إعلانات

الموضوع: عزل الصوت واضافة القماش

النتائج 1 إلى 12 من 12
  1. #1
    عضو نشيط الصورة الرمزية mlakaaa3
    الـعـضـوية
    277
    الإنـضـمـام
    May 2011
    الإقـــامـــة
    السعودية - الرياض
    المشاركات
    297
    قدم شـكـره
    525 مرة
    تـم شـكـره
    418 مرة في 117 مشاركة

    HDTV : Panasonic Projector : JVC DLA-70X Projector Screen : SI BD 133" 2.35 HTPC : HTPC Lian PC-C60 Consoles : PS3 Slim AV-Receiver : Yamaha RX-A2000 Amplifier : Anthem MCA-30 HT Speakers : Paradigm Studio 100 Subwoofer : Dual SVS PB13-Ultra

    عزل الصوت واضافة القماش

    السلام عليكم ،،

    بإختصار شديد شديد .. عندي غرفة سينما ابي ألبس جهة منها صوف صخري 2.5 سم وبعده 1 سم اسفنج وبعدين يجي فوقة قماش. بالإضافه إلى تركيب bass traps في الزوايا وفي اعلى الغرفة ملبسة بقماش خفيف .. المشكلة عندي وين القى محل يسوي لي تركيب العزل والباس ترابس وفوقة قماش في الرياض، انا ابي اركب القماش على الصوف والاسفنج (قليل الكثافة) ما ابي يسوي لي اسفنج على صاجة ولا فايبر. لو بيركب صاجة يركبها ورى الصوف.
    دقيت على اكثر من مهندس صوت يصيرون يبون جبس ويركبونه في الجدار وخرابيط ما يبون وراها الا زيادة دراهم، وانا اعرف وش ابي بس ما لقيت اللي يسويه
    اقدر اجيب عامل بيومية يسوي لي الصوف ولا اسوي انا ما يبيلها معلم .. بس القماش والاسفنج قلق، عشان تضبطه يبيلك واحد فنان

    احد يعرف محل ولا شخص يسويها؟

    شكرا
    التوقيع :
    ملكع ،، أبو لينا

  2. تلقى mlakaaa3 شكراً على هذه المشاركة من:


  3. #2
    عضو الصورة الرمزية ابودانة
    الـعـضـوية
    214
    الإنـضـمـام
    May 2011
    الإقـــامـــة
    السعودية - الخبر
    المشاركات
    80
    قدم شـكـره
    43 مرة
    تـم شـكـره
    79 مرة في 23 مشاركة

    رد: عزل الصوت واضافة القماش

    نصيحه ابعد عن الصوف الصخري لن الدراسات اثبتت ان استشاق الصوف الصخري من مسببات مرض السرطان كفانا وياكم وجميع المسلمين شر هذا المرض ( سرطان الرئه) وتم اصدار تعميم من وزارة الصحة والخدمات الطبية بالقوات المسلحة بضرورة اتلافه اواستبداله في جميع اقسام المستشفيات .
    وشكرا

  4. قدم 10 من الأعضاء شكرهم إلى ابودانة على هذه المشاركة:


  5. #3
    عضو نشيط الصورة الرمزية mlakaaa3
    الـعـضـوية
    277
    الإنـضـمـام
    May 2011
    الإقـــامـــة
    السعودية - الرياض
    المشاركات
    297
    قدم شـكـره
    525 مرة
    تـم شـكـره
    418 مرة في 117 مشاركة

    HDTV : Panasonic Projector : JVC DLA-70X Projector Screen : SI BD 133" 2.35 HTPC : HTPC Lian PC-C60 Consoles : PS3 Slim AV-Receiver : Yamaha RX-A2000 Amplifier : Anthem MCA-30 HT Speakers : Paradigm Studio 100 Subwoofer : Dual SVS PB13-Ultra

    رد: عزل الصوت واضافة القماش

    إقتباس :
    المشاركة الأصلية كتبت بواسطة ابودانة مشاهدة المشاركة
    نصيحه ابعد عن الصوف الصخري لن الدراسات اثبتت ان استشاق الصوف الصخري من مسببات مرض السرطان كفانا وياكم وجميع المسلمين شر هذا المرض ( سرطان الرئه) وتم اصدار تعميم من وزارة الصحة والخدمات الطبية بالقوات المسلحة بضرورة اتلافه اواستبداله في جميع اقسام المستشفيات .
    وشكرا
    شكرا لك يبودانه .. معك حق والله، فيه ماده مصنوعة من الفايبر قلاس http://www.afico.com.sa/index.php/pr...stical-ceiling
    ممكن تستخدم مب شرط صوف صخري بس وين نحصلها ومين يقدر يركبها لي؟
    شكرا
    التوقيع :
    ملكع ،، أبو لينا

  6. تلقى mlakaaa3 شكراً على هذه المشاركة من:


  7. #4
    عضو

    الـعـضـوية
    2160
    الإنـضـمـام
    Nov 2012
    الإقـــامـــة
    السعودية - الرياض
    المشاركات
    33
    قدم شـكـره
    11 مرة
    تـم شـكـره
    45 مرة في 11 مشاركة

    رد: عزل الصوت واضافة القماش

    السلام عليكم ورحمة الله وبركاته ..

