استفسار عن شحن الي السعوديه

[Mr.Perazzi]

السلام عليكم..

بدايه وبما انها اول مشاركه لي حبيت اشكر كل القائمين على هالمنتدي و أعضائها , منتدى متخصص و اكثر من رائع من حيث المعلومات والترتيـــــــــــب .

بعد ما قرأت المواضيع المتخصصه بالشاشات عزمت اني اطلب Samsung un55d8000 من امازون (USA) عن طريق ارامكس الى الكويــت .. بس قلت قبل لا اطلب اتصل ابأرامكس اتأكد من سعر الشحن و اذا في اي مشاكل لأن كل يوم طالعين بقانون جديد...و للأسف هذا الي حصل..قالولي نقدر انوصلك اي ماركه تبيها الا Samsung لان الوكيل بالكويت امقدم شكوى على ارامكس ..و يقدرون يوصلونها الى مطار الكويت بس ما راح تطلع من الجمرك .. قالولي نعطيك كل اوراق الشحن و انت اتروح وكيل Samsung علشان تفرج عن الشحنه..و طبعا الوكيل ماراح يسويلي شي.

وبصراحه ما ابي اجازف ابأرامكس او اي شركة شحن ثانيه والسؤال ... هل هذي المشكله حاصله بالسعوديه؟! لاني قلت مافي حل الا اني اشحنها من امريكا لشخص اعرفه بالسعوديه و اخذها من هناك لما توصل بس المشكله ان صاحبنا ماله ابهالسوالف

فياليت شباب من السعوديه يتأكدولنا من من هالموضوع

[MbtsM]

السعوديه عادي للاسف مع انه فيه قانون عندنا وحقك قانوني تاخذها من المطار لكن حكم القوي على الضعيف التاجر الحكومه
انا الي قاهرني شيبي فينا حبه وحده وهم ناط ورانا فيها
عموما اذا تبيها بالقانون تطلع من الجمارك زي الورد وشغلك قانوني
اما بخصوص السعوديه عادي عندهم اي شاشه تجيبها
مبروك مقدمااا

[ساهر جده]

اهلين ياغالي منووور المنتدى هذا الموضوع عادي جدا في السعودية وفيه شباب كثير مشالله بيشتروا شاشات سامسونج واذا تحب حتى في شخص جدا جدا ممتاز اسمه الاخ سعود السعيد انا تعاملت معاه شخصيا وكان قمة مشالله في التعامل والحمدالله اذا ودك تعرف عنه تفاصيل او تحب ارسلك لك تفاصيله بلغني وصدقني ماراح يقصر معاك ان شالله بالتوفيق ياغالي

[Mr.Perazzi]

السعوديه عادي للاسف مع انه فيه قانون عندنا وحقك قانوني تاخذها من المطار لكن حكم القوي على الضعيف التاجر الحكومه
انا الي قاهرني شيبي فينا حبه وحده وهم ناط ورانا فيها

انا ما ابي اقهرك زود .. بس لو تدري كم فرق سعر الشاشه بين الكويت و امازون ...الفرق تقريبا 10,000/00 ريال سعودي (بالكويت 19,071 ريال - امازون 8,249 ريال) ..هذا السبب الي خلا وكيل Samsung يسوي مشكله مع أرامكس.

مشكورين على الرد , عزمت اطلبها و ارسلها لصاحبنا في الرياض .. والله يستر .. و اذا صارت لنا مشاكل راح اكلمك يا "ساهر جده"

[ساهر جده]

بين يدك وترا الاستاذ سعود السعيد متخصص في شراء الشاشات وشحنها بالتوفيق ان شالله وممكن يوصلك هيا لاقرب مدينة للكويت

[qwerty]

ممكن تفاصيل عن الاخ السعيد لو سمحت؟

[ساهر جده]

اتفضل ياغالي هذا رقمه واتفاهم معاه شوف ايش يقولك

0598707542

0598169338

0598030084

[Mr.Perazzi]

هلا اخوي ساهر...

انا كنت ابي اسألك عن سعود السعيد لان احصلتلي مشكله مع الجمارك و مادري اذا يقدر يفيدني ولا لا قبل لا اتصل فيه

الي صار اني طلبت الشاشة عن طريق MyUs.com وشحنوها الي السعودية ( الجبيل ) عن طريق الـ DHL
و ما توقعت ان الـ DHL سيئه الى هذي الدرجه!!.. المهم وصلت الشحنه الى السعوديه بتاريخ 7-AUG والى اليوم ما اخلصت من الجمارك http://track.dhl-usa.com/TrackByNbr....ber=9196603242

و مادري شسوي .. هل تتوقع ان السعيد بفيدنا ابشي؟!

[NATLUS]

ياخي ماادري هل فيه مشكله انك تعرض رقم التتبع تاكد من الاخوان اخاف احد يجي ياخذ رقم التتبع ويقول هذي الشحنه تخصني ..


