طلب مساعدة في بناء مسرح منزلي (عريس)

[عررربي]

السلام عليكم ورحمة وبركاته

اول شيء يعطيكم العافية على منتداكم الرائع

انا حاب اثث شقة جدية وبما اني على وجة زواج فا حاب ادلع نفسي شويا

الصراحة لفيت شوية على المنتدى وشفت اشياء حلوة و الى الان انا ما اعرف ايش ابغى بالضبط

انا عندي في الشقة غرفتين وصالة غير غرفة النوم وماني عارف بالضبط هل اخلي المسرح المنزلي في الصالة او اسوي غرفة خاصة فية

عندي غرفة مساحتها 4*6
وعندي غرفة صغيرة وفيها ميلات تقريبا 5*3 (افكر اخليها غرفة مكتب)
وعندي الصالة برضو فيها ميلات تقريبا 6*5


ياليت اذا فية احد من الاعضاء يقدر يقول لي كيف ابدا .. او على الاقل يعطيني فكرة
لان مالي اي فكرة عن الاضاءة والاجهزة المستخدمه ... لاني ابغى شيء حلو
وفية هذي الصور شوفتها في منتدى مجاور وتاريخ الصور من 2008 لكن شيء حلو






لاحظو الاضاء هنا كيف على التلفزيون ؟!

[East25]

حياك الله ومنور المنتدى

والف مبروك الزواج مقدما

بالنسبة للغرف انا اقترح عليك انك تخلي الغرفة 6x4 اهي المسرح المنزلي لانها بتكون مناسبه لك من ناحية الحجم وتساعد في التوزيع السماعات

طبعا عشان تحدد خياراتك لازم تحدد ميزانيتك اول وان شالله الكل يتفاعل معك ويساعدك

شف هذا الموضوع وراح تتضح لك الصورة اكثر من خلال تجارب الشباب

بناء الغرف السنمائية

وشوف هذا الموضوع اذا تبي اضائه مميزة
تجربة بسيطه مع متحكم بالإضاءة من شركة Lutron lighting control

بالتوفيق

[عررربي]

اهلين اخوي ايست الميزانية .. ماني محدد شيء بالضبط اهم شيء ابغى شغل صح

طبعا الغرفة حتكون فقط لمشاهدة الافلام ... ولعب شوية بلاستشين 3

يعني حتى مشاهدة مباريات او تلفزيون ما راح يكون فيها

الموضوع الي حطيتة رابط القسم ... اما بخصوص موضوع الانوار حلو لكن انا لسى ماني عارف كيف ابدا بالضبط

بخصوص الجبس والبوية والتسليك الداخلي (لان ما ابغى كثرة اسلاك عندي) والكنبات وهل اتفرج على تلفزيون او بروجكتر افضل وايضا عزل الصوت

يعني بالعربي تايهة جدا

[Marauder28]

وعليكم السلام والرحمه


حياك الله بينا بالملتقى وان شاء الله ألف مبروك على الزواج وعلى الشقه

إذا ما عندك مشكله افضل غرفة للسينما هي 6*4 مقاسها ممتاز وتقدر تعمل منها غرفة اسطورية لك ومسرح احترافي


الميزانية ضروريه لازم تحدد الا اذا ما عندك مشكله تبني الغرفه خطوه خطوه وكل شهر او شهرين تشتري شيء عليه القيمه ، غرفه مثل اللي عندك ممكن تبني فيها نظام مسرح ممتاز في حدود 30 الى 50 ألف ريال لو تحب كـ نظام صوتي ومرئي وديكورات وطبعاً مو شرط هالميزانيه هذي ممكن اقل



ودام انت تبي الغرفه فقط للافلام ركز على البروجكتر افضل لك دام مساحة الغرفه كبيره

انت محتار من وين تبدأ طيب اول خطوه (أختار الغرفه اللي تبي تسويها مسرح وحدد لنا مواصفاتها كم نافذه ارتفاع السقف عدد الابواب )


