استمتع بالــ TrueHD and DTS-HD مع برنامج XBMC 11 Eden with DirectShow Player

[bader500]

السلام عليكم ورحمة الله وبركاته





اخيرا نزل الاصدار الرسمي لبرنامج XBMC 11 Eden بمميزات حلوه ورائعة
لكن مع الاسف لا يدعم اصوات TrueHD و DTS-HD رغم انه اكثر شي يهمنا نحن كمستخدمين للبرنامج هو دعمه لاصوات TrueHD و DTS-HD

الشي الحلو انه فيه مجموعه ماهي جالسه تنتظر رحمة الاخوان في XBMC متى ينزلوا نسخه رسميه تدعم الـ TrueHD and DTS-HD

المجموعه شغالين شغل جامد على XBMC لدعم الاصوات TrueHD and DTS-HD
وفعلا في اكثر من اصدار قدروا يشغلون الاصوات على البرنامج وجربتها بنفسي وكان اخر اصدار عملوا له باتش لتشغيل TrueHD and DTS-HD هو الاصدار الرسمي الاخير XBMC 11 Eden

وهذ صوره من جهازي لاخر اصدار XBMC 11 Eden مع دعم الـ TrueHD and DTS-HD





لكن مع الاسف واجهتني مشاكل كثير بعد التجربه راح اذكر بعضها


1- تقطيع في اصوات الـ TrueHD طبعا في البدايه كان بشكل مزعج وبعد التعديل علي بعض الخيارات صار يقطع كل 10 دقايق تقريبا.
2-لما تشغل ملف DTS-HD يشتغل تمام بس بعض الملفات لما تقدم الفلم او تاخره يعلق عليك البرنامج .
3-الصيغ الثانيه زي DTS وغيرها اغلبها يشتغل تمام بس تلاحض في بعض الملفات الصوت يختلف عن الصوره وبعض الملفات تقطيع في الصوت والصوره .

المشاكل الي ذكرتها لها حلول بس المشكله لما تحل مشكله في ملف تطلعلك مشكله في ملف ثاني ماهي في كل الافلام بس في بعضها ولكن تظل مزعجه... في الاخير طفشت وحذفت البرنامج.







الطريقه الي راح اتكلم عنها هي تشغيل الـ TrueHD and DTS-HD عن طريق الـ DSPlayer
طبعا في واحد من المبرمجين قدر يشغل الـ DSPlayer علي برنامج XBMC 11 Eden طبعا في اصدارات سابقه لكن الي يهمنا هو تشغيله على النسخه الرسميه لبرنامج XBMC 11 Eden
ميزه الـ DSPlayer تقدر تضيف عليه الفلاتر الي تحب تستخدمها عن طريق انشاء ملف XML وراح يشغلها لك مع برنامج XBMC .
والميزه الثانيه مع الـ DSPlayer راح تستخدم نفس قائمة ال XBMC يعني راح يكون Internal player راح تقدر تتحكم فيه زي ماتحب.

الطريقه سهله ان شاء الله كل الي مطلوب منك تحمل الملفات المطلوبه و اتباع الطريقه خطوه خطوه
راح اضيف الصور علشان تكون سهله علي الجميع باذن الله

بسم الله نبداء






تاكد من تحميل اخر تحديث لكرت الشاشه بالذات اصحاب كروت nvidia

تأكد من تفعيل خيار اظهار الملفات المخفيه زي الي في الصوره تحت



حمل الملفات التاليه:

XBMC 11 Eden with DSPlayer


LAV Filters


XML Files

1- ثبت برنامج XBMC الي حملته من الرابط الي فوق وبعد التثبيت لاتشغل اي فيلم عن طريق البرنامج.

