D7000 مشكله بالترجمه

[ابو احمد]

السلام عليكم

ابدخل بدون مقدمات

انا عندي الشاشه اذا شغلت فيه الترجمه يكون فيه مشكله وهي ان الترجمه ماتطلع كلها
يعني انها تظهر الترجمه لاكن فقط جزء منها
يعني لو جت جمله طويله في الترجمه يطلع جزء منها والجزء الاخر يختفي
ويكون اخر الترجمه ....
وانا والله حست في اعدادات الترجمه لاكن مانفع ابدا

واخيرا شكرا لهذا الملتقى الاكثر من جميل و مفيد

[Marauder28]

وعليكم السلام والرحمة


حياك الله

الفيلم تشغله عن طريق مشغل اقراص او بلايستيشن او عن طريق الكمبيوتر وبرامج الفيديو اللي بالكمبيوتر ؟؟

- اتمنى تذكر لي اسماء البرامج اللي تستخدمها في حالة انك تعتمد على الكمبيوتر ؟؟

- قد تكون المشكله في اعدادات الشاشه مثلاً انك عامل زووم وانت ما تدري على الصوره يعني عادة الشاشات فيها خيار يحول لك عرض الـ 4.3 الى Full size وتشوف الصوره بكامل الشاشه يمكن يكون هذا السبب

- وقد يكون السبب في اعدادات البرامج اللي تستخدمها

[ابو احمد]

مشكور اخوي ع ردك
لاكن المشكله مالها دخل بالكمبيوتر ولا لها دخل بزوم الشاشه
المشكله اذا ركبت فلاش للشاشه وشغلت الفلم طبعا الترجمه مفصوله عن الفلم
طبعا تكون الترجمه مضبوطه لاكن اي جمله طويله تقريبا يحذف نصها ويخلها ....
وانا ابي اعرف كيف اخلي الشاشه تظهر الترجمه كامله

[عبدالله الحازمي]

مشكور اخوي ع ردك
لاكن المشكله مالها دخل بالكمبيوتر ولا لها دخل بزوم الشاشه
المشكله اذا ركبت فلاش للشاشه وشغلت الفلم طبعا الترجمه مفصوله عن الفلم
طبعا تكون الترجمه مضبوطه لاكن اي جمله طويله تقريبا يحذف نصها ويخلها ....
وانا ابي اعرف كيف اخلي الشاشه تظهر الترجمه كامله

طبعا راح تصير عندك مشاكل في الترجمة لان شاشة d7000 لا تدعم الترجمة المفصولة عن الفيلم

[ابو احمد]

لا اخوي الترجمه تدعم لاكن فقط بعض الجمل تختفي منها كلمة او كلمتين

[mz_milan]

شوف اعدادات العرض في نفس شاشتك خاصة في عرض 16:9 خليها على full عشان تبان كافة تفاصيل الصورة

اتوقع انها من اعدادات العرض من نفس شاشك لو تلعب فيها شوي وتجرب اكيد راح تضبط معاك

بالتوفيق

[ابو احمد]

اشكركم على سرعة الرد
لاكن المشكله ليست من العرض المشكله من نفس الترجمه لا تظهر كامل
يعني يحط جزئ من الترجمه و الجزئ الاخر كذا .... طبعا بعض الجمل فقط مو كل الترجمه

وهل المشكله موجوده عندكم ولا لا

[F H D]

إذا جربت واستنفذت كافة الحلول المتاحة .. مثل فحص الإعدادات اكثر من مره ، تجربة اكثر من ملف ترجمة ، وتحديث سوفت وير الشاشة لو كان فيه تحديث متوفر
فمن رائيي انك تسلم بالواقع وتقتنع ان الشاشة لن تدعم تشغيل الترجمة بشكل صحيح 100%
ومن الطبيعي يكون فيها سلبيات وإلا ما كنا شفنا الكثير من ملاك الشاشات يقتنون مشغلات ميديا بلير صغير مثل WD او إكستريمر

[Aolala]

