مساعدة في اختيار واير HDMI

[Werewolf]

السلام عليكم
اخواني انا حاليا طلبت تلفزيون D8000 من امازون وانتظر وصوله إلي بريدي
فـ انا امتلك جهاز اكستريمر و رسيفر الدريم و osn و مسرح المنزلي

وشتنصحوني بخصوص واير HDMI
هل استخدم واير HDMI الاصلي الي يأتي مع هذول الاجهزة ام اشتري واحد اخر
طبعا انا ابغي الافضل لكي احصل على افضل صورة و صوت وطبعا ابغي يكون داعم للـ 3D
ياليتكم تقترحون علي الوايرات التي تفضلونها والقويه لهذول الاجهزة و حتى لو ماكانت متوافره في اسواقنا ولازم نطلبها انا مستعد اني اطلبها لو كانت السالفه فيها توفير

[HAMANY]

هالنوع سعره معقول وتقييمه ممتاز
Amazon

اذا تبي كمية انصحك تاخذ من MonoPrice

[mz_milan]

انا مشتري نفس الكيابل الي اعطاك هم حمني الي من موقع امازون اشتريت 10 منها وبكل امانه كيابل ممتازه وجودتتها رائعه وسعرها رائع وتقييماته رائعه ومركبهم قبل اسبوعين وغيرت الكيابل القديمه وكل شي ماشي تمام حتى بعض المشاكل الي كانت عندي من الكيابل القديمه بعد تغييرها لهذه الكيابل اختفت هذه المشاكل والحمد لله

أنصح بهالكيابل وبشده وايضاً هي من اخر اصدارات كيابل HDMI

الله يوفق الجميع يارب

[Werewolf]

جزاكم الله خير مشكوري

[him777]

السلام عليكم ورحمة الله
بعد إذن راعي الموضوع

شباب الآن السلك اللي من Amazon أفضل من هذا

6ft 24AWG CL2 High Speed HDMI® Cable w/ Net Jacket - Black

وهذه مواصفاته من مونوبرايس أشوف ال AWG 24 والثاني 28 بس ودي أتأكد

[Werewolf]

^^
ننتظر الاجابة من الأخوان

[mz_milan]

^^^

الـ 24 افضل واسمك واكثر حمايه واشوف ان هالكيابل مفيده لمن تكون طويله تاخذ 24 لكن الشي القريب والقصير خذ شي مريح مثل 28 تقدر تفك وتركب بكيفك مو مثل 24 يجيك سميك وشغلانه بالفك والتركيب وياخذ مساحه

انا الكيابل القديمه الي فكيتها ورميتها هي من مونوبرايس وهي 24 ياشيخ شي غير طبيعي سميكه وشغلانه بالفك والتركيب وماخذه مساحه في مكان صغير ومسببه زحمه لا وفوق هذا فيها مشاكل ممكن لان اصدارها قديم شوي قبل سنتين واكثر شوي .. فكيتها كلها وركبت ال 28 ال يمن امازون والحمد لله راحه وصغيرة الحجم ومحيه حمايه جيده والكل يمدحها

هذا الكيبل الي كان عندي نفس هالشكل والحجم (لكن اتوقع الاصدار الاقدم بس نفسه نفس الشكل والموديل هذا) والي رشحه له Dullie الله يذكره بالخير

[SAEED1979]

اشتريت نفس الكيبل طول 25 قدم من اللي نصحوك فيها الشباب وبإنتظاره خلال الايام القادمة ..
وهي افضل ماركة بسعر معقول ..

[Werewolf]

خلاص ان شاءالله بنتوكل على الله وبنشتريه وبنشحنه مع التلفزيون

[Marauder28]

مبروك يا مستئذب وان شاء الله توصلك الشاشه بالسلامه


طيب ذكرتوا انواع من الاسلاك سؤالي ايش افضل اسلاك الـ HDMI حتى لو سعر السلك يتجاوز 300 ريال لـ 2 متر مثلاً ؟؟ حصلت لي مشكله امس بسلك الطويل اللي يطلع من الكمبيوتر الى الرسيفر واضنتي المشكله من السلك نفسه ينقل صوره وما ينقل صوت كذا فجأه بدون مقدمات وهذا الشيء نرفزني قلت اشتري سلك لو سعره 500 ريال ولا تجيني مشكله مثل هذي

[mz_milan]

^^^

اذا تبي نوع مميز وفخم وواصدار جديد واشوف التقييمات عليه حلوه وسعره حوال 700 ريال المترين ... مره غالي والله

Monster Cable M2000HD 8f HDMI cable



أو جرب ياخي نفس الي شريناه خذ منه 2 وشوف اذا ماشي تمام كان بها اذا خرب عليك وسوالك مشاكل اشتري الغالي

الله يوفقك

[Marauder28]

عندي نيه اني ابدل كل الاسلاك اللي عندي من جديد واشتري اسلاك عليهم القيمه بعد اجازة رأس السنه بشتري اسلاك جديده للأمبلفايرات احتمال اني اشتري من شركه اموتيفا عشان يكونوا من نفس شركة الاملفايرات اللي عندي ، واسلاك الـ HDMI ببدلهم كلهم لو اصرف 2000 ريال بس قيمة اسلاك ما راح اتردد انا ايش يضمن لي ان الاسلاك اللي عندي جالسه تعطيني افضل اداء للاجهزة يمكن يكون في فرق بعد ما اشتري اسلاك غاليه


