Logitech Wireless Speaker Adapter for Bluetooth® audio devices
السلام عليكم
اليوم حاب اعرض عليكم قطعه من لوجتك تنفع لمحبي الاستماع للموسيقى
بعض اجهزه ال AVR مافيها خاصيه ال AIR Play والقطعه بتساعد كثير
وسعرها رمزي 30 دولار وموجوده في مكتبه جرير حصلته ب 130 ريال تقريبا
كل فتره يجيني عرض من شركه لوجتك وكوبون خصم فخذت كيبورد وخذت القطعه نفسها بالمره تقريبا ب ٢٣ دولار
هذي القطعه تحتاج للكهربا ليتم تشغيلها وتشبكها سواد بجهاز ال AVR او التلفزون او غيره من الاجهزه
وتوصل عدد 2 سلك اوديو وبعدها يتم ربط جهاز التلفون
عن طريق البلوتوثمع القطعه ومن ثم شغل اي
ملف موسيقي عندك بالتلفون الاندورايد او الايفون او ايبود توش وغيره من التلفونات وبيكون الصوت
ظاهر من الجهاز الي ربطت فيه القطعه سواء التلفزون او ال AVR او غيره من الاجهزه
حجم القطعه صغير وتقدر تحطه في اي مكان
هذي صوره تبين ربط اسلاك الاوديو في جهاز ال AVR
لقيت مكان فاضي حق الاسلاك مكتوب عليه pc وركبتهم وبعدها من الخيارات لما تشغل اي ملف تختار من الرسيفر input pc واشتغل تمام
وهذي صوره القطعه خليتها فوق جهاز ال AVR
القطعه فيها زر تشغيل فوق وفيها لمبه طول ماهو مايشتغل يكون لون اللمبه احمر
ولما تشغله يكون لونها اخضر متقطع يشتغل ويطفي لين تشبك التلفون فيه عن طريق البلوتوث ولما يشبك تمام يعطي اللون الاخضر فقط
هذي صوره من التلفون تبين البلوتوث شابك مع القطعه (B3) Logitech Adapter
اتمنى ان يكون الشرح كافي والي يحتاج معلومات اكثر برمكانه يدخل اليوتيوب ويكتب اسم القطعه يحصل شرح بالفديو اوضح انشالله
ونشوفكم علي خير
اقتباس
..