وهل اتصلت على dhl ? وسألتهم

بغيت اسالك وش نوع الشاشه وحجمها لاني اشوفهم كاتبين الوزن 94 بس علشان اقدر اعرف موقع myus هل شحنو بنفس الوزن او لا

[AVC]

هلا اخوي ساهر...
انا كنت ابي اسألك عن سعود السعيد لان احصلتلي مشكله مع الجمارك و مادري اذا يقدر يفيدني ولا لا قبل لا اتصل فيه
الي صار اني طلبت الشاشة عن طريق MyUs.com وشحنوها الي السعودية ( الجبيل ) عن طريق الـ DHL
و ما توقعت ان الـ DHL سيئه الى هذي الدرجه!!.. المهم وصلت الشحنه الى السعوديه بتاريخ 7-AUG والى اليوم ما اخلصت من الجمارك http://track.dhl-usa.com/TrackByNbr....ber=9196603242
و مادري شسوي .. اتوقع ان السعيد بفيدنا ابشي؟!

السلام عليكم

فيه قرار صدر بمنع دخول الأجهزة 110 فولت , يمكن يكون هذا السبب بس المفروض القرار مايتطبق الى بداية السنه الجديدة و الأحتمال الثاني عدم وجود شهادة مطابقة (مواصفات و مقاييس) .

احد الحلول تراجع بنفسك , اذا الشحنة شخصية مرات الجمارك يتساهل فيها وموفق اخوي.

[Dr.Love]

طيب ليه ما تجرب MYUS

بصراحة شركة مره راقية وفي الاوزان العالية
ارخص من ارامكس بكثير وادخل الموقع واحسب التكلفة وقارن
وبصراحة انا تعاملت معاهم في شاشتين panasonic
والحمد لله وصلت بالسلامة بس باقي عليك تتأكد من وكيل DHL بالكويت
والله يوفقك

تحياتي

[NATLUS]

طيب ليه ما تجرب MYUS

بصراحة شركة مره راقية وفي الاوزان العالية
ارخص من ارامكس بكثير وادخل الموقع واحسب التكلفة وقارن
وبصراحة انا تعاملت معاهم في شاشتين panasonic
والحمد لله وصلت بالسلامة بس باقي عليك تتأكد من وكيل DHL بالكويت
والله يوفقك

تحياتي

الرجل طلب وشحن مع myus

لو قريت الموضوع كامل بتعرف المشكله

[Mr.Perazzi]

ياخي ماادري هل فيه مشكله انك تعرض رقم التتبع تاكد من الاخوان اخاف احد يجي ياخذ رقم التتبع ويقول هذي الشحنه تخصني ..


وهل اتصلت على dhl ? وسألتهم

بغيت اسالك وش نوع الشاشه وحجمها لاني اشوفهم كاتبين الوزن 94 بس علشان اقدر اعرف موقع myus هل شحنو بنفس الوزن او لا

انا قاعد اتصل بالـ DHL من يوم الأربعاء الي فات ... كل مره يقولولي ان الشحنه خالصة من الجمارك واليوم تطلع ..و نفس الكلام اليوم و امس...ولا في شي

بالنسبه للشاشه 55 بوصه ووزنها حوالي 50 باوند ... بس MyUs قالولي اذا تبي التلفزيون ابصندوق خشبي راح انزيد عليك 40 باوند ... علشان جذي الوزن 90 باوند

السلام عليكم

فيه قرار صدر بمنع دخول الأجهزة 110 فولت , يمكن يكون هذا السبب بس المفروض القرار مايتطبق الى بداية السنه الجديدة و الأحتمال الثاني عدم وجود شهادة مطابقة (مواصفات و مقاييس) .

احد الحلول تراجع بنفسك , اذا الشحنة شخصية مرات الجمارك يتساهل فيها وموفق اخوي.

الله لا يقوله ) اش هالحظ!! )
بس انا حاس انه في شي و كل ما اكلم الـ DHL اذا في شي على تأخير الشحنه بالجمارك اذا في اوراق ناقصة اقدر اجيبها لكم...يقولون لا مافي شي بس السبب ان جمارك الجسر فيه زحمه .. بس لو اتشوف الـ Tracking بتشوف فلم هندي (

الله كريم

[ساهر جده]

اهلين اخوي فيك ان شالله توصلك بالسلامة بس ترا عادي مو مشكلة انا شاشتي جلست اسبوعين هناك ممكن فيه اوراق لها ناقصة او شي ماعليك اتوقع امور عادية المشكلة بس ...

[Mr.Perazzi]

الحمدلله ابشركم

اليوم سافرت الجبيل و أستلمت الشاشه بعد طول انتظار

و مشكورين يا جماعه على مساعدتكم

[F H D]

ماشاء الله ,, الف مبروووك يا غالي وصول الشاشة ..
الله يهنيك ويسعدك فيها .. ولا اوصيك .. شاركنا بتقريرك عنها وتجربتك لها لانك راح تفيد الكثيرين اكيد ..

[NATLUS]

مبروك

لاتنسى التقرير