السلام عليكم
اخباركم ياحلوين وانشالله طيبين
كنت بخلي اسم الموضوع (( الفاضي يعمل قاضي ))
المهم ياحبايبي انا اعتبرها من الاكسسوارات
كان في خاطري كيس HTPC معاه شاشه حلوه وملونه وضبت كل شي وعقب طنشت ماشتغلت
الشاشه الله يسلمكم مقاسها 7 انش كنت ناوي احفر لها في بدي الكمبيوتر واثبتها ..... معليه تكيسلنا واخترعنا حركه ثانيه
بدال قعدتها بالكرتون عالفاضي مع انه عندي شاشه نفسها تقريبا مقاسها 16 بحطها لكم في موضوع ثاني
الشاشه وموديلها
Samsung SyncMaster U70 7inch Mini Wide Screen Monitor Display
السعر تقريبا مع الشحن طلع علي 100 دولار
صور لها من الانترنت
طبعا احلى مافيها انها بدون كهربا بس وصله USB
وهذي استخداماتها
كانك حاط شاشتين او 3 بس دقتها 800*600 وبالنسبه لي مقاسها مناسب
طبعا تقدر تخليها بالوضع الآفقي او الطولي ماعندكم مشاكل
تقدر تخليها تعرض اشياء بسيطه مثلا برامج مراقبه اداء الجهاز تخليها عالشاشه الصغيره
او تخليها تعرض خلفيات ....... وغيره الي تبغيه تقدر تسويه
وماتحتاج تعريف مع ان السيدي مرفق بس عطيته طاف ركبت الشاشه واشتغلت بالحال
ومن الخيارات بالجهاز خليتها شاشه العرض رقم 2 ومقاسها مثل ماذكرت 800*600
والحين نجي للعلبه والمحتويات
وصله ال Usb مادري ليش قطعتين قلت يمكن علشان تاخذ كهربا اكثر مادري ركبت طرف واحد واشتغلت تمام
والحين الصوره لخلفيه الشاشه
بسيطه كآنها برواز صوره مع العصا الي وراها وطريقه العرض ذكرت لكم يا بالعرض او الطول انت وبراحتك
الحين بعد التركيب وضبط الخيارات المطلوبه
انا اصلا ركبت الشاشه علشان اشوف الاداء على طرف مابغي اركب شاشه ثانيه عندي شاشه بس 23 ماتنفع احطها بالمكان هذا
انا حاطها فوق سماعه السنتر
ومثل ماهو باين بشاشه التلفزون اني انقل ملفات من الماك للوندوز وكنت اسحب المستطيل الي يبين فيه نقل البيانات
واحطه بالشاشه الثانيه بروحه واتم متابع سواء فلم او اليوتيوب من التلفزون او اني اشغل اي شي ثاني
نفتح الاناره عالخفيف ونشوف الصوره الحين
انزين اروح لطاوله الكمبيوتر اخر الجلسه واصور واشوف كيف
ياسلام علي acm....... والله اني فاضي
مع السلامه شباب
اقتباس
