المسرح المنزلي .. خلصنا النص وبقي النص,ارائكم مهمة !!

[Be Proud]

صباح الخير للجميع ..

انا قبل كم يوم توكلت على الله واشتريت بروجكتر باناسونيك بعد ماشفت تخفيضات البلاك فرايدي وقلت نستفيد دامني مشتري هالجهاز بالنهاية
المهم انا عندي غرفة 6×4.8 تقريباً وبعد ماخلصت من البروجكتر قلت خلني اشوف نظام صوتي محترم يكملي المسرح المنزلي ونسوي سينما قد الطموح
بالنسبة للميزانية تقريباً زي البروجكتر ماراح اقدر احددها .. بس مبدئياً راح تكون 10000 بدون السبوفر ..
وممكن تكون تجميعة مرة وحدة .. او اني اشتري سنتر بالبداية وبعدها سراوند وسنتر وبعدها الرسيفر .
طبعاً انا ماقد سمعت اي نظام صوتي ولاعندي اي فكرة .. وخصوصاً اني بالمدينة فالتجربة بتكون قبل الشراء مباشرة
يعني شوركم ومع بحث شخصي مني واحدد الخيارات .. بعدها ممكن اروح الرياض او جده واشوف واسمع بنفسي واقرر
لكن ابي احدد الخيارات .. خاصة ان ماشاء الله الشباب هنا منوعين .. فيه الي عنده ياماها والبولك وبقية الشركات.
طبعا مانستغني عن اقتراحاتكم .. ومبدئي بالمنتديات بشكل عام انه الواحد يسترسل قد مايحب .. بالنهاية انا ماراح امل من كثرة الكلام
خصوصا اني شبه مبتدئي بالصوتيات وهالامور .. فحبة حبة معكم تكبر المحبة ونعرف وش الي يصلح لنا من الي مايصلح

[mz_milan]

صباح النور ياغالي

بما انك بالمدينه وجده قريبه منك

انا ارشحلك اول شركة هي KEF

ثاني شركه Polk عند شركة AVC في الرياض

ثالث شركة Yamaha في عند الدوليه في جده

طبعاً الدوليه وياماها ماراح تكلفك العشره كامله وراح يبقى لك مبلغ تستفيد منه في السب اوفر اذا تبي

لكن KEF ماعليها كلام

بالتوفيق

[Be Proud]

حلو الكلام .. بس ماقلت لي وش الموديلات الي ترشحها لهالشركات ؟
انا مريت قبل فترة بموضوع واحد من الشباب اشترى باكج سماعات من kef تقريباً بـ7000 ريال .. هل هي مميزة او التجميعة افضل !؟
انا اليوم ارسلت واحد من الشباب بالرياض للدولية يشوف رسيفر ONKYO TX – NR 809 .. يقولي موجود وبسعر 3700
المهم انا قلت له يسأل عن سماعات ياماها فقالي فرع غرناطة مو موجود فيه .. لكن الموظف حق الفرع قاله انصحك ببكج سماعات bose t20
طبعا صديقي زيي ماسمع اي نظام صوتي ولاعنده خلفية .. فقالي والله شئ خيالي .. صوت قوي وواضح وطبعا اللبناني الموظف قام يمدح ويزيد ويعيد بالبكج
انا طبعا الثقة بالنسبة للموظفين معدومة .. لكن يقول انت بتشتري من عندي الرسيفر بقيمة البكج تقريباً .. وبكل الحالتين باخذ منك نفس المبلغ لكن انصحك بهالبكج !!

ادري شطحت بالسالفة شوي .. لكن مبدئياً ممكن الرسيفر الي ذكرته هو الي راح ارسي عليه .. مدري هل فيه شئ بنفس القيمة بمواصفات اعلى !؟

[mz_milan]

شوف مواصفات الاونكيو 809 مقابل سعره شي رائع جداُ ورخيص السعر .. لكن الاداء والصوت والله ماعرف ماقدر جربت رسيفرات الاونكيو بس اتوقع انها جيده جداً وقريبه من ياماها وارخص منها بكثير

سماعات Bose لو انا مستحيل اخذها (رأي الخاص) .. روح اسمع بنفسك وشوف سماعات بوز واسمع التور الكبيره واسمع الفرق بنفسك

اذا تبي تخربها اخربها صح مو تاخذ السماعات الصغيره حتى لو هي Bose مع احترامي الكامل لها

