إنقطاع التيار الكهربائي المستمر وكيفية تفاديه مع Cyberpower CP1500AVRLCD UPS

[East25]

السلام عليكم ورحمة الله وبركاته
كثير من الناس وانا واحد منهم نعاني من انقطاع التيار الكهربائي وبشكل مستمر خلال فترة الصيف انا بالنسبه لي حصل هالموقف من خلال انقطاع التيار ورجوعه وانقطاعه ثانيه في اقل من دقيقه مما الحق بضرر على السيرفر ٨ تيرابايت وخسرت كل المعلومات الخاصه واللي الحمدلله كنت مسوي لهم باك اب للاشياء المهمه والا الباقي من افلام وموسيقى ماتعتبر خساره
فقررت اني ابحث لي عن منتج يساعدني في حال انه فصل التيار بحماية اجهزتي الكهربائيه وكنت حاط في بالي اشوف لي منظم محترم يؤدي المهمة لين لفت انتباهي احد الزملاء اثناء اللدوام الى هالمنتج اللي راح اتكلم عنه

اسم المنتج:

Cyberpower UPS

طبعا هالمنتج باختصار يعتبر مثل المنظم مع خاصيه انه يعطيك خيار التشغيل كمولد احتياطي في حال انقطاع التيار الكهربائي ويجي باكثر من حجم من ناحية القوه اللي تحتاجها بالاضافه الى ان هناك اكثر من شركة مصنعه وراح ابدأ بتجربتي مع احد هالشركات واللي الحمدلله كانت نتيجه مرضيه

Cyberpower CP1500AVRLCD UPS - LCD Display 1500VA/900W AVR 8-Outlet RJ11/RJ45/Coax Tower USB




طبعا مثل منتم شايفين شكله انسيابي وحجمه اشوفه جدا ممتاز بالنسبه الى اداءه العملي
وهذي صوره من الخلف وفيها الاربع افياش على اليسار تكون للاجهزه اللي حاب تكون محميه عن طريق المولد الاحتياطي وعندك الاربعه اللي على اليمين لحفظ الاجهزه عند انقطاع او ارتفاع التيار الكهربائي



مميزات الجهاز:

المحافظه على استقرار التيار الكهربائي، ايضا كمولد كهربائي لمدة ٨ ساعات متواصله (كانت للاجهزه التاليه: كمبيوتر+ سيرفر+ شاشه)
ومن ميزته ايضا سرعة الشحن للبطاريه الاحتياطيه حيث تم شحنها بالكامل خلال ساعه واحده، ايضا لاانسى اذكر الشاشه وملمس الجهاز كما ايضا يعتبر صديق للبيئه


وايضا سهولة السفتوير اللي يجي مع الجهاز بحيث انك تستطيع من خلاله معرفة كامل المعلومات وحالة الجهاز



عيوب الجهاز :

اهي بصراحة ماتعتبر عيوب قد ماهي نقاط راح بس اكتفي بذكرها للاستفاده
اولا عند فصل التيار عن الجهاز يبدا بالتحويل الى البطاريه الاحتياطيه ويبدا يعطيك نغمه تنبيه كل خمس ثواني اشوفها شوي مزعجه اضف الى ذلك ثقل المنتج اللي يصل الى ١٢ كيلو
وقوه سطوع شاشة العرض.

كيفيه الشراء :

طبعا تم الشراء عن طريق موقع الامازون مــــن هـــنـــــــا بقيمة ٥٦٠ ريال تقريبا
وتم شحنها عن طريق الارامكس.

