كيف ابني سينما منزلية من الصفر ؟

[ولد المطر]

السلام عليكم ورحمة الله


اخواني الافاضل , لي فتره طويله وانا ودي بسينمه في بيتنا بس ما كانت الظروف مشجعه , لكن الحين نشطب بيتنا الجديد وحبيت اضيف السينما وادواتها واوفر لها الوصلات المناسبه من الحين واجهز المكان بالديكور المناسب acm

الحين ودي اعرف وش هي الاغراض اللي احتاجها علشان اسوي سينما من الصفر
يعني من بروجكتر ومسرح الى ااخر قطعه
الميزانيه المتوافره من 5 الف الى 7 الف كحد اقصى
طبعا العرض بأذن الله بيكون على جدار ابيض مقاس 3*4 متر
ومساحه الصاله 7*6

انا ما ابغى سينمه مثل حق البحرين , انا ابغى شئ عائلي وحق الاصدقاء الاقارب


فياليت تساعدوني ولكم جزيل الشكر

[East25]

وعليكم السلام ورحمة الله وبركاته

للاسف ميزانيتك تعتبر ضعيفة لتجهيز مسرح بالكامل عموما تقدر تدخل قسم بناء السينما المنزلية وتشوف تجارب الشباب

وهذا موضوع المسارح فيه اكثر من خيار على حسب الميزانية اللي انت تحددها

أفضل المسارح المنزلية الاحترافية للميزانيات المختلفة

وهذي مواضيع يمكن تهمك

المرحلة الأولى لـ مبادئ إختيار سماعات المسرح المنزلي الإحترافي..

هل تبحث عن مسرح منزلي؟ Home Theater

مدخل لعالم البروجكترات السينمائية Wlecome in Home Theater Projector

بالتوفيق

[ولد المطر]

يعطيك العافيه اخوي East25

انا ما ودي بمسرح جبار او 100%
انا ودي بسينمه عائلية
يعني بروجكتر وسماعات وشاشه بيضاء ...
انا شفت نظره سريعه على اسعار السماعات والبرجكترات في سوني وطلعت لي حدود 2000 مسرح و3999 لبروجكتر حليو
لكني مالي علم وش احتاج بعد ؟ ايضا طريقه التركيب ؟ وايضا كيف اشبك البروجكتر , هل ينشبك بالرسيفر او بلابتوب او دي في دي او كيف بالضبط

معليش اخوي زوت الاسئلة لكني مبتدئ في هاي الشغلات
وربي يجزاك الف خير

[ولد المطر]

وانا اقلب بالمواضيع اللي عطيتني اياها لقيت ان الشباب يتلكمو عن برجكترات 15 الف ريال وفووووق ؟؟
وش ذي الارقام اللي يتكلمو عنها
هل يعني ان ابو 4000 ما يعطي صوره زينه
وإلا كيف يعني ؟

واعتذر على استفساراتي الواجده

[fahad211]

^^^^^^^^^
وعليكم السلام ورحمة الله وبركاته

البروجكترات اسعارها متفاوته تعتمد على حسب تقنيتها ومواصفاتها ففي منها الاحترافي وكذلك متوسط الأداء

بالنسبة لميزانيتك ان شاء الله تكفي لا إنشاء سينما اقتصادية
اول شيء خلنا نبتدي بالبروجكتر ارشحلك على حسب ميزانيتك بروجكتر optoma hd20 لانه full hd و تقيمه ممتاز بالنسبه لسعره
و يعتبر سعره مناسب في الامازون يمكن يكلفك مع الشحن من 3500-3700
optoma hd20
في بروجكترات كثيره بسعر اقل ومواصفاتها 720p أو hd ready
optoma hd66
acer 5360
benq 700
أسعارها ممكن تكلفك 2500 مع الشحن
أما بالنسبة لشاشة البروجكتر شوف هذا الموضوع
شاشات ماركة AVC
تواصل مع الاخ بندر وإن شاء الله يفيدك بالاسعار
لو افترضنا انك اخذت البروجكتر مع الشاشة بقيمة 5000 يسير باقيلك 2000 للمسرح
شوف الموضوع هذا
اسعار البكيجات onkyo من الوكيل الدوليه
تقريبا تبدا من 1500 ريال
الموضوع قديم شوي ممكن له 7 شهور روح الدوليه وإن شاء الله تكون الاسعار اقل وتحصل موديلات كويسه

بالتوفيق لك

[العيوف]