2- ثبت LAV Filters تأكد من تثبيت(86)



وبعد التثبيت روح على start وبعدين All Programs وروح على ملف LAV Filters



اختر وحط صح زي الي في الصوره تحت




وبعدين روح على الي عنده كرت nvidia يختار NVIDIA CUVID






وبالنسبه للي عنده كرت ATI يختار DXVA2

كذا خلصنا من اعدادات LAV Filters


3-الحين نروح على اخر ملف الي هو ملفات الـ XML ووضعها في المكان الصحيح:-

خذ المف advancedsettings.xml وانقله في هذا المسار ( هذا الملف راح يخلي الـ DSPlayer المشغل الافتراضي )
C:\Users\<Username>\AppData\Roaming\XBMC\userdata



بعد مانقلنا الملف نسوي ملف جديد في نفس المسار ونسميه dsplayer



خذ المف renderersettings.xml وحطه داخل الملف الجديد الي سويناه




بعد كذا نروح على الملفات mediasconfig.xml و filtersconfig.xml
ونحطه في هذا المسار ونعمل استبدال

C:\ProbramFiles (86)\XBMC\system\players\dsplayer



كذا ان شاء الله يكون خلصنا

علشان نتأكد من الـ DSPlayer انه شغال نفتح ال XBMC ونروح على اي فيلم ونضغط حرف C من الكيبورد ونختار Play using



راح يطلع زي الي في الصوره تحت المشغل الافتراضي DSPlayer




وهذ فيديو بسيط من تصويري يوضح قائمة برنامج الـ XBMC كيف شغاله على DSPlayer مع اصوات الـ TrueHD و DTS-HD



الى الان لم تواجهني مشاكل ولله الحمد
مع العلم انا كنت استخدم الاصدارات السابقه من شهر تقريبا وما واجهت اي مشاكل.

سامحوني اذا فيه اي خطاء والموضوع مفتوح للجميع الي عنده اضافه او ملاحظه يشاركنا

وبالتوفيق ان شاء الله


تعديل : نسيت لا اذكر ان الفلاتر المضافه في ملفات XML المرفوعه راح تشغل جميع صيغ الصوت والفيديو الي تحتاجها بأذن الله اضافتا الى TrueHD و DTS-HD







تحديث بتاريخ 2/15/2013



كل الي مطلوب تثبيت النسخه الجديده من برنامج xbmc dsplayer
11 Eden او 12 Frodo

وبرنامج LAV Filters فقط

بعيداً عن الطريقة الاولى تماماً وبعيداً عن التعقيدات



اول شي حمل نسخة XBMC 11 DSPlayer من هذا الرابط ( افضل نسخه بالنسبه لي )

XBMC 11 DSPlayer

أو نسخة XBMC 12 Frodo DSPlayer من هذا الرابط

XBMC 12 DSPlayer

كل واحد يختار النسخة اللي يرتاح لها

بعدين حمل LAV Filters من هذا الرابط

LAV Filters

وثبته بنفس الطريقة اللي في بداية الموضوع



بعد تثبيت برنامج الـ xbmc نروح على

system>>settings>>videos>>dsplayer

تاكد من وضع الاعدادات بنفس الطريقه

XBMC 11 Eden




XBMC 12 Frodo



وبكذا انتهينا الان شغل اي فيلم وان شاء الله تشتغل معك الاصوات بدون مشاكل



الحين نجي لموضوع الترجمه

من المميزات الحلوه في النسخه الجديدة من برنامج xbmc dsplayer
اظهار الترجمه بشكل صحيح بدون مشاكل والتحكم في نوع الخط والحجم وتغيير مكان الخط وغيرها من المميزات عن طريق برنامج DirectVobSub مهم يكون بنسخة 32bit

حمل البرنامج من هذا الرابط نسخة (32bit)

DirectVobSub

بمجرد انك تثبت برنامج DirectVobSub راح تشتغل الترجمه على طول

وراح تلاحظ ظهور ترجمتين فوق بعض في الشاشة

ترجمه من خلال الـ xbmc و ترجمه من خلال DirectVobSub

فعلشان نعطل الترجمه اللي تظهر من خلال برنامج xbmc ويكون التحكم من خلال برنامج DirectVobSub فقط

فأول شي لازم تسويه نروح على اي فيلم ونشغله وبعدين نضغط على حرف M راح تطلع قائمه



نضغط على الـ Audio وبعدين راح تطلع قائمه ثانيه

الان عطل الترجمه من خلال Eneble subtitles وبعدين اختر Set as default for all movies



طبعاً بالطريقه هذي راح نلغي الترجمه اللي راح تشتغل عن طريق برنامج xbmc
وراح نشغلها عن طريق برنامج DirectVobSub

