استفسار أجهزة الصوت والأجهزة المتبقية للسينما المنزلية

[willie]

السلام عليكم ورحمة الله وبركاته

منتدى اكثر من رائع يسهل الطريق الى الرفاهية

عندي استفسار حيث ان خبرتي في الأجهزة هذي جداً ضعيفة

بدأت تجهيز غرفة السينما المنزلية .. وتم شراء التالي:

• كراسي سينما عدد 4 وتأثيث الغرفة

• Projector: Optoma HD33

تم اختياره بعد القراءة الالكثيفة في المنتدى


احترت في اختيار الأمبلفاير؟ أو بالاحرى هل الأفضل اشتري AV reciever؟ وما الفرق بينهم؟ وهل احتاج سبووفر؟ السماعات؟

الصراحة دخت هنا؟ اكتشفت اني احتاج ميزانية غير اللي صرفت

اتمنى نصيحتكم في توجيهي للأجهزة المطلوبه وسعرها يكون معقول على سينما منزلية معقوله

الشاشه ان شاء الله انها مقدور عليها .. أو اتجه للدهان

أرجو التوجيه من أصحاب الخبره
أكون شاكر ومقدر

[Mo0o0oNi]

وعليكم السلام ورحمة الله وبركاته

بالنسبه لسؤالك للامبليفاير وال AVR

AVR او الرسيفر هو الي تشبك السماعات عليه وهوا الي يعطيها مقدار معين من الواط لتشغيل السماعه

بالنسبه للامبلي او المضخم هوا كا اسمه مضخم للصوت يعطي السماعات واط اعلى من الرسيفر لزياده جودة الصوت ونقاوته طبعا المضخم مو ضروري ويعتبر مرحله ثانيه

اما الرسيفر هوا ضروري بالنسبه للسماعه بسبب انه هو الي يشغل السماعه المضخم تشبه على بالرسيفر كـ STAGE 2..

بالنسبه للبروجكتر فهو باذن الله اختيار موفق ...

بالنسبه للسماعات ووالرسيفر نحتاج منك ميزانه كم ناوي تدفع في مسرحك ياليت تحدد لنا ميزانيه معينه عشان نعطيك افضل شي تقدر تاخذه بالميزانيه تبعك - واذا امكن مقاس الغرفه + النظام الي تحتاجه 7.1 او 5.1 .

بالنسبه للسباووفر 50% من المسرح المنزلي بس اذا الميزانيه ما تسمح ممكن يتاجل مافي مشكله هنا..

بالنسبه للشاشه هناك خيرات عديده ...ممكن تطلع عليها في المنتدى ..

بالتوفيق لك ان شاء الله وفي مسرحك ونورت المنتدى ...

[willie]

بالنسبه للبروجكتر فهو باذن الله اختيار موفق ...

شكرا جزيلا

بالنسبه للسماعات ووالرسيفر نحتاج منك ميزانه كم ناوي تدفع في مسرحك ياليت تحدد لنا ميزانيه معينه عشان نعطيك افضل شي تقدر تاخذه بالميزانيه تبعك - واذا امكن مقاس الغرفه + النظام الي تحتاجه 7.1 او 5.1 .

من 4,500 الى 6,000 ريال كحد أقصى للسماعات والرسيفر
مقاس الغرفة 5*6 والشاشة ستكون ان شاء الله في جدار ال6 متر
النظام لا أعرف بالضبط ما الفرق وما هو الأفضل

بالنسبه للسباووفر 50% من المسرح المنزلي بس اذا الميزانيه ما تسمح ممكن يتاجل مافي مشكله هنا..

سيتم تأجيلة ان شاءالله لأنة ما أخفيك هذي اول مره ادخل عالم المسرح المنزلي لذلك اعتقد انه من الافضل التدرج

بالنسبه للشاشه هناك خيرات عديده ...ممكن تطلع عليها في المنتدى ..

شكرا تم الاستطلاع

بالتوفيق لك ان شاء الله وفي مسرحك ونورت المنتدى ...

