أحد الطرق لتحصل على أعلى جودة في الفيديو madVR

[HAMANY]

السلام عليكم ورحمه الله
بسم الله الرحمن الرحيم

madVR عبارة عن renderer (او برنامج يساعد في عمل process للصورة ويضبط خيارات البرنامج لتحصل على افضل نتيجة)
من خلال تجربتي لعدة كودكس و renderers أفضل نتيجة حصلتها مع madVR .. ونفس الكلام تحصله في أغلب المنتديات الأجنبية.
للعلم انه يستعمل ال Hardware Acceleration..

المتطلبات:
- Windows XP او أحدث (شغال على ال 32 و 64)
- ميديا بلاير يدعم Renderer خارجي (مثل MPC و KMP و Zoom) (لايعمل مع المشغل الداخلي ل XBMC)
- على الأقل 128 ميجا من ميموري كرت الشاشة.
(ماجربته على بروسسر بكرت فيديو مدمج .. لكن أخونا أبو عبدالله The Adviser جزاه الله خير جرب وأكد أنه شغال)
(تمت التجربة على كرت GeForce 9800 GT وإشتغل بأفضل مايكون .. اي كرت مشابه له او افضل راح يعمل)

Download:
madVR

تجربتي كانت على برنامج MPC Home Cinema .. تأكد انك برنامج ال MPC نوعه x86 وليس ال x64

حمل ملفات madVR .. فك الضغط وانقل المجلد الى program files مثلا .. لأنك ان غيرت مكان المجلد راح تضطر تعيد التثبيت
إضغط على install.bat وتأكد إنك التثبيت نجح (registered successfully)



افتح ال MPC واضغط الحرف o عشان تفتح لك الخيارات .. من اليسار اختر Output .. ثم حدد madVR



سكر البرنامج وارجع شغله .. في بعض الخيارات الي ممكن تغيرها على حسب رغبتك
إضغط رايت كلك على شاشة البرنامج ثم Filters ثم madVR renderer .. إضغط Edit Settings
هنا تحصل الخيارات الرئيسية الي ممكن تستعملها .. أغلبها مثل ماهي بإستثناء وحده او ثنين
http://www.homecinema-hd.com/madvr_en.html

مثل ما قلت بعض الخيارات تعتمد على رغبتك .. انصح تترك الخيارات مثل ماهي الا اذا كنت تعرف شلي قاعد تسويه
او حطها مثل الصور في الرابط فوق ..

هذي مقارنة بسيطه بين ال Default Renderer و ال madVR
تقدر تلاحظ الفرق اوضح عندك






أعذروني على أي خطأ .. نقبل أي استفسار
وشكرا

[المتميـز]

الله يعطيك العافية أخوي عبد الرحمن

بصراحة فرق بين الصورتين واضح جداااااا

كأن الأولى SD والثانية FHD

[مزيد الدوسري]

الله يعطيك العافيه اخوي عبدالرحمن على طرحك الرائع ، لا اخفيك في الأونه الأخيره كنت ابحث عن كوديك مناسب ل صورة بواسطة برنامج mpc جاري الأضافة ....

[HAMANY]

غلطت في المقارنه .. المفروض اختارفلم 16:9 لكن هذا اول واحد حصلته
الله يعافيك

[mz_milan]

ماشاء الله موضوع جداً رائع وعجبني والله

الحين انا جهازي 64 ومركب MPC HC الـ 64 هل راح يشتغل renderer ذا ؟؟

انا كرت الشاشه ال يعندي 9600M GT القديم قبل 3 سنوات نازل ويمكن اكثر شوي طبعاً لابتوب هل راح يمشي معاه ؟

الله يعطيك العافيه

تحياتي

[AboRayan01]

موضوع رائع SLMT يدينك عبدالرحمن، طيب انا مثبت ويندوز 64 لان الرامات عندي 8 جيجا والبرامج كلها 64 بت فهل madVR 0.80 بيشتغل معي ولا لا ؟
الامر الاخر هل كرت الشاشة الي عندي يتحمل؟ GeForce GT 430

