رأيكم D7000

[Loka]

السلام عليكم ورحمة الله وبركاته

هذه اول مشاركة لي مع العلم اني متابع سكيتي

يا اخوان مثل ماهو مذكور بالعنوان
رأيكم بـ سامسونج D7000

الشاشة جذبتني شكل وصوره بالمحلات لكن وانا ابحث بأخونا جوجل
وجدت اللي يقول مشكلة كلاودينق وضوء من اطارات الشاشة واللي يقول
الاعدادات ماتقدر تغيرها ولا ودك تدفع كذا الف واخر شي تطيح بشاشة شي يقهرك ولاينكد عليك فيها ولا ادري الشاشة تستاهل او لا

فنبغى الله يعطيكم العافيه اللي تعرفونه عن الموديل هذا سواء مجربين او عندهم خلفية عن الشاشة

[Marauder28]

وعليكم السلام والرحمه

منور الملتقى وان شاء الله تتوفق في شاشة ترضي رغباتك

عشان اختصر عليك المشوار مافي افضل من انك تقرأ كل الأراء وكل التجارب وانت تحكم بنفسك على الشاشه وربما تفتح عينك على شيء ما كنت عارفه ،، من خلال خاصية البحث بالملتقى هنا كل التعليقات والاراء والتجارب عن الشاشة من مشاكل الى مميزات شوف هنـــا

[Loka]

فعلا فتحت عيني على شي ماكنت عارفه
والله يعطيك العافية والنور نوركم يا طيب

[Loka]

سؤال مهم للاضافة ومحد تكلم عنه الا مشاركة وحده وابغى اتاكد منها تقول ان الاضاءة في الشاشة تنقص وتزيد من نفسها على حسب الصورة
هل معقول شاشة بهالحجم ومن هالشركة يكون فيها هالعيب ؟؟

[mz_milan]

^^^

ايه نعم شاشات سامسونج السنه الماضيه تعاني من تقلب السطوع FB .. ولكن ليس الكل يلاحظها او انها قوية جداً

وعلى فكره ممكن يكون هناك سبب اخر مثل تفعيل خاصية توفير الطاقه Eco Mode

بالتوفيق

[Loka]

اذا غير ملاحظه يكون شيء جميل
عموما اظن يبغالي اخذلي نظرة بالسوق عليها لفترة حتى اشوف وضعها من قرب اكثر
سلمت يا محمد

[mz_milan]

ايه اهم شي تعاين بنفسك هذي اهم نقطه

ومن قال يسلم ياغالي

[Loka]

رحت السوق وشفتها الشاشة مثل الفل وحاولت اركز على الزوايا واللقطات السوداء مالاحظت اي شيء ابدا نص ساعة اناظر فيها يمين يسار ولاشي
الظاهر اني بقعد ادرس لشاشة دراسة لين ما اطفش منها ولا استعجل واعض اصابع الندم وبنفس الوقت بأدور شاشات غيرها
شاكرين لكم جميييع

[Marauder28]

رحت السوق وشفتها الشاشة مثل الفل وحاولت اركز على الزوايا واللقطات السوداء مالاحظت اي شيء ابدا نص ساعة اناظر فيها يمين يسار ولاشي
الظاهر اني بقعد ادرس لشاشة دراسة لين ما اطفش منها ولا استعجل واعض اصابع الندم وبنفس الوقت بأدور شاشات غيرها
شاكرين لكم جميييع

في الاسواق غالباً ما راح تقدر تشوف عيوب الشاشه خصوصاً تسرب الاضاءة ومشاكل الغيوم لانك لما تجي تشاهد افلام اكيد الاضاءة بالغرفة بتكون خافته او بدون اضاءة وهنا تظهر لك عيوب الشاشه

عموماً سامسونج وموديل D7000 مهي سيئة بالعكس شاشة جيده جداً ، المهم بإختيار الشاشه شوف انت ايش متطلباتك منها تبي شاشة بس حجمها كبير والا شاشة تكون مميزه في سرعة الاستجابة او شاشة مميزه في السواد او شاشة مميزه في الـ 3D وكذا رتب الأولويات اللي تهمك لانك بالنهاية انت اللي بتستخدم الشاشه ، وأقرأ كثير بالمنتديات عن الموديل اللي انت اخترته قبل تشتريها لان القرأة سبب مهم انك تتوفق بإختيار شاشة تناسبك


بالتوفيق

[Loka]

وانا فعلا الحيت على راعي المحل يطفي النور لكن عاد تعذرلي ان المحل كله يطفي وشغلة
اما بالنسبة للمتطلبات اني الوان ال اي دي تجذبني وبنفس الوقت البلازما يريحك انه مشاكل السواد اقل
عاد الله يعين رضا الانسان غاية لاتدرك كل واحد وده بالشيء اللي مافيه ولاعيب والكمال لله

الله يوفقنا واياكم