وياك ان شاء الله وشكرا جزيلا على التعاون


سؤال أخير هل الريسيفر يقوم بمقام الامبليفاير .. كما قرأت هو متحكم ومضخم وراديو ؟

[SAEED1979]

بعد اذن اخونا Mo0o0oNi ,, بأحاول ابسط لك الموضوع ..

الرسيفر بداخله امبليفاير ولا حاجه لغيره ,, تشبك على الرسيفر كل اجهزتك .. مشغلات , شاشات وسماعات
ويقوم الرسيفر بتوزيع الاشارة على حسب وظيفه كل جهاز ,, الصوت يروح للسماعات والصورة تروح للشاشة ..

الامليفاير هو القطعه اللي تغذي السماعات بالاشارة .. والبعض يركب نسخه اقوى مع الرسيفر للحصول على
اداء اضافي للسماعات فقط ..

[deseil]

مرحبا

الشباب كفوا بأجاباتهم ويعطيهم العافية
بس اخوي لازم تحدد لنا الميزانية عشان نقدر نخدمك اكثر

بس فيه شغله يمكن تبي مسرح تمشي الحال فيه بس بعد فتره راح تلاقي نفسك دخلت في مرحله ادمان الصوتيات
فبعدها راح تندم انك اخذت حاجه اي كلام او تمشي الحال
فنصيحتي لك خذ لك سماعات تكون ممتازة يعني تقدر تطور في مسرحك فترة بعد اخره
اول شي خذ السماعات ورسيفر جيد لانقول ممتاز
وبعدها خذلك سب ووفر حلو
والتطوير اللي بعد الامبليفاير
ثم الاسلاك وبعدها بدل الرسيفر بي بروسيسر
تلاقي نفس استفدت من المسرح وكل مره تلاقي نفسك تطور فيه وتستمتع اكثر واكثر

[willie]

بعد اذن اخونا Mo0o0oNi ,, بأحاول ابسط لك الموضوع ..

الرسيفر بداخله امبليفاير ولا حاجه لغيره ,, تشبك على الرسيفر كل اجهزتك .. مشغلات , شاشات وسماعات
ويقوم الرسيفر بتوزيع الاشارة على حسب وظيفه كل جهاز ,, الصوت يروح للسماعات والصورة تروح للشاشة ..

الامليفاير هو القطعه اللي تغذي السماعات بالاشارة .. والبعض يركب نسخه اقوى مع الرسيفر للحصول على
اداء اضافي للسماعات فقط ..

شكرا على التوضيح شاكر ومقدر
سؤال واعذر جهلي في هذا المجال
هل يكفي سلك HDMI واحد بين البروجكتر والريسيفر لتشغيل كل شيء موصول بالريسيفر "سماعات, مشغلات DVD أكس بوكس؟؟؟؟

مرحبا

الشباب كفوا بأجاباتهم ويعطيهم العافية
بس اخوي لازم تحدد لنا الميزانية عشان نقدر نخدمك اكثر

بس فيه شغله يمكن تبي مسرح تمشي الحال فيه بس بعد فتره راح تلاقي نفسك دخلت في مرحله ادمان الصوتيات
فبعدها راح تندم انك اخذت حاجه اي كلام او تمشي الحال
فنصيحتي لك خذ لك سماعات تكون ممتازة يعني تقدر تطور في مسرحك فترة بعد اخره
اول شي خذ السماعات ورسيفر جيد لانقول ممتاز
وبعدها خذلك سب ووفر حلو
والتطوير اللي بعد الامبليفاير
ثم الاسلاك وبعدها بدل الرسيفر بي بروسيسر
تلاقي نفس استفدت من المسرح وكل مره تلاقي نفسك تطور فيه وتستمتع اكثر واكثر

شكرا على النصيحة أخي الكريم ما قصرت
يظهر انني راح استثمر في السينما المنزلية


حسب ما ذكرت سابقا انا الميزانية تقريبا في حدود ال 4500 الى 6000 ريال ومساحة الغرفة 5*6
امس رحت سعرت في الدولية في الرياض
شفت البكجين هذولي
ياماها : سماعات 555 / 333 / 444:
سبووفر 315 : سعرها قالوا ب 4620 ريال
الريسيفر : RXV1067 : هذي اللي متواجد وسعره 3000 ريال
وفيه RXV820 وسعره 3300 ريال تقريبا

