ZALMAN HD503 HTPC

[Khalid-Qatar]

السلام عليكم

اعرض عليكم جهازي HTPC

اشتريته ب 900 ريال تقريبا من تايلند اعتقد في شهر 3 وشحنته معاي













الجهاز يشل عدد 3 هاردسك في بطنه بالاضافه الى هاردكس متحرك في واجه الجهاز والاجمالي عدد 4 هاردسك









طبعا لما اشتريته من المحل خليتهم يركبون المحول في بطنه مره وحده علشان ما احمل اغراض كثيره بالاضافه الى مروحتين بها لد ازرق (غلطه)



والحين نجي للطبخه والقطع الي تم تركيبها بالجهاز
















والبروسسر i5-2500k





وفي كذا غلطه غلطتها في تركيب الجهاز

السي دي روم كان من نوع سامسونج بلوراي


المشكله في الزر الي فيه الي يفتح ويسكر الباب

حجمه صغير ومع الزالمن كانت له مشاكل لنه الزالمن لازم يكون السيدي روم داخل ورالباب الي فوق ومن الامام في زر بالزالمن تضغط عليه

وهذا الزر يضغط على السيدي روم وتضغط ولا يعطيك وجه ولا كانه في زر مما خلاني استغني عن مكان الهاردسك الخارجي واركب السيدي روم فيه


شغله ثانيه المشتت الي جبته ركب تمام لكن ما قدوت اسكر غطا الجهاز فتم مفتوح من الاعلى من غطا الجهاز

الشغله الثالثه المراوح الي ركبتها حلوه انه فيها اضائه لكن فيها صوت شوي عالي

قلت ماعليه خلني اركب الجهاز وامشي حالي معاه فتره وعقب بشوف له حل

تمت التجربه وكل شي تمام مع الالعاب وال XBMC













تميت على هالحال فتره وقبل شهرين تقريبا طلبت قطع ثانيه وقلت بعمل ابقريد للجهاز

بدلت كل المراوح والمشتت وضفت هاردسكين زياده وضفت SSD

















وبعدها الصراحه الجهاز صار بطل وسريع بسبب ال ssd وهذي اول مره اجربه بصراحه شي عجيب ويستاهل

وبعد تركيب المشتت الجديد صار الجهاز بعد احسن قدرت اسكر الغطا تبع الجهاز وصار ابرد من قبل

حتى الكرت الي عليه GTX560 Ti بدلته وركبت عليه GT 430

افتكيت من الحراره نهائيا بعد تبديل الكرت

كم صوره عالسريع حاليا للجهاز








القطع الي على الجهاز حاليا

msi z68 gd65
i5 -2500k
corsair 8 gb ram
geForce GT 430
sky star hd 2
noctua nf-r3 120mm fan x2
noctua nf-p12 80mm fan x2
Noctua NH-C12P Heatsink
WD 2T x3 total 6T
crucial ssd 64gb
samsung blu-ray drive

انشالله مانسيت شي

وحاليا قاعد اشل واخربط بالمسرح على مهلي كل يوم اشل شغله لين افضي الطاوله واركب العده الجديده

وبالتوفيق للجميع

[East25]

ماشاءالله عليك اخوي خالد ابدعت والله يهنيك فيه

تحياتي

[BAROOON]

يعطيك العافية يالسمي , القطع جيدة , بس مستغرب ليش ركبت ال560 من البداية وانت مخصصة للافلام
وكمان الرام 8 جيجا !! يعني مسوية 64 بت طيب هل فية فايدة تذكر ؟
انا ملخبطتني صورة الي حاط فيها الاغراض فية مشتت الh70 وست رامات , وتغيير المذربورد !!

ودي اسالك على مراوح
noctua nf-r3 120mm fan x2
noctua nf-p12 80mm fan x2
كيف أدائها وصوتها على ال12 فولت ؟ خاصة ال80 .

ودام عندك مكان حق الديفيدي فاضي حط فيه فان كنترولر ودلع نفسك .
يسلمووو

[mz_milan]

ماشاء الله تبارك الرحمن

عالبركه التجميعه الجديده

موضوع جد مميز وممتع

انا مقهور والله وواصله معي .. خلاص كنت باجمع مثلكم HTPC مادري وش خلاني اتكاسل وابطل وارجع اشتري مشغل اكستريمر برودجي الجديد الي كله مشاكل واخطاء ولا دعم ترجمه وكل شوي يقولون شهر ورا شهر التحديث واحنى ننتظر .. حرمت اشتري مشغل وسائط مره اخرى

الله يعطيك العافيه اخوي خالد وعساك عالقوه دوم

وفق الله الجميع

[حافظ الود]

