هل البلايستيشن يدعم تشغيل اقراص البلوراي ثري دي ؟

[Google]

السلام عليكم .

إخواني أنا ناوي على شاشة 3d 55" c7000 led لكن لقيتها بـ11500 مع 3 نظارات وكم فلم فقط , والبلوراي سعره 700-1000 ريال ,, وأنا عندي بلايستيشن هل يكفي لتشغيل أفلام البلوراي عليه ؟

ولا أحتاج لمشغل ؟
وإذا أحتاج هل مشغل البلوري نوع s370 يدعم 3d ?

وما أفضل أفضل شاشة led 40" حالياً ؟

[مزيد الدوسري]

ps3 يشغل افلام البلوراي، لذلك اذا عندك ps3 بيغنيك انك تشترك مشغل بلوراي بذاك القيمة

بنسبة انه يشغل 3D مب متأكد الأخوان ان شاء الله يفيدونك

[mz_milan]

هلا بك ياغالي

نعم الـ PS3 يشغل افلام البلوراي لكن حسب نظام جهاز الـ PS3 اذا كان PAL راح يشغل الافلام الاوروبيه والشرق اوسطيه واذا كان NTSC راح يشغل الافلام الأمريكيه فقط

واكيد الافلام الهديه مع الشاشه اوروبيه وراح تشتغل واذا تبي تشتري من برا الافلام تاكد اول انها اوروبيه او انها تشتغل على جميع الأنظمه لان في بعض الافلام تكون Multi Region وتشتغل على كل الأنظمه

بالنسبه للمشغل S370 ليس 3D ولكن S470 يدعم 3D

بالنسبة للشاشات مافي حاجه اسمها افضل لكن يوجد موديلات جديده جيده ولكن بعضها لم ينزل لكن الي متوفر بالسوق عندنا التالي

NX720 حجم 40 بوصه و LED 3D وسعرها حوالي 7 الاف

ويوجد بعدها D6600 حجم 40 بوصه LED 3D وسعرها حوالي 6500 ريال

وفق الله الجميع

[F H D]

الـ PS3 نزل له تحديث سوفتوير واصبح يدعم تشغيل الـ 3D

[Google]

مشكورين إخواني ,

وأنا قصدي بشاشة led 40" إنها تكون شاشة عادية بدون 3d , و الـ55" 3d led في ايش تنصحوني ؟ الـc7000 قريت بأنها تعاني من مشكلة تسريب الإضائه !!

والوكالة ما يدرون متى ينزلون موديل d7000 مع إنه في المخازن من كم أسبوع !

[mz_milan]

^^^

40 بوصه من غير 3D اشوف شاشة سامسونج D5000 اتوقع سعرها ب 3900 ريال

بالنسبة للـ 55 بوصه عندك NX720 سعرها ب 15 الف ريال مع بعض الاضافات وايضاً سامسونج D7000 و D8000 من سامسونج يمكن ترا تنزل قريب بس هم يبون يخلصون C7000 من السوق ويخرجون الموديلات الجديده (سياسه غبيه وتجبر الناس على شراء القديم)

الحل انك تصبر شوي كم اسبوع وتلقاها بالسوق لو تبي سامسونج او خذ السوني الي قلتلك عليها

وعلى فكرة ترا تسرب الاضائه موجوده في 90% من شاشات LED وهذا شي مو غريب ونادراً تلقى شاشة من غير تسرب او مشكلة الغيوم في السوق

واذا تبي شاشة سوداء ومن غير تسرب وغيوم اتجه للبلازما

الله يوفق الجميع

[SHEVA]

^^^

40 بوصه من غير 3D اشوف شاشة سامسونج D5000 اتوقع سعرها ب 3900 ريال

بس ياخوي لفيت السوق كامل ماحصلت D5000
لابالبطحاء ولا بالوكيل المتبولي
وين ممكن احصلها

[ضياء3D]

حبيبي اتوكل على الله واشتري c7000 لاني اشتريتها منذ عشرة ايام وهي تحفه بكل معنى الكلمه وقد اشتريتها ومعها هديه مشغل بلو ري ثري دي من سامسونج ومع ذلك فاني العب عليها بالبلي 3 واشغل الالعاب ال3d وهي فله وممتعه وللعلم فان البلي 3 يشغل افلام ال3d اذا كنت محدث الجهاز على اقل تقدير التحديث رقم 3.55 اتمنى اني افدتك وحاضر لاي سؤال

[mz_milan]

SHEVA

غريبه ... هم نزلو الاسعا رخلص عليها وقالو قبل 15 يوم انهم بعد 10 ايام راح تنزل يعني المفروض هالاسبوع او القادم تكون موجوده وممكن تكون موجوده في بعض الفروع الرئيسيه في المدن

اصبر اسبوع او اسبوعين وتلقاها موجوده رغم ان البعض اذا ماني غلطان اشترى من الجديد ... غريبه والله

الله يوفق الجميع يارب

[SHEVA]

SHEVA

غريبه ... هم نزلو الاسعا رخلص عليها وقالو قبل 15 يوم انهم بعد 10 ايام راح تنزل يعني المفروض هالاسبوع او القادم تكون موجوده وممكن تكون موجوده في بعض الفروع الرئيسيه في المدن

اصبر اسبوع او اسبوعين وتلقاها موجوده رغم ان البعض اذا ماني غلطان اشترى من الجديد ... غريبه والله

الله يوفق الجميع يارب

بالرياض دورت باكسترا والوكيل المتبولي والبطحاء عن طريق محل كلمته جوال
لي ثلاث اسابيع فلوسي جاهزه داخ راسي من كثر ماسأل عنها
لو تعرف احد شراها من الرياض ياليت تقولي اي محل
ملاحظه ال 46 متوفره لكن ال 40 هي الي ماحصلتها
ويعطيك العافيه