كان خاطري اصور لكم من البيت بعد التركيب بس لضروف اني خارج البلد قلت اضيف بعض الصور للعامه وان شاءالله اضيف صوري تالي





دمتم بود وتقبلو تحياتي

[F H D]

تجربة رائعة .. لمنتج روووعة .. و من شخص أكثر من رائع .. يعني موضوع روائع في روائع
يعطيك الف عافية يا ابو وليد على مشاركتنا تجربتك المفيدة

[نادر البلوي]

ماشاء الله
الله يعطيك العافية يابووليد .. سبحان الله عندنا شركة الكهرباء بتبوك عكس التيار والانقطاعات بدأت مع انطلاقة المربعانية
والله طفت الكهرباء تقريبا ثلاث مرات , ابتداءً من الظهر (ابو نص ساعة ) والعصر لاحظت لثلاثة ايام متفاوته انقطاع ثم تشغيل ثم انقطاع في جزء من الثانية والله يستر على اجهزتنا

الخوف اكثر شيء على المكيفات ,, اعتقد لها نصيب كبير من التلف في حال استمرار ممازحة شركات الكهرباء < هي شركة وحدة هههه

[F H D]

^^^^
دمهم ثقيل هالشركة .. الله يعينكم
عندنا بالصيف مشكلة كثرة الإنقطاعات + الكهرباء شغاله ولا كأنها شغالة يعني لو يقطعونها أحسن
لكن فواتير الإستهلاك ما تنقطع أبداً و تجيك قوووية أيضاً .. حسبنا الله فيهم

[mz_milan]

الله يعطيك العافيه يابو وليد على هالموضوع المميز والمهم للكل وانا اولهم

تخيل الى الان ماشريت منظم

مطنش ومو مهتم شكلي ابي الاجهزه يصير فيها شي لا سمح الله

بس مشكلتي مابي منظم كبير الحجم ابي شي صغيرون وممتاز ومو بشاشه مضيئه مزعجه ومايقعد كل شيو يصفرلي

راح ادور على منظم اصغر من ذا واذا مالقيت شي ممتاز شكلي راح اشتريه

الله يوفقنا واياك يارب

تحياتي

[مزيد الدوسري]

ماشاء الله ، تجربة رائعة والجهاز الصرااحه منظم رائع للكهرباء

والله يعطيك العافيه على الموضوع الجميل

[The Adviser]

ماشاء الله منظم جدا رائع ويعطيك العافية على التقرير

حقيقة حجمه ووزنه وكل الي قلته ماشوف انه عيب ابدا الوزن بكل صراحة انت بتحطه في مكان واحد وبتنساه مو كل يوم بتغير مكانه


Sent from my iPhone using Tapatalk

[BAROOON]

اييست ضبط خووويك وكلم اوستن يجيبلي مثلة هدية ما اقول لا

[Marauder28]

يعطيك العافيه على التقرير والتجربه اللي اكيد الجميع بيكتسب من خلالها المعرفه

حقيقه قبل سنه تقريباً ضفت لقائمة المشتريات في امزون هذا الجهاز (APC Smart-UPS SMT3000 2700W/3000VA 120V LCD UPS System).

طبعاً العيب الكبير فيه وزنه اللي بجد ما تقدر تستوعبه ، الجهاز شفته وانا ابحث عن نظام يحافظ على الاجهزة في حالة إنقطاع الكهرباء ويعطيني القدره على استخدام الاجهزة الموصوله فيه ، طبعاً بعد شوية تفكير شلته من بالي لعدة اسباب اولها الكهرباء عندنا ما اذكر متى اخر مره انقطعت ربما من 3 سنوات او اكثر ايضاً كان في بدائل اوفر مادياً إضافة الى ان الاجهزة اغلبها عندي 220 فولت






عموماً شكراً لك من جديد ومبروك عليك وبالتوفيق

[Al-Janooobe]

مبروووك الجهاز وهل ممكن اني الاقي مثله هنا والا لازم عن طريق النت؟؟

[gatsu]

الي يدور حماية للأجهزة ما شوف انه له داعي يكلف على نفسه ويشتري منظم مع بطارية الا في حالة انه عنده سيرفر او انه عنده شغل مهم وصعبة انه ينتظر الكهرباء ترجع.
الجهاز اذا كان عليه الحمل بالكامل يستمر يشتغل على البطارية لمدة 3 ساعات. ويستمر الى 11 ساعة اذا كان النصف.
ترى تقدر تطفئ الصوت عن طريق السوفتوير حقهم بس لمن تقرب تطفي البطارية على اخر نصف ربع ساعة راح يستمر الصوت.