صور الغرفه اللي فوق معروفه هذي غرفة ( دووولي ) متابعين معك وان شاء الله تتوفق

[عررربي]

اهلين اخوي ميردر ...بختار الغرفة الي 4*6 تكون غرفة المسرح المنزلي ارتفاع الغرفة 3 متر باب واحد ونافذة واحدة

حاولت اصور لكم الغرفة لكن للاسف ماني قادر ارفع الصور .. بحاول ارفعها الان وانزلها

الميزانة 50 الف شوية كثير

انا اشوف من 25 الف الى 30 الف ريال مبلغ مقبول

[Marauder28]

اهلين اخوي ميردر ...بختار الغرفة الي 4*6 تكون غرفة المسرح المنزلي ارتفاع الغرفة 3 متر باب واحد ونافذة واحدة

حاولت اصور لكم الغرفة لكن للاسف ماني قادر ارفع الصور .. بحاول ارفعها الان وانزلها

الميزانة 50 الف شوية كثير

انا اشوف من 25 الف الى 30 الف ريال مبلغ مقبول

حياك الله ميزانيه 25 الى 30 ألف ريال ممتازه وتجيب لك مسرح مرئي وصوتي ممتاز كمان


الغرفه عندك راح تستخدمها بالطول يعني الجدار اللي عرضه 4 متر هذا تركب فيه شاشة البروجكتر او شاشة التلفزيون اللي انت تحب تقتنيه ومكان الجلسه بعيده عن الشاشه نقول 5 متر مثلاً راح يكون خلفك سماعات السراوند



طيب عشان تعرف من فين تبدأ بإقتناء الاجهزة لازم تضع تصور مبدأي في رأسك للغرفه مثلاً

- هل تبي تشتري سماعات جداريه تركب داخل جدار جبس او تبي سماعات كبيره مثل معظم الناس اللي هنا ؟؟

السماعات الكبيره بإمكانك تضبطها داخل الغرفه بعدة طرق اما الطريقة العاديه اللي معظمنا ماشي عليها مثل الصوره تحت








شيك على هذا الموضوع اضافة البروجكتر مع شاشه لمسرحي المنزلي- My Projector+Screen Projector


طبعاً مثل ما انت شايف فوق السماعات في جوانب الغرفه وسماعة السنتر بالوسط وتخيل كيف الوضع ممكن يصير عندك



في طريق ثانيه لإخفاء السماعات وربما تعطيك منظر اجمل ومنسق شوف تحت








مثل ما تلاحظ ان السماعات تصير خلف جدا مبني من قماش مشدود عشان الصوت يوصلك بدون مشاكل وبنفس الوقت هذا الجدار يحمل شاشة البروجكتر


كل اللي ذكرته لك فوق مجرد تمهيد عشان تأخذ فكره عامه وتصور وعلى هذا الاساس تحدد نوع السماعات مثلاً شكل ديكورات الغرفه مكان المكيف



اذا بتبدأ تشتري في الاجهزة ابدأ من السماعات وركز عليهم لان تقنية السماعات ما تتغير مثل الرسيفرات والشاشات يعني بالعربي السماعات بيجلسو معك وقت طويل لغاية ما تفكر تبدلهم (شركة الكيف - وشركة الانرجي - وشركة الدوليه) موجوده عندكم في جده قريبه منك لو تقدر تروح وتسمع اصوات المسارح فيها




- هل تبي شاشة بلازما او بروجكتر ؟؟ (يعني شاشة 65 بوصه مثلاً او بروجكتر 100 بوصه)
- عندك مشكله تشتري سماعات كبيره مثل اللي فوق بالصور ؟؟


خطوه خطوه وان شاء الله تبني مسرح يرضيك حاول تقرأ وتشوف تجارب الاعضاء هنا بالملتقى عشان تكون فكره اكثر واعذرني لو تأخرت عليك

[mz_milan]