[Marauder28]

تسلم يمناك يا عبااادي

المسألة تستاهل فرق بين الصورتين سواد الشعر عجيب وسواد القميص كمان


يعطيك العافيه على هالموضوع


روح نام الحين متعود اشوفك الصباح قبل خلق الله اخاف تروح عليك نومه والسبامات يحوسو بالملتقى

[HAMANY]

ماشاء الله موضوع جداً رائع وعجبني والله

الحين انا جهازي 64 ومركب MPC HC الـ 64 هل راح يشتغل renderer ذا ؟؟

انا كرت الشاشه ال يعندي 9600M GT القديم قبل 3 سنوات نازل ويمكن اكثر شوي طبعاً لابتوب هل راح يمشي معاه ؟

الله يعطيك العافيه

تحياتي

الله يعافيك محمد ..
نوع الوندوز ماله تأثير .. لكن ما راح يشتغل على نسخة ال 64 من ال MPC .. نزل ال 32 ترى الثاني مافيه شيء يفيدك
الصراحه ماعندي علم عن اللابتوبات لكن اتوقع ان الجرافك كافي

[HAMANY]

موضوع رائع سملت يدينك عبدالرحمن، طيب انا مثبت ويندوز 64 لان الرامات عندي 8 جيجا والبرامج كلها 64 بت فهل madVR 0.80 بيشتغل معي ولا لا ؟
الامر الاخر هل كرت الشاشة الي عندي يتحمل؟ GeForce GT 430

ايه شغال على الوندوز 64 .. لكن البرنامج ماله داعي 64 وال 32 كافي لأنه مايستخدم اكثر من 100 ميجا من الرام
فلازم تنزل ال 32 لأنه ال madVR مايدعم ال 64 (جوف الصورة تحت ردين)

الجرافك الي عندك ما شاء الله ممتاز
بالتوفيق.

[HAMANY]

تسلم يمناك يا عبااادي

المسألة تستاهل فرق بين الصورتين سواد الشعر عجيب وسواد القميص كمان


يعطيك العافيه على هالموضوع


روح نام الحين متعود اشوفك الصباح قبل خلق الله اخاف تروح عليك نومه والسبامات يحوسو بالملتقى

هههه الله يعافيك
المفروض انام لكن قلت نجرب الجلكسي مع المنتدى .. هلكني :/

[عبدالله القرني]

رائع وبالمناسبة تراه شغال مع نسخه 64 من البرنامج ولاحظت الفرق . تسلم يمينك يا بطل

[HAMANY]

رائع وبالمناسبة تراه شغال مع نسخه 64 من البرنامج ولاحظت الفرق . تسلم يمينك يا بطل

الله يسلمك اخوي القرني ..
لما تشغل ال 64 ماراح يسمح لك تختار ال madVR .. جوف الصورة كيف



إما ان النسخة الي عندك مضروبة
او انه عندك النسختين لكنك تشغل ال 32 بدون ما تدري .. شغل ال task manager وجوف اي نسخة تشتغل.

بالتوفيق.

[Khalid-Qatar]

الفرق واضح وضوح الشمس

الله يعطيك العافيه

بس عندي سؤالين

- هل بتشتغل الاعدادات هذي مع ال xbmc او بتشتغل منفصله مع برنامج MPC Home Cinema

- بخصوص ال ٦٤ هل تقصد الوندوز او البرنامج نفسه MPC Home Cinema

شكرا

[HAMANY]

الفرق واضح وضوح الشمس
الله يعطيك العافيه
بس عندي سؤالين
- هل بتشتغل الاعدادات هذي مع ال xbmc او بتشتغل منفصله مع برنامج MPC Home Cinema
- بخصوص ال ٦٤ هل تقصد الوندوز او البرنامج نفسه MPC Home Cinema
شكرا

