مشكلة الديمر ولمبات السبوت لايت (تحترق دايم)

[ســـكـــوبـــات]

السلام عليكم ورحمة الله وبركاته

باختصار ياشباب انا جتني عقده نفسيه من لمبات السبوت لايت الديمر انا مركب 16 لمبة سبوت لايت مره ومركب ديمر للتحكم فيها المهم تعقدت مره تحترق اللمبات ومره الديمر وابو بنقل الظاهر لعب على العالم الزبده نبي مشورتكم وش الحل وهل فيه ديمر ممتاز ويتحمل وياليت يكون بريمونت

طبعا حبذا لو يكون في محل بالرياض

[hlaa]

السلام عليكم

دايم مشاكل اللمبات والديمر اذا كانت على ١١٠ فولت لان التيار يكون غير ثابت وبوسعك تسأل غير الى خط ٢٢٠ وبترتاح من المشاكل
تحياتي

[ســـكـــوبـــات]

السلام عليكم

دايم مشاكل اللمبات والديمر اذا كانت على ١١٠ فولت لان التيار يكون غير ثابت وبوسعك تسأل غير الى خط ٢٢٠ وبترتاح من المشاكل
تحياتي

هلا بك اخوي الخط ٢٢٠ وهذا اللي لحس مخي

[Marauder28]

وعليكم السلام والرحمة

اذا تقصد لمبات هالوجين مثل الصورة تحت فالمشكله بسيطه حلها

اول شيء لازم يكون الديمر صناعة ياباني او امريكي ، الصناعة الصينية سيئة جداً اللي متوفره عندنا بالاسواق مثل (Sanyo او Royal) عكس الياباني واللي غالباً متوفر عندنا ماركة بانسونك في منه انواع حسب حجم البوكس عندك وحسب حاجتك من مقدار الواط يعني مثلاً يجي يتحمل 800 واط ويكون فعلياً يتحمل هذا القدر عكس الصيني تماماً

الشيء الثاني وهذا معروف ان اللمبات الهالوجين اذا كانت موصوله مباشرة الى الكهرباء سواء كانت 110 فولت او 220 فولت تحترق بسرعه بسبب عدم ثبات الكهرباء لذلك كثيرين تلاقيهم يركبوا ( Transformer ) على كل لمبة يحولها من 110 فولت او 220 فولت الى 12 فولت في هالحالة اكيد بتحتاج تشتري لمبات جديده متوفره بالسوق 12 فولت وغالباً 50 واط الا اذا تبي لمبات صغيره في 12 فولت 20 واط وهذي قليل الناس تستخدمها

اهم شيء في الترانس انك تشتري صناعة ممتازه فيه الرخيص ابو 7 ريال الى 10 ريال وهذا صيني ما انصحك فيه بيشتغل معك فتره يمكن سنه وبعدها تبدلها غير انها مو عملية انا استخدم واعتمد على الصناعة الالمانية نفس الصورة تحت بالضبط سعرها غالي شوي حدود 22 ريال ، في طريقة انك تركب اكثر من لمبة على نفس الترانس عشان توفر فلوس او نك تركب ترانس على كل لمبة ، هذي النوعية بالذات تركبها وتنساها تعيش معها سنين طويله وتضمن انها ما تسبب لك مشاكل بالكهرباء مثل الحريق لاسمح الله


ملاحظة بسيطه في لمبات تشبه الهالوجين اللي تحت ولكن بالاصل هي لمبات LED يجي منها اضاءة صفراء واضاءة بيضاء وهذي ما تشتغل مع الديمر ولما تحاول تركب ديمر عليها راح يحترق الديمر وتحترق اللمبة ، ونفس الحال مع لمبات الكبيره اللي نسميها بالعامية كبسولة

[mz_milan]

ممكن محمل الديمر فوق طاقتة يعني لازم تعرف المجموع الكلي للسبوت لايت كم واط وتشوف الديمر كم قوته ويفضل تترك مساحة للواط غير مستهلكه عشان ماينحرق نور السبوت لايت

يعني كمثال عندك ديمر يستحمل 500 واط وعندك 15 سبوت لايت كل سبوتلايت يستهلك 50 واط بيصير المجموع الكلي 750 واط وبكذا ماراح يتحمل الديمر الضغط وتنحرق انوار السبوت لايت

افضل طريقه اذا تبي انوار سبوت لايت كثيره لازم تجيب ديمر يتحمل واط اكبر وهذا صعب تلاقيه وعشان كذا يفضل تضع 2 او 3 ديمر في الغرفه عشان تاخذ راحتك وماتجهد الديمر وينحرق السبوت لايت وكمان يفضل انه اذا كان قدرة الديمر 500 واط تترك 100 او 150 واط غير مستهلكه .. يعني كمثال اذا كانت قدرة الديمر 500 واط تضع 8 سبوت لايت بيصير المجموع الكلي 400 واط ويبقي 100 واط غير مستهلكه عشان ماتسبب ضغط على الديمر وهكذا

ولاتنسى تشتري سبوت لايت وترانس من نوعيات جيده واصليه عشان ماتنحرق عليك والغالي بعض الاوقات سعره فيه

موفق ان شاء الله

[ســـكـــوبـــات]

الترانس ذا ضروري ?

الديمر اللي عندي اخر واحد كان يتحمل الف !!!!!!

[Grim]

اجابة سؤالك جاوبها Marauder

الشيء الثاني وهذا معروف ان اللمبات الهالوجين اذا كانت موصوله مباشرة الى الكهرباء سواء كانت 110 فولت او 220 فولت تحترق بسرعه بسبب عدم ثبات الكهرباء لذلك كثيرين تلاقيهم يركبوا ( Transformer ) على كل لمبة يحولها من 110 فولت او 220 فولت الى 12 فولت في هالحالة اكيد بتحتاج تشتري لمبات جديده متوفره بالسوق 12 فولت وغالباً 50 واط الا اذا تبي لمبات صغيره في 12 فولت 20 واط وهذي قليل الناس تستخدمها

باتوفيق...