^^^^
دمهم ثقيل هالشركة .. الله يعينكم
عندنا بالصيف مشكلة كثرة الإنقطاعات + الكهرباء شغاله ولا كأنها شغالة يعني لو يقطعونها أحسن
لكن فواتير الإستهلاك ما تنقطع أبداً و تجيك قوووية أيضاً .. حسبنا الله فيهم

متاكد فهد لو يقطعونها يكون احسن رقم حساب العداد وانا احقق لك الأمنية هذي .
شوف اذا تحس ان الفواتير تجيك كبيرة حتى لو انت استهلاكك قليل تقدر تكلمهم يشيكون على العداد تحصل احيانا.
واحيانا يكون في تسريب في العداد خلني اقولك هذا الموقف علشان توضح اكثر:
كان في امراة عجوز جات تشتكي تقول انا مسافرة وغير متواجدة ومع ذلك تجيني فاتورة جاو وشيكوا على العداد مافي اي مشكلة ومع كثرة الألحاح جاوا معها طفوا عداد الشقة انطفت معاها الممرات في نفس
العمارة الي اتضح انه مسلكين الممرات على عدادها طبعا بذلك راح يستمر تجيها الفواتير هذا الخطا من تسليك العمارة وقيس على ذلك. الحادثة هذي في جدة.

خلني اقول هذي النقطة والله على ما اقول شهيد ولو اني طلعت برة الموضوع :
شركة الكهرباء تبيع التعرفة بالنسبة للأسكان نقول عليه عداد سكاني بخسارة الربح فعليا في ادخال التيار وكذلك في العداد التجاري وكذلك المصانع حيث ان السكاني لا يمثل الا ما يقارب 18% من استهلاك الكهرباء.

بس لمن تجي واحد عنده 7 اطفال وكل واحد تحت مكيف وتاركين الأجهزة شغالة ايش تتوقع الفاتورة .العيب ليس في الشركة العيب في الوعي عند الناس.
بالنسبة للأنقطاعات احيان تكون كوارث طبيعية اذكر احدث الحوادث ان شخص بالسيارة ارتطم في احد ابراج خط رئيسي للكهرباء على خط الرياض ايش بيصير طبعا انقطاع.
خذلك هذي الحادثة احد الشراكات التجارية معهم رافعة والسواق الحبيب في الصحراء وكان مار تحت برج رئيسي ونسى لا ينزل الرافعة وظرب في الخط ايش بيصير انقطاع وهو مابقى منه شي.
حادثة اخرى علشان ما اطول في ابها صار فيضان ويطيح لك ما يقارب 150 عمود طبعا راح تنقطع الكهرباء.

انا ما ادافع عن الشركة لكن استغرب ناس تدفع فواتير للهاتف على هذرة وكلام بينما تزعل لو تدفع على الكهرباء ولو سالت ايهم اهم لديك الهاتف ولا الكهرباء؟راح يقول الكهرباء ماعدا فهد يقول ماعنده مشكلة خلهم يقطعونها.
وللمصداقية هناك ضعف في التوليد خاصة في الشمال في مقابل الأستهلاك هذا تلام عليه الشركة ولو انه في مشاريع للتعزيز على حسب ما سمعت.
اكبر المشاكل ان الطلب للكهرباء صاير اكبر من التوليد وعلشان تزيد من التوليد لازم مشاريع بناء محطات وهذا ياخذ وقت.

الشاهد احينا في امورنا اليومية تصير اشياء الواحد يتضايق منها ولكن لا عرف المسبيبات الحقيقة فا يبدا باللوم .
ولا تقدر تلوم الناس لو زعلت الي عنده اطفال او مرضى ولا يكون يوم حار وتجي تنقطع الكهرباء انا راح اتنرفز لكن مالك الا تصبر او تروح مجمع لين ترجع ابرد.

تحياتي واسف على الأطالة......فهد ادري باند لي.

