وزن صوت السماعات بشكل صحيح .. ريموت الريسيفير بيدي على طول ... أحتاج للثقة

[AHMED]

السلام عليكم

أخواني عندي استفسار بسيط

أملك ريسيفير ياماها rx-v3900

وسماعات مونتير أوديو rx6

ومساحة الغرفة التقريبي 4.7 * 4.5


أواجه مشكلة في مشاهدة أفلام الاكشن والاثارة وهي


أرفع صوت الريسيفير عشان اسمع صوت الممثلين بكل وضوح

فجأة كون الفيلم أكشن تصير هناك مؤثرات وتتحول أصوات الاثارة لكابوس

فيتم تنزيل الصوت بشكل سريع وتذهب متعة المقطع

على هاذي الحالة من زمان ومتعتبتني جدا وصرت أخاف وانا اشوف فيلم أكشن من الاصوات العالية اللي تسبب أزعاج للجيران وهذا الشي اللي يريقني عند المشاهدة


فهل يوجد حل جذري نهائي للمشكلة بحيث من الثقة أحذف الريموت وما اخليه بيدي طول الفيلم


المسرح 5.1


----
مجرد تحليل لا قريت ولا سمعت ؟

كل صوت لها تردد خاص ..
والاصوات العالية لها تردد مرتفع
فهل يوجد خاصية بالريسيفيرات بشكل عام تجبر المقاطع ذات الترددد العالي للنزول لتردد معين يختاره المستخدم بحيث ما ينزعج ..؟!!

[East25]

حياك الله ياخوي احمد وولكم باك
عموما انا كنت مثلك احس بازعاج لين شفت موضوع لزميلنا مكس95 وانه ينصح ان السماعات كلها تكون على small level ومن بعدها والله الصوت صاير انسيابي ومايحتاج ارفع او انزل في الفلم
جرب وشوف وش يصير معك انا حسيت بالفرق من large الى small وجربتهم في فلم ترانسفورمر والفرق كان كبييييييير

[Marauder28]

وعليكم السلام والرحمه

حياك الله يا احمد

مشكلتك هذي اغلب الناس تعاني منها خصوصاً لما ما يكون عندك خبره كبيره في معايرة المسرح شوف موضوع mks الطريقة المثلى لـ معايرة و وزن صوت المسرح المنزلي..

ركز على كل كلمه كتبها وراح توصل لنتيجه ممتازه بعد عدة محاولات لوزان المسرح وخاصة اخر اسطر من الموضوع

· أي سماعة يحددها الرسيفر كـ Large " " فغيرها الى Small "". بيكون فيه شرح بالتفصيل للنقطة هذي.

· أرقام القراءة والتحكم بقوة السبووفر تكون عادة 10dB \ +10dB- في رسيفرات الياماها مثلا. وفي الدينون تكون 15dB\+15dB- بعد ضبط المعايرة تأكد بأن الرقم الناتج للسبووفر مايكون في أقل مستوى 10dB- ولا يكون على أعلى مستوى 10dB+.

· إذا كان رقم مستوى level للسبووفر هو 6dB+ فمعناته إن فرارة الVolume من خلف السبووفر تحتاج الى زيادة لأن ال AV-R جالس يعمل Amplification لل LFE والشيئ هذا بنحاول نتجنبه. فأرجع ارفع على مستوى الصوت من السبووفر نفسه فإذا كان على النص زوده شيئ بسيط وعيد المعايرة.

· إذا كان مستوى Level للسبووفر بعد القراءة هو 6dB- فمعناته أن فرارة الصوت من خلف السبووفر مرتفعة أكثر من الازم وتحتاج تنقص عليها فإذا كان مثلا الـ Volume على النص قلل فيه شوي وارجع عيد المعايرة.لأن المستوى الطبيعي للسبووفر يكون أقل من المنتصف " 0.0dB " وتختلف القراءات من غرفة للثانية خصوصا الغرف المعالجة صوتيا أو الغرف كثيرة الأثاث والفرش.