مبروك ياعريس عز الله فلوسك بتروح كلها في المسرح المنزلي

الله يوفقك ويسهل امرك يارب ويسعدكم ان شاء الله

يعطيك العافيه ياعلي ماقصرت

[عررربي]

اخوي مريدر الله يعطيك الف عافية والله احرجتني

انا احس السماعات تكون ظاهرة افضل .... يعني يعطيك منظر في الغرفة

وانا محتار بين بروجكتر وتلفزيون .... وانا احس تلفزيون افضل لاني ما جربت البروكتر الا في الجامعة

واحس البروجكتر يطلع حرارة وممكن خرابتة اكثر من التلفزيون .... انت بايش تنصحني ؟

وماعندي اي مشكلة اشتري سماعات كبيرة ... لكن الان كيف ابدا بخصوص ديكور الغرفة (الجبس+البوية+الاضاءة)

لاني احس اني ابدا بالجبس والبوية وبعدين ابدا اشتري الاجهزة وهذه صور الغرفة واعذرونا على قلة الجودة

http://www.almlf.com/get-1-2012-alml...dugo1z14wn.GIF

هنا عند النافذة افكر تكون الجلسة .. عبارة عن كنب يشيل 3 او اربع اشخاص

http://www.almlf.com/get-1-2012-alml...xj6yofj03s.JPG
هنا الجدار مو واضح لكن الجدار الي على اليسار يكون مكان البروجكترو او التلفزيون

http://www.almlf.com/get-1-2012-alml...wy3w0yhufv.GIF
هنا باب الغرفة اول ما تدخل تحصل التلفزيون او شاشة البروجكتر على اليسار والجلسة على يمينك

الصور الي فوق مشابة تمام للغرفة الي بستخدمها بختلاف الرخام (السراميك) الي في الارض وهذه صورته
http://www.almlf.com/get-1-2012-alml...yd4b5qe09m.JPG

[عررربي]

مبروك ياعريس عز الله فلوسك بتروح كلها في المسرح المنزلي

الله يوفقك ويسهل امرك يارب ويسعدكم ان شاء الله

يعطيك العافيه ياعلي ماقصرت

ههههههههههههههه الله يبارك فيك وعقبالك اذا كنت عزابي

واهنيك على المنتدى الرائع

[Marauder28]

حياك الله


مكان الجلسه المناسب عندك هو على الجدار اللي فيه النافذه ومكان الشاشه راح يكون بطبيعة الحال في الجدار المقابل للنافذه ( الجدار الفارغ ) يعني الجلسه راح تكون طوليه


البروجكترات اللي نتكلم عنها تختلف عن المستخدمه في مجال التعليم او المحاظرات يعني مهي مثل اللي متوفره بالمدارس او الجامعات او الشركات والمؤتمرات احنا نتكلم عن بروجكتر وشاشه تعرض بمقاس 16.9 سينمائي وجودة الشاشه نفسها تختلف عن اللي تشوفها في الاماكن المعتاده لانهم ما يهتمو غير بحجم العرض بعيد عن مواصفات التقنية

والبروجكترات السينمائيه نتكلم عن موديلات اسعارها من 6 ألاف مثلاً الى 15 ألف كـ مواصفات تعتبر ممتازه جداً وتشعر انك تمتلك بلازما كبيره على قولة بعض الناس ، وعموماً مسألة الاختيار بين برووجكتر وشاشه تعود لك انت وبعد شوية اطلاع راح تقدر توصل لقرار مناسب ان شاء الله


ديكورات الجبس لا تحتار كثير شوف لك محل ديكورات وروح له وعطيه مساحة الغرفه وشوف اقتراحه لك وغالباً راح تشوف بالمحل عدة ديكورات سقف اختار اللي تشوفه بسيط ويناسب ذوقك وهذي اول خطوه من غير ما تتردد خلص من مسألة الديكورات والاصباغ وبعدين أبدأ في مسألة المسرح وتبعاته


