المشاركة الأصلية كتبت بواسطة un.complexed
السلام عليكم ورحمة الله وبركاته ..
بعد التحيّة .. اتمنى مساعدتكم يا اخوان بموضوع الاسلاك
عندي مجموعة استفسارات ياليت تجاوبوني عليها
1- لقيت أسلاك مونستر للسماعات عند الدولية .. المتر بـ 20 ، السعر مو مهم .. لكن هل جودة السلك بتفرق معي من ناحية الصوت .. ولا بتفرق بعمر السلك فقط ؟
اذا سماعاتك كبيرة تأكد ان سماكة السلك تكون كافيه يعني 12 AWG اذا عندك سماعات كبار .. لان حتى لو السلك نوعيته كويسة بس نحيف يكون اضعف وعرضه للتلف مستقبلاً 
2- هل البنانا بلوق مهمّه وتفرق بجودة الصوت .. ولا عادي اشبك الاسلاك عاريه ؟ وسمعت كلام ان فيه انواع منها يجي نحاس خالص وانواع رخيصه .. فما ادري وش رايكم .. تنصحون بالسلك العاري .. او البنانا الرخيصه .. او الاصلية
كل اللي عندي اسلاك عاريه .. ما تفرق بجودة الصوت زي ما يفرق نوع السلك
3- بالنسبة لجهاز الاكستريمر برو .. هل احتاج سلك اوبتكال ؟ او كيبل الاتش دي يغني عنه وينقل الصوت ؟ مع العلم اني ما اشوف الا فتحه وحده للاتش دي
تكفي اذا كانت HDMI
4- وش اسم السلك الي ينشبك بالسب اووفر .. قريت عن اكثر من نوع واحدها كوكسيال اذا مانيب واهم بالاسم .. ياليت تذكرون لي انواع الاسلاك وافضلها
ميديا بريدج اللي حطها طلال من الانواع الممتازه انا استخدمها لسبوفرين عندي ولا عليها كلام
5- وش السلك الي احتاجه لربط اللاب بالرسيفر ؟
اذا كان فيه HDMI Out ما تحتاج الا الكيبل واعدادات بسيطه في الجهاز فقط
6- النقطه هذي طويلة بخصوص اجهزتي .. عندي :
أ- ps3 فات " الموديل الكبير القديم " على ما سمعت انه مايدعم نقل الصوت بكيبل الاتش دي
ينقل الصوت اتش دي .. لكن الفات اعتقد ما يدعم صوت DTS-MA ولا Dolby TrueHD
ب- اكستريمر برو
ما عندي خلفية عن هالجهاز لكن اعتقد ا نك ما تحتاج له اوبتيكال اذا كان في HDMI ويدعم نقل الصوت
ج- اكس بوكس 360
د- لاب
اذا كان فيه HDMI Out ما تحتاج الا الكيبل واعدادات بسيطه في الجهاز فقط
كم عدد كيابل الاتش دي الي اخذها لهالاجهزة ؟ .. وكم عدد الاوبتيكال " اذا كنت احتاجها " .
ممكن فيه اسلاك اضافيّة مهمّة احتاجها وناسيها .. او اجهلها وما اعرفها فـ ياليت تنصحوني
حط الأجهزة اللي تبي تشكبها ببعض وشي .. هل فيه شي غير اللي فوق ؟؟ هل راح تشبك الاجهزة ذي على شبكة؟؟ اذا نعم، بتحتاج اسلاك شبكة
7- وش الاضافات الي تنصحوني فيها .. سواءً كانت اسلاك تنقصني او اكسسوارات اضافيّة كـ اجهزة اربطها بالرسيفر مثلاً
اذا انت مركب جبسبورد هل تبي Wall Plate اللي تجي على الجدران؟؟
والمعذرة لو طوّلت عليكم .. على كثر الاسئله حسّيت اني مقدّم لكم ورقة اختبار
واعذروني لـ " كثر الاسئلة " .. والف شكر لكم مقدّما
اقتباس