هلا بك يا ولد المطر
مشاء الله الشباب ما قصرو اعطوك خيارات حلوه
بس دامك تبي تسويلك سينماء منزليه وفي البيت الجديد
بحبح جيوبك وزود القروش وخذلك حاجه تكون من الفئة المتوسطه
عشان ما تندم بعدين
يعني خذلك حاجة مستقبليه لعشر سنوات قدام
مشاء الله المنتدى مليان مواضيع ممكن تفيدك استطلع على مواضيع اخوي east25
وماراح تندم
سلم لي على اهل الاحساء

[ولد المطر]

^^^^^^^^^
وعليكم السلام ورحمة الله وبركاته

البروجكترات اسعارها متفاوته تعتمد على حسب تقنيتها ومواصفاتها ففي منها الاحترافي وكذلك متوسط الأداء

بالنسبة لميزانيتك ان شاء الله تكفي لا إنشاء سينما اقتصادية
اول شيء خلنا نبتدي بالبروجكتر ارشحلك على حسب ميزانيتك بروجكتر optoma hd20 لانه full hd و تقيمه ممتاز بالنسبه لسعره
و يعتبر سعره مناسب في الامازون يمكن يكلفك مع الشحن من 3500-3700
optoma hd20
في بروجكترات كثيره بسعر اقل ومواصفاتها 720p أو hd ready
optoma hd66
acer 5360
benq 700
أسعارها ممكن تكلفك 2500 مع الشحن
أما بالنسبة لشاشة البروجكتر شوف هذا الموضوع
شاشات ماركة AVC
تواصل مع الاخ بندر وإن شاء الله يفيدك بالاسعار
لو افترضنا انك اخذت البروجكتر مع الشاشة بقيمة 5000 يسير باقيلك 2000 للمسرح
شوف الموضوع هذا
اسعار البكيجات onkyo من الوكيل الدوليه
تقريبا تبدا من 1500 ريال
الموضوع قديم شوي ممكن له 7 شهور روح الدوليه وإنشاء الله تكون الاسعار اقل وتحصل موديلات كويسه

بالتوفيق لك

يعطيك العافيه على الشرح المفصل والله تعبتك معي يالغالي

بالنسبه للمسرح ودي اعرف اللي معروض عندنا في السوق مثل سوني و ال جي ما تنفع للسينمات المنزليه ؟
طبعا مانيب مستعجل عليه بس ودي اضبط مكان له من الحين دام يمديني اتحكم في الجبسم بورد والاوان وفتحات الكهرباء وغيرها

[ولد المطر]

هلا بك يا ولد المطر
مشاء الله الشباب ما قصرو اعطوك خيارات حلوه
بس دامك تبي تسويلك سينماء منزليه وفي البيت الجديد
بحبح جيوبك وزود القروش وخذلك حاجه تكون من الفئة المتوسطه
عشان ما تندم بعدين
يعني خذلك حاجة مستقبليه لعشر سنوات قدام
مشاء الله المنتدى مليان مواضيع ممكن تفيدك استطلع على مواضيع اخوي east25
وماراح تندم
سلم لي على اهل الاحساء

اهلين بك يالعيوف حياك ربي
والله ما قصرو الشباب يعطيهم العافيه
ودي والله ابحبح دراهم بس اشوف ان الاصباغ والديكورات اولى :هع:
اجل الى كم تنصحني ازود الميزانيه علشان اجيب شيء حلو ويدوم ؟

سلامك يوصل يالغالي :وردة:

[ابودانة]

والله شوف من واقع انا عشتة
البداية في المسارح زي البداية في الزواج يعني ببسطها لك انت اول ما تجي للوالدة تقول لها انا ابي الستر واحفظ عمري واهم شي الاخلاق ( زي ما قلت في بداية موضوعك لي وللعائلة ) كانك تقول زوجة اهم شي تجوز لامي الله يطول بعمرها وتجوز لخواتي وبعدين تقوم تجهز الصالة والعرس وتعزم الناس وانت مبسوط وفالها ومطلع قرض من البنك وبعد مايروحون المعازيم وتجي الصباحية والعروس تقوم تغسل وجهها من المكياج تبي توسوس بينك وبين نفسك وتقول شكلي توهقت بس لالا زينة .
ومثل منت عارف ان العروس في بداية الزواج تلبس كل يوم الجديد والزين من المكياج والعطور بعدين يقل العطاء من المدام وتبدا تفكر في الثانية والا تجمع فلوس وتطلع لاي بلد سياحي تخنبق فية
فانا وانت والكل المفروض نفكر من الاول ناخذ شي صح لك للزمن فانا كان لدي تجربة مع خمسة مسارح متعددة الميزانيات بداية بالقليل الي الكثير
اتمني انك فهمت القصد من كلامي والله يخلي حريمنا ( زوجتي جنبي )

