مشكلة في نقل او تسمية ملفات mkv

[alturki]

السلام عليكم
اول شي احب اشكركم على هالمنتدى اللي يختص في الصوت والصوره واول منتدى اشوفه بختص بالأمور
ثاني شي عندي مشكله مو عارف لها حل..
انا انزل افلام بصيغة mkv وانقلها على الهاردسك وبعدها اشغلها على جهاز Xtreamer
المشكله ان في ملفات نفس الصيغه ماقدر انقلها من ملف الى ملف او اعيد تسميتها !
طبعا مو كل الملفات لان نصها اتحكم فيها عادي وبعضها تصير معاي هالمشكله
واذا حبيت انقل او اعيد تسمية الملف يقولي ان الملف مستخدم مع برنامج ثاني !
نزلت برنامج unlocker واستخدمته مع الملفات بس ما يصيد شي !!

طبعا مرات بالملفات اللي ماقدر اسميها او انقلها من احاول اسوي شي فيها يعلق اللاب توب
مع العلم لابتوبي توشيبا 3dv وموصفاته قويه

ياريت لو احد فيكم صارت معاه هالمشكله وحلها يقولي الطريقه لان وايد ملفات مو قادر انقلها من اللاب توب الى الهاردسك الخارجي ..
وشكرا

[HAMANY]

تحمل الأفلام بالتورنت ؟
اذا ايه, تأكد انك مسكر التورنت او البرنامج كامل عشان تغير اسم الفلم

واحتمال ثاني انك شغلت الفلم ببرنامج media player وعلق

بالنسبة للهارد الخارجي نظامه FAT32 ولا NTFS ؟

[alturki]

بعضهم من التورنت وبعضهم من اتش دي ارينا
عندي علم بان لازم التورنت مصكر لان ماقدر اسمي الملف ولا انقله اذا الملف قاعد يسوي سيد على التورنت فا اعطيه ستوب او اصكر التورنت علشان اقدر اتحكم
والملف ما اشغله وحتى اذا شغلته وصكرته اتأكد منه في تاسك مانيجر انه مافي برنامج شغال معاي
الهاردسك اللي يقبل mkv اهو ntfs بس

ومشكور على المساعده

[F H D]

المشكلة غريبة ..

بس ما وضحت لنا تصير لك بس عندما تنقل ملفات الى الهارد الخارجي ؟ او حتى عند نقل الملفات في جهاز الكمبيوتر ؟

عادة تصير لي زي ماذكرت اذا فيه برنامج مفتوح مرتبط بالملف و الحل اغلق البرنامج عبر التاسك مانيجر

انت جرب اغلق explorer.exe من التاسك مانيجر و بعدين سويله تشغيل مره ثانيه New task -- Run واكتب explorer.exe

كانت تفيدني لما يعلق النظام و ابي حل سريع بدون ريستارت للجهاز وممكن تنفع معك ..

ولو ما طلعت بنتيجة فيفصل تشيك على جهازك ممكن يكون فيه فايروس او فيه خلل في ملفات النظام او الريجستري وهذه يبيلها اصلاح واذا مانفع استعادة او فورمات في اسواء الاحوال ( إن شاء الله ما تضطر الى الفورمات )

شيك من السيف مود المشكلة مستمره او تختفي و استخدم هالبرنامج لتنظيف الجهاز من الفايروسات

http://www.malwarebytes.org/products/malwarebytes_free

و كمان فيه برنامج يستخدم لنقل الملفات بدل الويندوز .. اسمه teracopy لو تجربه اول حاجة يمكن يحل المشكلة

[BAROOON]

تصير لي الحركة ذي كثير ليش مدري .
الحل الي اسوية
اشغل الفلم نفسة بعدين اروح اشغل فلم ثاني وبعدين ارجع للفلم الي الاول الي فية المشكلة واسوي فيه الي ابي حذف او تغيير اسم .

[alturki]

مشكورين شباب على المساعده بجربها واقولكم
بس ذكرت انه مو بكل الافلام تصير معاي هالحركه
والمشكله مرات انزل فلم حجمه 8 قيقا مثلا وتصير هالمشكله فا ارجع امسحه وانزله مره ثانيه بس نفس المشكله
وانتو عارفين ان اكثر افلام البلوري تكون من قروب واحد ونادر ماتكون من قروبين او اكثر

اذا انحلت المشكله بكون لكم ممنون كثير

[F H D]

ما اعتقد ان الفلم نفسه له علاقه بالمشكلة
المشكلة اعتقد في الجهاز
جربت الحلول السابقة الي قلت لك عليها وحل بارون ؟

[alturki]

الجهاز ياخوي ما صارله اسبوع مفرمته وحاطله هاردسك يديد وويندوز 7 التيميت اصلي
جربت البرنامج اللي قلت عنه وخفف اشوي بالنقل بس لان جربت اعيد تسمية الملف علق الاكسبلورر not responding وصكرته ورديت بطلته وعطاني windows close
استعملت برنامج lockhunter بعد

المشكله محيرتني من زمان وماني عارف شنو الحل
والغريبه ان اكثر الملفات تكون سهله ولا فيها شي عادي

[F H D]

إذا تحاول تسمي ملف او تنقله و يعلق الجهاز .. هل يكون الملف على الهاردسك الخارجي بمعنى انه تم نقله خلاص من الابتوب للهاردسك الخارجي ؟
والا التعليق يصير و الملف لسى على هاردسك الابتوب ؟

ومسألة الفورمات ممكن خلال هالاسبوع دخل الجهاز فايرس .. او الهاردسك او الفلاش ميموري الي عندك فيها فايروسات من اول تخرب النظام
الا اذا متاكد انك جربت المشكلة بعد الفورمات مباشره فخلاص نتجاوز مسألة الفورمات واخطاء النظام ..

