اول تجربه لي في إنشاء مسرح منزلي

[حسين علي]

السلام عليكم صبحكم الله بالخير والسرور والعافيه
هدي اول مشاركه لي ودعوه من الاخ تروووووك واشكره على حسن المعامله والمساعده الطيبه

اخواني انا جديد بالمسارح المنزليه لا اعرف عنها شي بتات فقط اللي اعرفه السماعات ومشغل الفيديو والشاشه

انا الان جالس ابني الشقه وووصلت للتسليك الكهرباء قبل مااعمل تشطيب ابي اعمل لي تسليك للمسرح المنزلي

اللي أجهله بالموضوع وحاب اعرف عنه اكثر واكثر المنافد مااعرف شو المنافد اللي احتاجها مثلا للسماعات

اللي تجي خلف المشاعد وماهي نوعيتها ولا اعرف شكلها وابي اعرف وش المنافد اللي احتاجها غير اللي دكرته

بختصار اخواني ياريت احد يتكرم علينا ويضع لي صوره المنفد او البليت ويقول لي مثلا هدا وضيفته كدا

وتحتااجه لكدا وياريت يكتب اللي الاشياء اللي اشتريها يعني مثلا انا بروح عالم ساكو بالخبر وش اشتري منه؟

ادا كان هدا المكان المناسب لتجهيز للمسرح المنزلي ادري طولت عليكم بس اتمنى تساعدوني لاني موقف

تشطيب بسبب هدي المشكله تعبتني

تحياتي لكم وللقائمين على هدا المنتدى الرائع

[Marauder28]

حياك الله بينا وان شاء الله تفيد وتستفيد


- حدد لنا مساحة الغرفه او الصاله اللي انت راح تعمل فيها مسرح عشان نقدر نساعدك اكثر ،،

- حدد ميزانيه كـ اقصى شيء انت متوقع تدفعه في شراء المسرح والاجهزة التابعه له (يعني ميزانيتك مثلاً 10 ألاف واكثر أو اقل)

- هل السماعات انت متخيل تبيها تكون معلقه بالجدار او على الارض (عشان تحسب حسابك للمواصير داخل الجدار)

- المسرح المنزلي يبدأ من 5 سماعات

- حدد لنا المكان اللي راح تضع فيه الشاشه والاجهزة الالكترونيه الثانيه التابعه للمسرح (رسيفر دش - جهاز بلايستيشن مثلاً - مشغل اقراص - جهاز كمبيوتر )

حاول تطلع على مواضيع قسم بناء المسارح عشان تستفيد منها



قسم بناء السينما المنزلية


دليلك لبناء المسرح المنزلي ( الجزء الأول ) العناصر الأساسية في أنظمة المسارح المنزلية


أفكار في إنشاء مسرح منزلي ..

[حسين علي]

السلام عليكم

اخوي مساحه الغرفه 3.8*4 بالنسبه للشراء انا الان افكر بالدرجه الاولى بالتسليك قبل التشطيب وموضوع الشراء الاجهزه بعد 5 اشهر

انا الان ابي اعرف المنافد او wall plate مو عارف شو اشتري ووش وظيفته ياريت تعمل لي قائمه بالطلبات فقط من ناحيه التسجيل الاجهز مثل مادكرت

ماراح اشتريهم الان واكون لك من الشاكرين اخي رحم الله والديك

[Marauder28]

السلام عليكم

اخوي مساحه الغرفه 3.8*4 بالنسبه للشراء انا الان افكر بالدرجه الاولى بالتسليك قبل التشطيب وموضوع الشراء الاجهزه بعد 5 اشهر

انا الان ابي اعرف المنافد او wall plate مو عارف شو اشتري ووش وظيفته ياريت تعمل لي قائمه بالطلبات فقط من ناحيه التسجيل الاجهز مثل مادكرت