· أغلب الرسيفرات بعد الضبط الأول تفعل Parametric equalizer بعدة أنظمة Flat, natural…etc إما تخليها على off عشان ما تلعب بالـ LFE أو إنك تختار منها المناسب بناءا على تفضيلك له بعد التجربة خصوصا إن بعض منها يحسن مستوى Center ويكون الصوت فيها واضح مثل Flat حسب تجربتي له مع Yamaha RX-V1900.

مثل ما قالك ابو وليد خلي السماعات على small دام انت تمتلك ساب ووفر ، وادخل على اعدادات الرسيفر وشيك كم عاطيك مستوى الـ Level غالباً في وضعك ربما تكون سماعة السنتر والسماعات كلها عموماً بالسالب وهذا يخليك ترفع على صوت الرسيفر عشان توصل لمستوى يعجبك في صوت الممثلين وتتفاجأ بلقطه يكون فيها مؤثرات تجبرك تنزل مستوى الصوت

الحل انك ترجع تعاير المسرح كامل اكثر من مره واذا عطاك نفس الارقام غيرها بنفسك بحيث يكون مستوى صوت سماعة السنتر اعلى من بقية السماعات بالمسرح وجرب اختبر الصوت بأي مقطع متوفر عندك وشوف الوضع


خلنا نسمع كلام الخبراء ونشوف أرائهم

وبالتوفيق

[انور]

باعدادات الرسيفر عند Level (Speaker level)

قلل level سماعات الفرونت اليمين و اليسار

وزيد level السماعة السنتر

[BAROOON]

اذا الكلام عندك مش واضح في الdts في اكثر من فلم , فممكن عندك مشكلة في الضبط
ركب المايك وجرب على فلم تشوف فية المشكلة هذي .
والحل الثاني تسوي اعدادات خاصة للدراما وتعلي صوت السنتر شوي وتخفف السوبووفر
وتخزنها عندك بالريموت , بكبسة زر تبدل بينهم .
وتحذير تنبيهي لو اي احد سواها لا تنسى ترجع الستينج للاساسي بعد كل فلم
لان ممكن تشغل فلم اكشن ووتحمس وتعلي الصوت وبعدين تقبع عندك السنتر وتجي تقول بارون هو الي قالي

هذا حل كتبتة قبل فترة للحمني

[tria]

إذا ما نجحت كل الأفكار (لأنه غالباً يكون السبب في عدم سماع الكلام بشكل واضح ، وتضطر تزيد الصوت هو المعايرة الخاطئة والإعدادات)
فيحتاج لك تسوي Normalization للصوت كله الي في الفلم
الفكرة إنه تحدد لفل معين للصوت ، وهو يحاول يخليه ما يتعدى هذا المستوى (وطبعاً التحويل يكون ديناميكي يعني يتغير حسب المقطع ، وليس مثل فكرة قصر الصوت كله)
ولها أنواع كثيرة وتقنيات كثيره ، منها الي تشتغل مباشرة في وقت التشغيل مثل Dynamic Audio Compression (موجودة في XBMC بس غبي تنفيذهم لها لأنهم ما تعبو عليها) و ReplayGain (عادة تستخدم في الأغاني ولا لي خبره فيها) ، وفيه في ملفات AC3 حقت دولبي طريقة تغير متغير فيها يتحكم بشي مماثل (بس أجهل الطريقة الصراحة ، قد يكون فيه برامج تسهل التحكم فيها ، طبعاً تكون لكل ملف على حده) ، وفيه غيرها (حتى فيه هاردوير كامل تشبك فيه مدخلات الصوت ، وهو وضيفته يسوي هذا الشي ، ومنه للمسرح) ، قد يكون يدعمها ريسيفرك ، أو قد تقدر تركب برامج تسوي هذي الوضيفة (إذا حصلت شي مميز لا تنسانا )
وفيه طريقة إنك تسويه يدوياً بأحد برامج معالجة الصوت وتحفظة مره ثانيه مع الفلم ، لكن هذا ما أحببه لسببين: الأول مشوار وتعب ، والثاني إنك راح تأثر على جودة الصوت (خاصة إذا ما كان عندك المصدر الحقيقي للصوت Lossless)

