مساعدة في تركيب شاشة بروجكترز

[naifaf]

السلام عليكم

شباب اليوم شريت شاشة بروجكترز كهربائية من الشدادي لكن للاسف توهقت بالتركيب ولا حصلت احد يعرف يركبها

ياليت اذا تخبرون فني في الشغله هذي في الرياض اكون شاكرلكم جدا

مع التحية

[wwww-e]

و عليكم السلام ورحمة الله وبركاته

اخوي انا ما حبيت اردك بما انه محد رد عليك و اتوقع ل سببين الى هم :

1_ يمكن مشغولين الشباب و محد فضي

2_ انت طالب او سأل غلط يعني من بيجيبلك فني من منطقتك او قريب عليك و هو ما يعرف وين انت ساكن ؟؟ و حتى لو يعرفون صعبه احد يوصفلك .


ف انا اقول احسن تصور لنا الشاشه (صور واظحه اذا تقدر) و تركز على اماكن التركيب الى فيها الفتح و كيف شكلها من قريب و بعيد و تصور لنا مكان التركيب و قطع التركيب يعني نوع المسامير المستخدمه و انت استخدامك لها ل شو بظبط و كيف تريد تركبها بما انها كهربائيه يعني في اكثر من مكان ممكن يكون مناسب لك لانه تطلع و تنزل .


طبعاً استخداماتك لها شي اختياري بس انا طالبه منك عشان يمكن واحد من الاخوان يوصفلك مكان افضل لك بنسبه لاستخدامك لها.

و انا طالب منك حجمها و كم سعرها و كيف هي معك بعد الاستخدام الله يحفظك, لاني ناوي على وحده ان شاء الله.

ان شاء الله بعد ما تجاوبنا اتفاعل معك انا و الاخوان و لا تهمل كلام اخونا AVC لانه مع احترامي للجميع و رأي الشخصي الافضل في هذا المجال من ردوده على الاعضاء تبين خبرته الكبيره في هذا المجال. بس هذا مو معناه تهمل كلام الاعضاء الثانين .

[mz_milan]

سامحني على القصور ياغالي واخونا www ماقصر معاك

لكن تعرف هالاوقات الناس كلها مشغوله خلاص الاختبارات واشغالها هي الي مقلله النشاط ومع الصيفيه راح يرجع النشاط ان شاء الله

لكن لو تروح اي محلات يبيعون شاشات وبروجكتورات راح تلقى ناس تركب بروجكتورات ولو تساله محلات الصوتيات مثل الدوليه وغيرها اكيد راح يدلونك على فنيين تركيب بروجكتورات ان شاء الله

ولو تراسل اخونا وحبيبنا AVC عن ناس تركب بروجتورات بالخاص ان شاء الله انه مايقصر معك وراح يفيدك

وفق الله الجميع يارب

[naifaf]

شكرا جزيلا اعزائي على تجاوبكم وماقصرتو الحقيقة

لكن ان شاء الله بركبها بنفسي لان العدة كلها خفيفة

شاكرلكم