مترين يا محمد ما يخدمني مع الكمبيوتر احتاج بين 8 الى 9 متر طول السلك وبقية الاسلاك متر واحد يكفيني ، عموماً دعواتكم اني اضبط الوضع الليله ويرجع كل شيء مثل ما كان

[mz_milan]

^^^

انا اعطيتك مترين لانك كتبت فوق تبي مترين

يوم تشتري جودة عاليه راح تنام وانت مرتاح لكن لو تشتري مثلنا شي يمشي الحال وسعره رخيص ممكن ماننام واحنا مرتاحين بس ان شاء الله انه الكيابل الي اشتريناها تمشي الحال فتره طويله لان اشوف الكل معجب فيها ولا احد واجه مشاكل معاها الا نادراً وكمان اصدار جديد C2

الله يوفقك ويسهل امرك بتغيير الكيابل وانهاء غرفتك السينمائيه بسلام ان شاء الله

تحياتي

[Marauder28]

تسلم يا محمد

عملت تحديث للشاشه والحين جالس احدث الرسيفر نشوف يمكن المشكله تروح مع التحديث باقي 12 دقيقه

[gatsu]

انا عندي تحفظات على موقع Monoprice شريت منهم مرة ورميت كيبلهم على الأقل المفروض يكتوبون موصفات الكيبل من الخارج.
هم لا كيس في داخله كيبل الله العالم ايش مواصفاته.كان يطلع لي مشاكل في الصورة وحتى طحت في شركة Marantz ايميلات في الأخيرطلع كيبل واخذ انقص وجهي.
و Monster شركة ممتازة بس يبالغون كثير في اسعارهم .
عندك هذي الشركة ممتازة Accell وسعرهم مناسب وعندهم انواع مختلفة شوف الي يناسبك منها وانا مجربهم.

[Marauder28]

انا عندي تحفظات على موقع Monoprice شريت منهم مرة ورميت كيبلهم على الأقل المفروض يكتوبون موصفات الكيبل من الخارج.
هم لا كيس في داخله كيبل الله العالم ايش مواصفاته.كان يطلع لي مشاكل في الصورة وحتى طحت في شركة Marantz ايميلات في الأخيرطلع كيبل واخذ انقص وجهي.
و Monster شركة ممتازة بس يبالغون كثير في اسعارهم .
عندك هذي الشركة ممتازة Accell وسعرهم مناسب وعندهم انواع مختلفة شوف الي يناسبك منها وانا مجربهم.

والله لو تعرف ايش سبب المشكله اللي دوختني يومين وربي تضحك وما كانت على بالي


انا معك في كلامك عن موقع مونبرايس الاسلاك جودتها متوسطه واسعارها مقبوله ولكن العيب مثل ما انت ذكرت الاكياس تجيك عاديه وما تعرف مواصفات السلك لو شريت اكثر من واحد ومواصفات مختلفه


بخصوص السلك من شركة Accell راح اجربه اليوم جبنا سيرتك بكل خير على الرسائل الخاصه بخصوص هذا النوع من الاسلاك

يمكن اللي حمسني ابدل كل الاسلاك اللي عندي بأسلاك اصليه هو موضوعك عن الامبلفاير يوم تشتري اسلاك اصليه رغم وجود الارخص منها في مونبرايس


المهم مشكلة الصوت عندي الحين ضبطت والحمدلله بعد ما عملت تحديث للرسيفر الدينون الصوت اشتغل والله يعين يبغالي ارجع اعمل وزن للسماعات

وشكراً لك وللجميع

[gatsu]

^^^^^
ترى في شركات كثيرة وممتازة لي HDMI اذا احاب اعطيك بعضها مو شرط Accell انا ذكرتها لأني مجربها هو اهم شي الواحد ما يبالغ في سعر الكيبل انا اقولك كذا واحينا اتهور مالي نفس تجيني مشاكل تاذيني وفي الأخير يطلع كيبل.
بس زين انحلت امورك. وانا اعادة الوزن صار عندي زي شربة الماء كل من موضوع mks للمعايرة كل مرة اخطي في شي ما انتبهت له واعيد.
الخميس الي فات قعدت تقريبا 7 ساعات اعاير الشاشة الي عندي لين صرت ما اميز بين اللوان مصدق روحي خبير ISF بس الحمد الله كانت النتائج مرضية.

[SAEED1979]

كيف هذه القطعه مع الاطوال الكبيرة
http://www.amazon.com/Tripp-Lite-B12.../dp/B000N5YF9Y
احد جربها ؟

[Werewolf]

اخوي gatsu

ياليت تعطينها كيابل HDMI مضمونه وسعرها حلو ويكون داعم للـ 3D

وهل تنصحني يعني في منيستر حالي من حال الاعضاء ولا في شي سعره قريب منه و ادائه عالي ؟

انا بحثت في مازون عن Accell وشفت كذا نوع
يليت تفيدني بالنوع الاحدث وايهم افضل Accell ام Monster

[Werewolf]

ياليت توضحون لي شغلة ثانية



هذي الواير تبع شركة Accell

مكتوب انه يدعم 3D و يدعم التوصيل بالنثيرنت .. مافهمت هل اهو يوصل الانترنت بعد ؟
شوفو هذي الصور التوضيحيه :


ياليتكم توضحون لي اكثر
وهل تفضلون اني اخذها ولا ؟؟