[BAROOON]

الي يدور حماية للأجهزة ما شوف انه له داعي يكلف على نفسه ويشتري منظم مع بطارية الا في حالة انه عنده سيرفر او انه عنده شغل مهم وصعبة انه
تحياتي واسف على الأطالة......

طيب يا gatsu مثل ايش المنظم بدون بطارية الي تقصده ؟
طبعا انا ما افهم فيهم بس اهم شغلة ابيه يسويها ,
1- يثبت الكهرب بشكل معقول , 2- لو فصل الكهرب ابيه يفصل لغاية ما ارجع اشغله .
بعدين العالم كلهم تشتكي من كل شي وواخرتها مالهم بديل
شركة الكهرب بايخه = طيب اتركهم
الهاتف ضاحكين علينا = طيب لاتكلم ولا تنتنت وتشغلنا
الطيران خدمتهم سيئة = طيب عندك سيارة دق سلف ودز ولا ريح مخك واقعد في بيتكم .

زي ماقلت انت اغلب المشاكل تكون من المستخدم غالبا مثل :
واحد من الشباب يشتكي من النت كل ساعه يفصل عليه وويسب فيهم ويقول كل شي عندي تمام
المشكلة منهم , راح وركب سلك خارجي وضبط النت عنده , البنق نزل الى 30 والتشويش صار افضل
ولا قطع عليه اكثر من اسبوع وهو شغال تمام .

بالنسبة لي مستحيل اقعد بدون كهرب ولو يفصل ساعه معاناه فروق لا تفصله علي ههههههه
وترا الكلام الي قاله فهد أغلب الناس تقول زية فعادي ماقال شي جديد , يمقن باند يمقن لا

[gatsu]

^^^^^^
هلا بوفيصل اذا تبي هذي نوعية ممتازة وسعره في المتناول.
http://www.amazon.com/APC-LE1200-Aut...3852804&sr=1-1

طبعا هذا 110 وفي 220 هذا موديله APC LE1200I .

صحيح ما في بدائل بس الواحد لازم يكون اجابي ولا ما تقدر تتعايش في البلد.
بالعكس انا اتفهم الناس و الكهرباء موضوع حساس وانا حاقد على الشركة اصلا بس ماودي افتل كان ما اسكت. بس حبيت اسوتضح بعض الأمور وزي ما ذكرت احينا يكون الخطا منا.
لا تخاف مافي فصل بس ادفع الفواتير. ذكرتني بسالفة واحد من الشباب كل ما طفى الكهرب عنده قام دق رجع الكهرب وكاني مركب فيش بيتهم عندي اشغله واطفيه على كيفي.
زي ما قلت يمقن ويمقن تمشي.... صحيح ايش سالفت يمقن كله الناس طايحين فيها

[TrUTh81]

الله يعطيك العافيه على الموضوع

جهاز ممتاز بصراحه

عجبني الحجم يعتبر صغير بالنسبة لقدرات الجهاز

بس اشوف الشاشة بالنسبة لي شي مزعج افضلها بدون

طبعاً هنا ماشفت عندنا غير شركة APC وماعتقد ان يشتغل 8 ساعات بدون كهربا

لكن اللي عندك ماشاء الله ممتازة مواصفاته...الله يبارك لك فيه

[BAROOON]

^^^^^^
هلا بوفيصل اذا تبي هذي نوعية ممتازة وسعره في المتناول.
http://www.amazon.com/APC-LE1200-Aut...3852804&sr=1-1
طبعا هذا 110 وفي 220 هذا موديله APC LE1200I .
صحيح ايش سالفت يمقن كله الناس طايحين فيها

هلابك اكثرر
اغلب الافياش الي عندي 220
شفت الي عطيتني سعره جيد في ال50 دولار بس مدري كم وزنة بشيك بعدين ,
لكن هذا يكفي حق كم جهاز بضبط ؟ يعني اقدر اشبك عليه الـavr والسوبوفر ولا كيف ؟
وكمان شفت هذا مع البحث على الاول
APC BE550G Back-UPS ES 8 Outlet 550VA 120V -