    ياغالي الواح الجبسمبورد العزل فيها قوي .. وادائها جيّد جداً مع الصوف الصخري

    الطريقة المتعارف عليها انك تسلّم مجلسك او غرفتك لمكتب مقاولات وديكور .. وهالمكاتب تقدر تطلب منهم الي تبيه ويسوونه بخبرتهم .. لو تبيهم يهدمون غرفتك ويبنونها على شكل الفيصليّه ههههههه ، يعني مايعوق معهم باس ترابس او صوف صخري او اقمشه مشتته للصوت

    وبذكر لك طرق عزل اخرى متاحه لك .. تقدر تختار الي يناسبك منها وتقدر تبقى على طريقتك

    روح لمكتب مقاولات وديكور محترم واطلب منه الآتي :

    1- تثبيت ألواح جبسمبورد بجميع جدران الغرفه " ولا تدقق بنوعيته " .. ولا تتفلسف من ناحية النوع .. خذ لك جبسمبورد سعودي .. تكلفته رخيصه جدّا وبيعطيك نفس الاداء ، و بتلقاها عند نفس مكتب المقاولات وعندهم اقمشه عاكسه للصوت وعندهم فلّين

    2- بعدها يُثبّت الصوف الصخري على الجبس " يفضّل تثبته بغراء بعبوّه زرقاء ناسي اسمه .. لكن اسمه فيه بلو ويفيدونك الشباب فيه " .. او تثبته عن طريق التدبيس ، الصوف الصخري يكون بسماكة 5 سم وكثافة 100% .. تشتريه من المصنع السعودي للصوف الصخري ( سعره 20 ريال للمتر المربع ) ان ماخاب ظنّي .. ورقم المصنع تلقاه بقوقل

    3- ياخذون مسافة فراغ 2 ونص سم الى 5 سم بعد الصوف الصخري

    4- يثبتون الواح جبسمبود مرّه اخرى للتغطيه ، وتقدر تضيف اشكال بهاللوح الاخير مثل الادراج او اطارات للوحات او رفوف للتحف او ديكور للاقمشه العازله للصوت او اخفاء اسلاك السماعات بحيث انه يمدد لها من خلف الجبس او حتّى رف حامل للشاشه والسماعات من غير زيادة بالتكلفه .. او زياده لا تُذكر

    وطبعا تقدر تضيف طبقات اخرى فوق الصوف الصخري قبل لا تاخذ مسافة الفراغ .. مثل تثبيت فلّين على الصوف الصخري او الـ سونو .. او تدبّل الصوف الصخري .. او تحط مجموعة طبقات وفي هالحاله بتكون مخاطره لان الصوت بالغرفة ممكن ينكتم .. وتصير نتيجة العزل عكسيّه عليك .. بحيث انك بداخل الغرفه تسولف مع خويك وخويّك يسمعك بصعوبه وتحس صوتك مكتوم ولو تصفّق بيديك تسمع صوت التصفيق كأنه رنّه مشوّهه .. والاسم العلمي لهالحاله " الرنين " وفيه ناس كثير يطيحون بهالخطأ لذلك اشوف انك ماتبالغ بالعزل عشان تتجنبه والصوف الصخري اشوفه اكثر من كافي

    عموماً كل الي ذكرته لك .. عرضته على مكتب مقاولات وكان بيكلّفني 3500 او 4000 بالكثير على غرفة 5 ونص في 4 .. واضمن لك نتيجة عزل صوت فوق احتياجك ومرضيه جدّا جدّا لك ان شاء الله ، طريقة عزل الصوت هذي يستخدمونها المقاولين بصالات الافراح .. لكن بالفلين مو بالصوف الصخري .. واشوف الصوف الصخري افضل

    قبل مكتب المقاول كنت بتهور مع مهندس صوت لقيته بالنت .. كان بيضبط لي الغرفة بشكل احترافي ومُبالغ فيه .. وكان السعر غالي على غرفتي .. بـ 12 الف وبتكون بالشكل هذا




    لكن ما انصحك تسوّيها ابد ابد ابد .. برأيي هالحركه تنفع للاستديوهات الي فيها سمّاعات كثر التراب وتراها فوق احتياجك بمراحل

    من ناحيتي استخرت من هالامور كلها وماسويّتها بحكم اني مستأجر البيت الي انا فيه فـ اكتفيت بعزل آخر جيّد وبتكلفة اقل.. اكتفيت بشبّاك عازل " دبل " ولازم يكون ( بدرفتين ) يعني ينفتح الشبّاك زي الباب بمصراعين .. مايكون سحب وهذا اهم شي .. عشان يقدر يركب لك ربلات
    تكون قزازتين ملتحمه ببعضها من الاطراف والمسافه بينهم مفرّغه من الهواء .. بحيث ان الهواء اذا اخترق القزازه الاولى يموت بالمنتصف بين القزازتين .. وطبعا فيه ربلتين .. الشبّاك هذا كفيل بانه يعزل الحراره والغبار بنسبة 100% والصوت بنسبة 80%

