المشاركة الأصلية كتبت بواسطة tria
بالنسبة للهالوجين يجي منه ألوان (زيه زي الليد) ، لكن أحسن الألوان هو المايل للأصفر
باخذ هالوجين مايل للأصفر للبيت كامل إلا المطبخ بكون أبيض
الهالوجين والليد ممكن تسوي لهم Dim لكن سويتش الديمر لازم يكون مناسب لهم (لأن فيه ديمر يصلح للمبات الفلوريسنت أو الليد أو الهالوجين ، وفيه ديمر يصلح مع البلب أو اللمبات العادية بس ، فيبيلك تتأكد من سويتش الديمر إنه يناسب ولا لأ)
اختياري بكون Lutron Rania IR للبيت كامل، بس لسة ما حددت عدد الديمرز إما 5 أو 6، أعتقد مافيه أي مشكلة بالتحكم بالفلوريسنت أو الهالوجين
أيضاً الديمر لازم تنتبه يحتاج Neutral (أظن نسميه أرضي) ولا لأ ، وهل عندك هذا الشي في تمديدات البيت ولا لأ ، طبعاً هي سلكين زيادة (على السلكين العاديات) أظن وظيفتها تفرغ للأرض لزيادة الأمان
ألف شكر هذي المعلومة ماكنت عارفها، إن شاء الله اتأكد من التوصيلات وأشوف
أيضاً لازم تعرف كم العبئ بالواط في الدائرة الوحده (اللمبات الي مربوطه بطفاي واحد) ، وتشتري سويتش ديمر يقدر يتحمل مجموعها (طبعاً السبوت لايت الواط حقها منخفض ، فسهله هذي)
بستعمل بحد أعلى 8 لمبات للديمر الواحد بسعة 50w أو اللي يعادلها من الهالوجين، أعتقد ما بكون فيها مشكلة مع الديمر اللي اخترته، بس لازم أشوف تمديدات البيت وقدرة تحمل القصوى.
أيضاً بعض الديمر تكون بريموت (وعادة التقنية تكون RF أو أحرص أنها ما تقل عن هذا الشي) ، وبعضها تشتغل بس عن طريق الريموت ، وبعضها تشتغل بالثنين
مثل ما كتبت، اختياري بكون Rania IR، بشتري ريموت أو اثنين احتياط، بس الأغلب بستعمل الجوال بالتحكم.
أيضاً بعض السبوت لايت (هالوجين أو ليد) تكون فيها إمكانية تغير لونها بالريموت (أصفر ، أبيض ، أزرق ، أحمر...) ، وهي مناسبة للغرف الي تبغى فيها مود ، بس عيبها بعضها تجارية وتخرب بسرعة ، وأيضاً أحياناً ما تكون قوية (حسب الغرفة وحجمها) ، وأيضاً يبيلك ريموت موحد يدعم RF علشان تبرمجها كلها (والله يعينك على التعارضات) علشان توحد كل الريموتات في رموت واحد يتحكم بكل الغرف (أو البيت إذا هو صغير)
للحين أعاني باستخدام اللمبات ومن فين أجيبها، فأعتقد بتغاضى عن اللمبات اللي فيها لون بالوقت الحالي، وبخليها فكره للمستقبل
بالنسبة للريموت، مثل ما قلت بكون الجوال، يمكن يسببلي مشكلة بالبداية بس أعتقد أقدر أتأقلم مع مرور الزمن، ماني متأكد عاد من خطيبتي إذا هي بتتأقلم أو الديمرز اللي بتأقلموا معها، عارف البنات عاد P:
أيضاً بعض الديمر يمكن يكون فيه تقنية إضافية (مثل X10 أو Z-Wave أو ZigBee أو تقنية خاصة بالشركة من نوع RF) تتيح لك إنشاء شبكة منزلية للتحكم (منازل ذكية) وكل وحده من هذي التقنيات لها طريقتها بربط السويتشات مع بعض ، بالتالي تقدر تتحكم في كل البيت (حتى لو كان كبير) إذا تم تخطيط البيت صح ، أو توزيع السويتشات بشكل متقارب لزيادة التغطية ، أو بتركيب مقويات في المسافات البعيدة ، وهذي التقنيات تمكنك من التحكم بكل الغرف الي فيها السويتشات عن بعد باستخدام الريموت ، وبإضافات أخرى ممكن حتى تتحكم فيها عن بعد عن طريق الجوال أو الكمبيوتر
على حسب ما سألت، الحل المنزلي للتحكم من جهاز واحد من شركة Lutron يحتاج توصل كل الأجهزة بالجهاز الرئيسي، وهذي يبيلها تكسير شوي فبتغاضى عنها وبخلي كل جهة من المنزل متحكم بجهاز واحد منفصل.
بس لي عتب عليك أخوي في أسمك المستعار Lucifer و sama ما تشوف إنه هذا مخالف للدين ويمكن يكون شرك؟ أتمنى إنك تكون فاهم معناه لأن ما ودك تبجل بليس ، وأنا ناصح لك والله وما أبيلك إلا الخير ، وأتمنى أنك ما تزعل
لا زعل ولا شي يا ابن الحلال، بالعادة حتى أصدقائي يسألوني من فين جايب nicknames الغريبة، بالعادة إما من ألعاب قديمة (مثل bloody angel من final fantasy tactics) أو من المثلوجيا (اهتمام عام بالمثلوجيا الإغريقية والمسيحية وشوي بالاسكندنافية)، بس Lucifer-sama كان استهبال بلعبة world of warcraft لأني اخترت Priest Class وسميته lucifer ومن وقتها استعمل النيك هذا بشكل عام، بس إذا فيها أي مشكلة ممكن أقدم طلب تغييره ما عندي مانع ^_^
اقتباس