[العيوف]

والله شوف من واقع انا عشتة
البداية في المسارح زي البداية في الزواج يعني ببسطها لك انت اول ما تجي للوالدة تقول لها انا ابي الستر واحفظ عمري واهم شي الاخلاق ( زي ما قلت في بداية موضوعك لي وللعائلة ) كانك تقول زوجة اهم شي تجوز لامي الله يطول بعمرها وتجوز لخواتي وبعدين تقوم تجهز الصالة والعرس وتعزم الناس وانت مبسوط وفالها ومطلع قرض من البنك وبعد مايروحون المعازيم وتجي الصباحية والعروس تقوم تغسل وجهها من المكياج تبي توسوس بينك وبين نفسك وتقول شكلي توهقت بس لالا زينة .
ومثل منت عارف ان العروس في بداية الزواج تلبس كل يوم الجديد والزين من المكياج والعطور بعدين يقل العطاء من المدام وتبدا تفكر في الثانية والا تجمع فلوس وتطلع لاي بلد سياحي تخنبق فية
فانا وانت والكل المفروض نفكر من الاول ناخذ شي صح لك للزمن فانا كان لدي تجربة مع خمسة مسارح متعددة الميزانيات بداية بالقليل الي الكثير
اتمني انك فهمت القصد من كلامي والله يخلي حريمنا ( زوجتي جنبي )

هههههههه بصراحه مثال ولا اروع
حلوه شكلي توهقت بس لا لا زينه زينه

اتوقع بعد كلام اخوي ابو دانة راح تنفظ جيبك وتفكر في الافضل
وهونك على نفسك اصبر انت جهز امور التوصيل لمكان الاجهزه واسلاك السماعات وخلص صبغ وبعدين التف على الالكترونيات

[ولد المطر]

مشكور يا بو دانه على المثل وشكلي بسوي نصيحتك اني احتفظ بدراهمي الين اجيب شيء متوسط يدوم معي


العيوف , مشكور هذا اللي بيصير بأذن الله
لكن في نفس الوقت ما حددتولي يا شباب ودي اعرف وش الاسلاك المطلوبه عشان ااسسها ؟ واطوال واحجام السماعات علشان اسويلها فتحات في الجدار والسقف
ومساحة الجدار اللي بينعرض عليه البروجكتر ,, يعني هل اصبغه او اخلي مكان للشاشه او كيف ؟

يعني شوية اسئلة ياليت لو تعطوني علم عنها ,,,



وشاكر لكم مقدما يا شباب

[mz_milan]

^^^

هلا بك اخوي

كل شي يرجع لاستخداماتك وعدد الاجهزه الي عندك

يعني مثلاً كيابل HDMI شوف كم عندك جهاز بتوصل بالكيبل وشوف كم راح يكون مخرج لك راح تستخدمه من الرسيفر الصوتي هل 1 او 2 وبكذا تطلع بحسبة كيابل HDMI

كيابل الشبكه الي راح توصلها بالمودم احسبها وشوف كم تطلع

كيابل الكهرباء هل راح توصلها كلها في افياش بالجدار او بتستخدم توصيله ومنظم

كيابل الصوت للسماعات احسبها كامله من مكان موقع السماعه الى مكان الرسيفر وشوف كم تطلع متر للخمس سماعات وبكذا اشتري مجموع الامتار الي تبيها وتكفيها وزود عليها شوي تحسباً للضروف

كيبل السب اوفر اشتري كيبل Coxial وشوف كم تحتاج متر وفين راح تحط السب اوفر عشان توصله بالرسيفر

اذا بتركب بروجكتور راح تحتاج كهرباء للبروجكتور قريب منه وركب في الاعلب في السقف قريب منه افضل

وبالنسبه للشاشه اذا كانت كهربائيه ركب فيش كهرباء قريب منها

اذا بتركب شاشه تلفزيون ركبها في الجدار وخلي شاشة البروجكتور تنزل من امامها

يفضل ان يكون الجدار الي خلف شاشة البروجكتور من الالوان الغامقه خاصة الاسود او يليه الأحمر الغامق .. ولكن كل شي يرجع لديكور غرفتك هل رتح يناسب الوضع ام لأ


الله يوفقك ويسهل امرك