أريد تجميعة مسرح مناسب لمساحة المجلس

[tabunayan]

السلام عليكم ورحمة الله وبركاته

شباب ابي الفزعة و ان شالله ما تقصرون

اريد استشارتكم ونصيحتكم في تجميع مسرح منزلي مساحة المجلس ليست بالكبيرة، طولها 7 وعرضها 5 تقريباً

المزانية تقريباً 10000 ريال

الي عجبني لحد الحين بعد ما بحثت من مواصفات الرسيفر مقتنع فيه بس السماعات لحد الحين ما ادري هذا الي حصلته

Onkyo receiverTX-NR1010

Onkyo sks-ht870 7.1 speaker

واحد من اصحابي ينصحني بسماعات Bose

Acoustimass® 10 speaker system
Acoustimass® 15 speaker system

وانتو شنو رايكم اذا عندكم اضافة تفضلو ومنكم نستفيد .

سأكون شاكر و مقدر على حسن تعاونكم معي .

سلام

[Werewolf]

انصحك بتجميعه الياماها المشهورة

NS777فرونت
NS444سينتر
NS333سيراوند

كلها على بعضها في حدود 3500 ريال تقريبا من دون الساب اوفر
ولو حاب تاخذ سابوفر YST-sw315 بيكون الأجمالي تقريبا في حدود 5000 او اقل

السماعات جدا ممتازة والكل يفضلها على سماعات البوس لان سماعات البوس في الأساس موجهه للموسيقى وليس للأفلام
سماعات الياماها افضل بكثير وراح تحس بعمق الصوت اكثر بحسب رأي اغلب الأعضاء

و بيتبقى لك 5000 ريال خلها للرسيفر
وانصحك تشوف رسيفرات الياماها RX-3010 او RX-2010 او RX-1010 او RX- 810

[tabunayan]

يعطيك الف عافية على مرورك وتقديم المشورة سيد Werewolf

احب اوضح نقطه مهمة انا تركيزي على الافلام و الرياضة اريد شي ادفع قيمته و متعني في مشاهدة الافلام اهم شي .


مواصفات مهمة جدا لي و من هذي المواصفات :

1- قابليه التطوير
2- خلو الموديل من المشاكل
3- توافق الجهاز مع السماعات
4- ميزة ال3D
5- ميزة مرور الصوت و الصوت عبر ال HDMI الى التلفزيون في حاله ان الجهاز في وضعية Stand By .
6- مخرج 7.1 حتى تشبك امبلفاير خارجي
7- برنامج من Apple او غيرها للتحكم في الجهاز عبر الجوال
8- مدخل شبكة و تختلف المواصفات من شركة لأخرى
9- مخرجين HDMI حتى استخدمها على الشاشة و بروجكتر
10- قابليه التحكم في اجهزة اخرى من نفس الشركة او شركات اخرى
11- طريقة وزن الصوت للنظام
12-تحسين الصورة
13- فل اتش دي للصوت و الصورة
14- دقة الوضوح 4K*2 1080p/24 1080p 1080i 720p 480p/576p 480i/576i

انا الان محتار منهو الي افضل من الثاني رسيفر

Onkyo receiverTX-NR1010
او
yamaha RX-3010

وبخصوص السمعات افضل شي اهيه تجميعه الياماها

NS777فرونت
NS444سينتر
NS333سيراوند
YSTسابوفرsw315

ما ابي اشتري شي وفي الاخير اندم عليه في انتظار المشورة يعطيكم الله الف عافية

[Mo0o0oNi]

السلام عليكم

شووف ياغالي بالنسبه للرسيفر الياماها ماعليه كلام وفيه جميع طلباتك وبزياده يمكن كمان اما الاونكيو صراحه ماعندي خلفيه عنه.. والياماها بكلفك تقريبا 6000 وشوي حاليا..

بالنسبه للسماعات ممكن تشووف الرابط فيه انواع مختلفه للسماعات اختارالي يناسبك مع السعر وان شاءالله ما نقصر معاك بالنصائح
http://www.avarab.com/vb/showthread.php?t=1808

بالتووفيق...


Sent from my GT-N7100 using Tapatalk 2

[tabunayan]

مشكور يا الغالي على ردك

محتار اي رسيفر راح يخدمني افضل

yamaha RX-A3020
او
yamaha RX-3010
او
yamaha RX-A2020

وسماعات الياماها التجميعة الاولى:

• الفرونت NS-777
• السنتر NS-444
• السراوند NS-333
• سبوفر YST-SW315

اهيه انسب اختيار حسب الميزاننية من 10000 الى 15000 في هل الحدود وحسب احتياجاتي الى ذكرتها فوق

ابي تأكيد اتوكل على الله لو في احد عنده اضافة و نصيحة .

