كيف اعرف اذا شاشتي بتشتغل في السعودية اذا رجعت من امريكا

[ooqo]

السلام عليكم ,,, حي الله الشباب والله. الجميع متجمع هنا ولا حس ولا خبر

طيب يا اخواني انا رجعتي قربت من امريكا, ان شاء الله بعد شهر من الان
السؤال هو عندي شاشه 60 انش - من شارب - والشهادة لله هذي الشاشه غاليه علي والوانها ابدااااع لاخر حد

وبما اني راجع السعودية معاي كونتينر لاغراض البيت والسياره
قلت خلني اسأل اذا في طريقه اعرف فيها اذا بيشتغل ال TV في السعودية "بدون حوسه ولا لأ"
بالعربي ابي اشغل شئ PAL واجرب اذا بيشتغل على الشاشه ولا لأ.
طبعا عندي الاشياء هذي اللي ممكن اجرب عليها

HTPC
PS3
Xbox
Wii
WDTV Lie Plus

كلهم موصلين بوصلات HDMI الا Wii طبعا

وازيدكم من الشعر بيت فيه 3 شاشات ال جي في الكراج يحترون الشحن في الكونتينر. يارايت واحد يفزع لي بطريقه اعرف فيها اذا بتشتغل تلفزيوناتي ولا اصرفها هنا.


تقبلوا تحياتي وانتظروا التقارير الخاصه بسماعات كلبش جايب معاي ثلاث مسارح احترافيه من Klipsch + Denon

[حافظ الود]

وعليكم السلام ورحمة الله وبركاته

ترجع بالسلامة اخي

( يوجد قسم خاص بالاستفسارات )

لعلك تضع موضوعك في القسم المناسب

[ooqo]

اخي ابو حليمة الله يسلمك.
شكراً على التفاعل الغير مستغرب. المنتدى كله حيويه.
القسم هذا فعلا للاستفسارات العامه. وانا علشان كذا كتبت استفساري بقسم شاشات العرض لانه يغص شاشات العرض وليس قل فهم ولا قل نظر مني.

لم اكن اعرف ان مشاركتي ستكون مشكله بالنسبه لك. المنتدى توه جديد وصدقني المعاملة الزينة والكلمة الطيبه اهم عامل من عوامل النجاح.

على العموم حصل خير. وننتظر إجابة من الخبراء.

محبكم. ابوعبدالله.

[mz_milan]

انا معك يابو عبدالله تونا بالبدايه وابو حليمه ونعم الرجل لاتحكم عليه عشانه قال يوجد قسم للاستفسارات لانه كلنا يبي منتدانا يبتدي صح وبشكل مرتب ومانبي يكون مثل المواقع الثانيه الي يكون فيها القسم العام كله اساله واستفسارات ؟؟ وش رايك ؟؟

شوف بالنسلة للشاشات تشتغل عادي بس اهم شي الجهاز الي بتغشله عليها يكون يقبل بث الـ 60HZ وانت الأجهزه الي عندك كلها شاريها من امريكا يعني اكيد 60HZ يعني ماعندك مشكله والكهرباء عادي 110 عندنا بالسعوديه 110

بس هذا الشي راجعلك هل تبيها كلها وتبي تستخدمها ولا بس شاشه وحده

لو انا منك ابيع الشي الي مابيه والي مره عاجبني وابيه اخذه معي يعني باختصر الي ماتبيه صرفه لشعب امريكا الصديق

جبلي معاك سب اوفر SVS عن طريق الشحن وش قلت

ترجع بالسلامه ان شاء الله

[BAROOON]

ميلان بدال اللفة طويلة ذي كان نقلت موضوع الرجال للاستفسار وخلصنا .
ومسوي تمون تطلبة svs طيب كم بتعطيه عمولة ووين قروشك << بـ .
----------------------
ooqo
قسم الاستفسار عام لكل شي عشان الاعضاء اذا عندهم استفسار مايدوخون وين يحطون استفسارهم + يكون القسم نشط .
وانت الله يهداك رحت درعم على اقرب قسم مكتوب فية شاشة .
===================
ميلان وين مواضيع الظهر حقت المكياج .

[ooqo]

هههه سبووفر مره وحده لا و SVS يا راااااجل. ولم دراهمك ونشوف.
للمشكله أني جاوب معي سبيكرز واجد ولا ادري وش بيسوون فيهاالجمارك. غير كذا جاوب ثلاث سبووفر واح ١٢ انش بولك. وشبلي واحد وقالب اطلق يبووفر بالعالم لوووول. واثنين كلبش رفرنس ١٠ انش. غير الفلور ستاند سبيكرز والرسيفارات.