تقريبا التوتال 7600


البكج الثاني:
الرسيفر : ONKYO TXNR 717 وسعره 3400 ريال
السماعات : JAMO C-607 / C-60 CEN / C-60 SUR وسعرها 3634 ريال
السبووفر: 1000 ريال

التوتال 8034

على كلامهم يقولون يمكن يعطوني خصم اخير لاني سويت مقارنة مع المعلومات اللي هنا واسعارهم لقيت اختلاف كبير


أحتاج رأيكم في البكجين والاسعار هل هم مناسبين وشكرا جزيلا

[Grim]

سؤال واعذر جهلي في هذا المجال
هل يكفي سلك HDMI واحد بين البروجكتر والريسيفر لتشغيل كل شيء موصول بالريسيفر "سماعات, مشغلات DVD أكس بوكس؟؟؟؟

اي نعم اي جهاز موصل في الرسيفر عبر مداخل HDMI راح يشتغل على البروجكتر

والسلك تضعه في في مخرج الرسيفر والطرف الاخر في البروجكتر

============================

اما بخصوص ترشيح البكجات

التجميعه الاولى رائعه ويفضل استبدال سماعات 555 بسماعات 777 فهي افضل

اما بخصوص الرسيفر الانكيو يتفوق على مواصفات الياماها ولكن قله من هم يقتنون من هذه الشركه بسبب ارتفاع درجه حراره اجهزتهم مما يؤدي الي توقف الرسيفر عن العمل او تقطيع في الاصوات .. وكان هذا من مده في الموديلات القديمة ولكن هل تفادوها في الموديلات الجديده لا اعلم بصراحه

والاغلب هنا يفضل شركة ياماها كرسيفرات

اما بخصوص التجميعتين من السماعات كل السماعات رائعه .. ولكن الي عليك انك تجربهم بنفسك وتسمع بأذنك لان كل اذن لها نغمه صوت تحبها

ويفضل تجرب على مقطع واحد ليتسنى لك التفريق فيما بينهم

موفق يا الغالي........

[willie]

السلام عليكم شكراً لك Grim
معلومات جدا مفيدة جزالك الله خير

الريسيفر : ان شاءالله الاتجاه ياماها .. ولكن موديل غير وان شاء الله القاه في الدولية .. RX-V673 أو RX-V573 قريت عنها في موقعهم وسويت مقارنة واضافة انها موديلات جديدة وسعرها معقول

السماعات: ان شاء الله ابشتري الأرخص بين التجميعتين ...

حسب ما سمعت ممكن يكون في تخفيضات في الدولية في شهر 2 .. اخاف اشتري الحين واتحسف

شكرا مره أخرى لكل من تعاون

[Grim]

في منتصف شهر 2 يوجد تخفيضات لا تستعجل الان

وياليت ما تنسانا في تقرير لتجربتك بعد شراء التجميعه

باتوفيق...

[willie]

تم بحمد الله وتوفيقة
شراء تجميعة السماعات

• الفرونت NS-777
• السنتر NS-444
• السراوند NS-333
• سبوفر YST-SW315

AVR

YAMAHA RX-A820




الحمد الله تم الحصول على آخر قطعة في الرياض وفي اعتقادي انه باقي وحدة في الخبر

أعتقد باقي لي اسلاك الكيابل واحضار شخص يركب الاجهزة صح ويمدد الاسلاك صح ونبدا بتمرين السماعات ان شاءالله

الان يبيلي انتظر اسبوع حتى تجهز الأجهزة واستلمها من المحل


شكرا لكن من تعاون

[ساهر جده]

الف الف مبروك وننتظر تقريرك

[F H D]

ماشاء الله خيارات مميزة ورائعة
الف مبروك عليك واتمنى نشوف تقريرك وتجربتك في الملتقى