فكرة الشراء الجماعي (Group Buy) من شركة SvSound

[GhStar]

السلام عليكم ورحمة الله وبركاته

مساء الخير - و تحيه طيبه للجميع

من فتره وانا اتواصل مع شركة SVS لاني ان شاء الله ناوي اشتري سبووفر من عندهم لي ولاحد اصدقائي - والشي اللي شد انتباهي لما قلت لهم اني يمكن اشتري 2 سبووفر عرضو علي تخفيض 5% ويمكن يزيد لو زدنا عدد المنتجات المشتراه من موقعهم

انا دائما في المنتديات الاجنبيه الاحظ الان الاعضاء يتفقوا و يتواصلو مع الشركات للتوصل الى اسعار مخفضه عن طريق الشراء الجماعي (Group Buy)

وحبيت اني اطرح هاذي الفكره في المنتدى واشوف ايش رأيكم ؟ اذا موافقين يصير نشوف كم العدد المطلوب من السبووفر او السماعات وارسلها للشركه لاجل توافينا بالتخفيض اللي ممكن يعطونا اياه من جهتهم وكيف راح يكون عملية الدفع والشحن لكل مشتري على حده

-------------------------------

نقطه ثانيه ذكروها لي بخصوص الشحن - انا ارسلت لهم عنواني البريدي في جده وهم اتراسلو مع شركة الشحن L&R Carriers واعطوني سعر شحن خرافي وهو 264 دولار فقط (غير شامل الضرائب او رسوم سمسرة ان وجد)

السعر شككني في اهلية هاذي الشركة اولا لاني شخصيا لم اسمع بها و ثانيا من ناحية سلامة الشحنة فطلبت منهم التأكد من شركة الشحن هل سيتم التأمين على الشحنه ضد الاضرار والتعويضات ام لا؟ وانا في انتظار ردهم

------------------------------

لكن في هاذي الاثناء حبيت اتأكد منكم اذا تأيدوا فكرة الشراء الجماعي للحصول على تخفيض من الشركة او لا؟ واذا نجحت الطريقة ممكن نطبقها على اكثر من شركة لتعم الفائده على اعضاء المنتدىودمتم سالمينموقع الشركة:

http://www.svsound.com/


اخوكم
ابو يوسف

[GhStar]

انا اول واحد اصوت بنعم

[زيـــود]

تخفيض 5% ويمكن يزيد لو زدنا عدد المنتجات المشتراه من موقعهم

هل العرض يشمل منتج واحد فقط ؟

يعني لو انا ابغى مثلآ سماعه وانت تبي ساب اوفر هل بيجي تخفيض 5%

[مشعل]

طيب متى ناوي تشتري ؟



انا يبيلي 3-4 شهور

[mz_milan]

حياك اخوي ابو يوسف

السعر للشحن مره رائع بس هل هو على السب اوفر الاعلي لديهم الالترا ؟؟ لانه مره ثقيل ... انا اقل شي لقيته 900 دولار

طيب الجمارك يوم يشوف انه جاية كميات حتى لو كانت لمجموعه من الشباب الافراد غير التجار هل راح يعتبرها لشخص لا تجاريه ؟؟ هذي نقطه مهمه !!

انا لو ماشتريت السب اوفر زمان كان خشيت معكم والله .. لكني خسرت بما فيه الكفايه

موفقين يارب

[East25]

انا صوت بنعم والفكرة اشوفها ممتازة اذا كنتم من نفس المنطقة لان اذا كانت الطلبية لمناطق متعدده راح تصير شوي صعبة وبعدين عندك تجربة لاحد الاعضاء طلب له بكج سماعات ونشبت في الجمارك وهي استخدام شخصي له

فما بالك لو كانت نفس المنتج كـ سبوفر واكثر من حبة هذي بدون مشاورة راح يقفلون عليها في الجمارك ويبدا مسلسل الاوراق والمعاملات اللي مايخلص

الله يوفقك يارجال ومبروك مقدمــا

[GhStar]