شوف انا مابي ارشحلك انا راح اعطيك اختياري لو انا الي باشتري من KEF اتفضل :

الفرونت (iQ90)

السنتر (iQ60c)

المحيطي والمحيطي الخلفي (iQ30 أو iQ10 اذا تبي الارخص) طبعا زوجين اذا تبي 7.1

السب اوفر لاحقاً لان ممكن الميزانيه ماراح تكفي

والي اشتري تجميعه من Kef هو اخونا ابو ريان راسله اذا تبي تاخذ معلومات اكثر ياغالي

الله يوفقك

[Be Proud]

يعطيك العافية اخوي محمد .. مدري اذا عندك خبر عن اسعار الموديلات الي ذكرتها !!
بانتظار باقي الاخوان يرشحون الموديلات بباقي الشركات واسعارها .. الاكيد ان كثير منهم ماخذ من هالشركات.

[Marauder28]

يعطيك العافية اخوي محمد .. مدري اذا عندك خبر عن اسعار الموديلات الي ذكرتها !!
بانتظار باقي الاخوان يرشحون الموديلات بباقي الشركات واسعارها .. الاكيد ان كثير منهم ماخذ من هالشركات.

نفس نصيحة الاخ محمد شركة الكييف اقرب وانسب لك وفي حدود ميزانيتك بالاضافة ان هالشركة معروفه عالمياً ولا غبار عليها

للمعلوميه انا والاخ محمد نمتلك نفس السماعات ونفس الموديل من شركة بولك اوديو ، هذي الشركة اضن اقرب تجميعه في حدود ميزانيتك تقدر تتأكد من الوكيل RTI A9 للفرونت او الموديل الاقل منها RTI A7



الكيف اضن الموديل هذا KEF IQ90 في حدود ميزانيتك كمان لابد تزور الوكيل وتسأل عن الاسعار بنفسك ربما تحصل على تخفيض يناسبك

وبالتوفيق يا عزيزي

[Be Proud]

طيب الان فيه monitor audio rx6 زي مع العضو مو معقول .. والتجميعه الي معك ومع اخوي محمد للبولك .. والي اقترحها اخوي محمد من KEF
عاد تصدق خاصية عرض الاجهزة بالصور الشخصية فكرة جهنمية .. باخذ لي لفة ع الاعضاء واشوف وش مختارين ونرجع نسأل عن الاسعار والمواصفات هنا .

[mz_milan]

انا اخترت لك الـ KEF لانها افضل من الي عندي وانا ابي لك الخير والافضل

البولك ممكن لو اخذت نفس تجميعتي تعدي الـ 10 الاف من الوكيل في السعوديه وممكن هذا مايناسبك

ورغم ذلك ارشحلك الـ KEF ومن بعدها مونيتور اذا تقدر تروح الشرقيه وتجرب ومعها طبعاً بولك

بس خذها مني نصيحه لا تشتت نفسك اذا لقيت تسعيره حلوه لنفس موديلات الـ KEF الي اعطيتك هي خذها وانت مغمض

الله يوفقك

[Be Proud]

انا مبدئياً راح اركز انه يكون المسرح 5.0 يعني بدون سبوفر .. مع الوقت ولاتوفرت الميزانية اشتري سبوفر محترم بدل ماازنق نفسي واقلل من الخيارات الي قدامي
بخصوص تجميعتك يابو حميد بالعكس اذا كان يسوى ممكن اخلي تجميعتي لها مفرقة بحيث هالشهر اخذ رسيفر مع سراوند او سنتر .. والباقي بالشهر الي بعده.
على العموم بس احاول احصر الموديلات بين الشركات وبعدين نشوف وش ميزات كل وحدة منهم وبمساعدتكم نرسى على وحدة منهم وبالنهاية اروح اسمعها واقرر.