تعديل:
في أمريكا أظن بيطلعون (أو طلعوا) قرار يكون الليفل مثبت ، وبالتالي ما راح يضطر الواحد يواجه مثل هذي المشاكل خلال التغيير بين القنوات (أو حتى خلال القناة الوحدة مثل من الفلم إلى الدعايات ورجوعاً للفليم)

تعديل #٢:
ما انتبهت للنقطة الي كاتبها تحت بالنسبة للتردد
ملاحظة الأصوات حقت الكلام ترددها عالي (وليس الإنفجارات)
بينما الإنفجارات (والزلازل) ، تردداتها منخفضه لدرجة أنها ممكن تسبب بتحريك للطبله والجوامد دون أن يكون لها صوت ، بس تكون مزعجه مع ذلك
الي يتحكم بشدة الصوت هو الليفل وليس التردد dB
فأنت تبي العكس (الترددات الي تحت ترددات الكلام المرتفعه) تبي تقصر عليها (او تقلل dB حقاها) ، أو تزيد مستوى الترددات المرتفعه علشان تكون أوضح وتقدر تقصر على الصوت بشكل عام
والجواب ، نعم ممكن تسوي هذا الشي ، بس تحتاج توصيلات إضافيه (أجهزة صغيرة) ، تشبك سلك الصوت مع الطرفين ويعدل عليها (تسمى أضن Filter) وفيها أنواع شي يعدل على الترددات العالية (الكلام والموسيقى) وشي يعدل على الترددات المنخفضه (الدقات والإنفجارات) ، وفيه أشياء حتى تلغي بعض الترددات
وأيضاً ممكن تسويها من بعض الرسيفرات
وأيضاً ممكن تسويها من خلال الكمبيوتر (هذي هي فكرة الإكولايزر بالمناسبة )

[AHMED]

أشكر كل من شارك بالرد

سيتم تجربة جميع الحلول وابالغكم بالافضل منها

بالتوفيق للجميع

[AHMED]

إذا ما نجحت كل الأفكار (لأنه غالباً يكون السبب في عدم سماع الكلام بشكل واضح ، وتضطر تزيد الصوت هو المعايرة الخاطئة والإعدادات)
فيحتاج لك تسوي Normalization للصوت كله الي في الفلم
الفكرة إنه تحدد لفل معين للصوت ، وهو يحاول يخليه ما يتعدى هذا المستوى (وطبعاً التحويل يكون ديناميكي يعني يتغير حسب المقطع ، وليس مثل فكرة قصر الصوت كله)
ولها أنواع كثيرة وتقنيات كثيره ، منها الي تشتغل مباشرة في وقت التشغيل مثل Dynamic Audio Compression (موجودة في XBMC بس غبي تنفيذهم لها لأنهم ما تعبو عليها) و ReplayGain (عادة تستخدم في الأغاني ولا لي خبره فيها) ، وفيه في ملفات AC3 حقت دولبي طريقة تغير متغير فيها يتحكم بشي مماثل (بس أجهل الطريقة الصراحة ، قد يكون فيه برامج تسهل التحكم فيها ، طبعاً تكون لكل ملف على حده) ، وفيه غيرها (حتى فيه هاردوير كامل تشبك فيه مدخلات الصوت ، وهو وضيفته يسوي هذا الشي ، ومنه للمسرح) ، قد يكون يدعمها ريسيفرك ، أو قد تقدر تركب برامج تسوي هذي الوضيفة (إذا حصلت شي مميز لا تنسانا )
وفيه طريقة إنك تسويه يدوياً بأحد برامج معالجة الصوت وتحفظة مره ثانيه مع الفلم ، لكن هذا ما أحببه لسببين: الأول مشوار وتعب ، والثاني إنك راح تأثر على جودة الصوت (خاصة إذا ما كان عندك المصدر الحقيقي للصوت Lossless)

تعديل:
في أمريكا أظن بيطلعون (أو طلعوا) قرار يكون الليفل مثبت ، وبالتالي ما راح يضطر الواحد يواجه مثل هذي المشاكل خلال التغيير بين القنوات (أو حتى خلال القناة الوحدة مثل من الفلم إلى الدعايات ورجوعاً للفليم)