عندك نية تخلي اسلاك السماعات داخل الجدار يعني عندك نيه تكسر الجدار وتمدد مواصير للسماعات ؟؟ لان سماعات السراوند الخلفية راح تكون يسار ويمين مكان جلستك وراح تركبها بالجدار على اغلب الاحوال

مثل هذي






لازم تختار وتحدد مكان الاجهزة الالكترونيه اللي تبيها في يسار او يمين الشاشه يعني بزاوية الجدار او تبيها في المنتصف يعني تحت الشاشه مباشرة وعلى هذا الحساب ترتب امورك للتمديدات الكهرباء وسلك بروجكتر لو اقتنعت فيه واسلاك السراوند مثل ما شرحت لك

في الملتقى هنا في تجارب لبعض الاخوان واقتنائهم لبروجكتر حاول تطلع عليها وتشوف

[عررربي]

الله يعطيك العافية اخوي ميردر

طيب ان شاء الله بشوف ديكورات الجبس لكن هل فية طريقة اضاء تنصحني فيها ... يعني الي تكون داخل الجبس

يعني هل فية شيء مثلا يكون موجة على التلفزيون ... او يكون شيء عادي واتفرج بدون اضاءة ؟

وبخصوص السماعات ما عندي اي مشكلة اكسر الجدار

[ساهر جده]

اهلين اخوي عربي منور المنتدى الف الف مبروك الزواج ان شالله الله يتمم لك على خير باذن الله حبيبي :- عندي كم نقطة وياليت تشرح لنا هي وبعد كدا ابشر باللي يسرك ان شالله

1- انت سالك اخوي علي هل تبغا السماعات داخلية مخفية او تبغاها تكون ظاهرة للخارج زي اللي موجودة هنا في معظم مسارح الشباب ؟؟؟؟

2- اذا حددت هذا الشي بعد كدا ياغالي انا اقدر اشكلك لو تحب الديكور على حسب انت ماتبغا يعني تشكيل الجبس الالوان ؟ اختيارك للالوان في المسرح ؟ المفروشات ؟؟

3- ماعرف هل انت حاسب لموضوع التمديد انه يكون مخفي او لا ؟ واذا كان مخفي هل تبغاه يكون مثلا يعني ارتفاع في نفس الارضيه بحيث يكون التمديد في الاسفل ولا في الجدران ؟؟

4- الغرف المجاورة لك ايش هي يعني ناوي تسوي عزل او خلاص زي ماهو الحال الان ؟

5- هل تحب الديكور في الجبس المجنون اللي فيه اكشن او تحب اللي تكون رايقة اكثر ؟؟

6- كم تقريبا عدد المقاعد اللي ناوي تحطها ؟ وهل ناوي تحط كنب عادي او ناوي تحط الكراسي المخصصة للمسارح ؟

7- بالنسبة للارضيه تبغاها تكون باركيه او فرش ؟ او سيراميك ؟ وعليه فرش ولا ناوي ترتفع ؟ خطوة زي السينما ؟

8- الستاندات ناوي انه يكون هنالك استاندات لو قلنا انه اخترت سماعات خارجية ولا رفوف تتعلق ؟

9- البروجكتر تبغاه يكون معلق ولا زي اخونا هنا اللي كان حاطه في اخر الغرفة على رف ؟

10-نظام الاضاءة طبعا سبوت لايت وكيف توزيعها في شي ببالك انت ؟

11- هل في فكرة معينة ناوي تسويها ولا تحب اشوفلك اشكال مختلفة وانت تختار ؟؟؟ يعني ببالك نظام معين للغرفة ككل ؟

انا ان شالله باذن الله اكون معاك هنا خطوة بخطوة والشباب كمان ان شالله مايقصروا واللي تحتاجة احنا موجودين بس يويلك لو ماعزمتنا على الزواج الله يوفقك ان شالله

[عررربي]

