ارجوكم بعزل الصوت او ابوي يكسر المسرح على راسي

[الصديق الصامت]

سلام عليكم

مشكلتي باختصار ان ابوي تحت غرفتي بالظبط

ومااقدر اشغل تلفزيون بالليل عشانه هو الا اكون مقصر مره .... وهو ينام بدري

وسمعتكم تتكلمون عن عزل الصوت ... هل فيه طريقه غير مكلفه اخفف الصوت ولو بنسبة خمسين بالمية عن تحتي

[mz_milan]

وعليكم السلام

كثر فرش على الارضيه وتكون فرش سميك وكثر اثاث في الغرفه ولا تحاول ترفع الصوت مره

شوف انت وش اسباب وصول الصوت لابوك بشكل مزعج اتوقع انت غرفتك سيراميك واذا سيراميك خلها فرش سميك وشوف الباب لو خفيف ومو خشب قوي وعازل ممكن سبب برضو

في حل اخر اشوف مناسب لك وللوالد الله يحفظه اتفرج افلام والعب العاب في العصريه والمغربيه وبعد العشا يعني قبل مابوك ينام ويوم ينام ابوك خفف الصوت او روح نام انت كمان

موفق ان شاء الله

[الصديق الصامت]

يعطيك العافيه مستر ميلان

والله حاط فراش وحاط سرير بغرفتي ....والصوت ابد ماارفعه كثير يعني يادوب على 10 او 11 بس يمكن لاني مااعرف اوزع الصوت

العصر ابوي مايخليني اجلس بغرفتي يقول هذي حركات بنات ههههههههه لازم على القهوه عنده بالمجلس

وفرصتي بالليل فقط

هل لو حطيت لباد يخف الصوت؟؟؟

شكرا لك

[mz_milan]

الوالد كلمته مسموعه لو قلك تصحى الفجر وتسقي الزرع تقله امرك طال عمرك

بالنسبه للباد اتوقع ممكن يفيد وعلى فكره انا مركب لباد سميك تحت الموكيت الفرش الي بغرفتي ويمتص صوت كثير وهذا شي جيد .. واهلي الي بالشقه الي تحتي ماقد اشتكو الا لمن ارفع الصوت مره مره بشكل عالي والسب اوفر عالي والباب لغرفتي مفتوح .. لكن لو الباب مقفل والصوت مرتفع بشكل متوسط مايسمعون شي

يعني الموكيت وتحت لباد سميك اتوقع خيار وحل جيد

موفق ان شاء الله

[jna3e]

السلام عليكم

اخواني بغيت استفسر وش معنى لباد

وشاكر لكم

[F H D]

اللباد هو طبقة الاسفنج الي يوضع تحت الموكيت او السجاد
بالسعودية معروف بهالاسم .. وبرا اسمه Underlay
كل مازاد سمكه يكون افضل ولكن بشكل معقول يتناسب مع الفرش

[jna3e]

يعطيك العافية اخوي فهد