فية 8 اوتليت مدري وشرايك ؟
------------
يمقن ايه ويمقن لا ,,, اكتبها في اليوتيوب وبتعرف

[East25]

تجربة رائعة .. لمنتج روووعة .. و من شخص أكثر من رائع .. يعني موضوع روائع في روائع
يعطيك الف عافية يا ابو وليد على مشاركتنا تجربتك المفيدة

حياك الله اخوي فهد وشاكر لك فزعتك ياللذيب

[حافظ الود]

يعطيك العافية على الموضوع يا غالي

وهذا الجهاز اهميته تعتمد على ما يوجد لديك في البيت .... بالدرجة الأولى ....

وهو خيار مميز لمن اراد الحفاظ على اجهزته واطفاءها بطريقة سليمة

تقبل تحياتي ....

[East25]

ماشاء الله
الله يعطيك العافية يابووليد .. سبحان الله عندنا شركة الكهرباء بتبوك عكس التيار والانقطاعات بدأت مع انطلاقة المربعانية
والله طفت الكهرباء تقريبا ثلاث مرات , ابتداءً من الظهر (ابو نص ساعة ) والعصر لاحظت لثلاثة ايام متفاوته انقطاع ثم تشغيل ثم انقطاع في جزء من الثانية والله يستر على اجهزتنا

الخوف اكثر شيء على المكيفات ,, اعتقد لها نصيب كبير من التلف في حال استمرار ممازحة شركات الكهرباء < هي شركة وحدة هههه

هلا بك اخوي نادر والله يعينك على هالمشكله مالك الا الصبر وانا اخوك
شرفني حضورك

[gatsu]

هلابك اكثرر
اغلب الافياش الي عندي 220
شفت الي عطيتني سعره جيد في ال50 دولار بس مدري كم وزنة بشيك بعدين ,
لكن هذا يكفي حق كم جهاز بضبط ؟ يعني اقدر اشبك عليه الـavr والسوبوفر ولا كيف ؟
وكمان شفت هذا مع البحث على الاول
APC BE550G Back-UPS ES 8 Outlet 550VA 120V -

فية 8 اوتليت مدري وشرايك ؟
------------
يمقن ايه ويمقن لا ,,, اكتبها في اليوتيوب وبتعرف

هذا ال 220 وما عليك من التقييم معضمهم ماخذين هذا الموديل ما يدرون انه 220 فا توهقوا.
http://www.amazon.com/APC-LE1200I-12...3855197&sr=1-2
يتحمل 1200 وات.
انا افضل تاخذ النوع الي ذكرت لك لأنه يقدم حماية ويثبت الكهرباء وفي وكيل في الخبر وسعره بي 250 ريال بس ياخذون 3 شهور على ما يجيبونه.
تقدر تشبك عليه تحويلة اذا تبي اكثر من فيش.
انا شريت مثله وعلى انه واحد من الشباب بيجيبه معاه من امريكا في الأخير نساه وما جابه .
اليوتيوب ما يشتغل في العمل بس ارجع باشيك سالفة يمقن.

[East25]

الله يعطيك العافيه يابو وليد على هالموضوع المميز والمهم للكل وانا اولهم

تخيل الى الان ماشريت منظم

مطنش ومو مهتم شكلي ابي الاجهزه يصير فيها شي لا سمح الله

بس مشكلتي مابي منظم كبير الحجم ابي شي صغيرون وممتاز ومو بشاشه مضيئه مزعجه ومايقعد كل شيو يصفرلي

راح ادور على منظم اصغر من ذا واذا مالقيت شي ممتاز شكلي راح اشتريه

الله يوفقنا واياك يارب

تحياتي

حياك الله اخوي محمد وبعد البحث تأكدت مثل ماقال اخوي ابوعبدالعزيز الله يعطيه العافيه انك تقدر تتحكم بخاصيه الصوت وقوة سطوع الشاشه من خلال السفتوير حق الجهاز