بعدين انت تقول حاط للابتوب هاردسك جديد ؟ اذا ايه .. ايش صار للقديم هل تعطل ؟
بصراحة هالمشكلة محيرة و ماقد مرت علي بالشكل الي صاير معك الآن .. ممكن لها علاقه بالهارد يا شباب ؟

[alturki]

انا انقل الافلام اللي انزلها كلها على ملف واحد ومن بعدها انقلهم كلهم دفعه وحده الى الهاردسك اليديد
والتعليقه تصير بالهاردسك نفسك مال اللاب توب اللي انزل فيه الافلام
انزين اذا نفس ماتفضلت وقلت يمكن فايروس .. طيب ليش مو على كل الملفات والافلام تصير هالحركه ؟
شي غريب والله

[mz_milan]

طيب جربت تشوف تعديل ونقل ملف فلم من هالافلام الي ماتتجاوب معاك تعملها في كمبيوتر ثاني يعني تحملها من كمبيوتر ثاني وتعدل عليها وتنقلها وتشوف عشان نبعد الشك باليقين ممكن يكون السبب لابتوبك وليس الملف نفسه

نبي نحاول نبتدي حبه حبه الين مانكتشف اين تكمن المشكله الي ترفع الضغط

بالتوفيق ياغالي

[alturki]

والله ودي ياخوي بس المشكله الانترنت صارله اسبوع يمكن حاله حال ايام دايل اب مع العلم اني مركب فايبر اوبتيك 12 ميغا
واذا بجرب فلم يمكن يكون حجمه بين 4 - 8 قيقا
يعني اذا بجرب انزل فلم يمكن يبيلي اسبوعين اذا مو اكثر

[wwww-e]

تصير لي الحركة ذي كثير ليش مدري .
الحل الي اسوية
اشغل الفلم نفسة بعدين اروح اشغل فلم ثاني وبعدين ارجع للفلم الي الاول الي فية المشكلة واسوي فيه الي ابي حذف او تغيير اسم .

نفس الشي بالنسبه لي و انا ملاحظ هذي المشكله مع برنامج kmc اذا ما خاب ظني اسمه كذا , بس القهر هو افضل برنامج في اكواد تشغيل و هذا على حسب علمي بس بالنسبه لل xbcm بعد مو متأكد من اسمه , مع اكواد ال kmc ما في اي مشاكل حاصله عندي.

[The Adviser]

عطني رابط الفلم الي حملته عالخاص عشان أحمله بنفسي وأجرب اعادة التسمية ونقل الملف

[alturki]

لاحظت شغله يديده واهي لما تزلت برنامج التحويل اسمه dbpower ولما حبيت انقل الملف عطاني ايرور وقالي may corrupt audio !! ولما حذفته قالي file is use !
تتوقعون له علاقه بالكوديت نفس ما حصلي واللي تفضلتو فيه ؟

تروووووووك.. بعطيك اساميهم مع ملفات التورنت لو تحب
طبعاً اهما كلهم 720p
اخذ هذيل
blue valentine
red
inception
Sanctum
طبعا كلهم من التورنت واكثر افلام التورنت له جروب واحد

[HAMANY]

قايلك من البرنامج الي شغلت منه الفلم
حمل فلم وبدون ماتشغله جرب تغير اسمه
او جوف ال task manager وسكر اي process له علاقه بال media player

[The Adviser]

لاحظت شغله يديده واهي لما تزلت برنامج التحويل اسمه dbpower ولما حبيت انقل الملف عطاني ايرور وقالي may corrupt audio !! ولما حذفته قالي file is use !
تتوقعون له علاقه بالكوديت نفس ما حصلي واللي تفضلتو فيه ؟

تروووووووك.. بعطيك اساميهم مع ملفات التورنت لو تحب
طبعاً اهما كلهم 720p
اخذ هذيل
blue valentine
red
inception
Sanctum
طبعا كلهم من التورنت واكثر افلام التورنت له جروب واحد

عندي
Inception.720p.BluRay.x264-CROSSBOW

وجربت أنقل وغيرت الاسم بدون مشاكل

ماظنيت والله من الفلم نفسه بس حبيت أثبت لك وأصلا ولا مرة صار لي مثلك الا اذا كان الفلم شغال فـ طبيعي مايمديني

[alturki]

شباب يعني لما اكون توني مبطل اللاب توب واروح حق الافلام واقعد ارتب وانقل واعيد التسميه وكل شي اوكي وفجأه يطلعلي ملف واحد ماقدر اعدل اسمه او انقله
وقتها ماكون مشغل ولا برنامج للي يشغلون الافلام !!

الاخ ترووووووووك
الحمدلله .. انا قلت من 20 فلم يمكن 3 اللي تصير فيهم هالسالفه مع العلم اني مصكر كل برامج اللي تشغل الافلام لاني اعيد التسميه و انقل من غير ما اشغل !

[الجحجاح]

جرب ادخل عن طريق السيف مود safe mode وجرب اذا تقدر تنقل الملف وتغير اسمه والا لا


Sent from my iPhone using Tapatalk

[alturki]

اجرب ان شاء الله واشوف