    وطبعا تختلف السماكه من شباك لآخر على حسب طلبك انت .. وكل ما كانت السماكه اكبر كل ماكان افضل

    وركّبت باب " دبل " بنفس نظام الشباك .. بحيث انه يكون اغلبه زجاج والإطار ألمونيوم مع وجود ربلتين .. وشكله جميل جدّا جدّا وأنيق ، انا كنت رافض اركّب باب لان بتفكيري شكله بيكون كأنه باب مطبخ لكن انصدمت من التصاميم عندهم

    كلفني الشبّاك 700 .. وكلفني الباب 1400 ، انا اشوف انها كافيه جدّا بالنسبة لي بعد ما شفت واحد من الشباب مسويها قبل اسبوع ، ويفجّر الصوت لآخر شي واذا طلعت من الغرفه والله ما اسمع شي ، اللهم " زنّه " خفييييفه ما اسمعها الا اذا ركزت بقوه .. مع ان السب اووفر حقه قوي .. والفرونت rti a7 وطبعا الجدران عنده جدران عاديّه .. مافيها اي عزل ( لا تستحقر جدرانك او تقارن نفسك بالامريكان الي بيوتهم خشب .. ترا البلك نفسه عازل أليم )

    اذا حاب تتأكد اكثر .. انتظر اسبوع على ما اخلص من مجلسي ..وبنزّل لك مقطع فيديو وانا داخل الغرفة وخارجها .. وتشوف عزل الصوت بالشباك والباب اذا ناسبك تستخير مثلي وتاخذه

    واذا حاب بعد تقدر تسيّر علي بالبيت وتشوف نسبة العزل على الطبيعه .. واتشرّف فيك

    من ناحية : وين تفصّل الباب والشبّاك .. تفصلهم عند المصانع مثل صناعية العاصمة بالرياض ، لان المحلات الصغيره ترفض انها تفصل لك شباك واحد وباب واحد

    واذا انت بالرياض .. ماعندي مشكله ازوّدك بارقام اكثر من محل اذا ماعرفت وين تروح

    اهم شي فكّر زين ولا تتسرّع وتاخذ شي منت في حاجته وتتحسّف ، اذا قررت على مكتب مقاولات وديكور مر على اكثر من محل وشف تسعيراتهم عشان تكون عندك فكره وتختار الانسب لك .. وشيّك على البوماتهم ، بعضهم تلقى عندهم صور غرف سينما مسوينها وتكون عندهم خبره

    واذا قررت على الشبّاك والباب .. الاسعار الي حطيتها لك انا الاسعار المتوسطه لها

    انا والله اني مرّيت على اشكال ايام ماكنت افكر بالعزل .. كان كل تفكيرهم كيف يشفطون فلوسي خخ

    واعذرني لطول مشاركتي .. لكن شفتك تمر بشي مرّيت فيه انا قبل شهر ومريت بحيره الله لا يوريك .. فاهم رغبتك بانك تبي تاخذ راحتك من غير ماتزعج احد وتفكيرك احيانا يخلّيك توسوس تسوّي امور ماتحتاجها وتتخسر باشياء فوق حاجتك بمراحل لمجرّد انك تبي تستمتع بمسرحك

    الي ذكرته لك الشباك والباب .. اشوفهم حل معقول جدّا ومايكلفك

    واي استفسار او سؤال بفيدك بالي اقدر عليه ان شاء الله

    والله يوفقك وان شاء الله تحقق العزل الي ببالك

  8. قدم 14 من الأعضاء شكرهم إلى un.complexed على هذه المشاركة:


  9. #5
    عضو مشارك الصورة الرمزية They Ultimate
    الـعـضـوية
    423
    الإنـضـمـام
    Jul 2011
    الإقـــامـــة
    السعودية - الرياض
    المشاركات
    152
    قدم شـكـره
    544 مرة
    تـم شـكـره
    199 مرة في 59 مشاركة

    HDTV : SONY 46W550 Projector : JVC 550 HD HTPC : HTPC Consoles : PS3 AV-Receiver : ONKYO TX-SR607 HT Speakers : JAMO 608 Subwoofer : JAMO SUB 300

    رد: عزل الصوت واضافة القماش

    اخوي un.complexed
    صراحة كفيت وفيت وجزاك الله خير
    شرح مرة واااضح وياليت تعطينا رقم المقاول والمصانع اللي صلحوا الشباك والباب

    وسؤال انا في حي جديد وانواع الفلل تبنى حولي يعني الصباح انواع الازعاج هل الشباك المعزول بيخفض نسبة الازعاج الخارجي ؟
    والله يحفظك.

