السلام عليكم
سامحوني كثرت عليكم بمواضيع الأستفسار وانا دائما احاول اقلل من مواضيع استفساراتي برجوع للمواضيع القديمه الي انا فتحتها واكمل مشاركتي فيها .. لكن الحين الموضوع هذا جديد علي ويتناول حكايه ثانيه الي هي ما بعد شراء السماعات
استفساري هو ماهي الأسلاك الي احتاجها لنظام السماعات الي ان شاءالله قريب باشتريهم 5.1
وكم عدد الأسلاك ؟
البنانا بلق اعتقد راح تكون من ضمنهم هل تنصحون اني اطلبها من مونوبرايس ؟ هل هناك اسلاك تنصون اني اطلبها من منوبرايس ؟
وانا معزم اشتري الرسيفر من الدوليه هل يوفر الدوليه جميع الأسلاك الي احتاجها ؟
وبخصوص مكان سماعه السيراوند هل هناك ارتفاع محدد لازم اخليه ؟
لاني ناوي اخليه على ستاند وراح افصله لكن ابغي احدد طوله كم ؟
السبب الي خلاني احطه على الستاند اهو لمناسبه الديكور لاني راح اعمل النظام المسرحي في الصاله و الصاله
ياليت تحددون لي اماكن السماعات
ان شاءالله هذا الموضوع بتوضع فيه جميع استفساراتي عن المسرح ولو استصعب علي تركيبه بارجع لكم من خلال هذا الموضوع
في انتظار اجاباتكم
تحياتي لكم