وش فايدة مشغلات الوسائط والافلام

[Loka]

السلام عليكم ورحمة الله وبركاته

مساكم الله بالخير

غالبا اشبك اللابتوب بالشاشة بسلك HDMI بالتلفزيون واتفرج على الفديوات سوا افلام او غيرها لكن حصلت ناس كثير يستخدمون اجهزة مشغلات الوسائط
فودي افهم فكرتها اذا انها ممكن تفيدني ؟ طريقة استخدامها كيف تكون ؟ هي تحمل الافلام عن طريق اللابتوب وتنقله للجهاز ولا تحمله مباشره من الجهاز ?
بعدين انا قريت عنها يقولك بعض االاجهزة تكون الترجمه لها خط واحد ماتقدر تغيره !! وهذه المشكلة اذا كنت متعود على نوع معين من الخطوط تقراها

باختصار ومن الاخر كيف يفيدني مشغل الوسائط وايش الانواع اللي ينصح فيها او المواصفات اللي تكون تفضل على غيرها
والسؤال الاهم في حال وجدت لي فائدة من الجهاز وش اللي لازم اراعيه قبل ما اشتريه خاصة اني ابحث عن الافضل جودة وعملية بغض النظر عن سعره
طبعا عارف انه مستحيل احصل كل المعلومات في رد لكن هو الغرض اني افهم الفكره بشكل واسع وعام
وسلالالامتكم

[mz_milan]

وعليكم السلام ورحمة الله وبركاته

صبحك الله بالخير تونا باقي نصف ساعه عالمساء (مره يدقق)

مشغل الوسائط بسهوله يشغل جميع صيف الفيديو والصوت والصورة وتختلف دعم تشغيل الصيغ من موديل لاخر ومن سنه لأخرى

والسبب لاستخدامه لان في ناس كثير يبون يستخدمون اللابتوب لاستخداماتهم الخاصه ولا يبون يشيلون ويحطون ويفكون وكمان واجهة الداشبورد لمشغلات الوسائط تاتي كبيره وواضحه مو مثل الوندوز صغيره الا اذا كبرت الايقونات او استخدم مشغلات خاصة في الوندوز مثل XBMC

يعني باختصار هو اختصار لاجهزة الكمبيوتر واللابتوب لتشغيل الميديا بجميع انواعها وبحجم صغير وماياخذ مساحه كبيره

عيوب مشغل الوسائط انك تحت رحمة الشركه المصنعه له اذا كان فيه مشاكل وتنتظر تحديث يحل هالمشكله او دعمه لبعض الصيغ والبعض الاخر لا يدعمها لسبب او لاخر وايضاً عدم دعم اللغه العربيه والترجمه العربيه بشكل كامل او فيها عيوب واخطاء .. وهذي العيوب تفرق من شركة لاخرى حسب تميزها ودعمها

المشغلات كثيره والشركات كثرت في السنين الاخيره ولكن الافضل دعماً للصيغ وفنياً ايضاً هي Xtreamer و Popcorn Hour و من بعدهم WD

لاتنسى ان اكثر المشغلات ممكن تدعم هاردسك داخلي كاقصى حد 3 تيرا اذا ماني غلطان ولا تقدر تضيف اكثر من هاردسك واكبر من هذه المساحه

بخصوص التحميل نعم يوجد بعض الشركات تدعم التحميل عن طريق التورنت سواء بطريقه مباشره او بطريقه غير مباشرة باعدادات معينه

موفق ياغالي

[Loka]

صراحة استفدنا منكم كثير بالمنتدى سواء مواضيع شاشات او بروجكترات او غيرها
وماقول الا الله يعطيك ويعطيكم جميع العافية وكل الشكر لك