الله يعافيك

شغال على كل أنواع الوندوز سواء 32 او 64 .. كنت اقصد برنامج ال MPC نفسه لازم يكون 32 .. عدلت الرد الأول عشان يكون اوضح
وجوف الصورة الي فوق اذا كان برنامج ال MPC 64 ماراح يمديك تختاره

بالنسبه لل xbmc على حسب ما قرأت انه مايستعمل اي برنامج خارجي .. يعني غير ممكن انك تستعمل ال madVR مع ال xbmc
لكن اعتقد في طريقة تخلي الفلم يشتغل على ال MPC بعض ما تضغط عليه في xbmc .. قرأتها مرة في أحد الردود في القسم .. اتمنى احد يفيدنا بهالشيء

تضبط ملف txt عشان يشغل برنامج خارجي (الي هو MPC) .. وتستغني عن المشغل الداخلي لل xbmc
اقرا هذا الموضوع
الاعدادات الصحيحة للأصوات المحيطية وكيفية الحصول على DTS

وعندك هذولي بعد

http://wiki.xbmc.org/index.php?title=External_players
http://www.mediasmartserver.net/2010...layer-in-xbmc/
http://technicaltony.blogspot.com/20...ia-player.html

[حافظ الود]

يعطيك العافية يا عبد الرحمن على الموضوع والشرح الاكثر من راااائع

[F H D]

يعطيك الف عافية يا حمني
رووووعة وفرق كبير جداً بين الصورتين ..
أشهد انك شيخ الأصوات والصورة

[tria]

تقرير رائع أخوي HAMANY ، وشرح واضح ، واختيار أكثر من موفق في المقارنة

ميزة إضافية في هذا الريندرر ما تقدر تشوفها في الصور هو الموشن (أو الحركة) ، ينعم الإنتقال فيها (زي فكرة الشاشات ذات الترددات العالية) ، وصاحب الريندرر ما زال شغال عليها

ملاحظة حسب تجربتي وهو أنها تزيد التباين بين الألوان ، وتغمق الألوان كثيراً (أو تكسبها لونها) ، فيظهر الأسود الباهت أسود حقيقي ، مناسبة جداً للبروجيكتور

للأسف الريندرر (كغيرة من الريندررز الخارجية) لا يعمل مع XBMC لأنه نظام مستقل ، هناك شخص هاوي لا ينتمي لفريق XBMC يحاول ربطه مع النظام ، لكن لم يتم الانتهاء من أي شيء إلى الآن ، وأتوقع بأن ريندرر موجود على الويندوز فقط لن يتلقى دعم من فريق XBMC نفسه (لأنهم يستخدمون مكتبات تعمل على جميع الأنظمة وتكون مفتوحة المصدر ، بعكس هذا الريندرر) ، لكن لعله يكون هنالك مثل الهاك ، أو نسخة مبنية مخصصة مع الريندرر من أحد الهواة (مثل ما حدث مع نسخة XBMC PVR المخصصة لمشاهدة التلفاز من خلال البرنامج والمعدة من قبل هواة)
حل بديل هو تشغيل الـ MPC (أو أي برنامج آخر يدعم الريندرر) عند تشغيل الفلم من الـ XBMC (أحد الأعضاء كتب موضوع مفصل في ذلك) ، لكن يعيب هذا الخيار أنك ستعتمد على برنامج خارجي (لن تكون لديك نفس قائمة XBMC خلال التشغيل وستفقد خياراتها مثل تغيير الترجمة بسهولة والأصوات ، وستلاحظ الانتقال ما بين البرنامجين في بعض الأحيان)

[tria]