يعطيك العافية على التقرير

ومبارك عليك ما شريت

بالتوفيق

[F H D]

ماشاء الله تبارك الرحمن يا خالد
التجميعة جداً رائعة ومميزة .. الله يبارك لك فيها

مشكور على التقرير الرائع .. وبالتوفيق إن شاء الله في خططك التطويرية للمسرح

[المارد الصغير]

ماشاء الله تبارك الله

جهاز ممتاز وتجميعه رائعة الله يبارك لك فيها

[Khalid-Qatar]

ماشاءالله عليك اخوي خالد ابدعت والله يهنيك فيه

تحياتي

مشكور اخوي وماعليك زود

يعطيك العافية يالسمي , القطع جيدة , بس مستغرب ليش ركبت ال560 من البداية وانت مخصصة للافلام
وكمان الرام 8 جيجا !! يعني مسوية 64 بت طيب هل فية فايدة تذكر ؟
انا ملخبطتني صورة الي حاط فيها الاغراض فية مشتت الh70 وست رامات , وتغيير المذربورد !!

ودي اسالك على مراوح
noctua nf-r3 120mm fan x2
noctua nf-p12 80mm fan x2
كيف أدائها وصوتها على ال12 فولت ؟ خاصة ال80 .

ودام عندك مكان حق الديفيدي فاضي حط فيه فان كنترولر ودلع نفسك .
يسلمووو

الله يعافيك اخوي

وانت شحادك تركز زياده بالصور

يعني الا تخليني اقول اني طلبت المشتت h70 ولا ركب عالجهاز هههههههه بس ابشرك ركبته على هالحلو



المشتت ماركب عالجهاز فقلت اطلب غيره وطلبت الي اهوه cool master

ولما ركبته طلع غطا الجهاز مايتسكر ... قلت عفيه والله وعقبها بكذا شهر بدلت حوالي ٨ شهور

بخصوص الكرت ال 560 في البدايه الجهاز كان مخصص مسرح منزلي و العاب وهذا كان السبب وبعدين ترى ال ٥٦٠ يدعم dts-hd / true-hd

الرامات كانت ١٦ صحيح وتحولت ٨ والوندوز ٧ والبت ٦٤

كانت ١٦ لني طلبت زياده بالغلط قلت خلني اركب لين عقب اشل لكمبيوتر ثاني

تغيير الماذربورد لآحسن طبعا لفئه ال Z

بخصوص المراوح لصغار بالذات بالبدايه كانت تبع الكيس نفسه من زالمان ولها صوت وبدلتها بنراوح بعد لها لد ازرق كول ماستر نفس ماركه ال ١٢٠

واطلعو بعد فيهم صوت والصوت لما يكون هدوء بالغرفه تسمع الصوت اما مع الافلام مش واضح

وبعدها ركبت النتكويا والصراحه ولا كآنك مركب مروحه لا صوت ولا شي حتي ساعات اشك في ادائها .... خبرك متعودين اي شي قوي لازم صوته عالي ( قديمك نديمك)

الحين تطور والمراوح فيها بول بيرنج وغيره وهذي صوره المروحه ال ١٢٠ الي تدخل الهوى وعليها فلتر من سلفرستون



وحاضرين لك يالسمي في اي شي بس لاتقق وايد وتجيب لنا العيد

علي طاري العيد تبيني اقولك سالفه الي بالصوره الي تحت



ولا اقولك خلها بعد كم شهر مب الحين هههههه

سلام

[Khalid-Qatar]

ماشاء الله تبارك الرحمن

عالبركه التجميعه الجديده

موضوع جد مميز وممتع

انا مقهور والله وواصله معي .. خلاص كنت باجمع مثلكم HTPC مادري وش خلاني اتكاسل وابطل وارجع اشتري مشغل اكستريمر برودجي الجديد الي كله مشاكل واخطاء ولا دعم ترجمه وكل شوي يقولون شهر ورا شهر التحديث واحنى ننتظر .. حرمت اشتري مشغل وسائط مره اخرى

الله يعطيك العافيه اخوي خالد وعساك عالقوه دوم

وفق الله الجميع

الله يبارك فيك هلا هلا بالحبيب

انا من يومين احط الماوس على مكونات المسرح الي عندك وتعجبت انه اكستريمر

لكن معليه اعرضه للبيع وركب لك HTPC احسن بكثير بصراحه ولا اقولك حطه في غرفه ثانيه عندي ال WD tv live hub شكلي بعطيه اخوي ما احتاجه كثير

والله يعافيك حبيبي

[Khalid-Qatar]