  10. تلقى They Ultimate شكراً على هذه المشاركة من:


  11. #6
    عضو

    الـعـضـوية
    2160
    الإنـضـمـام
    Nov 2012
    الإقـــامـــة
    السعودية - الرياض
    المشاركات
    33
    قدم شـكـره
    11 مرة
    تـم شـكـره
    45 مرة في 11 مشاركة

    رد: عزل الصوت واضافة القماش

    الشباك والباب سويتها بصناعية العاصمة غرب الرياض

    اذا دخلتها بتلقى محلات كثر شعر راسك ممكن تسويها لك .. لقيت واحد شكله فاهم بقوه بقوه لشغلته .. لكن قهرني ورفض انه يستلم مني شباك واحد وباب

    وحوّلني على خويه بورشه جنبه سويت عنده وان شاء الله بيكون شغله كويس

    ومن ناحية الازعاج شي اكيد الشباك يعزل صوت الشارع وازعاج السيارات 100% لانه يعزل صوت المسارح بكفاءة عالية وصوت الشارع مايقارن بصوت المسرح

    اهم شي يكون الي مسوي لك الشباك فنّان ومضبّط الربلات صح .. ومايكون فيه تنسيم هواء

    واذا بغيت تتاكد من شغله .. اول مايركب الشباك جب لك" استشوار شعر " .. ومرّره على اطار الشبّاك كامل .. وتخلي واحد يروح للجهه الثانيه ويحط يده قدامه .. اذا ماحس بهواء فـ امورك تمام .. واذا حس بالهواء معناها فيه تنسيم وبكذا تخلّي الي سوا لك الشباك يفكّه ويضبط لك الربلات من جديد

    ونبهه انك بتسوي هالحركه بعد مايجيب الشبّاك .. لانه بيخاف وبيشتغل زي الناس

    عموماً ماهوب شرط تسوي عند نفس المحل الي سويت عنده انا ، شوف لك اي محل واطلب منه المواصفات هذي :

    شباك ألمونيوم درفة
    دبل قزاز 24 ملم
    سماكة الالمونيوم 1.8 ملم
    الاكسسوارات ايطاليّة بالكامل
    السيلكون ألماني
    الأقفال ثلاثيّة <<<<< " هذي ماحصّلتها عند العامل الي بيسوي الشباك لي ، لذلك تغاضيت عن القفل الثلاثي واكتفيت بعادي .. وان شاء الله انه مايفرق كثير "

    واهم شي اتفق معه بـ " قطوعه " ، ترا حقّه 700 ريال بالكثير .. انتبه لا تتفق معه على المتر لانه بيضربك بحيث ان شباكك اذا صار طوله متر و10 سم بيحسبها عليك مترين

    واذا تبي رقم المحل الي سويت عنده برسله لك بالخاص ، لكن لو تنتظر الين تشوف انطباعي عنه بعد ما اركبه افضل لك

  12. قدم 8 من الأعضاء شكرهم إلى un.complexed على هذه المشاركة:


  13. #7
    عضو نشيط الصورة الرمزية mlakaaa3
    الـعـضـوية
    277
    الإنـضـمـام
    May 2011
    الإقـــامـــة
    السعودية - الرياض
    المشاركات
    297
    قدم شـكـره
    525 مرة
    تـم شـكـره
    418 مرة في 117 مشاركة

    HDTV : Panasonic Projector : JVC DLA-70X Projector Screen : SI BD 133" 2.35 HTPC : HTPC Lian PC-C60 Consoles : PS3 Slim AV-Receiver : Yamaha RX-A2000 Amplifier : Anthem MCA-30 HT Speakers : Paradigm Studio 100 Subwoofer : Dual SVS PB13-Ultra

    رد: عزل الصوت واضافة القماش

    إقتباس :
    المشاركة الأصلية كتبت بواسطة un.complexed مشاهدة المشاركة
    السلام عليكم ورحمة الله وبركاته ..

    ياغالي الواح الجبسمبورد العزل فيها قوي .. وادائها جيّد جداً مع الصوف الصخري

    الطريقة المتعارف عليها انك تسلّم مجلسك او غرفتك لمكتب مقاولات وديكور .. وهالمكاتب تقدر تطلب منهم الي تبيه ويسوونه بخبرتهم .. لو تبيهم يهدمون غرفتك ويبنونها على شكل الفيصليّه ههههههه ، يعني مايعوق معهم باس ترابس او صوف صخري او اقمشه مشتته للصوت

    وبذكر لك طرق عزل اخرى متاحه لك .. تقدر تختار الي يناسبك منها وتقدر تبقى على طريقتك

    روح لمكتب مقاولات وديكور محترم واطلب منه الآتي :