تعديل #٢:
ما انتبهت للنقطة الي كاتبها تحت بالنسبة للتردد
ملاحظة الأصوات حقت الكلام ترددها عالي (وليس الإنفجارات)
بينما الإنفجارات (والزلازل) ، تردداتها منخفضه لدرجة أنها ممكن تسبب بتحريك للطبله والجوامد دون أن يكون لها صوت ، بس تكون مزعجه مع ذلك
الي يتحكم بشدة الصوت هو الليفل وليس التردد dB
فأنت تبي العكس (الترددات الي تحت ترددات الكلام المرتفعه) تبي تقصر عليها (او تقلل dB حقاها) ، أو تزيد مستوى الترددات المرتفعه علشان تكون أوضح وتقدر تقصر على الصوت بشكل عام
والجواب ، نعم ممكن تسوي هذا الشي ، بس تحتاج توصيلات إضافيه (أجهزة صغيرة) ، تشبك سلك الصوت مع الطرفين ويعدل عليها (تسمى أضن Filter) وفيها أنواع شي يعدل على الترددات العالية (الكلام والموسيقى) وشي يعدل على الترددات المنخفضه (الدقات والإنفجارات) ، وفيه أشياء حتى تلغي بعض الترددات
وأيضاً ممكن تسويها من بعض الرسيفرات
وأيضاً ممكن تسويها من خلال الكمبيوتر (هذي هي فكرة الإكولايزر بالمناسبة )

هلا بالغالي

جبت طاري فلتر

الكلام اللحين كيف أعرف إن الريسيفير حقي يدعم الفلترة بدون أجهزة آخرى

واذا في أجهزة فممكن اذا ما عليك أمر روابط للسلعة عشان غيري يستفيد اذا كان ريسيفيري يدعم الخاصية هاذي


شاكر لك تعاونك معي ومع الشباب ..

[tria]

شوف فيه أكثر من طريقه للفلتره عن طريق الريسيفر
أحدها ، أنك تعتمد على السماعات نفسها وإعداداتها ، فبما إن الحوارات دائماً تطلع من السنتر (بسبب إن الرسيفر يفصل الصوت) ، فإنت تعلي الليفل حقها ، وتقصر على الباقيات (خاصة السبووفر لأنه يأثر على وضوح الكلام أحياناً) ، بكذا كأنك تقوي الفريكونسي حقت الكلام (بس إنتبه لا تزيده أكثر من اللازم وتخرب السماعة لما يكون فصل الصوت مهو مضبوط خاصة في الأصوات الستيريو) ، هذي تحصلها في إعدادات كل سماعه (تحدد بعدها وقربها والليفل حقها)
أو ، إن جهازك يكون فيه خيار Equalizer أو Equalization ويسمح لك بالتعديل عليها ، فهنا أحسن وأحسن ، لأنك تقدر تحدد مدى معين للفريكونسي (كلام البشر بين 1024 و 2048 هيرتز ، أي شي فوق أصوات حاده مثل الأجراس ، أي شي تحت يكون موسيقى وانفجارات) ، وترفع أو تنزل الليفل لها ، ولفريكونسي أخرى تحدد لفل أخرى (أو ممكن تدرج بين الفريكونسيز) ، هذي تقدر تسويها من الرسيفر إذا يدعمها ، أو من درايفر كرت الصوت إذا أنت تستخدم HTPC مثلاً
بالنسبة للأجهزة الخارجية والله مالي علم فيها ، لأن بعضها احترافيه وغالية ، وبعضها بس تمشي الحال حقت صوت ستريو ويطلع 5.1 (تعتمد على نفس المفهوم لأنها بتفصل في النهاية وتتيح لك التعديل) ، وتقدر تبحث عنها بنفسك عن طريق Equalizer Device أو External Audio Equalizer أو Dedicated Equalizer ، ومثل هذي الأجهزة تستخدم في المسارح ، والاستديوهات
بالنسبة للفلاتر الخارجية فيه عندك أنواع Low-Pass Filter (هذا يشيل أو يخفف الترددات العالية مثل الكلام) ، و High-Pass Filter (يشيل الترددات أو يخفف الترددات المنخفضة مثل الانفجارات) ، وفيه Band-pass Filter (وهذا يكون له حد أدنى وأعلى للترددات وأي شي غيرها يسوي لها تخفيف أو حذف كلي) ، طبعاً تقدر تبحث عنها بنفس هذي الأسماء ، وبتحصل أشياء بسيطة أو أشياء معقدة (تمكنك من تحديد الفريكونسيز ومستوى التعديل)
أنا الصراحه ما أقدر أوصيك أو أي أحد غيرك بمثل هذي الأجهزة لأني ما قد بحثت فيها بنية الشراء ، لكن سبق إن شفتها في مواقع الصوتيات.