التفلزيونات كلهاابيها يا صديقي لان مأثث البيت كله من امريكا. بس واحد من الشباب توه رجع قبلي بشهريين وماخذ معاه الجي ٥٥ LED بناء على توصيتي له. ويقول ما اشتغلت والألوان على بنفسجي <<<< مشغلها على الرسيفر.

المشكله أني سبق وقريت ان شاشات ال جي تجي كلها ملتي سستم. وفي تجارب شباب واجد شرو من امريكا شاشات ال جي واشتغلت معاهم.
بالمختصر طلعنا بسواد الوجه قدام الرجال خاصه وانه ماخذ اكثر من ٥ تلفزيونات LG 55LE5500 بنائاً على توصية الخبير اللي هو أنا. *

[ooqo]

ميلانوووووووو. كنه في رد لك تبخر من الموضوع ههههههه شيك الداتا بيس لا يكون جاها شي من هجوم حقين سوني.

[mz_milan]

الله يعينك يارجال امزح معاك ترا (والله اني من جد ونفسي من جد) هههههههههههههه

طيب عطني اسماء موديلات شاشاتك كلها عشان نعرف اذا هي متعددة الأنظمة أو لأ

بالتوفيق

ابو فيصل اطلع منها انت ترا ابو عبدالله مره صديقي

[ooqo]

حبيبي ميلان. ابشر ان شاء الله باللي تبيه. انت هالحين لا تقعد تفحط وتدور بمواقع الشاشات وتقولي وش اللي مكتوب فيها. مسوي كل اللي تفكر فيه.
أنا ابي طريقه اشغل فلم ولا اي داهيه يكون بال وأشوف شاشتي وشلون بتتصرف.

عطني اللنك حق السب ووفر اللي مدوخك.

[AVC]

السلام عليكم

ترجع بالسلامة اول شي

بالنسبة للتلفزيون و الأنظمة فالتلفزيونات في امريكا كلها بدون استثناء نظام واحد NTSC ماعدا بعض الموديلات المخصصة مثل تلفزيونات باناسونيك ( Professional Series) و موديلات تكون مستوردة زي اللي موجودة عندنا و هذي اسعارها ماهي رخيصة حتى توضح الصورة لك بالنسبة للأنظمة .

الجمارك كلها 5 % من القيمة فماهي هي المشكلة , المشكلة اذا طلبوا منك شهادة مواصفات وغيرها من الشروط و هذي حلها انك ترتب من الأول حتى في اوراق الشحن ان الأغراض للأستخدام الشخصي و وليس للبيع حتى يلغون الشروط .

بالنسبة للألوان في التلفزيون هذي تكون حسب الجهاز المستخدم , في اجهزة تعدل في ترتيب الألوان فتنحل المشكلة واجهزة لا و هذا السبب ان فيه رسيفرات تضبط و رسيفرات لا مع تلفزيونات امريكا , احد الحلول انك تركب محول HDMI حتى يرتب لك الألوان

مواقع بعض الأنواع

http://world-import.com/samar.htm

http://www.amazon.com/Atlona-AT-HD56.../ref=pd_cp_e_1

طبعا في موديلات كثيرة تقدر تختار منها حسب احتياجاتك

[AVC]

جبلي معاك سب اوفر SVS عن طريق الشحن وش قلت

ترا SVS خلاص اعلنت افلاسها وراح تقفل

[mz_milan]

كنت منتظر حبيبنا AVC يجاوبك الحمد لله شكراً AVC

المهم ياغالي هذا السب اوفر الي معذبني بحياتي

http://www.svsound.com/products-sub-box-pb13ultra.cfm

صديقي انت

[mz_milan]

ترا SVS خلاص اعلنت افلاسها وراح تقفل

اما عاد من جد تصدق قاعد اقرا الان في موقعهم

المشكله انه محد دق علي من طرفهم المفروض يبلغوني ياخي

[ooqo]

اخوي AVC شكرًا على الرد والمعلومة هذي موجوده لدي ولكن الشباب اللب راحت اهم التلفزيونات ما عندهم رسيفر HDMI يعني فعلا توهقت معهم.

