استفسار بخصوص هاردسك يعمل وايرلس

[Grim]

السلام عليكم ورحمه الله وبركاته

اسعد الله اوقاتكم بكل خير ومحبة

شباب انا ابحث عن هاردسك يعمل على الوايرلس .. خلوني اوضح لكم ايش ابغى بظبط

انا عندي لابتوب ابي احمل فلم من النت بعد ذلك ارسله للهاردسك عن طريق الوايرلس .... بعد ذلك ابي الاكستريمر يشغلي الفلم الي موجود في هذا الهاردسك ويعرضلي اياه طبعا الاكستريمر مشبوك فيه سلك من المودم لعدم وجود وايرلس فيه


شي ثاني انا ابي عده اشخاص يشبكون عليه


شي ثالث اذا كنت خارج البيت ابي ادخل عليه لو كنت عند احد الاصدقاء وعجبني فلم عنده ابغاه يرسله لي على الهاردسك

هل فيه هاردسك يلبيلي كل هذه الاحتياجات ويكون اقل شي 4 تيرا!!!!

طبعا شفت موديل في النت ولاعرفت فيه ايش شي وفيه كلاود وحاجات مافهمتها فهل هذا يلبي احتياجي؟

وياليت شرح بسيط عن هذا الجهاز ومواصفته

وماهو RAID؟
http://www.amazon.com/Western-Digita...+book+live+4tb


داري زودتها شوي بس مالي غناه عنكم

[Marauder28]

وعليكم السلام والرحمة


خذ راحتك اسأل واستفسر ما عندك مشكله

انسب شيء لك هو سيرفر منزلي جاهز في انواع كثيره واسعارها حلوه وفيها كل اللي تتمناه بس مسألة تنقل فيلم من بيت صاحبك الى بيتك هذي صعبه حبتين لان تحتاج سرعه عالية في النقل عبر الانترنت واضن تعتبر مسألة Upload


عموماً شوف هذا الموضوع أقرأ فيه ولنا حديث اخر غداً ، ورانا دوام الصباح

تقرير عن جهاز السيرفر المنزلي Acer Aspire AH340


في خيارات ثانيه ممكن تكون افضل من اللي فوق كـ نظام وإستخدام ، HES تقدم الحل الامثل لتحميل وتشغيل الافلام

[MbtsM]

السلام عليكم
اكثر المديلات الويرليس مصنوعه للايباد والايفون والشغلات العاديه هذا بعد بحثي بالسابق

[him777]

هلابك أخوي

شوف هالموديل من سيجيت والله مادري هو يلبي طلباتك أو لأ يمكن الشباب يفيدوك بس مشكلته أكبر مساحة 3TB وعالعموم أنا شفته من فترة بأبراج الدوسري بالخبر كان بحدود 700 ريال

http://www.amazon.com/gp/aw/d/B004E3...9&vs=1&sr=8-55

[Grim]

بيض الله وجيهكم

اخوي علي جهازك غالي حبتين شوي وخاصة انه مامعه اي هاردسك ودورت عليه في نفس الموقع ولا حصلته

وبرضو الرابط الثاني غالي ثلاث حبات وغير متوفر مع اي هاردسك

بس الي ماجاوبتوني عليه الرابط الي حطيته الي فيه الجهاز هل هذا يفي بالغرض وهل يلبي احتياجي لان مالي اي خبره في هذه الاجهزة

وماهو RAID؟

[Marauder28]

بيض الله وجيهكم

اخوي علي جهازك غالي حبتين شوي وخاصة انه مامعه اي هاردسك ودورت عليه في نفس الموقع ولا حصلته

وبرضو الرابط الثاني غالي ثلاث حبات وغير متوفر مع اي هاردسك

بس الي ماجاوبتوني عليه الرابط الي حطيته الي فيه الجهاز هل هذا يفي بالغرض وهل يلبي احتياجي لان مالي اي خبره في هذه الاجهزة

