برنامج WD TV Remote app

[Khalid-Qatar]

تحديث بتاريخ ٣/١/٢٠١٢ مزيد من المزايا والخيارات

السلام عليكم

اول شي في تحديث جديد من كم يوم لمشغل الوسائط ياليت التحديث




والحين ندخل علي موضوعنا


برنامج WD TV Remote app متوافق مع هواتف IOS وهواتف android



البرنامج لمشغل الوسائط WD Tv Live Hub




طبعا البرنامج مثل ماهو باين من اسمه رموت كنترول

ينفع في حاله ضياع الرموت الموجود عندك او عطل .......... او دلع وتغيير صور للبرنامج



ادخل على متجر البرامج من خلال هاتفك سواء ايفون او اندورايد والبحث عن

WD TV Remote




البرنامج اول واحد في القائمه وبعد التثبيت



تحت الساعه بالضبط في مربع وعليه رسمه جهاز ..... اسحبه تحت واختار جهازك علشان يتم الاتصال فيه



في علامه عاليسار عليه رسمه جرس تقريبا تسحبها يمين وتطلعلك قاذمه الخدمات من المواقع مثب يوتيوب وفيس بوك وغيرها ...... الخ




وفيه علامه عاليمين بالنص عليها خطوط ٣ كآنها قائمه تسبحها لليسار وتظهر لك خيارات سريعه مثل الكنترول وغيره




والي صحيح بيتغلب على الهارموني انه فيه كيبورد او ل ماتدخل اليوتيوب فرضا



يبين بالكتابه الي بالشاشه انك تختار السهم للآعلى علشان تستخدم البحث اختار السهم وبعدها من الرموت اختار زر الكيبورد

الي بيكون فوق عاليمين






وبشاشه التلفزون بعد ماتضغط السهم فوق للبحث يظهر لك الكيبورد




واكتب المقطع الي تبغي تبحث عنه وبعدها OK واستمتع

جربت ابحث بالعربي طبعا بالتلفون بالكيبورد اقدر اكتب بس الي اكتبه مايظهر على شاشه التلفزون انشالله يتقبل الاوامر بالعربي بالمستقبل

لكن بصراحه اشوف التحكم من التلفون احسن بوايد من رموت الشركه الاصلي ومن الهارموني


وبالبركه صار عندك رموت ثاني

بالتوفيق


مبروووك ونشوفكم على خير

[mz_milan]

يعطيك العافيه ياخالد

دائم مميز بمواضيعك المتطوره

ماشاء مابقي شي الا وانربط بالجوال .. مابقي الا نتروش عن طريقه

الله يوفقك ياغالي

[Khalid-Qatar]

الله يعافيك اخوي

والبرامج وايد الي تنربط بالتلفونات وحق شركات عديده

وبكره يجيبون لك برنامج للتلفون ينشفك ويلبسك ثيابك بعد الترووش ههههه

[East25]

يعطيك العافيه اخوي خالد على الطرح الجميل
ومعاك ان البرنامج حلو بس مايغنيك عن الهارموني

تحياتي يالغالي

[Marauder28]

الله يقويك يا خالد سوبرمان

انا متابع الفتره الاخيره برامج الكنترول الخاصه بالهوم ثيتر في اجهزة بالاسواق العالميه افضل من الهارموني واجهزة الجوال والذكيه وقريبه من التابلت ، عموماً اغلب البرامج بالاندرويد جربتها وفعلاً مريحه وتحسسك بنوع من الفخامه والاحترافيه


لا تحرمنا من هالمواضيع الحلوه

[F H D]

وعليكم السلام
يعطيك العافية يا خالد على المشاركة الجميلة
تطبيق ممتاز ومفيد فعلاً
في جهاز الإكستيرمر ( المنافس للـ WD ) ما أدري إذا يوجد تطبيق خاص من الشركة بالأجهزة الحديثة او لا
ولكن يمكن التحكم بالجهاز من خلال الريموت بمتصفح النت في الجوال او الكمبيوتر
أدخل على الرابط الخاص بالريموت بأيبي المشغل حقك زي كذا :-
http://ip-of-your-xtreamer/rc

الطريقة موضحة بهالإقتباس من موقع الشركة

Virtual Remote Control applications

Xtreamer Web Server also gives you access to 2 virtual Remote Control apps. You can use them to control your player from your PC or iPhone\iPod Touch.



