السلام عليكم ورحمه الله وبركآته
الله يسعد مساكم بكل خير
عندي استفسار و ارغب بترشيح اصحاب الخبرهـ
محتار بين
Onkyo-S5600
القيمه الحاليه 2225 فترة خصومات في الدوليه
او
Jamo s608
بقيمة 1610 او جامو 606 بقيمة 1110
و الرسيفر
onkyo TX-SR313
بقيمة 1025
و هل بحتاج سوبوفر - subwoofer -
او رايكم يااخوان ببكج بميزانيه مقاربه للي ذكرته
مساحه الغرفه مو كبير قرابة 4.5*4
الاستخدام افلام
بكج الجامو افضل
بس الرسيفر جداً متواضع حاول يكون TX-NR414 على الاقل
الله يعطيك العافيه هل بحتاج سوبوفر مع بكج الجامو 608 و الفرق بينه و بين 606 هل يستاهل زيادة 500 ريال
و ايش الفرق بعد اذنك؟
و هل رسيفر 525 اعتقد هذا رقمه مناسب؟على حسب موظفين فرع الدوليه انه مناسب لبكج الجامو
الفرق ان 608 اكبر ومواصفاتها اقوى مع زيادة درايفرات وتويتر اكبر
السبووفر تقدر تأجله مؤقتاً اذا الميزانية ماتسمح
الرسيفر اكيد كلما كان اقوى كان افضل .. يعني 525 افضل من 414 و 414 افضل من 313 وهكذا
لو وجدت موديل العام الماضي 515 برضه مواصفاته ممتاز من ناحية زيادة مداخل ومخارج الـ hdmi ويعتبر 7.1 ولكن ينقصه دعم الـ 4k بعكس 525 الجديد والمخصص لـ 5.1 فقط
سالتهم عن الاسعار و النتيجه
موديل 414
1250
موديل 525
1645
موديل 626
1880
هل فيه بكج بنفس الميزانيه و افضل؟
او هذا الخيار الانسب لي على حسب الميزانيه
و بعد اذنك و اتعبتك معي و الف شكر لك
و لكن رايك بخصوص السبووفر او تنصحني بموديل
ممكن ااجله الى شهر 3 لان ميزانيه الدوليه بشهر 4 فتكون فيه تخفيضات اقوى من التخفيضات الحاليه
او اذا يسمح مع ميزانيتي الحين باخذه مع البكج ان شاء الله
يمكن انسب وارخص سبووفر مناسب لتجميعتك هو جامو 360 سعره حول الالف ريال
او ياماها sw315 اتذكره اغلى بفرق بسيط عن سبووفر جامو
اختار الي ترتاح له
مسألة اذا فيه بكج ارخص وافضل ماعتقد .. ممكن تجد بدائل بفرق سعر بسيط والاختيار راجع لك ولارتياحك بعد التجربة
شوف موضوع افضل التجميعات المثبت بقسم الصوتيات يعطيك فكرة عن اشهر التجميعات الرخيصة والمتوفرة
الله يعطيك العافيه اتعبتك معي .. كان مقصدي بنفس الميزانيه و لكن افضل
ماقصرت و باذن الله راح يوم الخميس بشتري جامو 608 + 525 او 626
و فيه بكج من THX كان سعره قرابة 3350 و لكن لا يحضرني اسمه حالياً لك خلفيه عنه؟
المشكله اخي الكريم ... اني شتت نفسي بكثره الخيارات و الميزانيه محدوده نوعاً ما هههههه
الله يعافيك
لاتشتت نفسك وخلك على تجميعة جامو افضل لك .. مبروك مقدماً وان شاء الله تفيدنا بتجربتك وانطباعك مع المسرح
البكجات الجاهزة من اونكيو بسماعات صغيرة مثل الي سالت عنه جيدة للي مايحب يتعمق بتفاصيل الصوت لكن يحتاج رسيفر متطور
لو تقارن سعر البكج الصغير مع سعر تجميعة جامو الي اخترتها راح تلاحظ انهم متقاربين مع ان الفرق بالاداء والاستخدام يعتبر شاسع لصالح الجامو والسماعات الكبيرة بطبيعة الحال ولهذا فالبكج الصغير مايستاهل هالسعر الا لمن يحتاج سماعات صغيرة لاسباب خاصه به
Thx هذه شهادة او رخصه تقدمها شركة مختصة للشركات المنتجة مثل اونكيو وغيرها اذا تجاوزت معايير معينة في التصنيع .. طبعاً الشركتين بينهم بزنس واتفاقيات على اثرها تمنح هالشهادات .. فوجود هذه الشهادة مع منتج معين لا يعني بالضرورة انه دائما هو الافضل من ناحية الاداء من منتج لايحمل هذه الشهادة
باذن الله استقريت على خيار الجامو هو الانسب ، و لا هي شركه اسمها مقارب لـ اسم الشهاده
باذن الله بجيب نوع الموديل للفائدهـ لا اكثر
اكرر شكري لك و الله يعطيك الصحه و العافيه ... شكراً
اقتباس