اهلين اخوي عربي منور المنتدى الف الف مبروك الزواج ان شالله الله يتمم لك على خير باذن الله حبيبي :- عندي كم نقطة وياليت تشرح لنا هي وبعد كدا ابشر باللي يسرك ان شالله

هلا والله ساهر .. الله يبارك فيك ان شاء الله

1- انت سالك اخوي علي هل تبغا السماعات داخلية مخفية او تبغاها تكون ظاهرة للخارج زي اللي موجودة هنا في معظم مسارح الشباب ؟؟؟؟

افضلها تكون خارجية ... لاني اشوفها تعطي منظر افضل

2- اذا حددت هذا الشي بعد كدا ياغالي انا اقدر اشكلك لو تحب الديكور على حسب انت ماتبغا يعني تشكيل الجبس الالوان ؟ اختيارك للالوان في المسرح ؟ المفروشات ؟؟

والله شيء طيب لاني الصراحة ابغى واحد يقول سوي كذا واسوي ... لاني ماعندي اي خلفية عن المسارح .. عندي حاليا في غرفتي اوصل اللاب توب على التلفزيون واتفرج

3- ماعرف هل انت حاسب لموضوع التمديد انه يكون مخفي او لا ؟ واذا كان مخفي هل تبغاه يكون مثلا يعني ارتفاع في نفس الارضيه بحيث يكون التمديد في الاسفل ولا في الجدران ؟؟

والله افضل التمديد المخفي بس اذا فية تعب ومشاكل ... اذا فية طريقة اخفيها بدون التكسير افضل .. واذا سهلة طريقتها ما عندي مشكلة اكسر

4- الغرف المجاورة لك ايش هي يعني ناوي تسوي عزل او خلاص زي ماهو الحال الان ؟

الغرف المجاورة كلها غرف نوم وتحتي مباشرة غرفة نوم الوالد فلازم عزل

5- هل تحب الديكور في الجبس المجنون اللي فيه اكشن او تحب اللي تكون رايقة اكثر ؟؟

لا ابغى شيء جدا راقي وهادي

6- كم تقريبا عدد المقاعد اللي ناوي تحطها ؟ وهل ناوي تحط كنب عادي او ناوي تحط الكراسي المخصصة للمسارح ؟
لا كنب عادي يكفي لـ 3 او اربع اشخاص يكون نفس طريقة الكنب الي حطيتة اول الموضوع الا اذا عندك فكرة احلى

7- بالنسبة للارضيه تبغاها تكون باركيه او فرش ؟ او سيراميك ؟ وعليه فرش ولا ناوي ترتفع ؟ خطوة زي السينما ؟

والله الغرفة جاهزة فيها سراميك ... بس حضيف فرشة صغيرة .. وما ابغى ارتفاع
8- الستاندات ناوي انه يكون هنالك استاندات لو قلنا انه اخترت سماعات خارجية ولا رفوف تتعلق ؟

ما ادري ايش تقصد بالاستندات

9- البروجكتر تبغاه يكون معلق ولا زي اخونا هنا اللي كان حاطه في اخر الغرفة على رف ؟

اممممم اذا اخترت بروجكتر اشوف انة يكون احلى في اخر الغرفة على رف

10-نظام الاضاءة طبعا سبوت لايت وكيف توزيعها في شي ببالك انت ؟

مافي شيء في بالي الا ان ممكن انا اتفرج فليم تكون فية اضاءة خافتة تعطيك جو بس ... ولا مالها داعي ؟

11- هل في فكرة معينة ناوي تسويها ولا تحب اشوفلك اشكال مختلفة وانت تختار ؟؟؟ يعني ببالك نظام معين للغرفة ككل ؟

والله ياليت تعطيني اشكال وانا اختار ... انا ابغى شيء يكون راقي وتكون كالصالة ليا .. يعني جلستي حتكون 24 ساعة فيها
انا ان شالله باذن الله اكون معاك هنا خطوة بخطوة والشباب كمان ان شالله مايقصروا واللي تحتاجة احنا موجودين بس يويلك لو ماعزمتنا على الزواج الله يوفقك ان شالله