ماراح اشتريهم الان واكون لك من الشاكرين اخي رحم الله والديك

طيب انت تحتاج بعض الاشياء البسيطه تعملها وبقية الامور ترجع لك


المكان اللي راح تضع فيه التلفزيون وتحته الاجهزة الالكترونية

- ركب عدد 2 بوكس مربع 4×4 تشوفها في محلات الكهرباء هذي البكوس راح تستخدم (واحد كهرباء 110 فولت) (وبوكس كهرباء 220 فولت) عشان ترتاح من مسألة التوصيلات وغيرها

- جنب البوكسين هذولا ركب بوكس (4×2) وخلي ماصوره طالعه من البوكس هذا الى فوق بإرتفاع 150 سم (هذي الماصوره راح تمد فيها سلك التلفزيون لو ركبته في الجدار وجنب البوكس اللي على ارتفاع 150 سم ركب بوكس للكهرباء عشان التلفزيون)


- الحين بالاسفل تحت عندك 3 بوكس صح ؟؟ تحتاج بوكس اخر للسماعات اللي جايه من الخلف عند مكان جلوسك عشان الاسلاك يكونوا مخفيين داخل الجدار (سماعة راح تكون يمين مكان جلوسك وسماعه يسار والارتفاع عن رأسك خليها مثلاً 60 سم والمواصير هذي اللي بتمدد فيها الاسلاك لازم توصلها لمكان الاجهزة )





هذي القطعه اللي بالصوره اغلبنا يشتريها من اميركا وما ادري اذا في منها بالسعوديه او لا (المهم بالموضوع ان القطع هذي تركب على البوكوس اللي متوفره بالسوق عندنا)






حاول تشتري بوكس 4×4 يكون عميق مثل اللي بالصوره فوق اسفل على اليمين يجيك عميق



شوف هنا Brush Wall Plate







شايف السماعات بالصوره فوق انت تحتاج مواصير داخل الجدار عشان الاسلاك تكون مخفيه


هذا الموضوع برضوا راح يفيدك : تجربتي في إنشاء مسرح منزلي..My Room Theater

[حسين علي]

السلام عليكم اشكرك اخي وضحت لي بعض الافكار وهي

المنفد هدا لاخفاء الاسلاك الممتده من الشاشه لجهاز التشغيل



توفير منفد 110v و 220v



هدي القطعه وش وظيفتها بالضبط يارريت تشرح لي بشكل مفصل اكثر


هل يوجد شي اخر اضعه وراء الطاوله اللي ستوضع عليها الشاشه والاجهزه ؟
ابي اخلص من هدا الجانب حتى ننتقل الى جوانب الغرفه الاخرى

تحياتي لك رحم الله والديك

[Marauder28]

ويرحم والديك يارب






هذي تستخدمها مع اسلاك الـ HDMI اذا مددته داخل الجدار وانا ما انصحك في القطعه هذي لانها ممكن تسبب لك سوء في جودة الصوره او الصوت وبصير عندك توصيلات داخل علبة البوكس وخارج العلبه وبالتالي احتمالية الخطأ وارد


نسيت اذكر لك شيء انت اكيد راح تستخدم لاب توب وتحتاج تعرض محتواه على التلفزيون سواء افلام او اي شيء في الاب توب وقتها راح تكون مجبر تمد سلك على الارض وسط الغرفه الى التلفزيون والوضع كذا مو اوكي


ركب علبة بوكس مقاس 4 ×2 عند اقرب مكان بتجلس فيه وهذي العلبة مد لها ماصوره مباشرة الى نفس العلبة اللي تحدثنا عنها سابقاً واللي بينزل منها ماصوره من التلفزيون ،، كذا انت تقدر تمد سلك من مكان جلوسك الى مكان تواجد الاجهزة وهذا السلك يكون داخل الجدار




