اختيار سبووفر SVS, JL Audio, Velodyne, or Paragidm

[mlakaaa3]

السلام عليكم ورحمة الله وبركاته،،

كثرت انواع السبووفرز الموجوده في السوق تخلي الواحد ينحاس ولا يعرف وش يختار .. وانا صار ما عندي ثقه كثيره في المراجعات اللي تكون في المنتديات الاجنبيه لان عندهم نفس مشكلتنا (التعصب للشركات) .. يجيك واحد يمدح في شركة يخليها احسن شي عشانها عنده او لغرض ما .. والمراجعات اللي في المواقع المتخصصه كلها تمدح! يعني ما تدري من تصدق .. هل فعلا ذا الاجهزه مالها عيوب كبيره ؟؟

زي ما هو موجود في عنوان الموضوع .. هذه الماركات اللي قدرت اقرا عنها في المنتديات والمواقع (لا يعني انه لازم تكون من هالشركات فقط ،، شركة HSU كويسه وكثير يستخدمونها بس ما قريت عنها)

الغرفه المستخدمه:
الغرفه عندي 6.3x4.5x2.5 (ارتفاع، عرض، وطول) بالفيت يطلعون 2340 كيوبك فيت.


السماعات المصاحبه:
Paradigm Studio's

السبووفرز:
1- JL Audio Fathom

الشركة ذي تعتبر من الشركات العريقه في السبووفرز .. كان تركيزهم في السابق على السيارات بس الحين يسوون لاين خاص بالمنزل.

الFathom يجي ثلاث موديلات
f110 يجي 10 انش وf112 يجي 12 انش وf113 يجي 13 انش

الشركه لها وكيل في دبي وممكن يشحنون للسعوديه وارسلت لهم ايميل وهاذي اسعار الصب ووفر حسب الترتيب اللي فوق للون Gloss Black

9,300 AED 15,200 AED 12,200 AED

المميزات:لها وكيل في دبي، لا سمح الله خرب ولا شي يكونون قريبين.اسعارهم بتطلع نفس اسعار SVS لو بشحنه خاصه لل12 انش

2- SVS PB-13 Ultra

الشركه ذي ما فيها كلام ولا ازيد على كلام mz_milan في موضوعه هنا تجربتي لسب أوفر SVS PB13-Ultra Subwoofer ..

وزي ما ذكر اخوي محمد السبووفر راح يكلف حوالي 12 الف وطبعا لا له وكيل وبالتالي ما فيه ضمان.
كثير من اللي قريت عنه كانوا يقارنون اداءه بسوووفرات اغلى منه وانه bang for the buck بالنسبه لاداءه وسعره
ولكن في حالتي انا راح يكلفني شحن كثير وما راح استفيد وراح يوصل سعره لموديلات اقوى منه اداء ونفس السعر تقريبا

3- Paradigm Sub 15

طبعا الشركه في الصوتيات ما عليها كلام والسبووفر هذا 15انش واكبر من اللي ذكرتهم فوق
اشتريت السماعات من الوكيل نفسه وعرض علي السبووفر هذا بسعر جدا جذاب مقارنة بحجمه ومواصفاته وقالي هذا سعر خاص عشانك ماخذ السماعات من عندنا ولا ما نعطيه احد .. عرضه علي بثمان الاف درهم وشحنه راح يكون مع السماعات وكرتون واحد على ثمان كراتين بتنشحن من دبي ما تفرق

4-Digital Drive PLUS Series

السبووفرات ذي لهم وكيل في الخبر بس الصراحه ما كلمتهم ولا شي .. الموديل هذا عندهم سعره جدا عالي مقارنه بمواصفاته والموديلات اللي زيه من شركات ثانيه .. حطينه ضمن اللسته لاني قريت عنه .. اكثر شي مدحوه هي ال18 انش بس ان سعره في امريكا 5 الاف دولار يعني سعر سبووفرين SVS وتقريبا 3 من سعر الباراديم اللي عطاني .. هبال!

نجي للجد .. انا ما سمعت ولا واحد فيهم على الطبيعه ولا اضن فيه امكانية اني اسمعهم .. حتى يوم رحت اخذ السماعات وسمعتها ما كان عندهم في المعرض Sub 15 ولا سمعته يعني الشراء بيكون على اقتراحاتكم والميزانيه .. طبعا ميزانيه غير محدده .. لكن ما راح ادفع اكثر من 15 الف مع الشحن في سبووفر .. فكره dual سبووفر مره مغريه اذا ممكن اخذ Sub 12 من براديم وبيطلع سعره 2 مع الشحن وكل شي حوالي 12 الف والغرفه عندي كبيره وسبووفرين راح يعطون اداء افضل .. بعد ما كتبت الخيارات حسيت ان الباراديم انسب سعر واداء وتوافق مع السماعات .. بس ما كان ودي اخذ السماعات والسب من نفس الشركه (سويتها اول وطلع السبووفر اداءه مش ولا بس من JBL)

وش رايكم ؟؟

[mz_milan]

