وشوف معاهم هالمنتج
مووديله: PR1000ELCDRT2U
وهذا موقعهم: http://www.cyberpower.co.th/index.html







وهذي مواصفات الجهاز



اتمنى اني اكون افدتك وتقبل تحياتي

الله يسلمك يالغالي

نعم الشحن للسلعة اللي حطيتها = 97 دولار شحن أقتصادي - 174 دولار شحن سريع

وللمعلومية في سلع في أمازون تنشحن مباشرة من الموقع وتصلح الخدمة هاذي للاشياء الثقيلة ( مو شرط كل الاجهزة قابلة للشحن الخارجي )

بالنسبة لسعر الشحن فهو يشمل كل شي بما في ذلك الضرائب ( علما إن الضرائب تعاد لك بعد 60 يوم في حال لم تحصلها الجمارك السعودية )

موقع أمازون قلوبل
Amazon Global - Amazon.com (http://www.amazon.com/International-Shipping-Direct/b?ie=UTF8&node=230659011)


---

ماودي أبالغ بالجهاز بصراحة لذلك اللي عرضته مناسب لي من ناحية الشكل والسعر بس أخاف من إن الجهاز يخرب أو الاجهزة تخرب بسبب الواط فحاب تأكد لي وش المناسب لي

جهازين فقط باشبكهم
الكمبيوتر و AVR
البارو حق الكمبيوتر 800 بس الفعلي 550 واط
AVR
140 واط
بالتوفيق

East25
15-12-2011, 11:52 AM
الله يسلمك يالغالي

نعم الشحن للسلعة اللي حطيتها = 97 دولار شحن أقتصادي - 174 دولار شحن سريع

وللمعلومية في سلع في أمازون تنشحن مباشرة من الموقع وتصلح الخدمة هاذي للاشياء الثقيلة ( مو شرط كل الاجهزة قابلة للشحن الخارجي )

بالنسبة لسعر الشحن فهو يشمل كل شي بما في ذلك الضرائب ( علما إن الضرائب تعاد لك بعد 60 يوم في حال لم تحصلها الجمارك السعودية )

موقع أمازون قلوبل
Amazon Global - Amazon.com (http://www.amazon.com/International-Shipping-Direct/b?ie=UTF8&node=230659011)


---

ماودي أبالغ بالجهاز بصراحة لذلك اللي عرضته مناسب لي من ناحية الشكل والسعر بس أخاف من إن الجهاز يخرب أو الاجهزة تخرب بسبب الواط فحاب تأكد لي وش المناسب لي

جهازين فقط باشبكهم
الكمبيوتر و AVR
البارو حق الكمبيوتر 800 بس الفعلي 550 واط
AVR
140 واط
بالتوفيق

ايه هذا راح يكفيك وزياده انا مجربه مع البي سي وسيرفر وشاشه والحمدلله شغال ميه ميه له معي الان حوالي الشهرين شوف الرفيوهات حقته وتوكل على الله
وشاكر لك مرورك

BAROOON
15-12-2011, 01:17 PM
لحظة .. فيه شركات كهرباء منافسة ..؟ لو فيه فمعاك حق تقولي أتركهم :)
هههههههههههههه
اجل خلك معهم , كثرت الكلام وان مشاكلهم واجد كلنا عارفين شي هذا
فمافية فايده من الحتسي , اقول ماودك تجي تويتر نسوي شات هناك وتدربني لاني بديت اطقطق عليه .

أمري لله
10-08-2013, 08:57 PM
بارك الله فيك
موضوع شيق و ممتع و غني بالمعلومات إستفدت منه الكثير

A7MAD-STYLE
19-08-2013, 01:43 PM
ماشاء الله تبارك الله
تجربة رائعة والجهاز رائع للكهرباء

الله يعطيك العافيه على هالجهد المبذول في هذا الموضوع الرائع والمهم