مشكلة شاشة Panasonic TH-P50VT20P تنطفئ لحالها!!

[madaboutkind]

السلا م عليكم ورحمة الله وبركاته
وان شاء الله تكونوا في اتم الصحة والعافية

امس شغلت شاشتي الجديدة Panasonic TH-P50VT20P طبعا 3d وشاريها من العيسائي في الدمام.
أول ماشغلتها اشتغلت تمام ولا فيها اي مشكلة. وبعد ساعتين تقريبا طفت لحالها وحاولت اشغلها ماقدرت بعد عشر دقايق تقريبا اشتغلت لحالها
ونفس الطريقة تشتغل خمس دقايق وقبل ماتطفي تشوش الصورة ثم تطفي الشاشة وتجلس عشر دقايق وتشتغل وهكذا............

فالله لا يهينك ياشباب الي عنده حل لهالموضوع يتكرم علي ويقولي هو.

والله انقهرت كنت أبي اشوف اول فلم 3d وتنكدت.

[MbtsM]

وعليكم السلام
انا اقول لو ترجها للعيسائي افضل
موفق خير شاء الله

[mz_milan]

وعليكم السلام

تكلمهم يجون يغيرون الشاشه بشاشه جديده ولا تقلهم يصلحونها انسى خلك مصمم على رأيك وقلهم توني مشتريها اصلحها ليش تبيعوني شاشه خربانه الان تجيبولي شاشه جديده او ترجعون الفلوس واذا شافوك صامل اكيد بيستبدلوها او يعطوك الفلوس ان شاء الله

[Marauder28]

وعليكم السلام والرحمه


دام الشاشه توها جديده وعليها ضمان مثل ما قالوا الشباب تتصل فيهم ويجيوا يبدلوها لك بوحده جديده ولا تقبل انهم يصلحوها حتى لو كان الخلل بسيط وما يستاهل خليك شديد في هالمسأله لانك دافع فلوس عشان تستمتع

وطمنا ايش يصير معك وربي يوفقك

[madaboutkind]

مساء الخير عليكم اخواني

ماقصرتوا والله يعطيكم العافية

انا توقعت ان المشكلة تكون في تحديث الشاشة فقط.

لكن اشوفكم كلكم قلتوا بدل الشاشة مباشرة يعني المسألة كايدة على قولتهم.

الله يعين بأشوف أكلمهم اليوم والي يصير معي بأرد عليكم فيه.

تسلموووو مرة ثانية...

[aalrodan]

اخوي
انا عندي نفس شاشتك. و لله الحمد ماوجهت اي مشاكل و خاصه اللي ذكرتها
لا قبل التحديث ولا بعده. فاتبع نصيحه الشباب و بدلها احسن لك

[madaboutkind]

يعطيك العافية اخوي على مشاركتك....

اتصلت اليوم على صيانة باناسونيك واعطيتهم المشكلة وقلتلهم ابي ابدلها قالوا مافيه امل تتبدل.

لأنهم يضمنوا الشاشة على الصيانة يعني يجي فني الين عندي ويشوف الشاشة اذا كان يبيلها قطع غيار يغيروها واذا كان فيها عيب من المصنع ذيك الساعة يبدلوها لي.

صراحة ماحبيت اخذ واعطي معهم كثير قلت خل الفني يجيني بعدين اشوف وش الحل.

نتمنى اذا فيه احد من باقي الأعضاء الكرام واجهته مثل هالمشكلة ينورنا الله ينور عليكم.

وشكرا....

[mks_95]

أشياء كثير ممكن تكون سببها بس عادة تكون بسيطة ابتداءً من الـ Regulator IC أو تتعقد لين توصل الـ Trigger transistorبالشاشة..

أبسط الحلول المقترحة انك تفصل السلك من فيش الكهرب ومن الشاشة نفسها وتخليها 10 دقايق وترجع تشبكها من جديد وتشغلها وتشوف.. اذا ماضبطت معك خل الصيانة يشوفون المشكلة بس لاتخليهم يمسكون عليك شيئ يلغي الضمان (موية على الشاشة - شابكها في تردد غير...الخ)..

[madaboutkind]

اخوي mks_95
يعطيك العافية على الرد

ومثل ماقلت انا اتصلت عليهم وقالوا بيجوا يشوفوا المشكلة ان شاء الله الأسبوع الجاي.
اما بالنسبة أنهم يمسكوا علي شيء الحمدلله ماجاها اي موية والكهرب 220

تسلم على المرور.