مشكلة صارت لي مع ملف مضغوط من التورنت

[روضة البلوشي]

السلام عليكم ورحمة الله وبركاته

اخواني الكرام

انا احب استفسر عن مشكلة صارت لي مع ملف التورنت

كنت حابه اشوف فيلم اندروورلد ثري دي

ولقيت ملف تورنت حجمه 41 جيجا قلت اجرب انزله ونشوف

المهم لما اكتمل التحميل و قمت ابفتح الملف المضغوط

ما لقيت الفيلم ؟

مع ان حجم الملف المضغوط 41 جيجا يعني وين راح الفيلم؟

هل حد فيكم مر بمثل هالتجربة

و كيف يعني هل ملف التورنت كان ملف زائف مثلا

[HAMANY]

هل الملف صيغته iso ؟
اذا مالقيت داخله شيء اتوقع انه iso .. الحل انك تستعمل برنامج mount عشان تفتحه
اقرا هالموضوع

طريقة التشغيل والتعامل مع ملفات من نوع ISO

[روضة البلوشي]

اشكرك اخوي انا راح اتابع الموضوع واطبقه
و برجع اعطيك خبر باللي صار معاي -_-
لا هنت

[sherlock holmes]

اهلين
اخوي حمني ماني عارف قصدك بــ mount
المهم استخدمت عدة برامج ISODisk & MagicISO لكن دايم يكتب لي رساله ان الملف عطلان
في الاخير حصلت برنامج Alcohol 120% ممتاز بس يعيبه انه تجريبي 15 يوم
ياالبلوشي جرب Alcohol 120% ممكن يفيدك

[The Adviser]

UltraISO جيد ويؤدي الغرض

هذي نسخة مع كيجن(السيريال) من عندي واستخدمه من سنتين

http://dl.dropbox.com/u/61858146/other/UltraISO.rar

طريقته جدا بسيطة كل الي عليك تضغط كلك يمين على ملف ISO وتختار UltraISO وتختار أول واحد mount وراح يعمله سي دي وهمي تلقاه جاهز بجهاز الكمبيوتر على شكل سي دي وتفتحه عادي جدا كأي سي دي حقيقي

[روضة البلوشي]

اشكركم اخواني على تعقيبكم على مشكلتي
وبصراحة انا جربت طريقة اخوي حمني وبصراحة كنت مضيعه بالشرح
بس قدرت اطلع الملف اخيرا لكن ما كان 3 دي المهم انا توبه انزل اي تورنت يكون ملف مضغوط -_-
وشكرا لكم

[The Adviser]

أغلب ملفات التورنت اذا مو كلهم يكون ملف مضغوط وهذي مو مشكلة أبدا

بخصوص انه مو ثري دي كيف حكمت ؟ وهل فعلا تعاملت مع مقاطع وأفلام ثري دي من قبل ؟ يعني تعرف طريقة تشغيلهم بشكل صحيح ؟

لأن اذا الفلم مكتوب انه ثري دي فـ هو ثري دي 100% بدون شك

[sherlock holmes]

انا حملت فلم HUGO على التورنت وعلى اساس انه 3D ولكن طلع الفلم ليس 3D مع انه مكتوب 3D

[روضة البلوشي]

أغلب ملفات التورنت اذا مو كلهم يكون ملف مضغوط وهذي مو مشكلة أبدا

بخصوص انه مو ثري دي كيف حكمت ؟ وهل فعلا تعاملت مع مقاطع وأفلام ثري دي من قبل ؟ يعني تعرف طريقة تشغيلهم بشكل صحيح ؟

لأن اذا الفلم مكتوب انه ثري دي فـ هو ثري دي 100% بدون شك

انا بكون صادقه معاك ياخوي انا ما تعاملت من قبل مع مقاطع وافلام ثري دي
لكن كنت انزل افلام من التورنت 3 دي سعتها 8 جيجا وكنت اتاكد انها ثري دي من خلال كلمة sbs
واول مره تصير معاي هالعفسه مع الملف المضغوط وبكل امانه انا ما فهمت شرح اخوي حمني اميه بالميه لكن حاولت اطبق اللي فهتمه و استخرجت ملفات الفيلم وشغلتها وشفتها مو ثري دي ومع الانهيار والاحباط اللي عشته قمت و حذفت كل شي ورجعت نزلت الفيلم بس من ملف مش مضغوط و مب ثري دي
وبصراحه انا مب خبيره وايد بهالمجال لكن عندي معلومات تخليني انزل افلام من التورنت بشكل جيد و طبعا لهالموقع الفضل الكبير في تقدمي مع تنزيل الافلام

وشكرا -_-

[HAMANY]

أفلام ال 3D الأصلية ISO غالبا يكون فيها نسخة ال 2D نفس الوقت ..
اذا تبي تشغل ال 3D يبيلك برنامج يدعم ال 3D (مثل TMT او PowerDVD) وتحتاج شاشة 3D ومشغل يدعم ال 3D

قبل ما تشغل الفلم راح يخيرك بين 3D او 2D .. احيانا على طول يشغل ال 3D

ال SBS شغلته ثانية ومختلفة ..

[روضة البلوشي]

اهلين والله يا خوي .. انا عندي شاشة 3 دي وعندي جهاز يدعم تشغيل ال 3 دي و اللي هو مارلين ميديا بلاير
و دايم اشغل عليه افلام من تورنت وتكون بلوراي و 3 دي .. ومره اذكر بمنتدى ثاني قريت معلومة اني اذا بغيت انزل افلام ثري دي من التورنت
واكون متاكدة منه 3 دي اشوف لو مكتوب sbs وانا ما اعرف اي معلومات عن ال sbs او اذا كان لها شغله ثانيه ..
لكن دايما اتبع هالخطوة لو نزلت 3 دي من التورنت مثلا

Hugo 2011 3D 1080p Half SBS

Transformers Dark Of The Moon 2011 LIMITED 3D 1080p Half SBS

The Lion King 3D H SBS 1994 1080p BluRay x264 3D4U

وتبقى ملعوماتي قليلة و في قيد التطور و دايم الجأ للجوجل في المعلومات وانتم مب مقصرين يعطيكم العافيه