شراء مسرح منزلي جديد

[TIGER18TAIF]

صبحكم الله بالخير ..انآ مآبي اطول عليكم بس حبيت استفيد من خبرتكم لآ هنتم...~ْ
انآ ابي لي مسرح منزلي ومتردد اني اشتري من المسآرح ذي الجآهزهـ اللي من سوني وال جي وسآمسونج ,او مسرح ONKYO, وأنآ والله مآ عندي خبرهـ في ذي الشغلآت مرهـ لكن قلت بستفيد منكم..
أنآ استخدآمآتي للمسرح في كورهـ وبلآيستيشن وأفلآم..~
الغرفهـ عندي تقريبآ 4*4 أو 4*5 واحتمآل بعد فترهـ اسوي لي بيت شعر اكبر من المسآحهـ ذي..
المطلوب او المهم وش تشوفون افضل لي آخذ من الجآهزهـ ذي والآ آخذ الـ ONKYO بآالرغم اني في الطآيف ومدري موجود في أكسترآ والا لا والنوع ذآ ONKYO يقولون يجي لحآلهـ وتشتري السمآعآت لحآل وانآ والله معرف فيهآ شي هع هع لكن انتم اكيد خبرهـ وعآرفين الوضع....~ْميزآنيتي تقريبآ 2000 قآبله للزيآدهـ الى 300 يعني 2300 في سبيل احصل على جودة افضل...~طبعآ ابحث عن شكل جميل للمسرح من حيث سمآعآت بعضهآ يكون طويلة اذآ امكن
شآكر لكم تعآونكم وآسف ع الآزعآج...~ْ

[F H D]

يا هلا بك
صبحك الله بالنور
بحكم ميزانيتك شوف هذا الموضوع لتتعرف على اسعار بكجات اونكيو
http://www.avarab.com/vb/showthread.php?t=601

اختار مايناسبك منها لانها تعتبر الافضل لاهل الميزانية المنخفضة .. خصوصا في مميزات الرسيفر وعدد مداخله ومخارجه وغيرها من النقاط المهمة .. اقراء الموضوع كامل للإستفادة

اذا تريد تصاميم كبيره وجميله ربما تجدها في مسارح سامسونج وسوني وغيرها ولكن كجودة وسعر لا انصحك ان تفكر في الشكل الجميل مقابل الاداء
الا لو قدرت ترفع الميزانية لتوصلها الى 3500 على الاقل وستحصل على تجميعة مناسبة شكلا وادءاً

يوجد بكجات جاهزة من سوني وسامسونج ذات اشكال كبيرة ولكن لا تقارن مع الاونكيو في المميزات والاداء مقابل السعر .. والفئات التي يمكن ان تتفوق/تعادل بكجات الاونكيو ربما تباع لك بسعر يعادل سعر تجميعة ممتازة .
لكن اذا انت مصر على اشكال كبيرة وبهذه الميزانية ابحث في السوق ربما تجد شيئ يناسبك لان لا علم لنا بهذه الموديلات والفئات وتوجه الغالبية هنا يهتم بالشركات المختصة بالصوتيات وليست شركات عامة .. سواء بالتجميعات او البكجات
ولكن حسب ما اتذكر هناك بكجات من بايونير في حدود سعرك وبـ 3 مداخل HDMI
شوف هذا الموضوع للإستفادة http://www.avarab.com/vb/showthread.php?t=231

[The Adviser]

صبحك الله بالنور وياهلا بك بالمنتدى

مازيد على اخونا فهد حقيقة ماقصر لكن في حال عزمت على الاونكيو فافضل لك تاخذ هذا الموديل

Ht-s5405

ماعندي علم حقيقة اذا لهم فرع بالطائف ام لا وفي حال مالهم فرع بامكانك تتصل عليهم وتحول لهم المبلغ ويشحنون لك المسرح لمدينتك مجانا

بالتوفيق

[TIGER18TAIF]

يعطيكم العآفيهـ ومآ قصرتوآ..~ْ
بس وش افضل 5 سمآعآت او 7 ع مقآس الغرفة عندي, ومآ هو رآيكم في هذآ النوع Ht-s5405
واللي يعرف موآصفآت ذآ النوع وهل يجي معه مكرفون الله لآ يهينه يفيدنآ من نآحية المدآخل والمخآرج..~ْْ

[F H D]

^^^^
Ht-s5405 ممتاز مقابل سعره .. أعتقد انه يأتي بدون مايك
السبع سماعات من الأفضل لك انت تبحث بنفسك في مواضيع الملتقى وتعرف اراء الأخوة وتجاربهم وملاحظاتهم حولها
هذا محرك بحث الموقع إستفد منه
ومثل هذا الموضوع يفيدك
http://www.avarab.com/vb/showthread.php?t=250
وهذا ايضاً
http://www.avarab.com/vb/showthread.php?t=1390

الخمس سماعات تكون خيار عملي وجيد إذا راعيت أن مواد الـ 7.1 أقل توفراً من الـ 5.1 .. حتى في النت لن تجد المتوفر منها إلا بأحجام كبيرة وهذا يشكل عائق كبير لدى البعض للإستفادة منها بسبب سرعات النت المتواضعه لديهم او صغر سعة التخزين المتوفرة عندهم .
أيضاً إذا كانت الميزانية الان تحكمك وتجبرك على الخمس سماعات فقط .. فحينها انت مجبر على ذلك
ولكن بكل الأحوال سواء كانت 5 او 7 سماعات .. أعتقد ستكون تجربة رائعة ومرضية لك بما انها الأولى لك مع المسارح .

