أمازون غير مسؤولة عن البضائع التي تمت شحنها خارج الولايات المتحدة (بائعين غير أمازون فقط)

[The Adviser]

السلام عليكم ورحمة الله وبركاته



حسب قوانين أمازون انها غير مسؤولة عن البضائع التي تمت شحنها خارج هذي الدول (بائعين غير أمازون فقط)

Australia, Belgium, Brazil, Canada, Denmark, Finland, France, Germany, Great Britain, Hong Kong, Iceland, Ireland, Italy, Japan, Republic of Korea, Mexico, Netherlands, New Zealand, Northern Ireland, Norway, Portugal, Scotland, South Africa, Spain, Sweden, Switzerland, the United Kingdom, and the United States

أما اذا كان البائع أمازون فراح تكون مسؤولة بشكل كامل لجميع الدول بارجاع المبلغ كامل للعميل في مدة أقصاها 30 يوم (حسب تجربتي حتى لو أكثر مو مشكلة راح يتفهمون باذن الله)

وفعلا أحد الاخوة حصلت له مشكلة مع شحنته ولم تتعاون معه أمازون نهائيا بعكس البضائع التي تمت شحنها داخل الولايات المتحدة يتم ارجاع المبلغ كامل مع ابقاء البضاعة عندك اذا كانت البضاعة رخيصة واحيانا تحتاج ارجاعها لأمازون اذا كانت البضاعة غالية بوجهة نظري الشخصية لا أرى فرق يستحق بين الشحن المباشر و الشحن عبر شركات اعادة التوجيه (aramex , worldship ........) ماعدا الأوزان الكبيرة جدا طبعا

المصدر

بالتوفيق للجميع

[نادر البلوي]

الله يعطيك العافية
اي والله خلنا على ارامكس على الاقل مضبطينا ببريد هناك (:
ان شاء الله ماحد يضطر لارجاع سلعة لانها مسألة بغض النظر عن قبول امازون اورفضها الارجاع .. مسألة مهلكة ماديا

[Marauder28]

وعليكم السلام والرحمه


ربما تعاملت مع امزون بالشحن المباشر قرابة 7 مرات ومبالغ كبيره والحمدلله كلها مشت بدون مشاكل ووصلتني سليمه اغلب الشحنات كانت على ارامكس وشحنة واحده فقط على الـ DHL ، من ناحية فرق السعر والله في فرق يستاهل اني اشحن مباشر خصوصاً اني تركت الورد شيب من سنه وما عاد اشحن معهم وبقية شركات التجميع اسعارها مقاربه لارامكس

عموماً شكراً لك يا تركي على التنبيه

بالتوفيق للجميع

[aalrodan]

راسلت امازون قبل غترة لارجاع كرت الشاشة لما تعطل .. فذكروا لي ان فترة الأرجاع شهر فقط و لم يسألوا عن شحنها لخارج امريكا .. رغم ان الضمان مدى الحياة .. لأكتشف ان الضمان من EVGA
الشاهد في الأمر يابو عبدالله ان امازون لو قبلوا ارجاع الكرت بيشحنوه الى عنواني في امريكا .. و هذا المطلوب .. و من هناك انا اتحمل شحنها للسعودية ..

[The Adviser]

الله يعافيكم اخواني وماسوينا الا الواجب

حرصا مني راسلت أمازون واستفسرت منهم وتم الرد بالتفصيل

الخلاصة

ان هذا القانون مخصص لـ بائعين في موقع أمازون وليس أمازون نفسه لأن الشخص الي رد علي طمني ان أمازون مسؤولة بشكل كامل لجميع الدول سواءا شحن مباشر او غيره وراح يتم ارجاع المبلغ وحتى مبلغ شحن ارجاع البضاعة لهم لو طلبو منك

طبعا عندنا مشكلة في السعودية في جميع الشركات ممنوع منعا باتا شحن الالكترونيات والأجهزة الكهربائية خارج السعودية بشكل عام الا البريد السعودي يشحن الي تبي لكن مو بريد ممتاز طبعا البريد العادي المسجل فقط