لاختيار الخط عن طريق برنامج DirectVobSub تابع الصور اللي تحت










وبالتوفيق ان شاء الله

[sherlock holmes]

مشكور حبيبي جهد تشكر عليه ويعطيك العافيه والحقيقة ابدعت في تنسيق ونرنيب وشرح
تحياتي لك

ملاحظة الفيديو محظور ياليت ترفعة على احد المواقع الرفع مثل ميديا فير

[bader500]

مشكور حبيبي جهد تشكر عليه ويعطيك العافيه والحقيقة ابدعت في تنسيق ونرنيب وشرح
تحياتي لك

ملاحظة الفيديو محظور ياليت ترفعة على احد المواقع الرفع مثل ميديا فير

الله يعطيك العافيه والف شكر على التنبيه
تم التعديل ورفعه على الميديا فاير

[sherlock holmes]

سؤال عزيزي
ادري اني زهقت المنتدى من هذا السؤال
هل يصير عندك اختفاء بعض كلمات الترجمة خصوص اذا احتوى السطر على اكثر من كلمة (( لا ))
لاني احس انا الوحيد في هذا الملتقى اللي يصير معاه هذي المشكلة مع العلم لاحظة المشكلة موجودة عند اكثر من شخص في منتديات اخرى

[bader500]

سؤال عزيزي
ادري اني زهقت المنتدى من هذا السؤال
هل يصير عندك اختفاء بعض كلمات الترجمة خصوص اذا احتوى السطر على اكثر من كلمة (( لا ))
لاني احس انا الوحيد في هذا الملتقى اللي يصير معاه هذي المشكلة مع العلم لاحظة المشكلة موجودة عند اكثر من شخص في منتديات اخرى

المشكله كانت تصير معي لكن مع التحديثات الاخيره اختفت تماماً

[tria]

موضوع متميز أخوي بدر ، وأحييك على الجهد المبذول في الشرح والتنسيق ، وراح يستفيد منه الكثير ، فجزاك الله خير

لكن لي أقتراح ، وهو أنه ياليت العنوان كان استمتع بـ XBMC 11 DSPlayer ومنها أصوات الإتش دي ، وغيرها حتى ، يعني المشغل هذا راح يوفر مزايا تتعدى الأصوات (الفيديو والصوت وفلاترهم ، الترجمة الصحيحة وبأنميشن بعد ، يشتغل ١٠بت مع فلتر LAV ، تقدر تشغل عليه أي فلاتر DirectShow مستقبليه بالتالي استقلاليه من XBMC ، وغيرها الخيارات مفتوحه)
الموضوع حلو جداً ، لكن أنت حصرت نفسك ، لو أنك فتحته كان ممكن ينمو الموضوع لأهمية DSPlayer ، وأنا أشوف أنه مازال فيه وقت تسوي هذا الشي
وأنت ما قصرت ما شاء الله عليك

بالنسبة للـ DSPlayer ، ما جربته مع نسخة Eden ، جربته مره مع Pre-Eden أول ما طلع وتعبت في إعداداته إلين اشتغل بعدين إضطريت أعدل في إعدادات الجهاز وركبت نسخه جديده ونسيته ، فأبجربه الحين مع LAV لأني آخر مرة جربته مع FFmpeg وشلة الديكودرات (وهذا الي كان معقد العمليه) ، لكن مع LAV أتوقع بتكون أبسط ، وأبشوف إذا أقدر أفعل MadVR ، فيه شي ثاني ودي أجربه له علاقه بالـ 3D ، أنا أحاول أسوي فلتر يطلع الصورة بتقنية 3D HDMI باستخدام أنفيديا لكن ما رضت تضبط
مزايا المشغل المرونه والحريه ، لكن عيوبه هو أنك تدخل في دوامة الإعدادات والخرابات الي تكون مختلفه من شخص لشخص (بعكس المشغل الافتراضي)