    1- تثبيت ألواح جبسمبورد بجميع جدران الغرفه " ولا تدقق بنوعيته " .. ولا تتفلسف من ناحية النوع .. خذ لك جبسمبورد سعودي .. تكلفته رخيصه جدّا وبيعطيك نفس الاداء ، و بتلقاها عند نفس مكتب المقاولات وعندهم اقمشه عاكسه للصوت وعندهم فلّين

    2- بعدها يُثبّت الصوف الصخري على الجبس " يفضّل تثبته بغراء بعبوّه زرقاء ناسي اسمه .. لكن اسمه فيه بلو ويفيدونك الشباب فيه " .. او تثبته عن طريق التدبيس ، الصوف الصخري يكون بسماكة 5 سم وكثافة 100% .. تشتريه من المصنع السعودي للصوف الصخري ( سعره 20 ريال للمتر المربع ) ان ماخاب ظنّي .. ورقم المصنع تلقاه بقوقل

    3- ياخذون مسافة فراغ 2 ونص سم الى 5 سم بعد الصوف الصخري

    4- يثبتون الواح جبسمبود مرّه اخرى للتغطيه ، وتقدر تضيف اشكال بهاللوح الاخير مثل الادراج او اطارات للوحات او رفوف للتحف او ديكور للاقمشه العازله للصوت او اخفاء اسلاك السماعات بحيث انه يمدد لها من خلف الجبس او حتّى رف حامل للشاشه والسماعات من غير زيادة بالتكلفه .. او زياده لا تُذكر

    وطبعا تقدر تضيف طبقات اخرى فوق الصوف الصخري قبل لا تاخذ مسافة الفراغ .. مثل تثبيت فلّين على الصوف الصخري او الـ سونو .. او تدبّل الصوف الصخري .. او تحط مجموعة طبقات وفي هالحاله بتكون مخاطره لان الصوت بالغرفة ممكن ينكتم .. وتصير نتيجة العزل عكسيّه عليك .. بحيث انك بداخل الغرفه تسولف مع خويك وخويّك يسمعك بصعوبه وتحس صوتك مكتوم ولو تصفّق بيديك تسمع صوت التصفيق كأنه رنّه مشوّهه .. والاسم العلمي لهالحاله " الرنين " وفيه ناس كثير يطيحون بهالخطأ لذلك اشوف انك ماتبالغ بالعزل عشان تتجنبه والصوف الصخري اشوفه اكثر من كافي

    عموماً كل الي ذكرته لك .. عرضته على مكتب مقاولات وكان بيكلّفني 3500 او 4000 بالكثير على غرفة 5 ونص في 4 .. واضمن لك نتيجة عزل صوت فوق احتياجك ومرضيه جدّا جدّا لك ان شاء الله ، طريقة عزل الصوت هذي يستخدمونها المقاولين بصالات الافراح .. لكن بالفلين مو بالصوف الصخري .. واشوف الصوف الصخري افضل

    قبل مكتب المقاول كنت بتهور مع مهندس صوت لقيته بالنت .. كان بيضبط لي الغرفة بشكل احترافي ومُبالغ فيه .. وكان السعر غالي على غرفتي .. بـ 12 الف وبتكون بالشكل هذا




    لكن ما انصحك تسوّيها ابد ابد ابد .. برأيي هالحركه تنفع للاستديوهات الي فيها سمّاعات كثر التراب وتراها فوق احتياجك بمراحل

    من ناحيتي استخرت من هالامور كلها وماسويّتها بحكم اني مستأجر البيت الي انا فيه فـ اكتفيت بعزل آخر جيّد وبتكلفة اقل.. اكتفيت بشبّاك عازل " دبل " ولازم يكون ( بدرفتين ) يعني ينفتح الشبّاك زي الباب بمصراعين .. مايكون سحب وهذا اهم شي .. عشان يقدر يركب لك ربلات
    تكون قزازتين ملتحمه ببعضها من الاطراف والمسافه بينهم مفرّغه من الهواء .. بحيث ان الهواء اذا اخترق القزازه الاولى يموت بالمنتصف بين القزازتين .. وطبعا فيه ربلتين .. الشبّاك هذا كفيل بانه يعزل الحراره والغبار بنسبة 100% والصوت بنسبة 80%

    وطبعا تختلف السماكه من شباك لآخر على حسب طلبك انت .. وكل ما كانت السماكه اكبر كل ماكان افضل

    وركّبت باب " دبل " بنفس نظام الشباك .. بحيث انه يكون اغلبه زجاج والإطار ألمونيوم مع وجود ربلتين .. وشكله جميل جدّا جدّا وأنيق ، انا كنت رافض اركّب باب لان بتفكيري شكله بيكون كأنه باب مطبخ لكن انصدمت من التصاميم عندهم

    كلفني الشبّاك 700 .. وكلفني الباب 1400 ، انا اشوف انها كافيه جدّا بالنسبة لي بعد ما شفت واحد من الشباب مسويها قبل اسبوع ، ويفجّر الصوت لآخر شي واذا طلعت من الغرفه والله ما اسمع شي ، اللهم " زنّه " خفييييفه ما اسمعها الا اذا ركزت بقوه .. مع ان السب اووفر حقه قوي .. والفرونت rti a7 وطبعا الجدران عنده جدران عاديّه .. مافيها اي عزل ( لا تستحقر جدرانك او تقارن نفسك بالامريكان الي بيوتهم خشب .. ترا البلك نفسه عازل أليم )

