اش رأيكم في مواصفات مسرح بايونير .. يوجد رابط للموديل

[jabnet]

السلام عليكم ورحمة الله وبركاته

حيران بين المسارح
وصار الفكر سارح
وراح وقتي البارح
وأنا أدور مسارح
وجيت للموضوع طارح
من يساعدني بإختيار مسرح
وعسانى بالإختيار أفرح
وأشتري واستمتع وأمرح

هههههههههه


والله العظيم إني أفرح إذا قدرت أرسم البسمة على وجه إنسان وأصبحنا في زمن قلت فيه البسمة ومن لم يستطع أن يساعدني فعساه يخرج مبتسم

على العموم يا شباب أنا ساكن في مدينة إذا عطست فيها كلهم يقولون يرحمك الله . لكن فيها محلات لا باس فيها ودورت على مسارح منزلية وحصلت أنواع متعددة من سوني وسامسونج وباناسونيك وغيرها لكني ما ارتحت لها أحسها ديكورية أكثر وقلت لواحد من البايعين : هذا مسرح أو دولاب ؟ ههههه .. وبحثت في اكسترا لقيت كل مسارحه من نفس النوعيات تحس بعضها كأنه ديكورات الجبس اللي تعلق في أسقف الغرف اللي يسمونها المستعار أو السجاد

المهم إني حصلت واحد فقط بيع مسارح بايونير وحصلت عنده أنواع وأعجبني واحد منها وهو

HTP-072

وهذا رابطه في موقع بايونير

http://www.pioneerelectronics.com/PU...ystems/HTP-072


وهذا رابط المواصفات حقته
http://www.pioneerelectronics.com/ep...le%20Sheet.pdf

وأنا سمعت بمسارح ياماها وانكيو مثل 6200 و 5400 وغيرها من الموديلات


المطلووووووووب

اش رأيكم في مسرح بايونير وهل مواصفاته وجودته مثل اونكيو 5400 و 6200 لأن أقرب فرع للدولية يبعد عني حوالي 650 كيلو وصعب علي أروح له .. عشان كذا قلت إذا مسرح بايونير مواصفاته قوية وحلوة وشبيه الاونكيو أتوكل على الله واشتريه ... شاكرين لكم إخواني الكرام
وأسأل الله جل في علاه أن يسهل أموركم ويسعدكم في الدنيا والآخرة

[F H D]

صح لسانك يأ أخ العرب

الافضل تاخذ بكجات اونكيو الي فيها اوديسي ومواصفات أكثر وأحدث ولأن مواصفات السماعات راح تكون افضل
يعني على الاقل اونكيو 4500 .. سعره اقل من الفين وقت التخفيضات
وكل ما طلعت للموديلات الاعلى كان افضل لك .. مثل اونكيو 5400 الي ذكرته لان سماعاته راح تكون أحسن وأكبر من الموديل الي اقل منه

كم سعر مسرح بايونير الي عجبك ؟
تقريباً يقارن بمواصفات اقل موديل من بكجات اونكيو 3500 الى مافيه اوديسي ومواصفاته بسيطة .. اعتقد كان سعره حول 1500 ريال ويمكن اقل وقت التخفيضات

الدولية عادي تكلمهم يشحنوا لك الي تبي بالفيدكس او ارامكس

[jabnet]

صح بدنك يا أخي الكريم

البايونير حصلته بسعر ١٥٤٥ ريال ...

طيب هل فيه رقم للدولية أتواصل معهم واختار الموديل وأحاسبهم ويشحنونه لي ؟

وبرأيك عزيزي اش أفضل مسرح عندهم سعره ما يتعدى ٢٠٠٠ ريال ويفضل بكج جاهز ؟ لأني مو من هواة المسارح وما قد شريت مسرح منزلي من قبل ؟

وفقكم الله

[Grim]

هلابك يا الغالي منور في الابيات الي طرحتها

بخصوص الارقام تواصل مع الاستعلامات وهم بيفيدونك برقم لانه يمنع وضع ارقام الوكلاء ونشرها

اما بخصوص الشحن فلديهم هذه الخدمه تحولهم ويرسلونه لك الى بيتك

ولكن الافضل انك تسمع المسرح الي انت مقبل عليه قبل شرائه

باتوفيق.....