[The Adviser]

يعطيكم العآفيهـ ومآ قصرتوآ..~ْ
بس وش افضل 5 سمآعآت او 7 ع مقآس الغرفة عندي, ومآ هو رآيكم في هذآ النوع Ht-s5405
واللي يعرف موآصفآت ذآ النوع وهل يجي معه مكرفون الله لآ يهينه يفيدنآ من نآحية المدآخل والمخآرج..~ْْ

على مقاس الغرفة الي عندك ماشوف انك بحاجة لسبع سماعات وقليل من الافلام الي يجيك الصوت ٧.١

عموما الاونكيو ٥٤٠٥ يجي معه مايك والدليل المانوال تبع موقع الشركة والدليل الثاني بواجهة الرسيفر في مدخل للمايك ايضا

بخصوص المداخل والمخارج بتفيدك هذي الصورة

http://www.avland.co.uk/aasp/onkyo/1...05/rearlrg.jpg

بالتوفيق

[TIGER18TAIF]

الله يعطيكم العآفيهـ ويرحم وآلديكم جميع..~
بس بغيت اسأل وش افضل 5405 والآ النوع الثآلث في الصورة هذي



شوفوآ الموآصفآت بس السعر مدري مكتوب تحت آخر شي 500$ هل هو قريب من ميزآنيتي...~وهل يجي معهـ مآيكـ اوديسي؟؟؟~ْ

[F H D]

^^^^
الي في الصورة هذه رسيفرات خاصة من الشركة اذا تبي تجمع مسرح بنفسك مو بكج جاهز
ورسيفرات البكجات تختلف عنها .. الشباب يفيدونك اكثر لو بغيت تتجه للتجميع لاني غير ملم بالصوتيات ابداً

[The Adviser]

في تجميعة خمس سماعات مع رسيفر بدون سبووفر ( اجله لبعد سنة لو تبي ماعندك مشكلة)

يكلفك قريب من ميزانيتك 2500 ريال او اعلى شوي ومايحتاج تسأل فالفرق يستاهل سماعات امامية كباار موديلها yamaha ns-f50

اذا صعبة عليك مالك الا الجاهز

[TIGER18TAIF]

يعطيكم العآفيهـ ومآ قصرتوآ
بس وش الآفض اونووكي والا يآمآهآ وهل فيهـ نوع من يآمآهآ قريب من ميزآنيتي يكون افضل من اونوكي..~

[East25]

ماشالله الشباب ماقصرو اعطوك كل الخيارات المتاحة لميزانيتك

الان الدور والباقي عليك انت لازم تنزل لأقرب فرع للدولية اذا مافي في الطائف شوف مكة وجدة

وهناك راح تلاقي اجوبة لاخر اسئلتك وانت تقدر تقرر ايهم افضل لك ويكون في حدود الميزانية..

ضروري جدا انت تستمع بنفسك للمسرح لان كل شخص وله ذوقه في الاختيار

وبالتوفيق

[TIGER18TAIF]

الله يعطيكم العآفية مآقصرتوآ..~ْ
الحمد لله تم شرآء مسرح 5405 بس بآقي لي شي وآحد اللي هو مشغل الآفلآم
فمآ ادري وش أفضل نوع متوآجد يشغل جميع الصيغ اللي تشتغل ع المسرح اللي عندي
ويعطي جودة حلوهـ...~ْ

[F H D]

^^^^^
مبروك عليك المسرح
عندك ميزانية محددة لمشغل الافلام ؟
اذا مالك في ال3d فشوف الاكستريمر برو ممتاز جدا كسعر واداء مستقر
ويدعم كافة الصيغ الصوتية للمسرح

[TIGER18TAIF]

الله يبآركـ فيكـ..~
والله الميزانية تقريبآ حدود 500 تزيد قليل مو مرهـ
لكن شوف ذآ النوع WD TV LIVE Streaming 3 كويس لمشغل الآفلآم لآن اغلب افلآمي انآ ع هآردسكـ خآرجي واللآب عندي مآفيهـ منفذ hd
وهل يدعم جميع الصيغ اللي موجودهـ ع المسرح اللي عندي...؟

[F H D]

مشغل wd ممتاز ومناسب اذا تبي شي عملي وسعره مناسب لك
ربما موديلات الاكتسيمر المقاربه له لا تتميز عنه الا في امكانية تعديل خط الترجمة حسب اعتقادي
ودعم اصوات الاتش دي اذا كانت تهمك .. مع ان الكثير من موديلات الاكستريمر الجديدة ينقصها تحديثات ودعم من الشركة لتكون اكثر استقرارا ولكن مشغل اكستريمر بررو يعتبر مستقر والافضل في هذه الفئة السعرية بين ٥٠٠ - ٧٠٠ ريال

بخصوص الموديل الذي سالت عنه
انا مو متابع لجديد المشغلات باستمرار حتى افيدك عن هذا الاصدار
لكن لو بحثت بالموقع بتلاقي ردود ومواضع تفيدك عن هذا الاصدار بالذات ودعمه للصيغ
والاخوان بيفيدونك ايضا اذا مروا على موضوعك
لكن هذا المشغل اعتقد غالبا يدعم اغلب الصيغ مثل الاصدارات السابقة باستثناء القليل من الصيغ واصوات الاتش دي
انصحك تتواصل مع الاخ طلال العتيق فهو خير من يفيدك عنه
ولانه ايضا يبيع هذا الجهاز تقدر تطلبه منه ويوفره لك
http://www.avarab.com/vb/member.php?u=3