ابي رأيكم في مقياس الصوت بعد إستخدام مايك الـ Audyssey

[فلان الفلاني]

السلام عليكم ورحمة الله وبركاته ,, كيفكم شباب إن شاءالله الجميع بخير


حجم الغرفه 6*5

سويت وزن للسماعات مره ثانيه بواسطة مايك الـ Audyssey

جتني إختيارين الاول Surround Back الثاني High Front

انا اخترت الثاني High Front مع اني مدري وش الفرق بينهم
وضغطت أنتر 3 مرات وبعدها كانت نتيجة الوزنيه للسماعات باالشكل التالي

Left - 3dB

Right - 3dB

Center - 4dB

Surround Right + 3dB

Surround Left + 3dB

Subwoofer - 9dB

Front High Left
Front High Right
Surround Back

إللي باالاحمر ماطلع قدامهم شئ كلهم أصفار , يمكن عشاني ماشبكت السماعات السابعه

المسرح 7.1 وشبكت فقط خمس سماعات

وبعد إنتهاء عملية الوزن ظهرت كلمة Save و Cancl واخترت Save

و لأول مره اشوف في شاشة الرسيفر كلمة Audyssey Dynamic EQ مدري ايش المقصود فيها

المهم يااخوان حسيت فيه فرق في الصوت صار احسن من اول
يعني قبل كنت اعلى الصوت أحيانا ً لـ 50 عشان اسمع مضبوط
الحين باالكثير 35

حبيت آخذ رأيكم وفي نفس الوقت تنبهوني إذا في شئ يبيله تعديل يدوي
خاصه صوت السبووفر صار اقوى من اول

برضه ابي اعرف وش المقصود في كلمة Audyssey Dynamic EQ إللي اول مره تطلع في شاش الرسيفر


والله يوفق الجميع

[mz_milan]

^^^

حياك ياغالي

بالنسبه للتوزيع اتوقع انه صحيح ومادام الصوت صار أفضل خلاص ممتاز

بالنسبه Audyssey Dynamic EQ

هذي ميزه من شركة اوديسي لمعايرة ووزن السماعات هالميزه الجديده اذا ماخاب ضني تعدل الصوت الي يوصلها وترفعه بما يناسب الغرفه ونوعية السماعات الي عندك ومن تخرج الصوت اعلى ومناسب لك ( اذا خاطيء صححولي لاني مش ملم كثير بالصوتيات )

يمكن عشان كذا لاحظت ان الصوت تحسن يوم اشتغلت هالخاصيه وصرت ترفع الصوت بشكل اقل لانه هو قام بهالمهمه واخرج صوت اقوى

انا اتوقع ذلك وان شاء الله الي اعلم مني بهالشي يفيدونك بشكل أكبر

واحلى رفع للموضوع عشانك

وفق الله الجميع

[فلان الفلاني]

الله يسعدك يا ميلان ويرفع من قدرك على رفع الموضوع يا شيخ

ومعلوماتك مشاءالله تبارك الله حلوه واستفدت منها , وباقي الاخوان فيهم الخير والبركه

بس اليوم لاحظت شئ غريب بعد تشغيل عدة افلام وملفات صوتيه مختلفه

لاحظت إنه الصوت احيانا يختفي لثانيه ويرجع بعدها

وغالبا ً يكون في بداية الماده المعروضه سواءا ً صوتيه او فلم

وطبعا ً مو كل الملفات

الى الآن واجهتني فقط في 3 ملفات

[مزيد الدوسري]

اخي الكريم audysseye عند عمل الوزنية لزم تراعي ان الأيدوسي يكون عند مكان جلوسي للأستماع واذا قدرت يكون عند مكان اذنك ولزم تكون الغرفة هادئة واذا كان المكيف شغال طفه بكذا تضمن 98% ان الوزنية بتكون صحيحة وفي حاجه ثانية ما ادري هل بينت معك يوم وزنت بين معك المسافات ؟!

وبنسبة للملفات الي شغلتها ماهي صيغة الصوت فيها ؟

[فلان الفلاني]

هلا اخوي مزيد

والله ياطويل العمر حطيت مايك الاوديسي بوسط الجلسه
ورفعته عشان يكون بمحاذاة مستوى اذن السامع تقريبا ً
وطفيت كل شئ وقفلت الباب والشبابيك لدرجة بغيت اطفى حتى الانوار بس عرفت انه مالها دخل في الموضوع
بس نقطة المسافات فاتتني إن شاءالله بشوفها واكتب لكم عنها
والملفات اللي عندي 99% منها DTS 501
وبعضها لمن يشتغل يطلع في الشاشه مكتوب كلمة ( اوديسي ) وساعتها يكون الصوت من احلى مايكون
وبعضها يشتغل بس تختفي كلمة اوديسي من الشاشه

[فلان الفلاني]

مزيدالدوسري
في حاجه ثانية ما ادري هل بينت معك يوم وزنت بين معك المسافات ؟!

اخوي مزيد تقصد الـ Sp Distance

leeft 14ft
cenetr 14ft
rigiht 14ft
surround right 7ft
surround leeft 7ft
subwoofer 16ft

[مزيد الدوسري]

^^^
المسافات متناسبة ، انا كنت فقط ابي اتأكد اذا كان front right & left لهما نفس المسافات من الأيدوسي وكذلك surround right and back


ما ادري كيف تشوف سماعة center ادائها في speach في الأفلام يعني تسمع المحادثات بوضوح؟

وكيف ادائ السبوووفر في عمق الصوت عندك ؟

[فلان الفلاني]

^ ^

والله الـ Center يعني لك عليها مو ذاك الوضوح , خاصه مع بعض الافلام لازم ارفع الصوت اقل شئ الى 45

والسبووفر نفس الشئ على حسب الماده المعروضه , بعض الملفات يكون اداء السبووفر ممتاز

وبعضها يكون صوته ضعيف لدرجة تصير اللمبه حمرا يعني مو شغال , ويشتغل فقط إذا صار فيه صوت انفجار مثلا ً

ولاحظت إنه بعض الملفات عند تشغيلها تظهر في شاشة الرسيفر PCM , Audyssey Dynamic EQ, NEO 5

ساعتها يكون الصوت خيالي وعال العال

اعتقد انه الملفات هي اللاعب الاول في قوة ووضوح الصوت

وصححولي لو انا غلطان تراني والله اتعلم منكم لسى جديده على شغلة المسارح

[مزيد الدوسري]

بنسبة ل سماعة center و sub ممكن تزيد من ادائهم بواسطة زيادة dB وبتلاحظ ان ادائهم بيزيد

وللكن لا تضغط عليهم كثير

طبعا في حاجه اخوي لزم تفهمها ان ملفات الصوت او الفيديو تختلف حسب نوع الترميز الي فيها وممكن تعرف نوع الترميز بواسطة برنامج mediainfo في احد الأخوان شرح عن البرنامج في المنتدى

زي ما قلت يكون الفلم عال العال اذا كان PCM وهذا الترميز افضل ترميز موجود حاليا لأنه يكون صوت غير مضغوط ويعتبر أفضل من

Dolby True HD & DTS HD Master

معا ان الصيغ الي ذكرتهم ممتازين جداا وصعب تفرق بينهم

ان شاء الله تكون وصلة المعلومة

وتقبل تحياتي

[فلان الفلاني]

^ ^

الله يسعدك كفيت ووفيت الله يعطيك العافيه

وبرنامج mediainforg راح ادور عليه في المنتدى

فكرته ممتازه صراحه