طول وعرض شاشان البروجكتر بالسنتيمتر

[أبو حمد]

لو تكرمتوا ابي اعرف اطوال شاشات البروجكتر الـ (100 بوصه) والـ (120 بوصه) يعني (الطول×العرض) بالسنتيمتر علشان اظبط الديكور ويكون مكان الشاشة محدد بالملي
وأتمنى منكم التفاعل في الموضوع لأني اتوقع راح يفيد الكثير.
وحبذا يكون فيه جدول كامل لجميع المقاسات.

[East25]

تقدر تشوف هالموضوع راح يجاوب اسئلتك

جدول اختيار حجم الشاشة المناسب

[أبو حمد]

هلا أخوي طلال والله يعطيك الصحة والعافية وما قصرت
بس أنا أقصد مثلاً نفس الشاشة الـ120 بوصه يعني كم طولها وكم ارتفاعها بالسنتيمتر وكذلك الـ100 بوصه

[East25]

هلابك يابو احمد

والله انا ماعندي خلفية عن اي جدول يوفر المقاسات بالضبط بس ياليت لو احد عنده خبره يقدر يفيدنا في الموضوع

بالتوفيق

[MbtsM]

100 انش العرض 221 الارتفاع 125
120انش العرض 266 الارتفاع 148

[AVC]

السلام عليكم

صعب تشتغل الديكور بدون ماتختار الشاشة .

اذا قلت شاشة 100 بوصة و عطيتك المقاس فهو مقاس الصورة فقط من دون شي ثاني ,, عندك حجم الفريم و يختلف من موديل لموديل .

علي سبيل المثال شاشة 100 بوصة من دالايت حجم الصورة 124 ارتفاع و 221 عرض
من شركة دالايت موديل بيرم المقاس مع الفريم بيكون 135 ارتفاع و 231 عرض
من شركة دالايت موديل سينما المقاس مع الفريم بيكون 140 ارتفاع و 236 عرض

تقبل التحية

[أبو حمد]

هلابك يابو احمد

والله انا ماعندي خلفية عن اي جدول يوفر المقاسات بالضبط بس ياليت لو احد عنده خبره يقدر يفيدنا في الموضوع

بالتوفيق

أشكرك والله يا اخوي طلال على الاهتمام والمشاركة ودائماً سباق بالردود من غير قصور في الباقين

[أبو حمد]

الله لا يهينك يـا مبتسم جوابك شافي ووافي

[أبو حمد]

السلام عليكم

صعب تشتغل الديكور بدون ماتختار الشاشة .

اذا قلت شاشة 100 بوصة و عطيتك المقاس فهو مقاس الصورة فقط من دون شي ثاني ,, عندك حجم الفريم و يختلف من موديل لموديل .

علي سبيل المثال شاشة 100 بوصة من دالايت حجم الصورة 124 ارتفاع و 221 عرض
من شركة دالايت موديل بيرم المقاس مع الفريم بيكون 135 ارتفاع و 231 عرض
من شركة دالايت موديل سينما المقاس مع الفريم بيكون 140 ارتفاع و 236 عرض

تقبل التحية

وعليكم السلام يالله حي أخوي بندر
ماقصرت والله وصراحة توضحيك ممتاز جداً
وفكرة الفريم كنت غافل عنها
بس عندي إستفسار عن أسعار موديلات الشاشات الي ذكرتها اللي هي 120 بوصه
وتقبل تحياتي ،،،

[شايب وحبيب]

هلابك يابو احمد

والله انا ماعندي خلفية عن اي جدول يوفر المقاسات بالضبط بس ياليت لو احد عنده خبره يقدر يفيدنا في الموضوع

بالتوفيق

هلا بالجميع
هنا جدول بالمقاسات لشاشات النخبه اليدويه,نقطه ممكن (البعض) يغفل عنها,هي إختلاف الأبعاد للشٌاشات من نفس الحجم بين (16:9) و (4:3)
و هي (تقريباً) نفس المقاسات لمختلف الماركات,ولو وجد إختلاف,سوف يكون بسيط

[East25]

هلا بالجميع
هنا جدول بالمقاسات لشاشات النخبه اليدويه,نقطه ممكن (البعض) يغفل عنها,هي إختلاف الأبعاد للشٌاشات من نفس الحجم بين (16:9) و (4:3)
و هي (تقريباً) نفس المقاسات لمختلف الماركات,ولو وجد إختلاف,سوف يكون بسيط

اخوي شايب وحبيب

انا اتفق معك تقريبيا ان معظم مقاسات الشاشات (16:9) و (4:3) متقاربة بين الشركات ولكن اللي يفرق هو الفريم لكل شاشة وماظن مثلا شاشات Elite راح تكون متقاربة بالمقاسات مع شاشات مثل Black diamond او اي شاشة اخرى