أسلاك الـ HDMI سميكه والرأس تبعها مثل ما تشوف بالصوره تحتاج الماصوره يكون مقاسها 1 انش نفس اللي تستخدمها للكهرباء وأكد على العمال يكون مقاسها 1 أنش مو اقل والمهم كمان الماصوره ما يكون فيها انحنائات كثيره او زواية حاده عشان السلك يمر بسهولة ولو تقدر تشتري سلك وتعطيه العمال عشان تفهمهم ان السلك سميك واي زاوية حاده او انحناء بالماصوره ممكن السلك ما يمر



البوكس اللي عند مكان جلوسك راح تركب فيه قطعه مثل هذي بالصوره تحت ، ونفس القطعه تركبها في البوكس الاخر اللي بيطلع منه السلك تبع الاب توب والسلك تبع التلفزيون يعني البكس بيطلع من سلكين







وعند مكان جلوسك اكيد تحتاج كهرباء سواء للاب توب او اي جهاز اخر وكمان لا تنسى اسلاك للايثر نت (سلك DSL) عند مكان الاجهزة تحتاج واحد عشان التحديثات للاجهزة او تستخدمه مع اي جهاز من المسرح يدعم تطبيقات الانترنت ، وبرضوا عند الاب توب سلك ايثر نت

[حسين علي]

السلام عليكم اخوي اولا حبيت اقولك شكرا مقدما لانك صابر علي وتساعدني

اخوي حاب اعرف المنفد اللي يكون بالخلف اللي اقدر اوصل فيه السماعات وماهو الكيبل الموصل له اقصد نوع الكيبل ياريت تضع لي صوره المنفد مع صوره الكيبل وهل المنفد يكون قابل للتوصيل باي نوع من السمااعات ؟ انتظر ردك رحم الله والديك

[Marauder28]

السلام عليكم اخوي اولا حبيت اقولك شكرا مقدما لانك صابر علي وتساعدني

اخوي حاب اعرف المنفد اللي يكون بالخلف اللي اقدر اوصل فيه السماعات وماهو الكيبل الموصل له اقصد نوع الكيبل ياريت تضع لي صوره المنفد مع صوره الكيبل وهل المنفد يكون قابل للتوصيل باي نوع من السمااعات ؟ انتظر ردك رحم الله والديك

العفو وحياك الله


هذي مواضيع شوفها فيها صور للاجهزة وصور للاسلاك ،، السماعات اللي تقدر تربطها مع جهاز المسرح لازم تكون سماعات تتناسب مع امكانيات جهاز المسرح

اذا تحب تشوف مسارح على الطبيعه عندك وكيل الدولية للصوتيات تقدر تزورهم (الدمام مجمع الدانة الدور الثاني) (الخبر مجمع الراشد)

وكيل سماعات مونيتر اوديو (الخبر مجمع الرحمانية مقابل مجمع ابراج الدوسري - الدور الثاني)



هذا الموضوع فيه تقرير عن جهاز مسرح تربط فيه السماعات نسمية رسيفر صوت AVR


تقرير مصور عن جهاز رسيفر الصوت Denon 3311 7.2


هذا موضوع فيه صور للسلك اللي انا استخدمه للسماعات


طرق توصيل السماعات بالـ Amp والـ AV/R مع تجربه نظام الـ Bi - Amp


في نوع اخر لأسلاك السماعات شوفها بالموضوع هذا


اخيراً تم اكتمال المسرح الاحترافي من بولك اوديو

[حسين علي]

السلام عليكم حياليا المنافد صارت واضحه لي منفد اخفاء الاسلام - مفد 110 و 220 - منفد اللي يجي خلف المشاهد (مااعرف اسمها فقط الشكل اعرف ^_^)

الان ابي اعرف كيبل HDMI اللي يوصل من الشاشه الى مشغل الافلام وماهي النوعيه الممتازه ومتوسطه السعر بالاضافه الى كيبل اللي يجي من مشغل الافلام

الى السماعات الخلفيه هم ابي اعرف شكله مع النوعيه الممتازه المتوسطه السعر يعني سعر مايكون مبالغ فيه