وماهو RAID؟

حياك الله

الجهاز اللي انت اخترته جيد لإستخداماتك حسب مواصفاته انك تقدر تستخدمه عن طريق شبكة الايثرنت بالبيت ، يعني توصل الجهاز بسلك الايثرنت مع جهاز الموديم او الراوتر اللي عندك بالبيت وبالتالي تقدر تدخل على الجهاز من خلال جهاز الاب توب بدون الحاجه لربط سلك الايثرنت بالاب توب يعني Wifi ، هذي المعلومة تحتاج تتأكد منها من خلال اللي جربوا الجهاز لاني ما اعرف نظام العمل فيه كيف


من مواصفات الجهاز انك تعمل حساب Remote access بالتالي لو كنت خارج البيت او على اي جهاز مو مربوط بشبكة البيت تقدر تدخل على السيرفر تبعك من خلال الـ Remote access اللي متوفر في وينذوز 7 ، او تدخل على الجهاز من خلال تطبيقات الايفون والاندرويد (هذا حسب المواصفات اللي انا فهمتها)


تقنية الريد وظيفتها تدمج لك الهاردسكين او الثلاث هاردسكات مع بعض وكأنهم هاردسك واحد يظهر لك بالكمبيوتر بمساحة مجموع الهاردات هذي في حالة كان نظام الريد 0 اما نظام الريد اللي حسب مواصفات الـ WD انه ريد 1 يعني يعمل دمج للهاردسكات وحماية بنفس الوقت لو احترق عندك هاردسك بدله بواحد اخر وجميع معلوماتك ترجع لك وما يصير فيها شيء ولكن العيب هنا ان الدمج عن طريق الريد 1 راح يأخذ من مساحة الهاردسكات يعني لما تجيب عدد 2 هاردسك كل واحد 2 تيرا بمجموع 4 تيرا بعد الدمج بيطلع عندك حدود 3 تيرا فقط تقريباً

اهم ميزه تحصل عليها من تقنية الريد سرعة قرأة وكتابه عالية يعني سرعة نقل البيانات بين الهاردات او من الهاردات الى كمبيوتر اخر بتكون سريعه

[Grim]

هل يستاهل 1400 ريال !!!

وهل فيه خيار افضل منه مقارب لسعره ؟

وخدمه كلاود ستورج وش اقدر استفيد منها

بنسبة لل 1 تيرا الي نقص هل هو راح للباكب لان 1 تير مساحة كبيره فحرام تروح بصراحة

[tria]

ترسل الملف وايرلس للهارديسك في داخل البيت عندك أكثر من خيار
١. تركب هارديسك عادي في أي جهاز وهذا الجهاز يكون مشبوك على الشبكة ولازم يشتغل دائماً ، بعد كذا تخلي الهارد أو مجلد داخله Shared للقرائة والكتابة ، وبعدين في كل جهاز في الشبكة تضيف هذا الهارديسك كـ Network Mapped Drive وبالتالي بيصير كأنه هارديسك ثاني في كل جهاز ، لكنه تدخل عليه عن بعد وتقدر تقرى منه وتكتب عليه
٢. تشتري وايرلس راوتر يقبل USB وخاصة الهارديسكات ، وتشبك هارديسك خارجي فيه ، وبكذا تقدر تدخل عليه من الراوتر
٣. تنتظر إلين تطلع تقنية Wireless USB والي هي يشتغلون عليها حالياً ، وبعدها تنتظر إلين يطلع هارد يدعمها ، وبعد هذا كله تنتظر إلين ترخص الأسعار شويتين بعد ما تروح موجتها التسويقيه
٤. تشتري لك هارديسك في الغيوم (Cloud) ، مثل من Dropbox أو Amazon S3 وغيرهم ، وتستخدمه من خلال الإنترنت ، إذا سرعة الأنترنت عندك ممتازة وهذا شي أشك فيه خاصة في السعودية