يعطيك العافية على التقرير

ومبارك عليك ما شريت

بالتوفيق

الله يعافيك ويبارك فيك اخوي

ماشاء الله تبارك الرحمن يا خالد
التجميعة جداً رائعة ومميزة .. الله يبارك لك فيها

مشكور على التقرير الرائع .. وبالتوفيق إن شاء الله في خططك التطويرية للمسرح

الله يبارك فيك حبيبي وموفقين اجمعين انشالله

والمسرح هذا احنا شوي شوي نطقطق نشل في الاغراض باقي قطعتين بس اشلها وابتدي ارتب من جديد

المشكله الكبيره اسلاك الكهربا هذاني كاتب كل الاجهزه الموجوده وحاطها في ورقه واشوف كم فيشه كهرب احتاج وكيف برتبها والله يعين

ماشاء الله تبارك الله

جهاز ممتاز وتجميعه رائعة الله يبارك لك فيها

الله يبارك فيك يالحبيب انت كل ماشوف الصوره الي حاطها اتذكر ال كبوني وشلتهم

مشكور حبيبي على المشاركه

[BAROOON]

ههههههههههههههه
مو مسألة أدقق لعانه بس عشان افهم واستفيد اكثر
دائما افضل شي في التقرير انك تذكر المشاكل الي صادفتك عشان الواحد
ينتبة ولا يغلط نفس غلطتك , وشوف ردك لحالة كنة موضوع استمتعت فيهم كلهم .

الي فهمته منك ان الجهاز من زمان عندك وانت الحين سويت عليه تعديلات .
اشوف المشتت الهوائي في الكيس هذا افضل من الh70
لان حاليا مروحة المشتت تدخل الهوا البارد من التهوية الي فوق
والمراوح الباقية كلها تسحب الهوا الحار , وهذي اشوفها افضل تهوية ممكن تسويها .

الnoctua مالها صوت طيب هل تعطيك هوا قوي ولا ضعيف ؟

الصورة الاخيرة كيس ال600 ولا , وش جايب العيد فيه بعد

[The Adviser]

ماشاء الله تجميعة مميزة ومبارك ان شاء الله

بعد الاخطاء الي حصل معك جات ببالي فكرة لازم تطبقونها فضلا منكم طبعا

أي واحد يشتري كيس جديد يعطينا أبعاد الكيس من الداخل بالطريقة هذي بتفيدنا كثييير راح نعرف وش المشتتات الي تركب والكروت وغيره

طريقة قياس ارتفاع الكيس من الداخل بكون من المعالج الى سطح الكيس وهذا للمشتت اما كرت الشاشة واضحة من الحدايد حق pci الى الهاردات

بالنهاية راح نعتمد على هذي الأرقام مع نقص 20 mm عالأقل عشان نضمن ان مايكون في تعارض

ودي أعرف على وقت gtx 560 باللعب كم الحرارة توصل معك ؟

[Khalid-Qatar]

ههههههههههههههه
مو مسألة أدقق لعانه بس عشان افهم واستفيد اكثر
دائما افضل شي في التقرير انك تذكر المشاكل الي صادفتك عشان الواحد
ينتبة ولا يغلط نفس غلطتك , وشوف ردك لحالة كنة موضوع استمتعت فيهم كلهم .

الي فهمته منك ان الجهاز من زمان عندك وانت الحين سويت عليه تعديلات .
اشوف المشتت الهوائي في الكيس هذا افضل من الh70
لان حاليا مروحة المشتت تدخل الهوا البارد من التهوية الي فوق
والمراوح الباقية كلها تسحب الهوا الحار , وهذي اشوفها افضل تهوية ممكن تسويها .

الnoctua مالها صوت طيب هل تعطيك هوا قوي ولا ضعيف ؟

الصورة الاخيرة كيس ال600 ولا , وش جايب العيد فيه بعد

هلا كونان كيف الحال هههههههه

هلا بالسمي ... صحيح مثل مافهمت

الكيس من زمان عندي وسويت عليه تعديلات قبل سهر وشوي تقريبا

والمشتت الهوائي افضل بكثير انا ماحسبتها صح اشتريت المشتت المائي واستعجلت لني خاطري اجرب الاداء بالمائي

لكن نسيت هل يركب بالكيس او لا

وبخصوص المراوح الحاليه الي اعرفه انها احسن من القديمه بكثير من ناحيه الصوت ومن ناحيه تصميم ريش المروحه

لكن الهوى الس تدفعه اشوفه عادي واذا كنت تبغي مراوح عليها دفع قوي بتحصل لها صوت انا اهم شي عندي ان الكيس ماله صوت ولا ضجيج او ماشابه

والصوره الاخيره للكيس ٦٠٠ من كوس اير مثل ماتفضلت

والعيد الله يسلمك انه لما ركبت كل شي وجيت اشغله ماشتغل حاولت كذا مره ومافي فايده يشتغل ثواني ويطفي