^^^

والله لو كل هالخيارات امامي ومخير اقسم بالله لا اضيع

نصيحه مني لك خذ الاقرب منك ذو مواصفات جيده وسعر مقارب لميزانيتك

وصراحه فكرتك في شراء 2 سب اوفر من شركة مميزه وبسعر جيد افضل بكثير من شؤاء سب اوف رواحد من شركة واحده حتى لو كان افضل قليلاً

JL مجنونه

SVS اداء رائع High End بسعر رائع للي عايشين في امريكا نفسها مو للي يشحنها من امريكا مثلي

DD+ النوع الجديد غالي مره لكن اتوقع وحسب ماقرات انه مميز ويعتبر من النخبه

Paradigm انا معاك في هالخيار والناس اذواق لكن انا ارشحلك تاخذ اثنين من عندهم حجم 12 واتوقع انك ماراح تندم

الله يوفقك

[mlakaaa3]

^^^

الله يعطيك العافيه يا محمد، انا ما ادري وش اختار بس موضوع السبوفرين مغريني جدا وكنت ناوي على اثنين من JL Audio بس اسعارها ما تشجع خاصه ان اقل سبووفرين 10 انش عندهم بيوصل سعرها حوالي عشرين وباراديم اثنين 12 انش بيوصل سعرها لسعر واحد من نفس البيس درايفر 12 انش ونفس الواط تقريبا

قريت ريفيوي عن الباراديم
http://www.hemagazine.com/Paradigm_SUB_12_Review

بس برضه ما تدري عن رايهم

شكلنا بنستخير ونشوف .. شكلها اثنين 12 انش بس خل نشوف

تحياتي

[mks_95]

كثير يخطئ في إختياره للسبووفر مع إنه قلب المسرح المنزلي وهو نبض المسرح والدليل الوحيد إن مسرحك له روح.. اللي يشتري سبووفر بمبلغ متوسط يكون يدور على أداء مقابل مبلغ معين,, بينما المحترف يدور إش يبغى ويبدأ يسعى لهدفه.. ميزانيتك ممتازة ماشالله فلذلك باخذ راحتي وأقولك لاترميها في شيئ مايسوى ..



الغرفة عندك مخصصة للمسرح بالكامل.؟ أو بشكل جزئي.؟

فيه أماكن إستراتيجية بالغرفة عندك لوضع سبووفرين.؟

مستعد تتعايش مع المساوئ اللي بتجيك من سبووفرين (قيمة الواحد 8000 ريال مجرد مثال).؟

تقدر تتعايش مع سبووفر واحد بأداء عالي (قيمته الفعلية 8000 ريال ولكنك بتدفع إجمالاً 15000 ريال مجرد مثال).؟

أغلب إستخدامك للمسرح موسيقي.؟ أو للأفلام.؟ بالنسبة إذا تكرمت.؟



ما أبغى أعقدها في وجهك بس أحسك داخل باسكن روبنز وفي يدك 500 ريال وكل اللي قدامك حلو وإنت عارف إن نكهة وحدة وبالحجم العادي تكفيك .. حبيبي إحنا سبووفر واحد ومو قادرين ندرَكه أو نفتك من الـ Resonance اللي يخلي كل شيئ بالغرفة يهـزَزَزَزَزَزَزَزَ.. غير الـ Booming والطنين الي أوقات كثيرة يكون مزعج للبعض بإختلاف العدة و مساحة الغرفة.. شوف سبووفرين أكيد أفضل من سبووفر واحد,, بس متى.؟ ولمين.؟ ولأي غرض.؟ وإش المفارقات بينهم.؟

[mlakaaa3]

كثير يخطئ في إختياره للسبووفر مع إنه قلب المسرح المنزلي وهو نبض المسرح والدليل الوحيد إن مسرحك له روح.. اللي يشتري سبووفر بمبلغ متوسط يكون يدور على أداء مقابل مبلغ معين,, بينما المحترف يدور إش يبغى ويبدأ يسعى لهدفه.. ميزانيتك ممتازة ماشالله فلذلك باخذ راحتي وأقولك لاترميها في شيئ مايسوى ..


الغرفة عندك مخصصة للمسرح بالكامل.؟ أو بشكل جزئي.؟

فيه أماكن إستراتيجية بالغرفة عندك لوضع سبووفرين.؟

مستعد تتعايش مع المساوئ اللي بتجيك من سبووفرين (قيمة الواحد 8000 ريال مجرد مثال).؟

تقدر تتعايش مع سبووفر واحد بأداء عالي (قيمته الفعلية 8000 ريال ولكنك بتدفع إجمالاً 15000 ريال مجرد مثال).؟

أغلب إستخدامك للمسرح موسيقي.؟ أو للأفلام.؟ بالنسبة إذا تكرمت.؟



ما أبغى أعقدها في وجهك بس أحسك داخل باسكن روبنز وفي يدك 500 ريال وكل اللي قدامك حلو وإنت عارف إن نكهة وحدة وبالحجم العادي تكفيك .. حبيبي إحنا سبووفر واحد ومو قادرين ندرَكه أو نفتك من الـ Resonance اللي يخلي كل شيئ بالغرفة يهـزَزَزَزَزَزَزَزَ.. غير الـ Booming والطنين الي أوقات كثيرة يكون مزعج للبعض بإختلاف العدة و مساحة الغرفة.. شوف سبووفرين أكيد أفضل من سبووفر واحد,, بس متى.؟ ولمين.؟ ولأي غرض.؟ وإش المفارقات بينهم.؟

