اذا قررت تشتري الشاشة من الأخ بـ1000 ريال .. فـ11 الف ممكن تجيب لك خيارات ممتازة,بس مدري المبلغ مع الشحن للبروجكتر او بدون !؟
على العموم الان في اغلب المواقع فيه عروض على اجهزة الباناسونيك والايبسون .. تخفيضات بـ100-300$ يعني تقريباً يطيح عنك سعر الشحن
خلال النصف الثاني من السنة الميلادية نزلت موديلات جديدة من البروجكترات .. بعضها لها اكثر من عدة شهور وراح تحصل ريفيو كامل عنها وعن مميزاتها ومشاكلها
وفيه موديلات نزلت خلال هالشهر او نهاية شهر نوفمبر فراح تحصل الريفيو اقل من الاجهزة الي سبقتها .. ومع ذلك ممكن تاخذ فكرة عن الجهاز وكل مايحيط فيه
عندك كذا خيار بالنسبة للاجهزة .. اقدر اقولك فيه الباناسونيك من اكثر الاجهزة انتشار خلال كم شهر الماضية .. ايبسون توه نازل للسوق وبرضوة منافس قوي للباناسونيك
وطبعا فيه الـJVC لكنه ممكن يكون اعلى من ميزانيتك بشوي .. والصراحة انا ماركزت على الـJVC فماادري هل فيه مواقع عارضته بسعر اقل ولا لا
لكن الي حصلته بامازون او ايباي كان تقريبا بـ3200$ .. مقارنة بالباناسونيك الي الان عليه عرض بـ2699$ .. والايبسون الي تقريبا بنفس سعر الباناسونيك.
فيه اجهزة الان يتم شحنها للي طلبوها بامريكا وكندا .. وهي الموديل الجديد لجهاز البارون Benq 600 الي هو Benq 7000 ..وبرضوة فيه جهاز
Mitsubishi hc 7800
طبعا هالجهازين يعتبرون DLP بخلاف الايبسون والباناسونيك والـJVC .. كل واحد من هالثلاثة له تقنية مختلفة عن الثاني.
انا اتكلم لك عن نفسي بفترة ماضية قبل كم اسبوع اشتريت الباناسونيك لانه كان في تخيضات زي الي هالايام ونازل من سعر الجهاز 300$
المهم صارت مشكلة بيني وبين الموقع وباي بال .. وبين اخذ ورد وحاول كذا وسوي كذا .. قررنا نلغي العملية ونرجع اصحاب احنا الثلاثة 
فزي العادة لما تكنسلت العملية شفت ان المبلغ الي معي صار افضل شوي .. فقلت خلنا نشوف خيارات افضل
والان انا قاعد ادور وابحث عن مواصفات الـ
Sony VPL VW90ES .. سعره بين الـ4500-5000 $ ومواصفاته مميزة جدا خاصة للـ2D وهذا الي يهمني
فالان انا معي تقريبا 10 ايام اقرر هالجهاز او ارجع للباناسونيك واوفر مبلغ وقدره .. وخلال هالايام ان شاء الله ماشطح بشئ ثاني بعد 