اذا ملف الترجمه منفصل امسحه ونزل غيره واذا كان نفس الوسترن دجتل بلير يدعم اكثر من صيغه لملفات الترجمه كمان مايمنع انك تحملها وتجرب ولا حاول تدمج ملف الترجمه مع الفلم يمكن يظبط في برنامج حلو اسمه mkvtoolnix يدمج ملفات الترجمه مع ملف الفيديو MKV وتقدر تمسحها وكمان الصوت اذا فيه لغات ماتبيها .عاد انت دور البرنامج وبتحصل انشاللة شرح له في البحث

[ابو احمد]

شكرا ع ردودكم ومساعدتي ومعليش على التأخر بالرد

انا الصراحه حاولت بكم ملف ترجمه وكم فلم ونفس المشكلة وانا اتوقع المشكله من نفس الشاشه مثل ماقال F H D

واشكرك اخوي aolala على اقتراحك

طيب يشباب كم سعر اجهزة الميديا بلير يعني يكون شي رخيص وحلو

[Aolala]

ارخص وافضل بدون هارد دسك اسرع واخف ..
WD TV LIVE

سعره حول 500 ريال حولها وانت طالع تحصله بجرير .

تجي للأنواع الاغلى ..
مثل الاكستريم وهذا موقعه
http://www.xtreamersa.com/

من واقع تجربه افضل
WD TV LIVE ممتاز وحجمه حلوو وسريع في الاداء.
جربت انواع مشغلات عند بعض الزملاء ثقيله بالتنقل وكبيره بالحجم خاصة الي يجي معها هارد دسك ..

[mz_milan]

^^^

اضيف على اخوي

عندك اسكتريمر برو ... صراحه مميز ورائع ويدعم تشغيل اكثر الصيغ ماعدا 3D وسعره حول 700 ريال

واذا تبي شي جديد ويدعم كل الصيغ حتى 3D... عندك اكستريمر برودجي الجديد سعره حول 950 ريال ... بس حتى الان مانزل تحديث يحل مشاكل اللغه لانها ماتظهر اللغه العربيه بشكل صحيح للاسف

بالتوفيق

[ابو احمد]

شكراا ياخوان لاكن السعر غالي شوي
ابنتظر كم شهر حتى اشتريلي واحد عليه الكلام

[أبو ندو]

شكراا ياخوان لاكن السعر غالي شوي
ابنتظر كم شهر حتى اشتريلي واحد عليه الكلام

لا يا خوي ابو احمد لا تخسر نفسك
من خلال تشغيل الفلم اضغط على tools من الريموت
بعدين اعداد الرجمة
حجم الترجمة
وبعدين صغير أو اللي ينااااسبك

[ابو احمد]

مشكور ع ردك لو كان متأخر

انا الحين قاعد احمل كم فلم انشاء الله اجرب واردلك

ومشكور مره اخرى ع اهتمامك ووتسجيلك بالملتقي وحياك الله معنا

[ابو احمد]

انا جربت اللي قلتلي عليه وحطيت صغير لاكن

انا ابشبك اللاب بشاشه واريحلي
لاكن ياشباب فيه تعليق اذا شغلت فلم طبعا مواصفات الجهاز حلوه (i7 .ram 6 g )
و تلاحظه اكثر شي اذا حركت الماوس
وكيف اعرف منفذ hdmi وش اصداره

[الميلاد]

السلام عليكم

يمكن أخي العيب في ملف الترجمة

حاول تفتحها بالمفكرة وضع المؤشر في منتصف السطر واضغط انتر

يقسم السطر الى نصفين ويصبح قصيرا


وحاول كذالك تصغر الخط في الشاشة من tools

[SAEED1979]

السلام عليكم

يمكن أخي العيب في ملف الترجمة

حاول تفتحها بالمفكرة وضع المؤشر في منتصف السطر واضغط انتر

يقسم السطر الى نصفين ويصبح قصيرا


وحاول كذالك تصغر الخط في الشاشة من tools

+1
جرب تصغر الجمل يدويا مثل ما ذكر الاخ الكريم ,, ورد لنا خبر ..

[ابو احمد]

الصراحه كلامكم صحيح واكيد بضبط لانها فقط الجمل الطويله بس ابقعد كل ماحملت فلم اقعد افتح ملف الترجمه واحوس فيه وطبعا انا حاط اصغر شي بالخط وهو ما يفرق لو الخط كبير او صغير لانه بيقطع الترجمه من نفس المحل