وبالاخير المشكله من قاعده البروسسر انكسر عندي سننين منها بس مادري هل العيب منب بالتركيب او بالتصنيع





في الجانب الايسر الخلل من السنون الذهبيه بس يمكن ماتكون واضحه بالنسبه لك

وشوف هالصور خذتها اول ماوصل المذر بورد



دقق في الناحيه اليمنى فوق يبين في شي غلط بالسنون

والمشكله اني مانتبهت للمشكله الا عقب وين

والي شريت منه المذر بورد حاط في البولسي تبعه انه بإمكانه استرجاع السلعه في فتره ٣٠ من تاريخ الشراء وانا ماحصلت الخلل الا بعد شهرين وزياده

عني مافي فايده اكلم البايع ...... واذا تبغي تضحك رديت وشريت منه مذربورد ثاني وركبته والحمدلله اشتغل الكمبيوتر تمام ومحطوط بالكرتون ماجا دوره لين الحين بعدين

وهذي القصه يالحبيب

ونشوفك علي خير

[Khalid-Qatar]

ماشاء الله تجميعة مميزة ومبارك ان شاء الله

بعد الاخطاء الي حصل معك جات ببالي فكرة لازم تطبقونها فضلا منكم طبعا

أي واحد يشتري كيس جديد يعطينا أبعاد الكيس من الداخل بالطريقة هذي بتفيدنا كثييير راح نعرف وش المشتتات الي تركب والكروت وغيره

طريقة قياس ارتفاع الكيس من الداخل بكون من المعالج الى سطح الكيس وهذا للمشتت اما كرت الشاشة واضحة من الحدايد حق pci الى الهاردات

بالنهاية راح نعتمد على هذي الأرقام مع نقص 20 mm عالأقل عشان نضمن ان مايكون في تعارض

ودي أعرف على وقت gtx 560 باللعب كم الحرارة توصل معك ؟

السلام عليكم

هلا اخوي بخصوص الاخطاء الانسان مش معصوم منها

لكن الزبده الله يسلمك الي يبغي مشتت لكمبيوتر ال HTPC

يااا انه يضل على المشتت المدمج مع البروسسر

او انه ياخذ له مشت من النوع الي رتفاعه بسيط ولهم اسامي هالمشتتات

low profile cpu cooler

متوفره وبآنواع كثيره ادخل البحث وبتحصلها

بخصوص الحراره لما ركبت الكيس كانت بين ٧٠ الى ٨٠ طبعا حراره البروسسر الكرت الصراحه ما اخبر اني شفت حرارته او اني شفت ونسيت

بعد مابدلت المراوح كلها كانت الحراره تقريبا ٥٢ الى ٦٢ بس ماطلعت عنها ومكان الكمبيوتر تعبان داخل الطاوله

اما حاليا بعد ماشلت الكرت وركبت ال ٤٣٠ ماقمت العب فيه كلش ووقفت لعب من فتره بس برجع قريب والحراره حاليا في الا ربعين

وبالتوفيق

[The Adviser]

أكيد الانسان مو معصوم لكن هذا الشي مو صعب تطبيقه على عامة الاعضاء كلها شغلة ماتاخذ ثواني ومفيدة جدا أقل شي الي له نية بالألعاب راح يعرف وش الكروت الي تركب بالكيس بدون مشاكل والمعروف كل ماكان الكرت اقوى يكون أطول

وش صار على الرموت والشاشة ؟

[Khalid-Qatar]

مرحبا

بخصوص الرموت الله يسلمك شغال تمام ومتوافق ١٠٠٪ مع البرنامج الخاص بالشاشه

والشاشه الله يسلمك الي بالزالمان من شركه iMON

والشركه نفسها مسويه برنامج او تدعم برنامج اسمه imedian



عالعموم الرموت شغلته مره اجربه واشوفه تعبان



وهذي صوره للشاشه حاليا

[F R E A K]

رووووووووووووووووووووووووووووووووووووووووووووووووو ووووووووووووووووووووووووووووووووعه


ماشاء الله

[الـ ع ـآشــ ق]

ماشاء الله تبارك الله

الف الف مبرووك على التجميعه الاكثر من رائعه
يعطيك خيره يارب


وننتظر تجربتك

[Khalid-Qatar]

ماشاء الله تبارك الله

الف الف مبرووك على التجميعه الاكثر من رائعه
يعطيك خيره يارب


وننتظر تجربتك

الله يبارك فيك اخوي

وماعليك زود

[AboRayan01]

ما شاء الله تجميعه طيبة يالباروون واحسن شي مراوح noctua nf صراحة رائعة وصامت واداءها ممتاز وتتهنى فيه