لذلك صعب ان العضو ياخذ بحسبة مقاسات شاشة ماركة معينه ويقرر يشتري ماركة اخرى

انا اشوف انه من الانسب ان الواحد يختار الشاشة يشتريها ويتأكد من مقاساتها بنفسه

[شايب وحبيب]

و منهو (اللٌي مهوب) مهبول اللٌي بيشتري شاشات بلاك دايموند؟
نقطه أخرى,أنا قصدت أن فيه إختلاف بين الشاشات (16:9) و (4:3) في الأبعاد لنفس الحجم,يعني شاشه قطرها 135 بوصه (16:9) تختلف في الأبعاد عن شاشه قطرها 135 بوصه (4:3)
بالنسبه للفريمات,كم يعني بيصير فرق,بوصتين ثلاث؟
ودي الإخوان أصحاب التجربه الأكبر يفيدونا في النٌاحيه هذي.

[East25]

احنا متفقين على نفس النقطة في ان ابعاد شاشة العرض راح تكون متساوية وعشان اوضح المعلومة اكثر لما تذكر شاشة (16:9) او (4:3) فالمقصود من الارقام هي لقياس نسبة الطول الى العرض

بمعنى شاشة عرضها 200 سم لقياس 4:3 راح يكون الارتفاع 150 سم (200 تقسيم 4 ضرب 3)
ولنفس الشاشة بعرض 200 سم لقياس 16:9 راح يكون الارتفاع 112 سم (200 تقسيم 16 ضرب 9)

واللي يبقى معنا هو البلاك بار وعرض الفريم وسمكه واذا ماكانت شاشة ثابتة او كهربائية هذي الحسبة اللي تفرق.

ويمكن مثل ماقلت تكون كم بوصة تقل او تكثر من ماركة الى اخرى

[شايب وحبيب]

احنا متفقين على نفس النقطة في ان ابعاد شاشة العرض راح تكون متساوية وعشان اوضح المعلومة اكثر لما تذكر شاشة (16:9) او (4:3) فالمقصود من الارقام هي لقياس نسبة الطول الى العرض

بمعنى شاشة عرضها 200 سم لقياس 4:3 راح يكون الارتفاع 150 سم (200 تقسيم 4 ضرب 3)
ولنفس الشاشة بعرض 200 سم لقياس 16:9 راح يكون الارتفاع 112 سم (200 تقسيم 16 ضرب 9)

واللي يبقى معنا هو البلاك بار وعرض الفريم وسمكه واذا ماكانت شاشة ثابتة او كهربائية هذي الحسبة اللي تفرق.

ويمكن مثل ماقلت تكون كم بوصة تقل او تكثر من ماركة الى اخرى

هلا أخوي طلال
عشان ما نتوٌه بعض الشباب,الشاشات أحجامها تكون نسبةً إلى قطرها,يعني 120 بوصه يكون قطرها 120 بوصه من أعلى الزاويه اليمنى إلى أسفل الزاويه اليسرى.
قصدي أن الطول و العرض يختلف بين الشٌاشه ذات التناسب 16:9 عن الطول و العرض بالنسبه لشاشه بنفس القطر بس ذات تناسب 4:3
ممكن نكون متفقين في ها الكلام,بس إختلاف الطرح قد يسبٍب بعض اللٌبس لدى بعض الإخوه.
مثال


100" (16:9) 93.5 90.2 87.2 93.3


100" (4:3) 85.3 83.0 80.0 85.1

هنا شاشتين قطر كل وحده 100 بوصه,لكن الأبعاد تختلف بين ال 16:9 و ال 4:3

[AVC]

السلام عليكم جميعا

بحكم ان الحديث عن شاشات للسينما المنزلية فالقياس هو دائما يكون 16:9 كقياس متعارف علية ومستخدم .

شاشات 4:3 خاصة بالتعليم و الأجتماعات و غيرها و لما الواحد يشتري بروجكتر HD او Full HD وبعدين يحول الصورة من 16:9 الى 4:3 فمعناته انه يخسر عدد كبير من البكسل عند التحويل ولهذا السبب فمانصح فيها نهائيا .

[AVC]

وعليكم السلام يالله حي أخوي بندر
ماقصرت والله وصراحة توضحيك ممتاز جداً
وفكرة الفريم كنت غافل عنها
بس عندي إستفسار عن أسعار موديلات الشاشات الي ذكرتها اللي هي 120 بوصه
وتقبل تحياتي ،،،

هلا اخوي احمد ألاسعار تختلف حسب الماركة والنوع وايضا نوعية القماش المستخدم ,,, مثلا اذا ثابته فالأسعار من حوالي 2000 ريال و توصل الى اكثر من 20.000 ريال .