السلام عليكم ورحمة الله وبركاته .. وبعد
بعد مده ليست بالقصيره قررت اليوم اني اروح للدوليه في سوق جده الدولي وآخذ السماعات اللي نصحني بها الأخ العزيز ابو حليمه الله يعطيه العافيه .,
وجعلني اتخذ هذا القرار في الإختيار بقناعه تامه وثقه بنتائج مرضيه_ بعد كل ذلك ذهبت اليوم وبالصدفه لقيت انهم مسوين تخفيضات والظاهر انه على اخر
ايامه .. المهم اني انصدمت اني مالقيت هذه السماعات اللي روحت عشانها الا بس سماعتين مصدية واخر شي على قولته اللي هي ns-50f ولونها خشبي..
المهم حاولت فيه انه يدبر لي الطقم كامل منا ولا منا ويكون لون اسود او حتى خشبي بس اهم شي يكون كامل., ولكن مافي امل على قولته انه خلصت
بسبب التخفيضات اللي انا جيت في اخر ايامها
المهم اخذت الريسيفر اللي برضو كنت ناوي عليه مع التجميعه _ اللي هو اونكيو 609 لما لقيته اخدته قلت خليني استفيد بنزلتي هذه لجده لا كمان يروح هو عليه ويخلص ويصير ماستفدنا من التخفيضات هذه والمشوار اي شي ..
الأهم في الموضوع هذا كله ان العامل اقترح عليه سماعات اخرى موجوده عنده يقول لي انها في حدود السعر تقريباًَ وافضل من هذيك السابق ذكرها..
وانا بصراحه مافي راسي اي شي غير سماعات ns-50f و ns-p60 ولا حطيت في بالي خيارات اخرى اكون عارف مواصفاتها تكون قريبه وشبيهه من هذه من حيث السعر والأداء وهل هي موجوده اولا ( انتبهو تقول لي اسمع واحكم بنفسك لأني بصراحه ماعرف ايش اللي احكم عليه وايش اللي اميزه مابين سماعات واخرياتها بحكم انه ماعندي خبره بتاتاً في هذا الشي ولا قد جربته وهذه اول تجربه لي وماباخذ الا بمشورتكم.. فالرجاء عدم الإحراج من هذه الناحيه
).. او او او... ..
المهم ان العامل اقترح عليه سماعات ns-7390 للفرونت و nsp-125 وقال لي عليها انها احدث وافضل وسعرها 510 للفرونت و325 للسراوند والسنتر بفارق اقل سعرياً من السماعات اللي على بالي بالكم..
فاإيش رايكم ياشباب هل هي فعلاً افضل واذا مو افضل ., ياليت انكم تعطوني خيارات اخرى تكون مشابهه للسماعات اللي كانت خياري الأوحد من ناحية الأداء.., والسعر اذا زاد عنها شويه مو مشكله .. على فكره سعر الـ ns-50f في حدود 580 او حاجه زي كذا ., والـ ns-p60 في حدود 350..!!؟؟
وكذا ان شاء الله اكون اعطيتكم الصوره كامله عن مشكلتي وارجو منكم انكم تشوفو لي حل مرضي ومقنع في اسرع وقت ممكن الله يحفظكم عشان الحق على التخفيضات اللي باقي فيها تقريباً 7 ايام.. وشاكر لكم جزيل الشكر ..
اقتباس