[mz_milan]

عاد يتقدر تاخذ الرسيفر مع السنتر والفرونت والشهر الجاي او الي بعده تاخذ المحيطيه لكن انت اول شوف السعر ممكن تقدر تشتريها الخمسه كلها وبسعر حلو وكمان حاول مع KEF انك تجرب السماعات

بالتوفيق ياغالي

[A.M.A]

عن اذن صاحب الموضوع
لدي استفسار عن مكان وكيل kef بجدة؟

[العيوف]

هلا بك يا بي برود
السماعات الي قال عليها ميلان قويه (kef)
بالنسبة لي لو كنت امتلك ميزانية قوية كنت اخترتها وبعدها المونيتور rx6
الكيف ما سمعتها لكن قريت مراجعات كثيرة عنها
اما المونيتور سمعتها وكانت خياليه ودقيقة واذكر سعرها 13000 البكج كامل مع الصبووفر
واذا كنت عازم عليها _ لها وكيل بجده
المونيتور تراها محترمه جداً لكن وكيلها عندنا بالشرقية للاسف الشديد تعبان بمعنى الكلمه
اتمناك تسمعها

[Be Proud]

اليوم من الظهر اقرأ موضوع "ارائكم في مسرح منزلي عالي التكلفة" .. ويبدو ان كل الحبايب كانوا هناك واخذوا وقت طويل لين استقروا على المسارح الموجودة عندهم
فيه تجميعه البولك حول الـ10 والكيف اتوقع بنفس السعر وفيه من خلال الموضوع الي بالبوابه فيه كذا شخص عندهم باراديم والي موجود بدبي وبرضوة المونيتور rx6
يعني اربع شركات اتوقع كلهم مميزة وكل شركة فيه كذا عضو ماخذ منها .. انا بس ابي اعرف اذا كلهم مميزة وش يميز كل نوع من الي فوق !؟
يعني فيه انواع على كلام الشباب كلاسيكية وافضل للموسيقى .. طيب الي استخدامه فقط للافلام وش ترشحون من هالشركات !؟

[A.M.A]

موضوع شيق وكنت بفتح موضوع لكن شفت هالموضوع يجيب عن استفساراتي
متابع بصمت..........

[Be Proud]

انا ماعندي مشكلة بالنهاية اسمع واجرب هالشركات كلها .. حتى لو تتطلب الأمر اني اشغل موتري واروح للرياض والشرقية وجده
يعني غالباً بيكون الوضع سفرية مع الشباب ومنها اسمع واقرر .. المشكلة بتكون بالشحن للمدينة .. وان شاء الله ماتكون ذيك المشكلة الكبيرة
بس انا حاب اكون صورة قبل لاابدى السفريات وشغل الخطوط .. لانه مو معقول كلها نفس المستوى
الاكيد كل مسرح له مميزات ونقاط ضعف .. لاعرفتها وقدرت اكون صورة واضحة بيكون الموضوع ان شاء الله وصلنا للي نبيه.

[mz_milan]

^^^

خلاص اذا مستعد تسافر وتسمع وتجرب اول شي روح للشرقيه ومر على وكيل مونيتور اوديو وبعدها وانت راجع روح لـ AVC وكيل بولك واسمع وبعدها وانت راجع روح لجده واسمع KEF وبعدها انت قرر بنفسك (هذي افضل طريقه لك)

واذا ماتبي تتعب نفسك مر على KEF وشوف كيف هل اقتنعت فيها وبسعرها واذا ايه اشترها واذا السعر عالي ابتدي رحلة السفريات

الاختلاف بين الشركات الجوده والتصنيع نفسه والمواد المصنعه منها السماعات والايدي العامله ودقة تصنيعها وكل ماكانت هالاشياء مميزه اكيد راح يطلع الصوت جداً مميز والسعر مره غالي

لكن انا اعطيتك شركة عالميه KEF ذات سعر ممكن الشخص المتوسط والعادي يشتريها ولكن مو ممكن اننا نشتري الاشياء الغاليه جداً حتى لو كانت افضل بالصوت والخامه نفسها للسماعه رائعه

كل انسان يشتري الشي الي ميزانيته تقدر عليها وينسى الاشياء الاغلى حتى لو كانت افضل لانه مو شرط كل مايتمناه المرء يدركه

الله يوفقنا واياك يارب

[BASO]

^^^

New Q Series

http://www.kef.com/html/us/showroom/...ries/overview/

ماشوف احد نصح فيها هل هي سيئه او فيها مشكله معينه

[mz_milan]

^^^

أتوقع انها بتطلع غاليه عشان كذا بعدت عنها لاني ماعرف اسعارها

بالتوفيق

[mlakaaa3]

بالتوفيق في اختيارك .. البروجكتور مستنين تقريرك عنه لاننا ناوين على واحد زيه بس ما اخذنا شي في البلاك فرايدي نطمع بالمزيد

