السلام عليكم
انا الان محتار بين عده شاشات ..
اليوم رحت للمعرض وشفت شاشه VT30 بناسونيك 65 بوصه وكانو عارضين عليها فلم 3D ولم اعيانها بفلم HD مجرد اني شفتها ودخلت قلبي الصراحه
وانا من قبل عاينت السامسونج البلازما و LED وعارفهم
انا مابغي تلفزيون اصغر من 60 بوصه لكن مثل ما لاحظت ان تلفزيونات LED من 60 بوصه وفوق اسعارهم نار ..
فقلت انا ماعندي مانع اني اقتني شاشه بلازما بحجم 60 او 65 حيث ان السعر يكون معقول في الغالب بعكس شاشات LED اسعارها خياليه ولو شقتي فيها اضائات قويه انا مستعد اني اخفف من حدتها سواء بأستعمال الابجورات او تخفيف الاضائه (( سبوت لايت )) يعني ان شاءالله مانع الاضائه بنقدر نتفاداه
وضعت روحي امام عده خيارات بحسب ميزانيتي وهي :
Panasonic VT30 PLASMA 3D 65-inch
SONY NX720 LED 3D 60-inch
حاليا ذول الشاشات القريبين من ميزانيتي وذول الي انا مقتنع منهم من بعد ما رحت وشفتهم ..
وخصوصا شاشه السوني انا عاينتها في بيت رفيجي وشفت افلام 3D عليها وشفت افلام HD من رسيفرات osn وماشاءالله عاجبتني
وبالنسبه لشاشه البلازما بناسونيك يوم دخلت المعرض وشفت حجم الشاشه 65 بوصه الصراحه انبهرت وشدني حجمها ولكن ماقدرت اشوف او اعاينها من ناحيه الافلام HD لكن افلام 3D كانت ممتازة حالها من حال السوني
اي من ذول الشاشات ترشحونها لي ولو عندكم شاشه ممتازة وتكون قريبه من ميزانيتي الي راصدها للشاشه وهي الي تصل إلي 18000 ريال
انا اطلب مساعدكم في اختيار شاشه تستاهل هذي المبلغ الكبير
ولو تبغون تعرفون ميولي للشاشه فـ انا اميل للأفلام سواء عن طريق الرسيفر osn او الكستريمر و بلستيشن 3
انتظر اقتراحاتكم و افاداتكم بخصوص الشاشات ولو عندكم شاشه في حدود ميزانيتي وتناسب ميولي اتمنى تذكرونها لي
وعندي اسأله جانبيه حاب اطرحها بخصوص موضوع شاشات البلازما:
- هل من الضروري ان نقوم بعمل بريك ان للشاشه ؟ وماهي الفائده من عملها ؟
- ولو ما عملنا البريك ان للشاشه شنو الضرر الي راح يحدث للشاشه ؟
- وكيف نعمل بريك ان للشاشه وماهي الخطوات !؟
والسموحه طولنا عليكم ننتظر اجاباتكم
ابغي اخذ لي شاشة ولكني متردد
اقتباس
الشاشه 