    اذا حاب تتأكد اكثر .. انتظر اسبوع على ما اخلص من مجلسي ..وبنزّل لك مقطع فيديو وانا داخل الغرفة وخارجها .. وتشوف عزل الصوت بالشباك والباب اذا ناسبك تستخير مثلي وتاخذه

    واذا حاب بعد تقدر تسيّر علي بالبيت وتشوف نسبة العزل على الطبيعه .. واتشرّف فيك

    من ناحية : وين تفصّل الباب والشبّاك .. تفصلهم عند المصانع مثل صناعية العاصمة بالرياض ، لان المحلات الصغيره ترفض انها تفصل لك شباك واحد وباب واحد

    واذا انت بالرياض .. ماعندي مشكله ازوّدك بارقام اكثر من محل اذا ماعرفت وين تروح

    اهم شي فكّر زين ولا تتسرّع وتاخذ شي منت في حاجته وتتحسّف ، اذا قررت على مكتب مقاولات وديكور مر على اكثر من محل وشف تسعيراتهم عشان تكون عندك فكره وتختار الانسب لك .. وشيّك على البوماتهم ، بعضهم تلقى عندهم صور غرف سينما مسوينها وتكون عندهم خبره

    واذا قررت على الشبّاك والباب .. الاسعار الي حطيتها لك انا الاسعار المتوسطه لها

    انا والله اني مرّيت على اشكال ايام ماكنت افكر بالعزل .. كان كل تفكيرهم كيف يشفطون فلوسي خخ

    واعذرني لطول مشاركتي .. لكن شفتك تمر بشي مرّيت فيه انا قبل شهر ومريت بحيره الله لا يوريك .. فاهم رغبتك بانك تبي تاخذ راحتك من غير ماتزعج احد وتفكيرك احيانا يخلّيك توسوس تسوّي امور ماتحتاجها وتتخسر باشياء فوق حاجتك بمراحل لمجرّد انك تبي تستمتع بمسرحك

    الي ذكرته لك الشباك والباب .. اشوفهم حل معقول جدّا ومايكلفك

    واي استفسار او سؤال بفيدك بالي اقدر عليه ان شاء الله

    والله يوفقك وان شاء الله تحقق العزل الي ببالك
    وعليكم السلام ورحمة الله وبركاته ..

    الله يعطيك الف عافية ما قصرت كفيت ووفيت بيض الله وجهك والصراحة ردك يستاهل انه يصير موضوع بلحالة وخلص محلك وصورة ونستفيد من تجربتك في موضوع العزل

    انا يالغالي ما عندي مشكلة ان الصوت يطلع برا وهدفي الأول من الصوف والقماش هو معالجة الصوت داخل الغرفه مب عشان عزل الصوت ما يطلع.
    ودورت لي مقاول يسوي لي الغرفة (من .. إلي) ما لقيت واحد فاهم، مريت اكثر من محل ديكور وكل من قلت له عزل صوت وصوف صخري يا يقولي ما نسوي هيك شغله ولا يقول ركب جبسنبورد وركب وركب، يا حبيبي انا ابي اعالج الصوت ما ابي اعزله خله يطلع بسلامتة بس ما ابي صدى ولا ابيه يصير مكتوم ولا ابي البيس يدوش مخي لذلك كل المطلوب معالجة وإن بغى يوصل الصوت للدائري ما يهمني.
    يعني ممكن لو اركب Acoustical Panels و Bass Traps على الجدار نفسه ممكن تؤدي الغرض المطلوب
    رحت ذاك اليوم شارع الخزان ومريت كم محل وقلت بشوف هالعمال اللي عند محلات العزل .. طحت لك والله في كم بنقالي قد اشتغلوا هالشغله ومب ماخذين واجد ويتكاسرون ما يبيلهم شي بس اني ما لقيت اللي يمسك لي الغرفة كاملة (عزل، قماش، خشب ووو ) ولا ودي اخاطر ابدا اسوي شغله الا اذا لقيت اللي يخلصها لي كلها.
    مهندس عزل الصوت اللي حطيت من عنده الصورة شفت شغله واحس انه يلعب على خلق الله ما جاز لي كلامه ولا شكل شغله، يبي 10 سم ياخذ من الجدار عزل اقل شي .. قلت ورى ما نصك الغرفة ببلك ونخلي السماعات جوا لحالها احسن بعد .. قلت له الهدف من الموضوع حقي يا باشا ابي "معالجة صوت بشكل جميل"
    يعني انا اكره ما عندي اللي يحط معالجة صوت بالشكل ذا


    ياخي قمة في القبح بالنسبة لي اكره اشوف بانلز منطله على الجدران، لا شكل ولا منظر ولا ديكور

    بس لو كانت مرتبه وموضوعه داخل فريم ولا اي ديكور بحيث انه يصرف موضوع البانلز بشكل جميل زي الصورة ذي احترمها




    بالنسبة لشباك وباب الألمنيوم عرفت وش اللي تقصد .. انا ساكن على طريق الملك فهد وازعاج الشارع مب طبيعي لا صار الشباك مفتوح .. بس قفل الشباك، ما تسمع الشارع ابد لان الشباك مب جرار زي الناس لا يجي زي الباب وبربلات ودبل قلاس فما تسمع صوت طريق الملك فهد ابد.