بالنسبة لحجم الهارد أكبر شي عندك خيارات كثيرة:
١. تشتري هارد واحد (سواء داخلي أو خارجي حسب الرغبة) ، ويكون بالحجم الي يناسبك ، أقصى شي وصلو له حالياً هو ٤ تيرا (٤٠٠٠ قيقا) ، وتصنعه سيقيت وهيتاشي ، والأول منه خارج وداخل (وأنصحك تشوف الخارجية إذا هي أرخص أشترها وطلعها من علبتها وبتصير داخلية إذا ودك وبكذا تكون أرخص بشكل عام)
٢. تشتري أكثر من هارد واحد (أو تستخدم هاردات موجودة) وتربطهم مع بعض في جهاز واحد ، وبعدين تسوي لهم مشاركه في الشبكة زي ما ذكرت فوق ، وتضيفهم واحد واحد لكل جهاز عبر الشبكة
٣. نفس ٢ ، بس بدل ما تحطهم في جهاز ، تشتري جهاز خاص تقدر تضيف فيه هارديسكات ويربطهم لك كلهم كهارديسك واحد كبير وتقدر تستخدمه عبر الشبكة ، وتسمى NAS ، وطبعاً هو راح يربطهم باستخدام أحد طرق RAID ، وبكذا مثلاً تقدر تشبك أربع هارديسكات ٤ تيرا ، وتحصل على ١٦ تيرا ، وأسعارها غالية لأنها كلما كانت جودتها كويسه ضمنت لك أن هارديسكاتك ما راح تضرب بسبب ضعف المكونات ، وبالتالي ترتفع تكلفتها لمصلحتك ، لأنها في النهاية جهاز كمبيوتر مستقل ، لكن وظائفة محدودة لتسهيل الاستخدام

بالنسبة لمعنى RAID سبق تكلمت بشكل سريع عنه في الرد هذا (آخر قطعة)
http://www.avarab.com/vb/showthread....ll=1#post23402

بالنسبة لمسألة ترسل الفلم من هارديسك خويك لبيتكم ، والله كان خويك ساكن فوقكم ، فممكن وايرلس ، غير هالكلام شلها من راسك ولا تفكر بالموضوع إلا بعد عشر سنين

[Grim]

بيض الله وجهك عجبتني الفكره رقم(١) و(٢)

بس ممكن تشرحلي اياها بتفصيل كيف خطواتها وتركيبها

يعني ابي ادخل من لابتوب الى الهارد دسك الي في الاكستريمر.... او ادخل عليه من المودم
ممكن شرح الخطوات
فضلا لا امرآ

[tria]

بالنسبة لمشاركة مجلد أو هارديسك عن طريق الشبكة ، تضغط عليه بالزر اليمين ، وتختار خصائص Properties ، وتختار Sharing ، وتسويله شير بالأسم الي تبيه ، وتعدل الإعدادات حسب الرغبة فممكن تخليه للقرائة والكتابة أو للقرائة بس
طبعاً بيصير تقدر تدخل عليه عن طريق الآيبي الخاص بالجهاز (أو اسم الجهاز) والمسار حقه
بالنسبة عن طريق الراوتر ، يبيلك هارديسك خارجي بيو أس بي ، وتشبكه في الراوتر في فتحة اليو أس بي ، وخلاص يصير تقدر تدخل عليه بالآي بي الي يعطيه الراوتر (يختلف حسب الراوتر)
وبالنسبة لجهاز الملتميديا ما عندي فكرة ، بس أتوقع تروح للإعدادات وتفعل المشاركة أو UPnP ، وتدخل عليه بالآي بي حقه ، أو يتم التعرف عليه تلقائياً إذا صار في نفس الشبكة

هذا بالنسبة لكيفية مشاركة المجلدات ، أما كيفية شبكها في جهاز ثاني على شكل هارديسك ، فتاخذ الآيبي (أو اسم الجهاز) ومعه المسار للمجلد المشارك ، بعدين تروح Computer ، بتلقى في الشريط الي فوق Map Network Drive ، بتطلع لك نافذة أختر حرف للهارديسك ، وبعدين عطه العنوان
مثلاً لنفرض إن جهازي اسمه Tri-PC والمسار كان Users/Video فاللي أبدخله يكون

