أبو خالد في بلاد العجائب
ورحلت البحث عن أفضل مشغل مالتيميديا
اللي يشوف العنوان يظن اني بكتب تقرير عن سفرية في الصيف، لكن بالحقيقة هي عن بعض التجارب اللى مريت فيه مع أجهزة المالتيميديا.
WD ثم الاكستريمر ومن ثم الى البوب كورن .. واخيراً الوقوف عند محط الـ HTPC وإن شاء الله يكون الأخير على ماظن من بعد ماشفنا العجائب
في البداية الكل كان متحمس مع الاخ الظريف WD الإصدار الاول، رغم ان مايدعم الترجمة وكل واحد يتفنن علشان يضيف الترجمة .. والشركة في ذاك الوقت كانت ساحبه علينا
بعدين نزل الاكستريمر الإصدار الأول وكانت ثورة وافضل من WD بمراحل بالذات بالترجمة لكن ماكان يدعم خامات الصوت HD Master Audio و Dolby TrueHD
وكان فيه بعض المشاكل مع بعض الأفلام اللى فيها فريم عالي وماكان يشغل المنيو اللي بالأفلام الأصلية
و بعدين مشاكل مع جاك بوكس الفاشل، والشركة بدال ما تحسن من مستوى الفيرموير والبرامج كل يوم منزلة جهاز جديد اكثر من شركة نوكيا.
فقررت اتركه وابحر الى الجزيرة المجاورة وحطيت عيني على البوب كورن وكان ممتاز بصراحه وأقوى من باقي الأجهزة في الأداء والمواصفات
ولما كنت افكر في HTPC ماكنت مقتنع اني احط جهاز كمبيوتر عند الشاشة وكنت اشوف ان البوب كورن ممتاز جداً لي بالرغم ان الاعدادات فيه صعبه جداً
وبالذات اعدادات الشبكة .. لكن كان مثالي بالنسبة لي.
ومرت الايام واكتشفت اني محتاج جهاز يشغل 3D رغم اني ماحب هذي التقنية لكن في بعض الافلام يمدحونه بالــ 3D.
فبداء عملية البحث من جديد فحطيت عيني على الموديلات الجديدة من الاكستريمر
لكن بنفس الوقت مو مقتنع نفسيا بهذا الاختيار واقول لنفسي (كل يوم جهاز.. جهاز ..جهاز(.
خلاص مابدهاش ياعمي لازم تخبط لك HTPC وتكل على ربنا
ومن الاشياء اللي حمستني للـ HTPC تجارب الشباب في المنتدى وزرت الاخ HAMANY وشفت الجهاز اللي عنده وأداءه وقام يسمعني مقطع فيه بيز و 3D و يحمسني
ثم بدأء عملية البحث.
أول شيء دورة على كيس يكون صغير اقدر احطه على الرفوف اللي عندي ويكون شكله جميل حتى لا يشوه المنظر العام ..
ثم بدأت بالبحث عن الماذر بورد وعرفت أن إنتل نزلت Chipset جديد وقته اللي هو Z77 وH77 كان باقي مانزل عندنا ولا في امريكا
وماكنت مستعجل فانتظرت أعتقد شهرين لين نزل في السوق ثم خذته.
ما طول عليكم أكثر من هذي العجائب اللي مرت علي وعلى الكثير منكم.
وأتركم مع القطع اللي تم إختيارها والصور
Case: MONCASO 320
Motherboard: Asus P8 Z77-M Pro
Processor: i7 – 2700K
Memory: Kingston Hyper X Plug n Play 8 GB Kit (4x2GB Modules) 1600MHz DDR3
SSD: Crucial 128 GB m4
HHD: WD 1TB Black SATA 3
Blu-Ray Drive: Lite-On iHBS212 12x
Power Supply: CORSAIR CX500
Fans: 3 x Fun 40mm
طبعاً انا بالغت في إختياري للــ i7 وكان الـ i3 يكفي
المجموعة كاملة
الماذر بورد
الكيس
من الداخل
الشاشة الامامية وفي بالاسفل مدخل ميوري و USB تحت الغطاء الامامي
محتويات الصندوق
المراوح مقاس 40مم
عجبني فيه وجود تحويله لسلك الكهربا ووجود براغي و ربلات تثبيت
تم تثبيت المراوح بالربلات واضن انهم افضل من البراغي ويساعد على تقليل صوت المراوح
البور سبلاي ركبت عليه لصقه إسفنج علشان أقلل من صوته أيضاً
بعد تركيب الجهاز
تم إضافة هاردسك إضافي لاحقاً 1 تيرا علشان أقدر أخزن عليه الافلام مؤقتاً اللي انسخها من البلوري الأصلي.
وبخصوص الريموت المرفق مع الكيس ممتاز لكن للأسف مافيه فأرة مدمجة .. علشان كذا استخدم مع الجهاز فأرة
Microsoft Touch Mouse
وبصراحه أبهرني مدى الوايرلس حق الفأرة قوي ولا فيه تقطيع لاني جربت قبلها فأرة لوجيتيك لكن للأسف خيبت ضني .
أتمنى أن التقرير عجبكم.
اقتباس
رد: رحلة البحث عن افضل مشغل
تقطعه في العافية وتتهنى فيه يارب 
1200 ريال بس
ولا هذا الشحن بس 