أخوي شارلوك ، بعد أذن أخوي بدر...
نعم معد فيه المشكلة ، لأن المشغل هذا ماله دخل بـ XBMC ويشتغل كأنه MPC والمشغلات الثانية الي تعتمد على DirectShow
فأي خط راح يعمل معاها ، ومشكلة الحركات ما راح تكون موجودة ، فيعني إذا بتستخدم الخط الي عدلت عليه ، فاستخدم آخر نسخة بس الي بدون Hackfix ، ركبها في مجلد الخطوط حق الويندوز ، واخترها من أعدادات الـ XBMC وبخاصة مشغل DSPlayer (تبي تلقى خيارين للخط فوق وتحت ، أنت عدلهم الثنين ، والمهم الي تحت ، وخله على الخط الي تبيه)

تعديل:
أووبس ، شكلك سبقتني بالرد ، ما شفت ردك والله

تعديل #٢:
للأسف لا يمكن استخدام MadVR

[bader500]

موضوع متميز أخوي بدر ، وأحييك على الجهد المبذول في الشرح والتنسيق ، وراح يستفيد منه الكثير ، فجزاك الله خير

لكن لي أقتراح ، وهو أنه ياليت العنوان كان استمتع بـ XBMC 11 DSPlayer ومنها أصوات الإتش دي ، وغيرها حتى ، يعني المشغل هذا راح يوفر مزايا تتعدى الأصوات (الفيديو والصوت وفلاترهم ، الترجمة الصحيحة وبأنميشن بعد ، يشتغل ١٠بت مع فلتر LAV ، تقدر تشغل عليه أي فلاتر DirectShow مستقبليه بالتالي استقلاليه من XBMC ، وغيرها الخيارات مفتوحه)
الموضوع حلو جداً ، لكن أنت حصرت نفسك ، لو أنك فتحته كان ممكن ينمو الموضوع لأهمية DSPlayer ، وأنا أشوف أنه مازال فيه وقت تسوي هذا الشي
وأنت ما قصرت ما شاء الله عليك

بالنسبة للـ DSPlayer ، ما جربته مع نسخة Eden ، جربته مره مع Pre-Eden أول ما طلع وتعبت في إعداداته إلين اشتغل بعدين إضطريت أعدل في إعدادات الجهاز وركبت نسخه جديده ونسيته ، فأبجربه الحين مع LAV لأني آخر مرة جربته مع FFmpeg وشلة الديكودرات (وهذا الي كان معقد العمليه) ، لكن مع LAV أتوقع بتكون أبسط ، وأبشوف إذا أقدر أفعل MadVR ، فيه شي ثاني ودي أجربه له علاقه بالـ 3D ، أنا أحاول أسوي فلتر يطلع الصورة بتقنية 3D HDMI باستخدام أنفيديا لكن ما رضت تضبط
مزايا المشغل المرونه والحريه ، لكن عيوبه هو أنك تدخل في دوامة الإعدادات والخرابات الي تكون مختلفه من شخص لشخص (بعكس المشغل الافتراضي)

أخوي شارلوك ، بعد أذن أخوي بدر...
نعم معد فيه المشكلة ، لأن المشغل هذا ماله دخل بـ XBMC ويشتغل كأنه MPC والمشغلات الثانية الي تعتمد على DirectShow
فأي خط راح يعمل معاها ، ومشكلة الحركات ما راح تكون موجودة ، فيعني إذا بتستخدم الخط الي عدلت عليه ، فاستخدم آخر نسخة بس الي بدون Hackfix ، ركبها في مجلد الخطوط حق الويندوز ، واخترها من أعدادات الـ XBMC وبخاصة مشغل DSPlayer (تبي تلقى خيارين للخط فوق وتحت ، أنت عدلهم الثنين ، والمهم الي تحت ، وخله على الخط الي تبيه)

تعديل:
أووبس ، شكلك سبقتني بالرد ، ما شفت ردك والله

تعديل #٢:
للأسف لا يمكن استخدام MadVR

حياك الله اخوي tria والله يعطيك العافيه
انا كتبت الموضوع بشكل مبسط علشان يسهل على الجميع والكل يستفيد سواءً المحترف او المبتدئ
وعلشان افتح الموضوع اكثر في الفيديو والصوت وفلاترهم والترجمه وغيرها لازم اشرح كيفيه اضافة الفلاتر في ملفات XML بشكل صحيح وبدون اخطاء وهذ موضوع موسهل لازم ينكتب لوحده ويبغاله شوية جهد علشان مايكون في خطاء.
الملفات XML الي رفعتها حلوه وشغاله من اروع مايكون باذن الله
انا مجرب ال Pre-Eden وكان شغال معي من احلا مايكون مع LAV
بالنسبه لـ DSPlayer فهو مايدعم الـ madVR الى الان
اما الـ 3D فماجربته لكن انت حاول وانا راح اجرب واذا فيه نتيجه راح اطرحه في الموضوع ان شاء الله