\\Tria-PC\Users\Video

أو الطريقة الأبسط تختار Browse جنب الخانة وهو بيطلع لك كل الكمبيوترات على الشبكة وتدخلها إلين تحصل المجلد الي شاركته وتختاره
تضغط أوكي وبيكون عندك هارد جديد بالرمز الي اخترته

بالنسبة لأجهزة الملتميديا عادة بعد تفعيل المشاركة أو UPnP ، تبي تلقاها من ضمن الأجهزة الي في الشبكة ، وبتقدر تدخل على ملفاتها

[Marauder28]

هذا موضوع فيه شرح بالصور لطريقة عمل مشاركة عبر الشبكة بإستخدام الكمبيوتر انشاء سيرفر منزلي ، انا مفعلها عندي واقدر استعرض ملفات الكمبيوتر من افلام وموسيقى وصور من خلال الاجهزة الترفيهية مثل شاشة التلفزيون ومشغل اقراص الافلام وممكن حتى من رسيفر المسرح واي جهاز يدعم الـ DNLA والـ UPNP بعد ما تفعلها من الموديم او الراوتر

بخصوص الراوتر او الموديم رغم اني عندي راوتر وموديم من شركة Cisco-Linksys E4200 بس ما جربت ،فيه منفذ USB تربط عليه الهاردسك ويصير الهاردسك معرف على شبكة المنزل وتدخل عليه حتى عن طريق الواير لس تبع الراوتر (الرابط السابق هذا راوتر مو موديم) ممكن تلاقيه في مكتبة جرير او في اكسترا ، اهم شيء بالراوتر والموديم كم سرعة نقل البيانات اذا كانت 1 جيجا انت بالسليم وبرضوا سلك الايثرنت عشان تستفيد من سرعة نقل البيانات

امزون متوفر فيها هاردات خارجيه واسعارها حلوه وحجمها 4 تيرا مثل سيجات

[Grim]

مع قراءه الموضوع اكثر من مره ومشاهده الفديو برضو اكثر من مره حسيت اني زي الاطرش في الزفة
ماني فاهم اي شي ودخلت في دوامات وخاصة امور الكمبيوتر ليس لدي فيها اي خبره فقط الاساسيات

بس الي فهمته من الاخ tria ذهبت الى properties .. sharing..advanced sharing ...
وحددت بعد ذلك عدد المشاركين

وبعدها كيف الخطوات وطريقة الدخول على الهاردسك من جهاز اخر

[East25]

لنفترض ان عندي مثل هالملف فيه افلام وحاب اسوي له اضيفة على الشبكة عشان اشوفه من كمبيوتر ثاني



نروح للملف ونضغط بالفارة يمين ونختار properties









في حال انك اخترت على كل الخيارات اللي فوق راح تعطي صلاحيات لكل اللي مستخدمين الشبكة تصريح بالاضافة او مسح اي محتوى في الملف
او انك تختار Read فقط وهو راح يكون للقراءة لااكثر

بعد كذا تختار Apply وبكذا ملف AVArab بكل محتوياته راح يكون موجود على الشبكة المنزلية وتقدر تدخل على الملف عن طريق اي جهاز اخر لما تدخل على الشبكة مثل كذا



وتختار اسم البي سي اللي حافظ عليه الجهاز وبعدها راح يطلع لك الملف واضح وتحته كلمة Share

[Marauder28]

الموضوع سهل إن شاء الله

أول شيء لازم تفعل كل الخيارات اللي شرحها الاخ العزيز ‏HAMANY وكلها امور سهلة ما تأخذ منك اكثر من دقيقتين والخطوات بالصور


بعدين اتبع معي الشرح التالي : انا اخترت ملف عشان اشاركه عبر شبكة المنزل وانت تقدر تختار هاردسك كامل مو شرط ملف

