السلام عليكم ..كيف حالكم ياشباب , من زمان عنكم
شريت جهاز wd tv live hub
وشبكت عليه هاردسك خارجي مخزن عليه مجموعه من الافلام
ورحت على خيار ( فيديو ) بس مالقيت ولا فلم منها
حست في الاعدادات والخيارات وفي الاخير قعد ينسخ تقريبا ً ساعتين
وبعد طول انتظار لقيت بس فلمين شكله نقلهم على الهاردسك الداخلي
يعني معقوله مااقدر اتفرج على الافلام المخزنه على الهاردسك الخارجي إلا بعد نقلها للهارد الداخلي ؟؟
ياليت إللي جرب الجهاز يعطيني خطوات التشغيل من اول مااشبك الهاردسك لغاية عرض الفلم
عليكم السلام ورحمة الله وبركاته
سبق وكنت استخدم الـwd tv live hub
بالنسبة للنسخ اللي حصل (ساعتين مانسخ احتمال الا الفيلمين اللي لقيتهن ) هذا سلمك الله عملية مزامنة من القرص الخارجي للداخلي وتقدر تلغي هالمعملية من خلال خيارات الجهاز
وبالنسبة لمسألة مشاهدة افلام الهارديسك الخارجي . ايه تقدر وبكل راحه ومايحتاج تنقل الافلام للهارد الداخلي ومثل ماقلت لك سو عملية الغاء المزامنه عشان ماتمل منها في كل مره
اخوي في بالريموت ازرار ملونه وهي لخيارات معينه منها (يعلم الله ناسي بعض الاستخدامات لاني مبطي عن الجهاز ) لكن اضغط ان ماخاب ظني الزر الاخضر (او غيره ) واختار محرك الاقراص الخارجي
ادخل على الملفات لاتدخل على الافلام
عشان تدخل على اللي موجود بالهارديسك الخارجي
الله يوفقك
سبحان الله .. والحمد لله .. والله اكبر .. ولا اله الا الله
شكرا ً اخوي نادر على الرد
بس للأسف ماعرفت الغي خاصية المزامنه
الخيارات كلها باالانقليزي وكثيره
ابتلشت فيه
لاحول ولا قوه إلا باالله
هههههههه
ننتظر أحد يفزع لنا
^
حوله عربي طيب !
هالجهاز يدعم العربي ترجمة وقوائم
خش على خيارات الجهاز .. انا احاول اعصر مخي ابي اتذكر شي من الخيارات لكن والله ناسي من زمان بعت الجهاز
سبحان الله .. والحمد لله .. والله اكبر .. ولا اله الا الله
^ ^
لا والله مايدعم عربي
والترجمه صايره كأنها بااللغه الهيروغرافيه , كلها شخابيط
اذكر اخر تحديث له يدعم العربي قوائم وترجمة
يمكن اللي عنده ماحدثته ؟
سو له تحديث مباشر من الانترنت عبر نفس الجهاز وبعدها راح تحبه (: وتلقى كل الخيارات اللي راح تخدمك
اتمنى احد ملاك الجهاز حاليا يخدمك بحكم وجود الجهاز والخيارات بالمتناول وحتى لو بالانقلش
سبحان الله .. والحمد لله .. والله اكبر .. ولا اله الا الله
اخي هذا موقع الشركه http://wdc.com/en/products/products.aspx?id=570 راح تلقى فيه كل شي حول الغه الي عربي بواسطة محول الترجمه
وليم والاس
الاخوان نادر وعلي دحنان
الله يعطيكم العافيه
وابشركم انحلت المشكله مع التحديث الجديد
كل الشكر لكم
اقتباس