يعطيك العافيه محمد
طبعا ما راح اجيب شي ما يسوى .. اصلا اظلم السماعات والغرفه واظلم نفسي .. ولا قلت ان ما فيه ميزانيه محدده وفيه امكانيه سبوفرين او واحد وكلها من شركات ممتازه ما ابي اجيب شي يكون متوسط الاداء .. انا طرحت الخيارات ذي لانها معقوله في السعر مقارنة بالاداء بالذات الباراديم والسي في سي

الغرفة عندك مخصصة للمسرح بالكامل.؟ أو بشكل جزئي.؟
بشكل كامل مسرح منزل

فيه أماكن إستراتيجية بالغرفة عندك لوضع سبووفرين.؟
فيه اماكانيه وضع سبووفرين اماميه في الزوايا بجانب الفرونت او اماميه مباشره بين الفرونت والسنتر، وضعت سلك سبووفر احتياط في زاوية المسرح اسفل الباك سراوند اليمين، كنت حاطه احتياط لو بركب بت كيكر

مستعد تتعايش مع المساوئ اللي بتجيك من سبووفرين (قيمة الواحد 8000 ريال مجرد مثال).؟
انا ما فكرت بالخيار ذا الا لحجم الغرفه عندي .. فكرت اني احط كل واحد في زاويه عشان ما يصير فيه Resonance يصير الويف كل وحده تكنسل الثانيه .. وبعدين استقريت على بيس ترابس وساوند ابسوربيشن على الجدار المقابل كامل .. http://www.afico.com.sa/new/acp.html الالواح ذي يتلبس عليها قماش وتوضع كالواح على الجدار المقابل للسبز

تقدر تتعايش مع سبووفر واحد بأداء عالي (قيمته الفعلية 8000 ريال ولكنك بتدفع إجمالاً 15000 ريال مجرد مثال).؟
ما فهمت كيف قمته الفعليه ثمانيه وبدفع 15 .. يعني بيكلف 15 مع شحن وكذا ولا هو قيمته 8 .. ما تحس بالقهر لما تشتري شي قمته الف وتدفع الفين عشان فوقه عشان تشحنه .. لو بدفع 7 الاف شحن .. اشتري تذكره واروح اجيبه وهل السبووفر الواحد راح يكون كافي .. اذا يكفي مب لازم سبووفرين

أغلب إستخدامك للمسرح موسيقي.؟ أو للأفلام.؟ بالنسبة إذا تكرمت.؟
استخدامي 75% افلام 20% موسيقى 5% مباريات

http://www.audioholics.com/tweaks/get-good-bass/two-subs

فوق يتكلم عن سبووفرين .. بس طبعا هنا هو يقارن 10 انش باثنين 8 واكيد وضع الغرفه واداء الشركات تختلف عن بعض .. خاصه لو تاخذ سبووفرين 12 انش بيصير فيها البيس لوو بس البومنق يمكن يبهذلني خاصه اذا كان الصوت عالي، انا هنا منب اقول باخذ سبووفرين او واحد .. انا ما ادري وش اخذ

[BASO]

شوف هذا الريفيو لل paradigm sub 25 و jl 113
نفس الشخص مسوي ريفيو للسبورفرين
كان عنده 113 وكان يمدحه يعدين شرى البردايم وفضله على ال113
فما اتوقع انه متعصب لشركه معينه لانه قبل 113 كان عنده svs وكان يمدحها

http://www.hometheatersound.com/equi...igm_sub_25.htm
http://www.hometheatersound.com/equi...athom_f113.htm

انا مالي خبره ولا ادري ايش الافضل بس قلت يمكن يساعدك هذا الريفيو
وبالتوفيق لك في شراء السبووفر

[AVC]

من افضل لمواقع في تجربة الأجهزة هو موقع http://www.widescreenreview.com/

لكنه غير مجاني لكن شخصيا افضل تجاربهم لأنهم يوضحون كل شي و فيها تفاصيل كثيرة

بالنسبة للسوبوفرات الخيارات برا كثيرة لكن الشحن مرتفع لأنها ثقيله لكن ابحث عن سوبوفرات M&K في ايباي ,, مستعملة طبعا لأن الشركة انباعت و وقفوا التصنيع في امريكا الأن لكن انا شخصيا افضلها على اي شي ثاني خصوصا موديل MX350 بس تاكد انها الصناعة الأمريكية لأني ماجربت الجديدة فماقدر اقولك عنها شي

هذا امريكية هنا

اللي هنا ماظن لأني ماشوف العلم عليها فتحتاج تساله حتى تتاكد

للي مايعرف هذي الشركة يلقي نظرة على الأفلام اللي انتجوا الصوت لها باستخدام سماعاتهم

قائمة الأفلام

موفق في الخيارات