فيه نقاط إضافية يا شباب ، طبعاً بافتراض أنك سويت كل الي قال عليه أخوي HAMANY
أولاً ، يفضل إنك تركب ديكودرات LAV Audio و LAV Video هذي الديكودرات تشتغل على ١٠ بت (يعني الألوان المعالجة فيها معلوماتها أكثر ، وهذا هو الديكودر الوحيد الي يسوي هذا الشي حالياً) ، طبعاً بعض الناس يركب مكتبات فيها هذا الشي وما ينتبه أنها موجودة أصلاً (أنا كانت عندي مسبقاً قبل ما أركب madVR)
بعد كذا لازم تتأكد م إنك تعطل الفلاتر الي تجي مع MPC علشان ما يستخدمها بدل الفلاتر الخارجية
تروح للإعدادات Options وتختار Internel Filters وتشيل صح من على كل الخيارات حقت Transform Filters
في نفس المكان (على جنب) تعطل الخيارات AVI و Matroska وMP4/Mov و MPEG PS/TE/PVA و Ogg
في نفس النافذة أختر Subtitles وخل Maximum Texture Resultion على Desktop ، وحط صح على Allow animation when buffering لتحسين الترجمة
وفي نفس النافذة أختر Playback ثم حط صح على Auto-load subtitles
وأخيراً في نفس النافذة أختر External Filters وتأكد إن بس فيها فلترين LAV Video Decoder و LAV Audio Decoder ، وتأكد من إن الخيار على Prefered ، إذا مهي في النافذة فسو لها إضافة عن طريق Add Filter
وبكذا الديكودرات صارت كلها LAV ومبروك عليك الـ ١٠ بت

طبعاً أخوي HAMANY شرح وشلون تفعل الـ madVR وما قصر في هذا الشي ، فبعد ما تسوي هذا الشي كمل

شغل أي فديو ، بعدين بالزر اليمين على الفيديو أختر Filter بعدين madVR Renderer بيفتح لك الإعدادت حقتها ، واختر Edit Settings بعدين تحت Rendering ثم General Settings تشيل الصح من على enable automatic fullscreen exculsive mode (هذا علشان ما يصير من الدايركت أكس ترو فل سكرين)
بعد كذا في نفس النافذة تروح processing وتحتها decoding وتأكد إن كل الديكودرات محطوطه على libav decoder وهو الديكودر تبعنا علشان يشتغل عليه الـ madVR وتصير مدخلاته من نوع ١٠ بت ، وبالتالي تكون نتائج الريندرر أحسن

ومبروك عليك

ملاحظة أنا غير مسؤل عن أي خلل في فلاتر ثانية ، لكن عندي كذا شغالة مضبوط وما فيها أي مشاكل ، قد تكون تحتاج تحط صح على فلاتر معينه لمعالجة شي ما أعرفه أنا ، أيضاً بعض المكتبات تحوس شغلك فتضطر إن تشيلها وتبدى فريش

الملف المضغوط في المرفقات في المرفقات للتسهيل وفيه صور لبعض الخطوات

[الـ ع ـآشــ ق]

الف شكر على المجهود والموضوع الرائع

يعيب برنامج xbmc انه ماايشتغل من خلال الاكواد والمشكله الثانيه مانقدر نستغني عنه
بس نتصبر اكيد بجبوون له اكثر من حل

قهر برنامج كبير ومشهور و جودة الصوره ضعيفه

[HAMANY]

جزاك الله الف خير أخوي tria

سبق وان جربت ال LAV filters لكن ابتعدت عنه لسببين
الأول اني ما لاحضت فرق بينهم .. الثاني ان بعض الأفلام لما اشغلها يوقف عليه ال MPC (يصير crash)
ولحين ما حصلت حل له للأسف .. وفوق ذي مشاكل في الترجمة لكن حليتها الحمد لله
سؤال، انت ثبت Matroska Splitter مع ال LAV ؟

الف شكر على المجهود والموضوع الرائع
يعيب برنامج xbmc انه ماايشتغل من خلال الاكواد والمشكله الثانيه مانقدر نستغني عنه
بس نتصبر اكيد بجبوون له اكثر من حل
قهر برنامج كبير ومشهور و جودة الصوره ضعيفه

صح، الحل الوحيد هو انك تخلي الأفلام تشتغل على ال MPC بعد ما تضغط عليها في xbmc