توقف على الملف او الهارد وتضغط بزر الماوس الايمن وتختار Properties











الخطوه اللي فوق تسمح لك بتحديد الصلاحيات على الملف (قرأة وكتابة)






في الخطوه فوق تحدد الكمبيوترات اذا كانت تظهر على الشبكة او انك تعطي صلاحية مشاركة (Everyone + Home group)







لما تضغط على Show me all راح يفتح لك ملف فيه كل الفولدرات اللي انت مفعلها كـ مشاركة على الشبكة ، طبعاً ما تنسى تضغط زر Done

وبكذا تكون خلصت من عملية المشاركة



وهذا الملف اللي اضفته لقائمة المشاركة موجود على الشبكة Tom Sawyer








بعد ما خلصنا من الخطوات اللي فوق الحين نروح للجهاز اللي بنستخدمه كـ مشغله للأفلام اللي على السيرفر (أنا اخترت لك من اجهزتي شاشة البلازما VT30 ومشغل الاقراص Oppo)


لابد ان الاجهزة تكون موصوله بسلك الايثرنت ويكون من نفس الراوتر او الموديم









اللي فوق صوره من أستخدام الشاشة كـ جهاز عرض ، والصوره تحت لجهاز مشغل الاقراص







عندي جهاز الكمبيوتر وجهاز السيرفر معرفين على الشبكة

وانتهت الحكاية كلها

[Marauder28]

اوووه ما انتبهت لردك يا طلال يعطيك العافيه ومعلش ع التكرار


Grim

الحين عندك شرحين فوق لطريقة المشاركة طلال ما قصر وكل الخطوات اللي كتبها نفس اللي كتبتها انا

[Grim]

بيض الله وجيهكم

سويت كل شي مثل ماتفضلتو وضبط معاي كل شي بس لما اجي افتح الملف مايفتح معي

تجيني رساله contact ur network فيما معناه اتصل بمسؤال الشبكه للوصول( وش حلها هذه)

[Marauder28]

بيض الله وجيهكم

سويت كل شي مثل ماتفضلتو وضبط معاي كل شي بس لما اجي افتح الملف مايفتح معي

تجيني رساله contact ur network فيما معناه اتصل بمسؤال الشبكه للوصول( وش حلها هذه)

لما تجي تفتح اي ملف ؟؟ من نفس الكمبيوتر اللي عملت له مشاركة والا من كمبيوتر ثاني ؟؟

[Grim]

اي نعم اي ملف يطلعلي هذا المسج ... الملف يفتح عادي بس اذا دخلت عليه من الجهاز الثاني عن طريق النتورك تطلعلي هذه الرساله ..
طبعا عكست العمليه ونفس الرساله تطلع لي

[Marauder28]

اي نعم اي ملف يطلعلي هذا المسج ... الملف يفتح عادي بس اذا دخلت عليه من الجهاز الثاني عن طريق النتورك تطلعلي هذه الرساله ..
طبعا عكست العمليه ونفس الرساله تطلع لي

الجهازين شغالين على نفس الراوتر او الموديم ؟؟

اضن المشكلة في الجهاز الثاني مو متعرف على الشبكة اللي فيها ملف المشاركة ، في اكثر من إحتمال للمشكله ما اقدر احصرها في شيء معين

حاجه ثانيه ما ادري لها تأثير أو لا ، المشاركة على الشبكة اللي اعرفه لازم الكمبيوتر يكون علية باس وورد يعني كلمة سر يعني تعمل لك User Account للكمبيوتر اللي تبيه يكون كـ سيرفر

[Grim]

طبعا الجهاز يفتح من غير باسورد بس اثناء ماسويت مشاركة وجيت ادخل على الملف يقولي ادخل اليوسر نيم والباسورد وانا ماعندي لا يوسر نيم ولا باسورد وخويك دخل على الاعدادت وخلاه يدخل من غير اليوسر والباس ....
بس على اي اساس يقولي يوسر وانا ماسويت يوسر ولا باس


ثانيه الاجهزه مشبوكه على مدودم واحد