السلام عليكم ورحمه الله وبركاته.
ناوي أشتري مسرح منزلي بسيط حق غرفتي, وتذكرت ان الأخ Truth81 دعاني الى هالمنتدى سابقا ونسيت أسجل فيه. acm عاد زين الحين تذكرته.
السالفة ومافيها شباب حاليا عندي مسرح مجمع من اللي بو100 دينار/1000 ريال, يدعم الDTS والAC3 وفيه منفذ واحد Optical بس, وانا راضي عن مستواه بس المشكلة اني استعمله بعد للكمبيوتر, ولما شريته ماكنت أدري ان الSPDIF مايدعم صوت 5.1 Uncompressed, فانصدمت عقب ماشريته ان ألعاب الكمبيوتر تشتغل 2.0.
حاليا حصلت مبلغ بسيط وقلت نشتري شي جديد يدعم الصيغ الجديدة مثل Dolby HD وربعه, وفيه HDMI In عشان أفتك من الحوسة وعوار الراس, وأخلي الغرفة مرتبة بدل ال10 سماعات والطبلتين اللي بالغرفة حاليا (5.1 للأفلام على الاوبتكل و 5.1 حق الألعاب على الانالوج).
الميزانية؟ 200 دينار/2000 ريال.
مكان الشراء؟ يفضل من عندنا في البحرين عشان الضمان, بس عادي أشتري من الخبر أو الدمام اذا حصلت عروض أحسن.
الأجهزة اللي أبي أشغلها عليه؟ PC+PS3+HD Receiver ومادري مستقبلا شنو باشتري.
حجم الغرفة؟ الغرفة هي غرفة النوم عندي, حجمها تقريبا 6 × 3 متر, الجلسة والتلفزيون والسماعات راح ينحطون في نصف الغرفة فقط تقريبا يعني 3×3 متر أو حتى 2.5×3 متر.
شنو يهمني في المسرح؟ أهم شي الHDMI Input وان يكون الرسيفر حديث يعني يدعم الصيغ الجديدة ويسوي باس ثرو حق ال3D ...الخ, بينما حق السماعات والسب ووفر مايهمني قوة الصوت قد مايهمني الوضوح.
طبعا أدري ان ميزانيتي قليلة وقريت بعض المواضيع اللي تنصحون الأعضاء فيها ان يزودون ميزانيتهم الى 3000 ريال على الأقل, بس الصراحة مو مستعد أدفع أكثر على مسرح حتى لو كنت أقدر أزود الميزانية.
طبعا أمس درت على المعارض وخذت فكرة عن اللي موجود والأسعار والموديلات ... الخ, وهاذي اللي حصلته وأبي شوركم فيه:-
1- Yamaha RXV-371 Receiver + Yamaha NS-50 Speakers + Yamaha NS-P60 Speakers بـ1750 ريال (بدون سب ووفر).
2- Yamaha RXV-461 Receiver + Yamaha NS-P430 Speakers and Subwoofer بـ1960 ريال.
3- Pioneer Home Theater HTP-RS555 بـ2050 ريال.
4- Yamaha RXV-371 + Yamaha NS-P20 بـ1790 ريال.
5- Yamaha RXV-371 + Yamaha NS-P40 بـ1840 ريال.
6- Yamaha RXV-371 بـ1200 ريال.
7- Yamaha RXV-371 من أمازون بـ930 ريال. (هل يدعم 220 فولت)؟؟
رقم 1 مشكلته ان بدون سبووفر ولازم اشتريها لحالها.
رقم 2 الرسيفر قديم.
رقم 3 يبين عجييييييب على الورق.
رقم 4 و 5 المشكلة السماعات أحسهم ضعاف وقديمين ومو زينين.
رقم 6 و 7 بس الريسيفر.
النصيحة يا شباب, واللي يقدر يعطيني أسعاركم في الخبر أكون شاكر له, والسموحة على الاطلالة.
اقتباس