[Werewolf]

السماعات ماعليهم كلام ولكن لو كنت تبغي حاجه افضل تقدر تاخذ سماعات السنترSOAVO 900c بدل 444 NS
بحسب كلام الأعضاء بأن سماعات سنتر السوافو افضل واقوى من NS444 وسعرها لحالها ريال 1220

الرأي الأول والأخير لك اخوي والي عليك تسويه هو انك تروح للمعرض وتسمع السماعات وتشوف هل هناك فرق يسوى انك تبدل سماعة السنتر وتاخذ السوافو او لا
وايضا بخصوص الساب اوفر تقدر تروح وتسمعه مع السماعات ولو عندك الأمكانيه تروح لمعرض المونيتر عندهم سابووفر من شركة velodyne السابوفر جدا ممتاز وقوي وسعره في حدود 3200 ريال تقريبا
ولو تتواصل مع اخونا ساهر جده ممكن يفيدك عن هذي السابووفر وممكن يوفره لك بسعر جيد

[him777]

السلام عليكم ورحمة الله

والله ياخوي أنا مالي خبرة أبد غير قراءاتي في هذا الصرح AVA بس عندي ملاحظة أتمنى إنها تكون بمكانها

ماشاءالله إذا ميزانيتك بتوصل ل 15000 فأشوف إن الخيارات أمامك أوسع من الياماها بكثير إذا تبغى خيار محلي عندك المونيتور RX6 وتوابعها بالخبر وإذا يمديك تروح للكويت عندك البولك RTi A9 وتوابعها ومادري إذا البردايم بتلاقي بالكويت في حدود ميزانيتك.

أما الرسيفر فالياماها أتوقع خيار موفق هذا لو لقيت الموديل الي تبغاه

أتمنى الشباب يفيدوك أكثر مني ويصححوا لي إن أخطأت في شيء

[tabunayan]

يعطيكم الله الف عافية على مروركم وتقديم مشورتكم

شكلها راح ترسي على هادي المجموعة

رسيفر

yamaha RX-A3020

وسماعات الياماها التجميعة الاولى:

• الفرونت NS-777
• السنتر NS-444
• السراوند NS-333
• سبوفر YST-SW315

شاكر لكم تعاونكم معي

[mz_milan]

^^^

اختيارات ممتازه لكن السنتر ضعيف خذلك Soavo افضل

والسب اوفر لو ميزانيتك مفتوحه وحصلت موديل 1500 خذه افضل من 315 .. واذا ماحصلت خلك على نفس الموديل

موفق ان شاء الله

[tabunayan]

السلام عليكم ورحمة الله وبركاته

أسعد الله أوقاتكم يا كرام..

أخيرا شريت رسيفر ياماها RX-V773
لأن موديل RX-A3020 ما حصلته في الدولية

وسماعات الياماها المجموع 8 سماعات :

• عدد 2 الفرونت NS-777
• عدد 1 السنتر NS-444
• عدد 2 السراوند NS-333
• عدد 2 السراوند NS-333
• عدد 1 سبوفر YST-SW315

الحين محتار في ترتيب السماعات الغرفة مساحتها 6*5 وحسب السامعات الي شريتها 7.1
ابي النصيحة أي شكل اتبع مع العلم

1. هل يوجد اختلاف بين الترتيب للنماذج المذكورة من ناحية الصوت للأفلام
2. كيف استفيد من ميزة CINEMA DSP
3. هل تنصحوني اشتري بعد سماعات السراوند NS-333

في انتظار ردكم
[IMG][/IMG][IMG][/IMG][IMG][/IMG][IMG][/IMG]

[East25]

وعليكم السلام والرحمة

اولا مبروك عليك المسرح بس عندي ملاحظة صغيرة يوم انك مالقيت 3020 ليه ماخذت 3010 او 2010 لاني اشوفهم افضل من 773

اما موضوع الترتيب فهذا هو الترتيب المثالي لهم


السبوفر تقدر تغير مكانه على حسب تجربتك مع الافلام وعلى حسب ترتيب الاثاث في الغرفة

اما موضوع سماعات الباك سراوتد بعد تجربتي لنفس الموديل اشوف انها مالها داعي بحكم قلة الاستخدام وذلك لقلة الافلام اللي تجي بصيغة 7.1

فنصيحة محب خلك على 5.1 افضل

تحياتي

[tabunayan]

مرحبا


شكراً للنصيحة المقدمة منك وعلى مرورك و التكرم برد


بخصوص رسيفر 3010 أو 2010 كنت مهتم بميزه 4k وما وجدتها في الاجهزة المذكورة و بعد المقارنة شفت الموصفات الي أبيها في جهاز 773 موجودة وان شالله ما اغلط في خياري .