يا راعي الصب ووفر. طبعا الصبووفر خطييير يا مفتري ههههههه. بس ابيك تلقي نظره على هذا الصب ووفر. تراه مجنون ويصنع على الطلب
http://www.edesignaudio.com/product_...roducts_id=618

أنجوي ات. واذا معزم على الصب ووفر راسلني على الخاص وابشر بسعدك.

[mz_milan]

ايه ايه عارف الـ ED بس احجامها كبيره وتراها ماتدي نفس ادائ الجبار SVS رغم انها برضو مشهوره بأمريكا

يمكن اشفلي من هنا ابرك لي مابي اثقل عليك كفايه عفشك والله يستر من الجمارك بس سويي زي ماقالك AVC انك بتشحنها لك مو للبيع وكمان تخلص من الزياده الي ماتبيها

الله يوفقك يارب

[ساهر جده]

مساء النور اخوي انا مشتري شاشة بلازما نوعها lg px950 من امريكا والحمدالله شغالة ميه ميه ومافيها اي تعارض مع اي شي مشالله علما انه عندي رسيفر فودو بلس + اكستريمر + بلاي ستيشن 3 بال + denon avr 4311 + والحمدالله كلللو تمام اتوكل على الله وربي يسهلك

[AVC]

بس مادام الشركه بتقفل ماضنتي خلاص باخذ شي منهم ويمكن اشفلي من هنا ابرك لي

ماراح تسكر ولا شي ,, شفتك متحمس الظهرية علىها قلت العب في اعصابك شوي .

اشتر و لا تشيل هم

[mz_milan]

^^^

هههههه والله وصرت تعمل مقالب ها

يارجال اخرتها باشتري من هنا انا مو من مناصري الشراء من الخارج ياخي قلق وخوف

[ooqo]

مساء النور اخوي انا مشتري شاشة بلازما نوعها lg px950 من امريكا والحمدالله شغالة ميه ميه ومافيها اي تعارض مع اي شي مشالله علما انه عندي رسيفر فودو بلس + اكستريمر + بلاي ستيشن 3 بال + denon avr 4311 + والحمدالله كلللو تمام اتوكل على الله وربي يسهلك

والله يا اخوي الشباب اللي وصلت لهم الشاشات قبل كم يوم يقولون ما اشتغلت معاهم الشاشات هي LG 55LE500 طبعا كلها LED سؤالي هل احتجت انك تغير شي بالاعدادات حقت الرسيفر ولا اشتغلت Out of the box بدون اي تدخل منك.

ايه ايه عارف الـ ED بس احجامها كبيره وتراها ماتدي نفس ادائ الجبار SVS رغم انها برضو مشهوره بأمريكا

يمكن اشفلي من هنا ابرك لي مابي اثقل عليك كفايه عفشك والله يستر من الجمارك بس سويي زي ماقالك AVC انك بتشحنها لك مو للبيع وكمان تخلص من الزياده الي ماتبيها

الله يوفقك يارب

شكرا حبيب البي انت اذا معزم لا يهمك واللي شارب البحر مهوب عاجز عن البحيره لووول

اخوي AVC ان شاء الله تتسهل الامور - انا معي ورقه من العمل (ارامكو) مصدقه من القنصليه او الملحقية تقول اني الاغراض اللي معي شخصيه بحكم ابتعاثي من قبل عملي - ان شاء الله انها تفي بالمطلوب

الشباب اللي عندهم التلفزيونات ما عندهم رسيفرات متقدمه -كلها هيومكس اذا مني واهم 500 يعني كيابل كموست (اصفر واحمر وابيض) يمكن عشان كذا ؟؟؟؟
المهم اليوم جاهم مندوب ال جي وقالهم ما يشتغل هنا لاختلاف السيستم ولازم تشتروم محول وهذا اللي ما نبيييييييييييييييييييه

تقبلوا تحياتي
ابوعبدالله

[mz_milan]

شوف زملاك يعدلون في اعدادات العرض بنفس جهاز الرسيفر حق الدش اذا فيه ميزة 50 و 60 هيرتز يخلونها على ال 60 وراح يشتغل ميه ميه واذا كان رسيفرهم قديم ومافيه هالميزة الي موجوده في كل الرسيفرات الجديده فيغيرون رسيفرهم او يشترون المحول الي قلكم عليه ذا حق LG

باشوف بالنسبة لسب اوفر SVS وبعد 15 سنه ارد عليك ان شاء الله