هههههههههههههه والله شباب المنتدى كلهم فيهم الخير والبركة بس ضبطو لي الغرفة واعزمكم على الزواج واعزمكم كمان تشوفو المسرح

انا بصراحة الان محتار بين بروجكتر وتلفزيون بس هذي مو قتها الان لان لسى بضبط الجبس اول والبوية ... والفترة هذي بلف واشوف ان شاء الله اقرر

لكن هل تنصحوني اجيب كهربائي يضبط لي افياش كهرباء مكان التلفزيون عشان ما تصير عندي توصيلات كثيرة


والله يعطيكم العافية بتعبكم معاي

[ساهر جده]

افضلها تكون خارجية ... لاني اشوفها تعطي منظر افضل

طيب حلو احنا كدا لازم نحسب حساب لهدا الشي فاهم علي يسير مثلا نقول انك ناوي على البولك اللي هي من الكويت الباكجات هذه اتفضل هذا الموقع وشوف ممكن يناسبك الاختيار عليها بحيث انها احدى الماركات الممتازة وعليها عرض حلو بصراحة واتوقع ممكن تكلفك حول ال 7 الاف ريال سعودي مع الرسيفر اذا ماخاب ظني اتفضل هنا وشوف اللينك هذا

: Polk Audio RTI A عروض الغانم X-Cite

بس اللي يعيب الموضوع شوي هو ممكن السفر لهناك والله يعينك عليه او بعدين نشوف ادا ببالك انت خيارات اخرى ياغالي


والله شيء طيب لاني الصراحة ابغى واحد يقول سوي كذا واسوي ... لاني ماعندي اي خلفية عن المسارح .. عندي حاليا في غرفتي اوصل اللاب توب على التلفزيون واتفرج

انا عندي فكرة ايش رايك تشتري ال 2 بس انه تكون البلازما نوع ال جي او باناسونيك من الفئات المتوسطة وليست العليا وتاخد لك بروجتكر يكون جدا ممتاز يسير عندك تليفزيون وقت ماتبغا ووقت ماتحب البروجكتر واعتقد لما تشتري البروجكتر ابدا ماحتشوف التلفزيون لانه البلازما ال 50 انش من ال جي وباناسونيك سعرها تقريبا 3000 الاف ريال بينما لو تبغالك بلازما من الفئات العليا راح تكلفك مو اقل من 12 الف ريال اللي هي زي ال VT 30

والله افضل التمديد المخفي بس اذا فية تعب ومشاكل ... اذا فية طريقة اخفيها بدون التكسير افضل .. واذا سهلة طريقتها ما عندي مشكلة اكسر

شوف ياغالي بالنسبة للتمديد هو حيكون اما -

1- انه يكون عن طريق المواسير البيضاء المتعارفة للكل

2- او التكسير في الجوانب في الجدران عشان تمدد فيها

3- او انك ترتفع عن الارض بالكامل مثلا نقول لو 10 سم بس ولو ترتفع بخشب او بلوك او اي شي وانا شايف انك ماتبغا هذا الخيار او تسوي زي هو خيار ماهو ممتاز بس على قدي خخخخخ سبت الاسلاك زي ماهي على الارض بس انت شوف ايش تبغا وكل شي بين يدك ياغالي

الغرف المجاورة كلها غرف نوم وتحتي مباشرة غرفة نوم الوالد فلازم عزل

طيب ياغالي انا اتوقع في هده الحالة تحتاج للالواح جيبسوم بورد على الغرفة كلها طبعا لازم تعرف انت من دحين في محل الشاشة للبروجكتر او التلفزيون الكيبلات الكهربائية فين وتكون قريبة من الاجهزة وشوف ايش يسير معاك وكمان لازم ادا ناوي تمدد في الجوانب لازم تحسب حسابها في الجيبسوم بورد كمان وتعرف كل شي من بدري عشان ادا سويت شي من دحين كل شي وبتخطيط ولاتفكر تكسر من جديد