بنسبة لترتيب السماعات نفس الي في بالي بس المشكلة زي ما ذكرت سابقا أنا شايف ميزة CINEMA DSP وحاب استفيد منها بس بترتيب الي انت ذكرته ما راح تشتغل معاي الميزه ما ادري إذا كان كلامي صحيح .


مشان كدى ذكرت إذا اقدر اشتري بعد سماعات السراوند NS-333
وركبها قدم فوق على اليمن و اليسار زي ما هو موضح في الصورة الأولى


وبخصوص سماعات الباك سراوتد حسب تجربتك لنفس الموديل اتشوف انها مالها داعي
طيب اقدر اشيلهم من الخلف واحطهم في الامام فوق يمين ويسار حق استفيد من ميزة CINEMA DSP


في انتظار ردكم مع الشكر

]

[East25]

بالنسبة للـ 4k مدري ليه مهتم فيه وهو لسه ماتوفرت في السوق شاشة الـ 4k اصلا بالاضافة الى المشغل فما بالك بالمحتوى اذا كان هذا اللي رجح لك الكفة فانا اشوفها ماتستاهل ولكن كل شخص وله حرية الاختيار

الشيء الثاني موضوع الـ DSP موضوع للياماها وفيه تشعبات كثيرة مدري اذا انت اول مرة تجرب مسرح منزلي والا عارف الموضوع وتبي ندخل بتفاصيل

وعشان نشغل الـ DSP انت محتاج لسماعات الـ Presence واللي عادة تكون اصغر من سماعات الـ NS-333 لانها تحتاج واط اقل وسرعة استجابة "وعن تجربة كانت مو لذيك الدرجة" جربتها مع فلم Watch Man المشهد اللي فيه الزجاج يتكسر كان صوت البريسنس مرة جيد

ومع باقي الافلام بالكاد كان يلاحظ هذا لان توجهي كانت افلام ولكن لما عدت نفس التجربة مع الموسيقى كان كلام ثاني يعني في بعض الالات الموسيقية تقدر تفرق الصوت وتشعر بالفرق في الصوت

بامانة اعجبتني مع الموسيقى وغير مفيدة مع الافلام هذي من وجهة نظري وتجربتي البسيطة

اذا كنت ملزم على السماعات ابدا مثل الاغلبية بنظام 5.1 وبعدين اعمل لك ترقية للنظام وسويه 7.1 او 7.2 ومن ثم 9.1 وفي الاخير 11.1 وبعدها اضيف لك امبليفير وهكذا

اذا كنت من متابعين الافلام ماراح تعجبك الاصوات كثر الصوت الخام واللي يفكه الرسيفير مثل ماهو بدون اي اضافات خارجية

تحياتي

[tabunayan]

شكراً لك مرة اخرى

بخصوص الريسفر كان اخياري على اساس انه جديد وفيه مواصفات للمستقبل زي ما ذكرت وبعد المقارنة السريعة لقيت ممكن زيادة عدد المداخل و المخارج الي مع 773 كفاية بنسبة لي وان شالله اكون موفق في اختياري .

انا اول مرة راح اجرب مسرح منزلي اليماها يعني من قبل عندي مسرح منزلي الجي في سي .

و سمعات Presence كم يجي رقم موديلها

مجموع السمعات الموجودة عندي 8 سمعات يعني حسب كلامك ارتبهم الترتيب المثالي الي انت ذكرته مع العلم انا ماعندي استاند يعني راح اركب السمعات الاربع الجانبية و الخلفية على الجدار في مشكلة لو اشتري استاند افضل لهم.

العبارة الي كتبتها ممكن تشرحها اكثر وشنو المقصود ( بدون اي اضافات خارجية )
(اذا كنت من متابعين الافلام ماراح تعجبك الاصوات كثر الصوت الخام واللي يفكه الرسيفير مثل ماهو بدون اي اضافات خارجية )

وتقبل مني فائق الشكر و التقدير

[East25]

شوف هالموضوع راح يفيدك

الى خبراء الصوت ارجوا توضح انواع قنوات الصوت المحيطي

سماعات البريسنس مو موديل واحد ولكن افضل شي جربته كانت الـ NSP-150PN تجي عدد 2 سراوند وحبة سنتر وسعرها في الـ 500 ريال

العبارة الي كتبتها ممكن تشرحها اكثر وشنو المقصود ( بدون اي اضافات خارجية )
(اذا كنت من متابعين الافلام ماراح تعجبك الاصوات كثر الصوت الخام واللي يفكه الرسيفير مثل ماهو بدون اي اضافات خارجية )

هذي كنت اقصد انك تاخذ الصوت اللي يجي معك من الفلم DTS مثلا وتشغله مثل ماهو بدون اي معالجة من الرسيفر واضافات عن طريق اي كود اخر او mode

بالتوفيق