استفسار عن اسلاك توصيل سماعات المسرح .. واماكن بيعها ..

[ودي أصيح]

السلام عليكم ..

شباب الله يعطيكم العافية أنا شريت مسرح بكج اونكيو 5400 .. وحتى الآن ما ركبته ...

لكن بما اني راح اجي للرياض هاليومين حبيت اسأل عن اماكن احصل فيها اسلاك السماعات الممتازة ..
لاني حسب كلام الشباب الاسلاك اللي تجي مع البكج مو بذاك المستوى المطلوب ..

طبعا السماعات الخلفية الباك راح تكون تقريبا عن الرسيفر بحدود 4 متر او اقرب ..

ابي اسم السلك ونوعه المناسب لي؟؟ ..

واماكن احصلها فيه ؟؟ ياليت تكتبون لي الوصف او احداثيات او مكانه بخرائط قوقل ..

لاني راح اجي من القصيم واخاف اضيع ..

وبحدود كم سعر المتر ؟؟ ..

وشكرا جزيلا ..

[Marauder28]

وعليكم السلام والرحمه


شوف شركة مجداف عندهم كل شيء يختص بالصوتيات والشبكات

[ودي أصيح]

وعليكم السلام والرحمه


شوف شركة مجداف عندهم كل شيء يختص بالصوتيات والشبكات

الله يعطيك الف عافية يالغالي ..

لكن ما اعرف نوع الاسلاك المناسب لي .. ممكن تساعدني بحكم خبرتك ..

[Marauder28]

الله يعطيك الف عافية يالغالي ..

لكن ما اعرف نوع الاسلاك المناسب لي .. ممكن تساعدني بحكم خبرتك ..

اعتذر منك نسيت الموضوع والله مع الزحمه


اذا وجدت اسلاك مثل هذي فهي جيده وممتازه للتمديدات الداخليه في الجدار او الخارجيه كمان







رابط المواصفات

[Azizesta]

هذا السلك الي شريت بالظبط 17 متر ب 510 ريال
مقاس 12 اوج .. السعر زين وﻻ لعب علي ؟ لأني شريت حق سماعتين فقط
وباقي الفرونت و السنتر !؟

[Black Pearl]

السلام عليكم

أخوي اللي اعرفه بما إنك شاري بكج فالأسلاك اللي تجي معه كافيه نوعًا ما مقارنة بقوته وياليت أحد يصحح لو معلومتي خطأ
هالموضوع ممكن يفيدك http://www.avarab.com/vb/showthread.php?t=1947


عمومًا في الرياض فيه راديو شاك له كذا فرع اتصل على رقمهم الموحد واسأل عن الوصف بالضبط: 920001145
والأسعار تتراوح لكن اشوف اغلب الشباب يطلبون من موقع مونوبرايس خيارات أكبر والسعر ارخص، أنا عن نفسي ماحصلت اللي احتاج عند راديوشاك وطلبت من أمازون كلفني تقريبًا 60 دولار مع الشحن المباشر لـ 60 متر والمقاس 14