معلومة أخيرة حسب كلامه انهم يخططون اضافة بعض الدول بالمستقبل وبحسب انه عنده علم اني من السعودية فـ غالبا يقصد السعودية راح تضاف للقائمة بالمستقبل باذن الله للي مافهم هذا يعني ان السعودية راح تدعمها أمازون الحماية الشاملة من أي مشكلة مع البائعين بالمستقبل

أعتذر عن هذا الغلط وتم التعديل

بالتوفيق للجميع

[gatsu]

الشراء من موقع امازون والبائع امازون نفسهم راح يتحملون المسؤلية.
الشراء من موقع امازون والبائع مختلف او ما يطلقون عليهم (Third Party) امازون مايتحملون وهذي الشروط موجودة في موقعهم لأنه كل بائع يكون له نظامه الخاص في الأرجاع.
الشراء من موقع امازون والبائع مختلف ولكن مكتوب جنبه (Fulfillment by amazon) راح يتحملون المسؤلية.

راح اذكر لكم حادثتين صارت لي:

الأولى: مرة كنت طالب شغلة لأحد الأصدقاء لمن اسوي تتبع في موقع الشحن يقلون وصلت واشيك في البريد مافي شي فاتواصلت مع امازون وقالوا انه الشحنة ضاعت راح نرسل غيرها.
فاوصلت لي الشحنة الضايعة وبعدها الشحنة الثانية تواصلت معهم وقلت ترى وصلت شحنتين ردوا علي خلاص سوي لها رفض او اذا تبيها راح ندفعك قيمتها .
وضحت لهم اني عايش برى امريكا واميلي Forward mail ما اقدر اسوي رفض. وبعدين رحت لأرامكس وقلت لهم رجعوها وهم يدفعون لكم قالوا لازم انت تدفع وارجع ثانية لأمازون وقلت لهم يبون مبلغ كذا وترى عندى تخفيض من الشركة وراح يصير قيمة الشحن كذا وانا برى الموضوع ايش الي تبون. ماخذوا وقت والا راسلين لي قيمة الشحن في الفيزا حتى قبل ما ارسل الشحنة طبعا رحت لأرامكس ورجعت الشحنة على العنوان الي عطوني وقلت لأمازون علموني متى ماوصلت. وفعلا بعد 10 ايام ارسلوا لي انها وصلت وتشكروا وعطوني هدية 10 دولار خصم لمن اشتري مرة ثانية عاد الشغلة الي رجعتها تسوى 1200 ريال.على الأقل عطوني 100 دولار جبرة خاطر وتعب.

الحادثة الثانية: شريت من امازون بس Third Party ماوصل الي طلبت تواصلت مع البائع مافي رد كلمت امازون وقالوا انهم المفروض مالهم علاقة لأني شاري من Third Party بس انك
عميل بما معناه مميز راح نرجع فلوسك وحنا نتفاهم معهم وفعلا رجعت الفلوس في الفيزا طبعا ربطت هذي السالفة بالي صاري معي قبل شافوا اني امين تساعدوا معي بس هذي حالة استثنائية.

وبس انتهت الحتوتة.....

[mz_milan]

^^^

ZzZzZzZzZzZz

[aalrodan]

أبو عبدالله
بالنسبة لهذه النقطة

طبعا عندنا مشكلة في السعودية في جميع الشركات ممنوع منعا باتا شحن الالكترونيات والأجهزة الكهربائية خارج السعودية بشكل عام الا البريد السعودي يشحن الي تبي لكن مو بريد ممتاز طبعا البريد العادي المسجل فقط

كرت الشاشة عندي خرب و عليه ضمان .. فرحت لموضف البريد عندنا بالشركة و استفسرت عن شحنه للخارج .. و بينت له ان شريته من امازون .. فقال .. فقط ترفق فاتورة الشراء و ارامكس بيشحنوه ..

[The Adviser]

اتمنى كلامه صحيح لكني متأكد ميه بالميه لاني ارسلت كرتي لامازون ورحت لكل الشركات وكلهم ردو علي ممنوع وحتى البريد السعودي لما تبي تشحن ممتاز (متعاقدة مع dhl) مالك الا البريد المسجل وحاول ترسله على انه حجمه صغير بيكلفك ٦٠ ريال بالكثير نسيت وش يسمونه بس انت قولهم وبيفهمونك