[AHMED]

هلا بالاخ tria

لقيت عندي خاصية الايكلويز بارمترك

أكيد إن الاعدادت راح تكون على رغبة المستخدم

السؤال اذا ما عليك أمر

وش الرنج اللي أحتاجه في الفرنكوسي لسماعة السنتر

وبقية السماعات والسبوفر .... التقريبي اللي ما يسبب الازعاج مع رغبتي بسماع صوت الممثليين بوضوح

أكيد اني راح أجرب بنفسي للشي الملائم لأذني بس على الاقل أعرف وش المدى اللي احتاجه وابدا اللعب فيه لين يضبط

في شي اسمه gain وش ضبطه أيضا علما إني اشوف انه مرتبط بالفرونكسي


بالتوفيق

[tria]

القين هو أسم آخر لليفل حسب علمي (في الحقيقة القين هو الأسم الي كان المفروض أستخدمه لأنه يقاس بـ dB بينما الليفل يقاس بأرقام متسلسله تترجمه إلى dB في النهاية)
بالسالب تقل قوته ، بالموجب تزيد
طبعاً كل فريكونسي (أو مجموعه منها) تقدر تتحكم بالقين حقها
بالنسبة للسنتر ذكرت لك أنها تطلع أصوات الكلام والمحادثات ، بالتالي الفريكونسي حقها هو ١٠٢٤ إلى ٢٠٤٨ هيرتز (فوقها أصوات حاده جداً ، تحتها موسيقى وإنفجارات) طبعاً قد تكون عندك مكتوبه بالكيلوهيرتز 1kHz إلى 2kHz وهي نفس الشي (تقسم على ١٠٢٤ علشان تحول للكيلو) ، طبعاً تقدر للاحتياط تعدل أي فريكونسي حولها لأن بعض الكلام يجي عميق وعليه مؤثرات فما يكون بينهم بالضبط
شوف هذا الموضوع يفيدك بالترددات والنوتات أو المقاطع ومسمياتها
http://en.wikipedia.org/wiki/Audio_frequency

تعديل:
حسب الموضوع الي عطيتك يبدولي أيضاً أنه ما بين ٤٠٩٦ هيرتز (4kHz) و 8192 هيرتز (8kHz) أيضاً فيه وجود للكلام (بس مهو مثل ١ إل ٢ كيلو هيرتز) ، فيمكن يبيلك تاخذ بالك منه

[mks_95]

لاتعدل في ترددات السماعة في رسيفرك والا بتحتاج تعيد وزن الـ YPAO.. إمش على الخطوات تحت وبتنحل امورك..


Off ..<<<.. Adaptive DRC ..<<<.. Volume menu ..<<<.. Menu .. وحط خيار الـ Adaptive DSP على Off..

إرجع من جديد وإدخل على Off ..<<<.. Parametric equalizer ..<<<.. Sound menu ..<<<.. Menu.. ولو حبيت تغير وتشوف الصوت بعد مارسيفرك يعمله Auto equalizing خله على خيار PEQ Front..

المهم في الموضوع تدخل على Max ..<<<.. Speaker ..<<<.. Dynamic range ..<<<.. Menu

[AHMED]

أشكر الجميع على الرد والمشاركة

رد الاخ mks_95


ومن بعد التجربة الشخصية هو الانسب

لمعالجة المشكلة

أكررر شكري للجميع


بالتوفيق