عموما زي ما قالوا لك الاخوان مر على المحلات واسمع الاجهزه اللي عندهم .. المشكله ان السماعه راح تعطيك اصوات مختلفة مع كل رسيفر لذلك حتى لو سمعتها بالمحل يمكن يختلف صوتها عليك اذا اخذتها للبيت لان الرسيفر والغرفة تختلف لذلك حاول وانت رايح تجربها تسوي لك سيدي فيه شي انت دايم تسمعه ومتعوده عليه اذنك .. وفلم انت قد شفته Blu-ray وتجربه في كل الاماكن اللي بتجرب فيها السماعات .. بيفرق المشغل والرسيفر بس على الاقل ممكن تطلع بنتيجة ولو قليله عن السماعات اللي انت تبي تاخذها.

تذكر برضه انك لما تشتري سماعات انت بتشتري شي عمره 10 او 15 سنه او اكثر .. يعني التقنية ما تتغير .. يعني لو جيت تسوي بكرا ترقية لمسرحك بتغير المشغلات (البلوراي بلاير والرسيفر والاكستريمر والبروجكتور) بس السماعات ما تغيرها كل مره خاصه اذا كان اختيارك موفق وارتحت على السماعات

اذا انت اشتريت بروجكتور بالمبلغ اللي انت شريته فيه اتوقع ومن وجهة نظري ان السماعات تدفع عليها اكثر حتى لو اخذت الحين 3 سماعات بس (فرونت LR وسنتر) وكمل باقي المسرح شوي شوي

بالتوفيق ان شاء الله في باقي اختيارك

[ساهر جده]

صباح النور ياغالي

بما انك بالمدينه وجده قريبه منك

انا ارشحلك اول شركة هي KEF

ثاني شركه Polk عند شركة AVC في الرياض

ثالث شركة Yamaha في عند الدوليه في جده

طبعاً الدوليه وياماها ماراح تكلفك العشره كامله وراح يبقى لك مبلغ تستفيد منه في السب اوفر اذا تبي

لكن KEF ماعليها كلام

بالتوفيق

مشالله تبارك الله ياميلان ماقصرت احب اضيف فوقها klipsch وعنده شركات اخرى تقدر تشوفهم موقعهم في شارع الامير سلطان بجانب سوبر ماركت اسواق النخيل ومقابل سلامة سنتر

وترا اذا تبغا في حدود ال 10000 اتوقع عندك كل الخيارات مطروحة بس انه 5 سماعات

انا اخترت لك الـ KEF لانها افضل من الي عندي وانا ابي لك الخير والافضل

البولك ممكن لو اخذت نفس تجميعتي تعدي الـ 10 الاف من الوكيل في السعوديه وممكن هذا مايناسبك

ورغم ذلك ارشحلك الـ KEF ومن بعدها مونيتور اذا تقدر تروح الشرقيه وتجرب ومعها طبعاً بولك

بس خذها مني نصيحه لا تشتت نفسك اذا لقيت تسعيره حلوه لنفس موديلات الـ KEF الي اعطيتك هي خذها وانت مغمض

الله يوفقك

تقدر تزور المعرض حق الكيف في الخالدية وفيه هناك الاخ جو هذا رقمه :

جوال : 0501248177
ت : 026063835

بالنسبة لانك تشغل السيارة وتروح عندي فكرة لك احلى ادفع حق الطيارة واطلع دبي كلها يومين وتسمع كل الشركات المونيتور اوديو والبراديم والبولك والكيف والياماها وتتمشي يومين تغير جو وتكون عرفت كل السماعات اعتقد على ناس الرحلات ب 1100 ريال رايح جاي هذه مجرد فكرة

على فكرة ترا معرض الكيف مايشغلك الا سماعتين بس عنده غرفة صغيرة ورا منطقة الاستقبال تلاقي فيها مسرح 5 ساعات وتقدر تاخد من عنده عروض حلوة ممكن يعطيك السب وفر بعرض حلو اذا حبيت

على فكرة انت ذاكر المسرح حق الكيف الباكج الجاهز يجي قيمته 7 الاف ريال اعتقد اذا ماخاب ظني قصدك زي حق اخونا دولي هو مسوي عنه تقرير وتقدر تشوفها وممكن تناسبك بس انا افضل انك تاخد السماعات ال stand اللي هي انت بتدور عليها الان

وبالتوفيق ان شالله واذا احتجت اي خدمة انا والشباب هنا ان شالله بين يدك ياغالي