لا ابغى شيء جدا راقي وهادي

والله شوف انا راح احط لك خيارات وشوف انت ايش حاب او ايش تبغا وادا حاب زيادة قولي واشوفلك زيادة





إضغط هنا لعرض الصورة بحجمها الطبيعي 1024x768






انت شوف حبيبي ايش ببالك افكار وبالتوفيق ان شالله وادا مو ببالك شي من اللي هنا اتفضل وشوف اللينك هدا

اتفضل وررراي


لا كنب عادي يكفي لـ 3 او اربع اشخاص يكون نفس طريقة الكنب الي حطيتة اول الموضوع الا اذا عندك فكرة احلى

والله انت عندك الخيار يعني تبغى كنبة واحدة جدا مرريحة ؟ كرسين ؟ خاصة بالمسارح المنزلية او ممكن كنبة على شكل L يعني انت ببالك شي او ممكن لو شفت الصور يجي شي ببالك ياغالي

ما ادري ايش تقصد بالاستندات

اللي هي تحط عليها السماعات زي كدا

ولا تحط السماعات الخلفية على رفوف تشوف افضل ؟؟

اممممم اذا اخترت بروجكتر اشوف انة يكون احلى في اخر الغرفة على رف

10-نظام الاضاءة طبعا سبوت لايت وكيف توزيعها في شي ببالك انت ؟

مافي شيء في بالي الا ان ممكن انا اتفرج فليم تكون فية اضاءة خافتة تعطيك جو بس ... ولا مالها داعي ؟ طيب حللو بس يسير ننسقها مع الديكور يعني التوزيع المناسب فاهم علي

والله ياليت تعطيني اشكال وانا اختار ... انا ابغى شيء يكون راقي وتكون كالصالة ليا .. يعني جلستي حتكون 24 ساعة فيها
انت شوف الشكل فوق وادا ماعجبتك كمان قولي وافيدك بالزيادة ان شالله


انا بصراحة الان محتار بين بروجكتر وتلفزيون بس هذي مو قتها الان لان لسى بضبط الجبس اول والبوية ... والفترة هذي بلف واشوف ان شاء الله اقرر

لكن هل تنصحوني اجيب كهربائي يضبط لي افياش كهرباء مكان التلفزيون عشان ما تصير عندي توصيلات كثيرة


والله يعطيكم العافية بتعبكم معاي

لالا عادي ياغالي بالعكس ان شالله انا نقدر نفيك انا والاخوان هنا ان شالله باكبر قدر ممكن نقدر عليه ان شالله بس احب اوضحلك شي معين

انت ميزانيتك هل هي مع الفرش اوبدون ؟؟؟

لانه لو قلنا 30 الف

الشاشة البلازما = 3
السماعات مع السب وفر والرسيفر اتوقع مو اقل من 9
عندك بروجكتر الاسعار تتباين وتختلف بس لو كنت تبغا زي ال JVC اللي عند الشباب ممكن يكلفك حول 18 الف ريال لكن ممكن فيه انواع اخرى تكلفك حول ال 12 الف ريال وان شالله هنا الشباب يفيدوك اكثر ولسه كمان الشاشة حقته يعني نقول احنا 12 الف ريال كله مع الشاشة

دحين وصلنا 24 الف ريال من 30 الف ريال يعني باقي لك 6 الاف تقريبا يبقى لك الكيبلات ؟ والستاندات او الرفوف ماعرف ايش ناوي بالنسبة لوضع الشاشة يعني ناوي انه تكون معلقة او على طاولة

بالنسبة لموضوع المشغلات هل ناوي على مشغل ولا حاب تشتري HTPC كمبيوتر للتحميل والعرض هده تكلفك كمان لو مشغل ممكن 1500 ولو كمبيوتر ممكن 3500 اعتقد