الله يعطيك العافيه والف شكر لك

[mz_milan]

ماشاء الله مجهود يذكر فيشكر

الله يعطيك العافيه ياغالي

مواضيعك دايم متميزه

شوقتوني لعالم الـ HTPC وكرهتوني بالاكستريمر زياده

وماقول الا يانواخذ خذوني معاكم هيله هيله

الله يوفق الجميع يارب

[ابو هيف]

موضوع اكثر من رائع
وان شاء الله لنا تجربة معه على روقان

[Marauder28]

الله يعطيك العافيه يا بدر على هالشرح والتنسيق

موضوع مهم وراح يفيد شريحه كبيره من مستخدمي هذا البرنامج الرائع

بالتوفيق لك وللجميع

[F H D]

اخي بدر ... الله يعطيك العافية ويسلم يديك
موضوع وشرح في غايه الروعة ... وتنسيقك وطرحك ماشاء في غاية الابداع
الف شكر لك على جهدك في مواضيعك المميزة
تقبل التحية والاحترام

[bader500]

ماشاء الله مجهود يذكر فيشكر

الله يعطيك العافيه ياغالي

مواضيعك دايم متميزه

شوقتوني لعالم الـ HTPC وكرهتوني بالاكستريمر زياده

وماقول الا يانواخذ خذوني معاكم هيله هيله

الله يوفق الجميع يارب

الله يعافيك ان شاء الله
اخوي محمد انت جالس تضيع وقتك مع الاكستريمر
صدقني مع الـ HTPC راح تدخل عالم ثاني من الترفيه وتعدد الخيارات
وبعدين عندك مسرح احترافي ماشاء الله لازم تحلل قيمته وتستمتع فيه مع HTPC
منتظرينك للانضمام معنا في عالم الـ HTPC
الف شكر على المرور اخوي محمد

موضوع اكثر من رائع
وان شاء الله لنا تجربة معه على روقان

الله يعطيك العافيه والف شكر على المرور

الله يعطيك العافيه يا بدر على هالشرح والتنسيق

موضوع مهم وراح يفيد شريحه كبيره من مستخدمي هذا البرنامج الرائع

بالتوفيق لك وللجميع

الله يعطيك العافيه اخوي علي والف شكر على المرور

اخي بدر ... الله يعطيك العافية ويسلم يديك
موضوع وشرح في غايه الروعة ... وتنسيقك وطرحك ماشاء في غاية الابداع
الف شكر لك على جهدك في مواضيعك المميزة
تقبل التحية والاحترام

الله يسلمك اخوي فهد من كل شر والله يعطيك العافيه والف شكر على المرور

[AboRayan01]

موضوع رائع طيب ياشباب بما انه dsplayer اشتغل Internal player في XBMC 11 فياليت الاخوة واخص بالذكر tria يعدلوا على ملفات الـ XML بحيث نشغل الـ MPC بدل dsplayer كـ Internal player في XBMC 11 ^_*

[East25]

حبيت اسجل شكري لموضوعك وسردك

موضوع مهم وراح يستفيد منه الكثير من الاعضاء

تحياتي لك

[حافظ الود]

تسجيل شكر وتقدير وامتنان واعجاب

بالمجهود الراااائع والشرح المميز منك اخي بدر

تقبل تحياتي

[tria]

أخوي بدر
أتفق معك تماماً ، لكن أنت غطيت كل شي باستخدامك لـ LAV وشرحك بالاعتماد عليها ، أنت حققت كل الأشياء الي أنا ذكرتها (صوت صورة وغيرها أشياء كثيرة) ، يعني قصدي بس لو العنوان كان غير (لأنك غطيت أشياء أكثر من مجرد دعم صوت HD) ، والموضوع ما يحتاج أكثر من كذا لأن LAV مكتبة متميزة ، وأنت ما قصرت ما شاء الله عليك بشرح تفعيلها مع LAV
وجربتها أمس وكانت العملية سهله جداً (لكن أضطريت أحذف XBMC وأركبه من جديد ، وأحذف المكتبات وأركب LAV من جديد ، وصارت مضبوطه ، وبالعكس أحسن من DVDPlayer الافتراضي)