    بصور لك الغرفة بعد شوي لاني دورت صور لها في الجوال ما حصلت، وبوريك بالضبط وش اقصد واذا تبي تشرفنا في البيت حياك الله في اي وقت نتشرف بمعرفتك يالغالي


    الله يعطيك العافيه وشكرا على ردك
    التوقيع :
    ملكع ،، أبو لينا

  14. قدم 4 من الأعضاء شكرهم إلى mlakaaa3 على هذه المشاركة:


  15. #8
    عضو

    الـعـضـوية
    2160
    الإنـضـمـام
    Nov 2012
    الإقـــامـــة
    السعودية - الرياض
    المشاركات
    33
    قدم شـكـره
    11 مرة
    تـم شـكـره
    45 مرة في 11 مشاركة

    رد: عزل الصوت واضافة القماش

    الشرف لي ياطويل العمر ..

    بالنسبة للصوره الاولى صادق ، ورايي مثل رايك فيها

    وبالنسبة للصوره الثانيه الي حطيتها انت ياغالي هي الي تكلمت عنها انا " ديكور للقماش " .. وتراه مسويها بالجبس ان ماخاب ظنّي .. او حاطها على الجدار ومسوي لها اطار وهذي استبعدها

    عموماً .. انا استغرب انك مالقيت احد يفيدك بشارع الخزّان ! ، المفروض انك اخذت الصور معك .. وخليتهم يشوفونها ، عشان تكون عندهم فكره بالي تبي توصل له .. وصدقني الي تبيه انت شي بسيط !

    يعني ماهيب معقوله مايعرفون .. محل المقاولات الي اقول لك .. الي شغال فيه سعودي ، واذكر انه نشب لي ما بغى يخليني اطلع .. كان يبي يسوي لي كل شي .. وبالالبوم عنده لقيت صور لصالات افراح

    اذا تبيني ادلك عليه او اعطيك رقمه ماعندي مشكله .. بس تراني ما جربته ولا اعرف شغله .. لكن روح له انت وشوف وضعك اذا ارتحت له زين على زين واذا ما ارتحت له اسحب

    هو على انه مهندس ديكور " ماهوب ذويّق " .. يعني اختياراته بالالوان غريبه ههههههههههههه

    لكن كشغل .. الي شفته بالبومه قوي صراحه ، ومادامك بتختار الالوان انت ماعندك مشكله .. وعلى فكره " نفس المحل عنده القماش الي تبيه .. وعارضه بداخل اطار بنفس طريقة الصوره الثانيه " اذا دخلت تقدر تشوفه

    هالمقاول رح له ومعك صور او رسومات للشغل الي تبيه .. وبيكون بينك وبينه عقد " ارفق الصور والرسومات معه " واشرط بالعقد ان شغله يكون مطابق لها

    والله يوفقك

  16. قدم 5 من الأعضاء شكرهم إلى un.complexed على هذه المشاركة:


  17. #9
    عضو نشيط الصورة الرمزية mlakaaa3
    الـعـضـوية
    277
    الإنـضـمـام
    May 2011
    الإقـــامـــة
    السعودية - الرياض
    المشاركات
    297
    قدم شـكـره
    525 مرة
    تـم شـكـره
    418 مرة في 117 مشاركة

    HDTV : Panasonic Projector : JVC DLA-70X Projector Screen : SI BD 133" 2.35 HTPC : HTPC Lian PC-C60 Consoles : PS3 Slim AV-Receiver : Yamaha RX-A2000 Amplifier : Anthem MCA-30 HT Speakers : Paradigm Studio 100 Subwoofer : Dual SVS PB13-Ultra

    رد: عزل الصوت واضافة القماش

    والله انك جبتها .. باخذ الصوره معي واروح اشوف لي احد يسويها .. لان ربعك اللي هنا اذا ما جبت له الصوره ما يدري وش انت تبي ولو تشرح له ساعه وحس انك جايب له شي صعب عليه (صوف صخري، قماش، عزل صوت) بيقولك شف المحل اللي قبل الاشاره هههههههه وكل من قلت له صوف صخري وعزل قالي رح اليوسفية .. رحت لهم لقيته مستودع يبيع جبسنبورد وحقين محلات ورق الجدران يفتح لك الكاتالوج يقولك ما تبي ورق جدران
    اذا تعرف وين محل السعودي اللي انت تقول عطني وصف تقريبي بالخزان وانا انقز له بروح له بالصوره واقوله ابي زي كذا بكم تسويها .. لو بخليه يسويها بقوله يسويها لي بخشب ما ابي جبس، او بسوي الخشب من منجره واخليه يسوي لي القماش بس