تخفيض 5% ويمكن يزيد لو زدنا عدد المنتجات المشتراه من موقعهم

هل العرض يشمل منتج واحد فقط ؟

يعني لو انا ابغى مثلآ سماعه وانت تبي ساب اوفر هل بيجي تخفيض 5%

حياك الله اخوي زيود - المفترض انه مو لازم يكون نفس المنتج - لان الغرض من الشراء الجماعي ارضاء الطرفين - يعني الشركة تبيع اكثر والمشتري يستفيد من التخفيض المتاح

يعني مثل فرق السعر بين البيع بالجمله والقطاعي

[AVC]

الفكره جيدة و من زمان يسوونها في امريكا Power Buy لكن ماودي احطمكم بس تحتاجون تتاكدون من موضوع الجمارك .

شهادة المواصفات تكلف عادة ثلاث الاف ريال وفوق غير شهادة المنشأ الفواتير الأصليه مصدقة التخليص و الجمارك الخ .

الجمارك اذكر كان يدرسون منع الأستيراد بغرض التجاره للأفراد وللشركات الأستيراد حسب السجل التجاري .

موفقين ان شالله

[GhStar]

طيب متى ناوي تشتري ؟



انا يبيلي 3-4 شهور

انا كنت مخطط اشتري السب في هاذا الشهر - لكن لو راح يعطونا تخفيض محرز اكيد راح انتظر - انت خليك جاهز اخوي مشعل

حياك اخوي ابو يوسف

السعر للشحن مره رائع بس هل هو على السب اوفر الاعلي لديهم الالترا ؟؟ لانه مره ثقيل ... انا اقل شي لقيته 900 دولار

طيب الجمارك يوم يشوف انه جاية كميات حتى لو كانت لمجموعه من الشباب الافراد غير التجار هل راح يعتبرها لشخص لا تجاريه ؟؟ هذي نقطه مهمه !!

انا لو ماشتريت السب اوفر زمان كان خشيت معكم والله .. لكني خسرت بما فيه الكفايه

موفقين يارب

السعر على السب PB-13 Ultra السعر اللي حطيته لشركات الشحن الكبرى مثل فيدكس و دي اتش ال - واحتمال يكون الشحن بحري او ماهو مستعجل عشان كذا السعر منخفظ - لكن ننتظر ردهم ونشوف

حسب علمي وحسب القروب باي اللي حضرته لاحد المنتديات الاجنبيه (طبعا هنا احنا نتكلم عن سعر المنتج فقط غير شامل الشحن) عند تقديم العدد النهائي المطلوب للمنتجات - هنا الشركه راح تدرس الطلب وراح تعطينا التخفيض من طرفهم - وراح يعطونا رقم كوبون التخفيض اللي راح نستخدمه وقت اتمام عملية الشراء

بعدها كل عضو راح ينفذ عملية الشراء عن طريق موقع الشركة باستخدام الكوبون للحصول على التخفيض المتفق عليه سابقا

واخيرا راح يتم شحن كل منتج لعنوان المشتري حسب عنوانه - وما راح يرسلو المنتجات كلها في شحنه وحده - يعني الجمارك راح تتعامل مع الشحنات كانها شحنات منفصلة

بالعكس انا بعد ماقريت موضوعك قررت اخذ الاترا

[GhStar]

انا صوت بنعم والفكرة اشوفها ممتازة اذا كنتم من نفس المنطقة لان اذا كانت الطلبية لمناطق متعدده راح تصير شوي صعبة وبعدين عندك تجربة لاحد الاعضاء طلب له بكج سماعات ونشبت في الجمارك وهي استخدام شخصي له

فما بالك لو كانت نفس المنتج كـ سبوفر واكثر من حبة هذي بدون مشاورة راح يقفلون عليها في الجمارك ويبدا مسلسل الاوراق والمعاملات اللي مايخلص

الله يوفقك يارجال ومبروك مقدمــا

والله ياخوي طلال انا سماعات السراوند والسراوند باك اشتريتها من النت عن طريق ارامكس والحمد لله دخلت من دون مشاكل - بس اللي صار انهم فتحو كل الكراتين مع انه كان مبين ان السماعات كلها متشابهه

وزي ماذكرت لمحمد احنا ممكن نتفاهم مع الشركه انها ترسل كل سب لعنوان مختلف

[GhStar]

الفكره جيدة و من زمان يسوونها في امريكا Power Buy لكن ماودي احطمكم بس تحتاجون تتاكدون من موضوع الجمارك .