أبو ريان
شكلك فاهم غلط ، الي شرحه بدر هو مشغل يعتمد على DirectShow وليس مشغل آخر بنفس الأسم ، والـ MPC نفس الش هو مشغل يعتمد على DirectShow ، فبالتالي ما راح تستفيد أي شي من هذا الشي ، لأن أي شي يدعمه MPC راح يدعمه هذا المشغل (بتجاهل الرندررز لأنها موضوع آخر)
ملفات XML هي لتحديد المكتبات الي تشتغل عن طريق DirectShow وليست مشغلات ، فالـ MPC يتعامل مع المكتبات ببرمجه مسبقه للتسهيل على الناس ، بينما DSPlayer يتعامل مع المكتبات ببرمجه شخصية عن طريق ملفات XML ، وأخونا بدر جزاه الله خير جاب لك ملف جاهز يشتغل مع الـ LAV (وهي مكتبه أكثر من رائعه) ، فبالتلي هي نفس الفكرة
أنا أقول ما راح تلقى سيناريو أفضل من الي ذكره أخوي بدر في شرحه ، أبد أحمد ربك أنه صرت تقدر تستخدم DirectShow

[AboRayan01]

يعطيك العافية على التوضيح، حقيقة اخونا بدر ماقصر ضرب عصفورين بحجر واحد فعلاً انك تستخدم xbmc وبمشغل داخلي وصوت HD هذا الي نبيه بس الي رافع ضغطي شوي.. ان xbmc كانو واعدين ان النسخة الجديدة بتدعم اصوات الـ HD ونزلت ولا دعمتها مادري ايش منتظرين والكثير من البرامج تدعم هالصيغ الصوتية..

[باكوبن]

مشكور على الفنيات الحلوه ذي ..

3-الحين نروح على اخر ملف الي هو ملفات الـ XML ووضعها في المكان الصحيح:-
وين احصل الملف ذا؟

[bader500]

مشكور على الفنيات الحلوه ذي ..

3-الحين نروح على اخر ملف الي هو ملفات الـ XML ووضعها في المكان الصحيح:-
وين احصل الملف ذا؟

اخوي باكوبن انت حمل ملفات الـ XML من الرابط الي فوق وافتح الملف راح تحصل اربع ملفات بصيغة XML
advancedsettings.xml
renderersettings.xml
filtersconfig.xml
mediasconfig.xml

بعد كذا تابع باقي الشرح و ضع كل ملف في المكان الصحيح

[YouTube]

عندي مشكله ياليت الاقي لها حل يا اخ بدر او الاخوان الله يوفقكم

انا اضفت خط اسامه مع الخطوط الموجوده مثل اريال واخترته من Video - subtitles واخترت الخط وايضا اللي تحت خليتها arabic windows

لكن للاسف الخط نفسه ماتغير وهو حظ سئ ماعجبني ابي خط نفس خط اسامه او خطوط الشوتايم


اخيرا هل XBMC Eden يغني عن باقي المشغلات ؟ مثل KM PLayer او Bs.Player

لانو حاولت اشغل فيلم MKV بس رفض يتعرف عليه او يشغله بينما صيغه MP4 يشغلها

تطلع لي مسج يقول : Error in the video rendering Chain. more details or see XBMC Wiki- DSPlayer codecs

هل فيه شي غلط حصل معاي او انا حايس الدنيا ؟؟


مواصفات جهازي Win7 64 :

المعالج i3 2100

المذربورد msi h67ma-e35

كرت شاشة gt 440 ddr5

Crucial SSD

64

GB للنظام

٣ تيرا للتخزين



ملاحظه : عملت جميع خطوات الاخ بدر وكنت سابقا نزلت madVR هل فيه تضارب بينهم

انا جايب العيد بس مادري وين ؟ ههههههه