These applications allow you to do anything your remote control does.

[حافظ الود]

يعطيك العافية اخوي خالد

كعادتك موضوع مميز ومفيد للغاية

[Khalid-Qatar]

يعطيك العافيه اخوي خالد على الطرح الجميل
ومعاك ان البرنامج حلو بس مايغنيك عن الهارموني

تحياتي يالغالي

الله يعافيك اخوي ..... الهارموني موجود وخيار جيد

لكن البرنامج عن طريق التلفون احلي مافيه انك تمتلك كيبورد

[Khalid-Qatar]

الله يقويك يا خالد سوبرمان

انا متابع الفتره الاخيره برامج الكنترول الخاصه بالهوم ثيتر في اجهزة بالاسواق العالميه افضل من الهارموني واجهزة الجوال والذكيه وقريبه من التابلت ، عموماً اغلب البرامج بالاندرويد جربتها وفعلاً مريحه وتحسسك بنوع من الفخامه والاحترافيه


لا تحرمنا من هالمواضيع الحلوه

هلا اخوي وعساك عالقوه انشالله

البرامج زادت مثل ماذكرت حالسا استخدم كذا برنامج من بينها LG TV و WD و XBMC وقريب اجرب برنامج ال Onkyo

ومثل ماذكرت لك رموت احتياطي ودلع بنفس الوقت

الف شكر

[Khalid-Qatar]

وعليكم السلام
يعطيك العافية يا خالد على المشاركة الجميلة
تطبيق ممتاز ومفيد فعلاً
في جهاز الإكستيرمر ( المنافس للـ WD ) ما أدري إذا يوجد تطبيق خاص من الشركة بالأجهزة الحديثة او لا
ولكن يمكن التحكم بالجهاز من خلال الريموت بمتصفح النت في الجوال او الكمبيوتر
أدخل على الرابط الخاص بالريموت بأيبي المشغل حقك زي كذا :-
http://ip-of-your-xtreamer/rc

الطريقة موضحة بهالإقتباس من موقع الشركة

الله يعافيك اخوي وبرنامج الاكستريمير نزلته من فتره بس ماقدت اشغله لني مب حافظ اللنك مال الجهاز

وبعدين لني اشتريت الاكستريمر برو وحطيت فيه افلام وحطيته في المجلس حق اخواني وربعهم ومن يومها ولا رحت صوبه هالكلام تقريبا شهر ٦

وبخصوص جهاز ال WD بدون لنك بس تشغل يبحث في الشبكه عن الجهاز ويشتغل

[Khalid-Qatar]

يعطيك العافية اخوي خالد

كعادتك موضوع مميز ومفيد للغاية

الله يعافيك اخوي

ولا تحرمنا من الطلات الحلوه

[Marauder28]

انت شكلك لما كتبت ردك الاخير فوق سكرت الباب وقفلت الموضوع على الناس

خاصية اغلاق المواضيع مفتوحه للاعضاء البعض لما يسوي موضوع ويجي يرد على الاخرين بالغلط يقفل الموضوع

وانا عندي نسخه مفاتيح لجميع الاعضاء لذالك فتحت الموضوع


وزنك زايد لازم تخس ما يصير كذا سوبرمان

[Khalid-Qatar]

انت شكلك لما كتبت ردك الاخير فوق سكرت الباب وقفلت الموضوع على الناس

خاصية اغلاق المواضيع مفتوحه للاعضاء البعض لما يسوي موضوع ويجي يرد على الاخرين بالغلط يقفل الموضوع

وانا عندي نسخه مفاتيح لجميع الاعضاء لذالك فتحت الموضوع


وزنك زايد لازم تخس ما يصير كذا سوبرمان

الله يعطيك العافيه ياخوووي

توني ادري منك انه في قبل انا دخلت وعدلت عالموضوع زدت شويه معلومات وصور

والبركه فيك وفي امثالك من المشرفين

وبخصوص الوزن ثابت من سنين .... تاكل ماتاكل كله نفس الشي خخخخخخ