شهادة المواصفات تكلف عادة ثلاث الاف ريال وفوق غير شهادة المنشأ الفواتير الأصليه مصدقة التخليص و الجمارك الخ .

الجمارك اذكر كان يدرسون منع الأستيراد بغرض التجاره للأفراد وللشركات الأستيراد حسب السجل التجاري .

موفقين ان شالله

فهاذي معاك حق اخوي بندر - انا فاكر كنت ناوي اشتري السماعات باسم المؤسسه حقتي عن طريق شركة TNT و DHL وكلهم طلبو مني شهادة مواصفات وشهادة منشأ - فرحت اشتريها باسمي الشخصي مو باسم المؤسسه

السؤال اخوي بندر: هل راح يفرق اننا نتفق مع الشركه انها ترسل الشحنات في ايام مختلفه وعن طريق DHL ويكون الشحن اكسبريس يصير قدام الجمارك استخدام شخصي؟

وشاكر مروركم وتفاعلكم مع الموضوع

[m.k.j]

أخوي انا ابغى اشتري سماعات وسب اوفر من ياماها ورسيفر من ياماها او انكيو .. اذا ناسبني سعرهم مع الشحن والضمان فأنا معاك

[AVC]

فهاذي معاك حق اخوي بندر - انا فاكر كنت ناوي اشتري السماعات باسم المؤسسه حقتي عن طريق شركة TNT و DHL وكلهم طلبو مني شهادة مواصفات وشهادة منشأ - فرحت اشتريها باسمي الشخصي مو باسم المؤسسه

السؤال اخوي بندر: هل راح يفرق اننا نتفق مع الشركه انها ترسل الشحنات في ايام مختلفه وعن طريق DHL ويكون الشحن اكسبريس يصير قدام الجمارك استخدام شخصي؟

وشاكر مروركم وتفاعلكم مع الموضوع

اذا شحنت كل شي لوحدة اتوقع راحت الفايدة و اللي هي توفر في الشحن و الشراء ولا لا ؟

الامور تعود لموظف الجمارك ممكن يمشيها و ممكن لا و بالنسبه للأوراق ... شهادة المنشا و الفواتير امرها سهل و لا تكلف ذاك المبلغ ,,,, مربط الفرس هي شهادة المطابقة (المواصفات ) فهي المرهقه ماديا وهي اللي ترفع السعر .

لو طبق النظام بحيث انهم يقبلون الشهادة من UL و من CE اللي هي مطبقة في امريكا و اوروبا بالنسبه للجودة بدون فرض اي رسوم اضافيه كان تتغير الأسعار .

اعتقد الفكره ممكن تكون مجدية اقتصاديا في حاله وحدة
العدد يكون كبير ... مثلا 20 الي 30 شخص
الشحن يكون بحري بحيث تقل تكلفه الشحن مقارنه بالجوي مع ان اسعار الشحن البحري ارتفعت حوالي 400% في الخمس سنوات الأخيره
وقتها حتي عند دفع رسوم المواصفات المبلغ يكون معقول نوعا ما .

تقبل التحيه

[GhStar]

أخوي انا ابغى اشتري سماعات وسب اوفر من ياماها ورسيفر من ياماها او انكيو .. اذا ناسبني سعرهم مع الشحن والضمان فأنا معاك

حياك الله اخوي m.k.j حاليا فكرة الشراء الجماعي من شركة SVS وغير كذا السستم اللي انت طالبه موجود له وكيل عندنا بالسعودية وهو (الدوليه) الافضل تتواصل معاهم.

[GhStar]

اذا شحنت كل شي لوحدة اتوقع راحت الفايدة و اللي هي توفر في الشحن و الشراء ولا لا ؟

الامور تعود لموظف الجمارك ممكن يمشيها و ممكن لا و بالنسبه للأوراق ... شهادة المنشا و الفواتير امرها سهل و لا تكلف ذاك المبلغ ,,,, مربط الفرس هي شهادة المطابقة (المواصفات ) فهي المرهقه ماديا وهي اللي ترفع السعر .