السؤال الاخير هل عند تمرير كيبل الدش مع كيبل الكهرباء في ماسوره واحد هل يؤثر ؟

هل في منافد اخرى لم يتم ذكرها ؟ وهل يوجد شيء حاب تضيفه اخي

[Marauder28]

اسلاك السماعات نوعين متوفرين في نفس المحلات اللي تبيع المسارح او اي محلات متخصص بالصوتيات




الأول







الثاني








لان ابي اعرف كيبل HDMI اللي يوصل من الشاشه الى مشغل الافلام

الاسلاك متوفر في المحلات الإلكترونية الكبيره مثل عالم سوني او اكسترا جرير (المهم رقم إصدار السلك يكون HDMI 1.4) تعرفه من خلال المواصفات المذكوره على علبة السلك




السؤال الاخير هل عند تمرير كيبل الدش مع كيبل الكهرباء في ماسوره واحد هل يؤثر ؟

لا ينصح بتمديد اسلاك الصوت او الصوره مع سلك كهرباء تلافياً لاي مشكله ممكن تحدث كـ تذبذب الصوت او الصوره



هل في منافد اخرى لم يتم ذكرها ؟ وهل يوجد شيء حاب تضيفه اخي

هذي تقريباً كل المنافذ ولا اضن في شيء اخر نسيته


بالتوفيق

[حسين علي]

السلام عليكم حياك الله اخي الفاضل

بعد البحث المطول عن منفد للسماعات الخلفيه وجدت هدا المنفد الرائع راح استفيد منه لعدة شغلات
1- منفد HDMI لعرض الافلام والصور على الشاشه بواسطه اللابتوب او smartphone
2- منفد تليفون
3- كيبل انترنت
4- منفد للسماعات وهدا الشيء الاساسي لوضع المنفد او wall plate

طبعا راح يكون هدا المنفد بزاويه الغرفه او الصاله الخلفيه وراح اضع منفد على اليمين واليسار لسهوله التنقل من مكان لاخر

شرايك اخي بالفكره ؟ انتظر نصائحك عزيزي

[Marauder28]

^^^

وعليكم السلام

الفكره تمام ، اهم شيء انك عارف وش احتياجاتك

ملاحظة السماعات الخلفية والامامية كل سماعة تحتاج زوجين من المنافذ ،، الاسلاك اللي اضفتهم لك فوق الطرف الاحمر والاسود يركب في سماعة وحده وكل سماعة يركب فيها طرف اخر وزوج اخر

[حسين علي]

السلام عليكم ممكن تشرح لي اكثر انا اللي افهمه ان كل سبيكر خلفي له منفدين الاول اسود والثاني احمر يعني يطلبع منه كيبل واحد خط اسود وخط احمر والمنفد اللي بالصوره الان فيه منفدين اسود واحر هل هدا يكفي لسبيكر واحد ولو افترضنا انه للجهة اليسرى الخلفيه ورا المشاهد لان انا راح اركب بجهة اليمين منفد واليسار منفد اتمني وضحت المقصود من وضع المنفد
وياريت تشرح لي اكثر ادا كان في غلط بكلامي
سوالي وين الاقي مثل هده المنافد بالدمام او الخبر يعني منفد متعدد الاستخدام ؟
لاني انا لقيتها بالاي باي
تحياتي لك وشكرا مقدما

[East25]

وعليكم السلام

اللي كان يقصده Marauder28 هو نفس اللي قلته يعني المنفذ اللي ذكرته حق سماعة وحدة فقط وبالتالي يبي لك اثنين خلف المشاهد يمين ويسار

النوعية هذي اشك اذا مو اكيد انك مارح تلاقيها في الخبر او الدمام وافضل انك تطلبها من مونوبرايس لانه موقع متخصص بمثل هالاشياء

بالتوفيق في مشروعك

[Marauder28]

