مشكله في البروجكتر 8350

[F R E A K]

السلام عليكم ورحمة الله وبركاته

شباب عندي مشكله في بروجكتري الا وي انه المقاطع الي فيها سواد كثير تكون وايد مضله وتقريبا ماشوف شي يعني

اذا مافهمتوني بافهمكم اكثر

انه مخلي البروجكتر تقريبا 170-200 بوصة والوضح ممتاز جدا الا في حالة اذا كان في مشهد مضلم . يعني اذا شغلت هاري بوتر ماباقدر اشوف شي كلش

ياريت حل لهذي المشكله حتى اذا كلفني اني اغير البروجكتر

وياريت تقولونلي عن البروجكترات المحترمه

شكرا

[East25]

وعليكم السلام اخوي FREAK
اولا وش نوع البرجكتور والموديل عشان نساعدك مضبوط وبعدين كم له معك وهل سبق وغير اللمبه او لا؟؟وشوف من الخيارات ايضا كم مده استهالكها وغالبا راح تك،ن المشكله يافيها او بالاعدادات وبعد كل شي جرب انك تفصل الفيش من الكهرب وركبه ثانيه وجرب انك تعمل اعادة ضبط المصنع للجهاز وشوف ويصير معك

الله يوفقك

[MbtsM]

حقيقه المشكله بشكل عام موجوده بالبرجكترات ولكن نحد من وجودها بستخدام شاشه عرض جيده
ثانيا اعتقد المسافه كبيره 200 بوصه خليها على 120 بوصه افضل طبعا حسب الي ترتاحله ولكن البرجكترات المتوسطه غير الاحترافيه تعطيك مساحه اكبر كمثال السينما والى اخره
افضل حل مكلف حقيقه وخصوص اذا تبي 200 بوصه <<<<<< يمكن نبيع بيوتنا هههههههههههه
شاشه بلاك ديمون تقلص المشكله بشكل كبير او خامات الي مجربه من الاعضاء Stewart StudioTek 130
تحل المشكله بشكل كبير
انظر الخبراء بعد رايهم مهم بالمسأله هذي موفق خير
ملاحظه كنت اعاني من المشكله بشاشتي القديمه الان تقلصت المشكله 90%
وهذا فيديو مني لك



الشاشه hivilux موجوده تحت اسمي مديلها

[نادر البلوي]

انا ماازيد عن كلام اخواني اللي قبلني افادوك بشغلات مهمة
لكن برضو تأكد من مواد اكثر دقة .. دائما بعض الصيغ تظلم الشاشة او البروجيكتر بشكل عام , وادري ان هالمعلومة معروفة لكن مرات نغفل عنها ..
اعتقد الغالبية ممن قرأو موضوعك ينتظرون تبيان اكثر لعدة امور اهمها بلا شك .. اسلوب المشاهدة الخاص بك هل هو بغرفة مضاءة ام مظلمة ؟
هل اللومينز عالي ؟ في ظل الاضاءة بالغرفة ؟ لان اللومينز أمره مهم وخاصة في وضعك انت وحجم العرض

< بعد موضوع غرفتي السينمائية صابني حماس غريب للرد والمساعدة الله يكفيكم شر غشامتي بالمعلومات هههههه

[انور]

حجم الشاشة كبير جدا على البروجكتور

استخدم Dynamic mode في الاعدادات وجرب

[Be Proud]

مدري اذا المشكلة من اول ماشتريت البروجكتر او بعد فترة !؟
انا ماراح ازيد على كلام الشباب .. اذا كان من اول ماشتريته فيه هالمشكلة فالحل بالاعدادات
ولو تسوي بحث بسيط بمنتدى avs الاجنبي .. راح تحصل موضوع كامل عن الي يملكون زي جهازك وراح تحصل الـcalibration واعداداتها

طبعا انت لازم تعرف ان السواد بالبروجكترات من اهم الميزات الي تفرق من جهاز للثاني
وبما ان جهازك واغلب الاجهزة الموجودة عند الاعضاء بالمنتديات تعتبر الفئة الدنيا للبروجكترات
فالسواد فيها بالنسبة لسعرها المنخفض معقول الى حد ما.
على العموم الي يهتم بشكل كبير بالسواد عنده اجهزة الـJVC ..
واذا ماكان يهمك الـ3D ففيه اجهزة نزل سعرها بشكل كبير بعد نزول الموديلات الجديدة
والسواد فيها مميز برضوة .. لكن مشكلتها الـbulb فيه مشكلة بعد تقريبا 1000 ساعة وتضطرك تغيرها في كثير من الاحيان.