لو طبق النظام بحيث انهم يقبلون الشهادة من UL و من CE اللي هي مطبقة في امريكا و اوروبا بالنسبه للجودة بدون فرض اي رسوم اضافيه كان تتغير الأسعار .

اعتقد الفكره ممكن تكون مجدية اقتصاديا في حاله وحدة
العدد يكون كبير ... مثلا 20 الي 30 شخص
الشحن يكون بحري بحيث تقل تكلفه الشحن مقارنه بالجوي مع ان اسعار الشحن البحري ارتفعت حوالي 400% في الخمس سنوات الأخيره
وقتها حتي عند دفع رسوم المواصفات المبلغ يكون معقول نوعا ما .

تقبل التحيه

للاسف الجمارك ماتعطيك الفرصه انك توفر في الشحن لانهم راح يدققوا اذا كانت الشحنه كبيره - التوفير اللي كنت اتمناه هو على سعر المنتج لان احيانا التخفيض ممكن يوصل لـ 20%

وحتى الشحن البحري الجمارك راح يطلعولنا بافلامهم المعتاده والواحد ماراح يخلص معاهم

على كذا خليني بس اتأكد من الشركة عن قيمة الشحن المفرد وان شاء الله يكون العرض صحيح يصير اقلها وفرنا في الشحن لانه مرهق

[GhStar]

اعزائي جاني التأكيد من شركة SVS ان سعر شحن PB-13 Ultra هو 264 دولار شامل التأمين على الشحنه - لكن راح يوصلوها لمطار جده Door To Airport

ما ادري هل في احد جرب يستلم شحنته عن طريق المطار؟ و كيف تعامل جمارك المطار مع الشحنات؟ (انا سمعت انهم يغثو الواحد اذا جا يستلم الشحنه) وهل رسوم الجمارك 5% او تغيرت؟

شاكر لكم

[AVC]

اعزائي جاني التأكيد من شركة SVS ان سعر شحن PB-13 Ultra هو 264 دولار شامل التأمين على الشحنه - لكن راح يوصلوها لمطار جده Door To Airport

ما ادري هل في احد جرب يستلم شحنته عن طريق المطار؟ و كيف تعامل جمارك المطار مع الشحنات؟ (انا سمعت انهم يغثو الواحد اذا جا يستلم الشحنه) وهل رسوم الجمارك 5% او تغيرت؟

شاكر لكم

السلام عليكم

افضل شي تروح بنفسك و تأكد لهم ان هذي شخصية و شريتها لأنها ماهي متوفره محليا و عادة اذا جايه بأسم شخص و قطعة واحدة مايعقدون الأمور بس حاول توقف علي روسهم و هم يطلعونها من المستودعات لأن تعامل العماله مع الشحنات للأسف الشديد غير جيد ( احيانا تجينا بضاعه بدون كرتون !!)
طبعا هي لفه مابين الجمارك و الخطوط و التفتيش فحاول تكون مفضي نفسك و رايح شوي بدري او مثلا تروح اليوم و تسحب البوليصة و تتاكد وش الأوراق المطلوبة و من بكرى تجي و تبدأ في الأجراءات .

الرسوم علي الألكترونيات مابين 0 الي 20 % حسب المنتج . السوبوفر 5% .

موفق وتقبل التحيه

[GhStar]

والله هلذا اللي انا خايف منه يابندر لكن على رايك خليني اعطيهم زياره اول شي واشوف كيف الوضع عندهم

انا للان ماتميت عملية الشراء من SVS لكن شكلي بستخير واتوكل على الله

والله لايحرمنا من معلوماتك ونصائحك المتواصله

[mks_95]

انا اشوف سعر الشحن ممتاز والسبووفر يستاهل الشقى..

موفق ان شاء الله..

[mz_milan]

والله سعر الشحن لقطه يابو يوسف

الله يتمم لك على خير