السلام عليكم ورحمة الله
ودي استفسر من الشباب عن الحرارة المناسبة تقريبيا للدولاب اللذي يحتوي ال AVR لأني بصدد تجربة انشاء نظام تبريد مبسط للدولاب بس ودي أعرف وش الحرارة المناسبة لأن ماودي أحطها على رقم منخفض وتقعد المراوح شغالة على طول
وإذا في أحد يعرف مراوح مثل اللي بالكيس حق الكمبيوتر تكون هادئة ياليت يفيدني.
شاكرا ومقدرا تعاونكم
وعليكم السلام والرحمه
حاول لما تعمل راك لأجهزة الـمسرح تخلي ظهر الراك مفتوح بالكامل يعني خلف الـ AV\R خليه مفتوح بالكامل اسهل لك في تغيير الاسلاك وتركيبها وعشان برضوا تهوية للجهاز واقولك هالكلام لاني عملت طاوله وازعجتني لما احتاج ابدل سلك او اركب سلك في الـ AV\R
بخصوص المراوح شوف هذي
انصحك تبحث في هذي الصفحه عن مراوح تعمل بالـ USB عشان لما تشغل اي جهاز بالمسرح تشتغل المروحه معه ولما تطفيه تطفي المروحه أسهل لك وأضمن ما تنسى المروحه شغاله وتنام عنها , اضن لو تبحث عن قطع الهاردوير راح تشوف بعض القطع يجي معها مقياس لحرارة اي جهاز تبي تعرفها مثلاً بالكمبيوتر انا استخدم لوحة تحكم بالمراوح اللي فيه وهذي اللوحه فيها مستشعرات لعدد من قطع الكمبيوتر واضن هالفكره ممكن تنطبق على اجهزة المسرح
شوف الرابط هذا
رابط القطعة
هذي مروحه تحطها فوق الـ AV\R وتقدر تركب فوق المروحه جهاز مشغل اقراص مثلاً ، بالعاده مستحيل تشوف شخص يضع اي جهاز فوق الـ AV\R لان فتحات التهوية راح تتسكر ويحترق الجهاز ولكن مع قطعة التبريد هذي الوضع مختلف
بالتوفيق
يعطيك العافية أخوي علي وما قصرت
بالنسبة للمكتبة هي مفصلة من أول عندي وللأسف ظهرها مقفول عملت بعض القياسات AVR راك وبمقارنته بمقاسات ال AVR من الأمازون (باقي بكرتونه) ولقيت إنه بيكون فراغ 4.5 cm من كل جهة و 6 cm من فوق بس المشكلة إني بأفصل باب زجاجي للراك لزوم الحماية من لمسات الشيماء الله يحفظها وبكذا بيكون عمق الراك نفس عمق الجهاز يعني مافي فراغ حتى للبنانا فالحل هو إني بأفتح الظهر خلف ال AVR بس اتوقع إن التهوية مابتكون كافية لأن مافي ذيك المسافة بين المكتبة والجدار علشان كذا قاعد أشوف سالفة المراوح.
وسلمتم
اقتباس