الصوره احياناً تخدع ،، المنفذ الازرق فوق هذا مخصص للصوت والمنفذ اللي جنبه باللون الذهبي لو ركزت نظرك فيه فهذا مخصص لسلك الدش يعني سلك يركب في رسيفر القنوات الفضائية


اذا تبي تشتري مثل هالقطع انت تحتاج نوعيه مثل اللي تحت تركب وحده لكل مكان راح تتواجد فيه السماعه وعادة يركبوها خلف السماعة مباشرة






الرابط في امزون هنـــا

[حسين علي]

صح كلام اخي انا مادققت بالصوره كويس عزيزي عادة الشاشه من الخلف كم منفد يجي فيها للصوت واتش دي ام اي وغيرها وياريت لو موجود صوره لخلفيه شاشه ابي اشوف المنافد علشان ابي اخد خلفيه وادرس الوضع زين علشان اخلي كل شي مخفي هل كل شاشه تختلف عن الثانيه من ناحيه المنافد او ستاندرد تجي اقصد بالشاشات الحديثه

تحياتي لك

[Marauder28]

صح كلام اخي انا مادققت بالصوره كويس عزيزي عادة الشاشه من الخلف كم منفد يجي فيها للصوت واتش دي ام اي وغيرها وياريت لو موجود صوره لخلفيه شاشه ابي اشوف المنافد علشان ابي اخد خلفيه وادرس الوضع زين علشان اخلي كل شي مخفي هل كل شاشه تختلف عن الثانيه من ناحيه المنافد او ستاندرد تجي اقصد بالشاشات الحديثه

تحياتي لك

كل شاشة تختلف عن الاخرى بس اغلب الشاشات الجديده يجي فيها 4 منافذ HDMI وهذي المنافذ تنقل صوت وصوره في سلك واحد فقط يعني ما تحتاج اسلاك للصوت ،، انت تحتاج سلك واحد فقط من الشاشة الى المسرح الصوتي فقط


عشان كذا في اول الكلام قلت لك خلي ماصوره خلف الشاشة مباشرة نازلة لتحت مكان تواجد الاجهزة الالكترونية عشان السلك ما يبان

[حسين علي]

السلام عليكم
اولا
حبيت اشكرك لسعه صدرك ومساعدتي احييك على الروح الطيبه

اخي الان صارت عندي معلومه جديده من خلال كلامك اني فقط لمن اركب الشاشه بالجدار فقط اللي احتاج اخفيه كيبل HDMI وكيبل البور

فقط هدا اللي يكون مخفي وينزل من الشاشه لتحت من خلال الجدار ماكو كيبل ثاني ينزل من الشاشه غيره صح ؟؟؟؟؟ ياريت تصحح لي

وادا في كيبل ثاني ياريت تشرح لي



power cable



HDMI CABLE

[mz_milan]

^^^

نعم صحيح

وكل شي يرجع لاستخدامك يعني اذا كنت تبي تستخدم المخرجين الاثنين في الرسيفر الصوتي كذا بتصير اثنين كيبل HDMI وواحد كيبل كهرباء .. هذا اذا كنت تبي تستخدم قناتين وحده معايرة اعداداتها مناسبه للافلام وقناة HDMI للاستخدامات الاخرى مثل القيم والدش ... يعني كل قناة HDMI لها معايرة واعدادات خاصه

واذا بس بتستخدم واحد مخرج من الرسيفر الصوتي بيصير اثنين زي ما انت ذكرت

بالتوفيق

[حسين علي]

السلام عليكم صباح الخير

هل هدا المنفد يوجد به مخارج للسماعات الخلفيه ؟

ادا كان الجواب نعم في حال تم شرائه فقط اغير نقطه النتوورك واضع للهاتف حتى يكون عندي مقسم واحد

متعدد الاستخادامات


http://www.ebay.com/itm/PYLE-HOME-AU...item5d32a8cd3a