    يعطيك العافيه
    التوقيع :
    ملكع ،، أبو لينا

  18. تلقى mlakaaa3 شكراً على هذه المشاركة من:


  19. #10
    عضو مشارك الصورة الرمزية They Ultimate
    الـعـضـوية
    423
    الإنـضـمـام
    Jul 2011
    الإقـــامـــة
    السعودية - الرياض
    المشاركات
    152
    قدم شـكـره
    544 مرة
    تـم شـكـره
    199 مرة في 59 مشاركة

    HDTV : SONY 46W550 Projector : JVC 550 HD HTPC : HTPC Consoles : PS3 AV-Receiver : ONKYO TX-SR607 HT Speakers : JAMO 608 Subwoofer : JAMO SUB 300

    رد: عزل الصوت واضافة القماش

    هلا اخوي ملكع

    مابي اشتت تفكيرك بس ماهو شرط يكون شكلها قبيح مثال





    معليش بتعبك معاي بس وش سبب الصدى ؟ مركب رخام ولا باركية مافكرت تكثر اثاث ولا فرشة ((زولية)).

    ان شاء الله تتيسر امورك ولا اعرف دائما اذا جيت اشتري شي عندنا من الصعب تلقاه, ياحياتي يامريكا اي شي يخطر في بالك له سوق متخصص فيه طب واختار.

  20. قدم 3 من الأعضاء شكرهم إلى They Ultimate على هذه المشاركة:


  21. #11
    عضو مشارك

    الـعـضـوية
    3525
    الإنـضـمـام
    Jan 2014
    الإقـــامـــة
    السعودية - المدينة المنورة
    المشاركات
    115
    قدم شـكـره
    16 مرة
    تـم شـكـره
    62 مرة في 30 مشاركة

    Projector : BenQ W1080ST 1080p 3D Short Throw DLP Home Theater Projector (White) Projector Screen : FAVI HD-100 16:9/100-Inch Electric Projector Screen AV-Receiver : YAMAHA RX-A3030 HT Speakers : الفرونت NS-777 السنتر NS-444 السراوند NS-333 Subwoofer : SW315

    رد: عزل الصوت واضافة القماش

    فكرة روعة أنا الان قاعد أسس غرفتي السينمائية كنت حاسب للعزل 7000 ريال لكن اللي ماإكتشفته إلا تو ( إن في فرق بين العزل الصوتي والمعالجة الصوتية ) لذلك حسيت كل مالي أتوسع في مشكلة
    طبعاً أنا معك إنه الباب والشباك هي أهم نقطتين في العزل وأضف عليها فتحة المكيف إذا كان شباك لذلك أنا رستكت الأمور على إنها مكيف سبلت ولا خليت فتحة مكيف بالنسبة للشباك إلى اليوم متردد أحيان أقول لازم من الشباك عشان الدخان أو الروائح وتهوية الغرفة وأحيان أقول ماراح أكثر فتحات في الغرفة !؟! الباب أبغا أحطه سميك ولو كلف 1500 ماعندي مشكلة بحيث من تحت لفوق يجيك موزون و بدون تنسيم أو فتحات للصوت بكذا تضمن عدم تسرب الصوت لاكن أنت تقول إن البلك عازل نعم البلك عازل ولاكن يحتاج له شي معه لكن مو بمثل اللي يقول طبقتين طوب وبينهم العازل و ...الخ أعتقد إنهم يتكلمون عن عزل الجامعات أو عزل القاعات أو المشاريع الصوتية الكبرى أما مشاريعنا المصغرة ما أعتقد إنه تستوجب تكاليف إضافية كبيرة إلا أشياء مثل الجبس بورد ومكملات عزل خفيفة

    عموما ً أنا قريباً راح أكون في هالمرحلة وراح أقولكم وش يصير معي

  22. تلقى التركي شكراً على هذه المشاركة من:


  23. #12
    عضو

    الـعـضـوية
    3400
    الإنـضـمـام
    Dec 2013
    الإقـــامـــة
    السعودية - الخبر
    المشاركات
    32
    قدم شـكـره
    25 مرة
    تـم شـكـره
    4 مرة في 4 مشاركة

    HDTV : Sony W802 55 inch Consoles : PS4 AV-Receiver : TX-NR626 HT Speakers : Jamo 608

    رد: عزل الصوت واضافة القماش

    هل
    Acoustical Panels و Bass Traps مضرين للصحة؟

    لاني ناوي اركبهم في الغرفة للمعالجة الصوتية

  24. تلقى Knight Raed شكراً على هذه المشاركة من:


إعلانات