يعني دحين وصلنا 27500 الف ريال الجبس ايش ببالك ممكن يكلفك حلو ال 1600 تقريبا وعلى حسب الشكل


ياغالي انا رسلت لك الرد على الخاص كمان عشان في بعض الصور ماهي راضية تطلع وبرضو شوف ايش يسير معاك ورد لي ياغالي بالتوفيق ان شالله

امم ماعرف انا ممكن نسيت شي بس لازم تعرف كل شي تقريبا من بدري عشان لاتبدا في شي وانت ماحسبت له حساب وبالتوفيق ياغالي ان شالله واذا غلطت ياشباب او شي ياليت تصححوني وبالتوفيق ياعربي ان شالله

[عررربي]

الله يعطيك العافية اخوي ساهر .. خلينا نبدا من البداية خطوة خطوة ...

انا عندي افياش الكهرباء في الغرفة اماكنها جدا سيئة وبعيدة عن المكان الي ناوي احط في التلفزيون .. فبجيب كهربائي يسوي لي افياش قريبة من مكان التلفزيون هل تنصحني باي افكار .. عدد الافياش او شكلها ومكانها؟

وبعدين نجي للجبس والعزل ايهم راح يكون اول ؟
والجبس شفت اشكال مرة حلوة لكن ما اتوقع تضبط او المعلمين عندنا بهذه الاحترافية ... فبشوف معلمين الجبس واشوف الديكورات الي عندهم وان شاء الله يعجبني شيء ... وايضا بخصوص الاضاءة ياليت تنصحني كيف اوزعها ... لاني حستغني عن جميع الاضاءة واكتفي بالاضاءة الي بركبها في الجبس

[ساهر جده]

الله يعطيك العافية اخوي ساهر .. خلينا نبدا من البداية خطوة خطوة ...

انا عندي افياش الكهرباء في الغرفة اماكنها جدا سيئة وبعيدة عن المكان الي ناوي احط في التلفزيون .. فبجيب كهربائي يسوي لي افياش قريبة من مكان التلفزيون هل تنصحني باي افكار .. عدد الافياش او شكلها ومكانها؟

وبعدين نجي للجبس والعزل ايهم راح يكون اول ؟
والجبس شفت اشكال مرة حلوة لكن ما اتوقع تضبط او المعلمين عندنا بهذه الاحترافية ... فبشوف معلمين الجبس واشوف الديكورات الي عندهم وان شاء الله يعجبني شيء ... وايضا بخصوص الاضاءة ياليت تنصحني كيف اوزعها ... لاني حستغني عن جميع الاضاءة واكتفي بالاضاءة الي بركبها في الجبس

هلا بك حبيبي ياليت تسوي لنا مخطط عام للغرفة من الاعلى للغرفة بشكل كامل تحدد لي مكان الباب والنوافذ كمان ومكان الكيبلات وكل شي موجود حاليا وكمان واحد ثاني يكون تخطيطك انت يعني فين الشاشة والبروجكتر ايش ناوي عليه وين والشاشة تكون مخفية ولا ايش وكل التفاصيل اللي ببالك ياغالي

وعلى فكرة العزل هو عبارة عن الواح جيبسوم بورد يعني وقت ما تجيب الرجال يسوي الجبس يسوي لك العزل لكن قبلهم كلهم نسوي اعمال الكهرباء والتمديد للكيبلات ياغالي وتطلب الكيبلات انت لازم كله هذا اول وبالتوفيق ان شالله ...

[ساهر جده]

انت كنت تبغا يومين وتبدا واختفيت ولا ايش الهرجة شكلك بطلت ؟

[زيـــود]

^^

ياسلام على التعاون ..

لاخلا ولا عدم ..

[ساهر جده]

^^

ياسلام على التعاون ..

لاخلا ولا عدم ..

الله يسعدك حبيبي احنا بين ايادي الكل انت اشر واحنا ننفذ